ايه اللي شوفته ده

اتكلمت بعصبية

_اسكت أنت، تعرف تسكت خالص، البيه يا بابا بيخو.ني مع واحدة، قفشت الفون بتاعه و ما بينهم غرميات و مكالمات بالساعات و صور، ربنا كشفه قدامي لما نسى الفون بتاعة ودخل ياخد شور، فاكرني معفلة و مش هعرف افتح الفون، بس ربنا حب يكشفه و الهانم رنت عليه .. لا و بيبجح ويقولي أنا السبب، و مامته تقولي أي يعني كل الرجالة كدا، كنت حابه اعرف هل الرجالة كدا، أصل أنا خارجة من بيت محترم

_ بتخون أختي أنا! أنت كنت طايل ضفر منها اصلا عشان تتنمرد؟!

_ يا جماعة اهدوا صدقوني الحوار مش زي ما انتوا فاكرين، دي … دي غلطة مين مبغلطش؟

_ الراجل المحترم إللي بيحب مراته و محافظ على بيته مبيغلطش الغلطة المقرفة دي

_ يا عمي أرجوك ارجوك بلاش تقويها عليا، دي غلطة و ندمان عليها، البنت دي لا تعنيني في شئ

_ اقويها عليك! أنت لسه شوفت حاجة، دي بنتي دي تاج راسك، دي هي إللي كبرت منك، دي أنا اخدها من عينك، الراجل اللي يخون مراته مرة ينزل من النظر و ميبقاش راجل، و أنا مش هأمن على بنتي مع واحد زيك لا أتقى ربنا ولا عمل حساب لحد

_ أنا مش عايزة أفضل على زمته يا بابا أنا عايزة أطلق منه

_ مريم مريم متكبريش الموضوع من فضلك، أنا عارف إنك زعلانة أنا آسف، بس .. أنا حقيقي مخنـ.تكيش أنا ملمستهاش

_ أنت مصدق نفسك و مصدق إللي بتقوله! أنت إزاي مقرف كدا! ياربي ازاي ماكنتش شايفة حقيقتك، أسمع ورقة طلاقي تيجي لحد عندي بكل حقوقي بالذوق، بدل ما فضايحك هتكون في كل مكان

_ يا مريم … استني يا مريم

أخويا مسكه من هدومه و بعده عني و أنا روحت لميت هدومي و الفلوس إللي كانت في البيت و دهبي، و كل حاجة غالية، و قفلت باب أوضة النوم بالمفتاح، و كل باب في البيت قفلته بالمفتاح

أخويا قال له

_ أسمع هي قالت الكلمتين و حشتني إن اسفلـ.ت وشك، يا هتخرج بالمعروف، يا هخرج رو.حك بمعرفتي تمام؟! يلا يا مريم

_ مريم .. اسمعيني يا مريم عشان خاطري

_ أبعد ايدك النجـ.سة دي عني، و أنا أقول البيت مفهوش بركة و روحه وحشه لي، من قرفك، يخس على الرجالة و البيت إللي طالعه منه، الحمد لله إن ربنا كشفك ليا ماكنش هستحمل إنك تبقى أبو عيال، ورقتي وحاجتي و حقوقي يكونوا عندي احسن لك ..