وصلت ٢

عند أمينه
الباب خبط قامت تفتح لقت قمر في وشها
أمينه باستغراب : أهلا حبيبتي اتفضلي
قمر : تسلمي يا خاله
أمينه بقلق : خير يا حبيبتي جايه في وقت متأخر كده ليه في حاجة ماما كويسه
وبابا كويس
قمر : أيوه يا خاله هما الحمد لله كويسين
إنا كنت عايزه الأستاذ مازن
إمينه : ليه يا حبيبتي
قمر : كنت عايزه أخد عنده درس في الماده اللي زكرها ليا
ونجحت فيها
بصراحة مفهمتش الماده دي غير من الاستاذ مازن
أمينه : لما ذكرلك كان في أجازته دلوقتي هو في كليته مش فاضي حبيبتي
قمر : علشان خاطري يا خاله دي هي ساعه وحده بس في اليوم
عايزه أطلع السنه دي بمجموع كبير السنه دي ٣ إعدادي ونفسي أجيب مجموع وادخل ثانوي عام
أمينه حن قلبها عليها وقالت : طيب يا بنتي لما يجي أقوله
قمر : ليه هو مش جوه
أمينه : لا خرج
قمر : طيب خلاص إنا هاخد رقمه من بابا واتصل بيه
أمينه بقله حيله : براحتك يا بنتي
نزلت من عندهم روحت بيتها أخدت الرقم من أبوها وفعلا اتصلت بمازن
مازن كانت عشق سألته بتقوله موضوع إيه ده بالظبط اللي محتاج قبول ورضي
وقطعهم إتصل قمر
مازن ل قمر خمسه هشوف مين
عشق هزت رأسها بمعني ماشي شوف مين
مازن : الوووو
قمر : إنا يا ستاذ مازن
مازن : أيوه يا قمر
عشق هنا نفخت بضيق وهمست لنفسها / مش هنخلص بقي
قمر : بخصوص ماده الرياضه كنت عايزه حضرتك تديني فيها درس
مازن : بس يا قمر إنا مش هبقي فاضي للكلام ده
قمر بترجي : علشان خطري يا أستاذ مازن دي كلها ساعه وحده بس بلاش كل يوم
حتي خليها خميس وجمعه أخر الأسبوع وبتبقي حضرتك فاضي فيهم
مازن بقله حيله / ماشي يا قمر لما أشوف
قمر بفرحه كبيره/ شكرا يا أستاذ مازن ربنا يخليك لينا
خلصت المكالمه بيبص علي عشق لقاها شايطه
مازن : مالك
عشق بضيق : ماليش هيكون مالي يعني
مازن : بس شكلك ميقولش كده إحنا كنا كويسين من شويه مره وحده لقيتك قلبتي وشك عليه في إيه مضيقك
عشق : قمر
مازن : مالها
عشق : مش مرتحالها
مازن : ليه بس
عشق : حسها عينها منك
مازن بصدمه وضحك : هههههههه عينها مني ههههههههه دي طفله
عشق : بطل ضحك لو سمحت ومتستهونش بكلامي
مازن : يسلملي الغيور اللي بيغير من طفله
عشق / مش غيره يا مازن إنا عارفه النظره دي كويس اللي بتبصلك بيها قمر
مازن : متكبرش الموضوع مافيش حاجة من اللي في رأسك دي
عشق : ماشي يا مازن بكره تقول عشق قالت
هبقي افكرك
خلينا في موضوعنا إيه هو الموضوع اللي محتاج مني قبول ورضي
**************************
عند عبد المجيد
توحيدة قاعده حزينه علي غياب أبنها نفسها تشوفه مشتاقه ليه أول مره يبعد عنها كده
هو متغربش في دراسته كان متفوق فيها والجيش جاله أعفى منه
جت عليها الخدامه جيبلها القهوه بتاعتها لقتها بالحالة دي عايزه تهون عليها
بود قالت : مالك بس يا ستي مش المهندس محمود بيتصل بيكي ليه كل الحزن ده
توحيده بحزن : أيوه بيتصل بس إنا نفسي أشوفه
عبد المجيد : طيب واللي يخليكي تشوفيه
بيقول كده وهو داخل عليها من مدخل القصر وفي أيده أبنه محمود
توحيده بفرحه ولهفه كبيره عليه : أبني….حبيبي الغالي
بتقول كده وهي بتجري عليه تاخده في حضنها بحب وحنان أم غايب عنها أبنها
عبد المجيد : بكفياكي عاد ده ماكنش شهر
أمال لو غاب سنه
توحيدة : سيبني يا عبد المجيد أشبع منيه
عبد المجيد : هتشبعي منيه ومش منيه وبس منيه ومن مراته ومن عياله إن شاء الله
توحيده بتبص لمحمو باستغراب مش مصدقه كلام عبد المجيد
محمود : أيوه يا ماما صدقي أنا وافقت اتجوز عاليا
******
الفصل ١٥
عشق بقلق : ليك ساعة بتلف في الشوارع ومش عارفة أنت بدور علي إيه ورايح فين ممكن تقولي علشان أنا خلاص أبتديت أقلق
مازن بأستغراب : طيب إيه اللي قلقك بطريقه دي إنتي مش بتثقي فيه يا عشق
عشق : أكيد طبعا إيه اللي بتقوله ده ،،،،بس
أنت بتقول الموضوع عايز رضايا وموافقتي
يبقي أقلق ولا ماقلقش
إيه باقي الموضوع اللي محتاج رضايا وموافقتي
مازن ببرود : هتعرفي دلوقتي أصبري قربنا نوصل
عشق بتنهيده : أديني صبره لما أشوف آخرتها معاك
مازن : هههههه آخرتها شهد أن شآء الله
بعد وقت ليس بقصير مازن : انزلي وصلنا
عشق بدهشه : انزل فين !!! ده اتليه محجبات هنعمل إيه هنا
مازن وهو ماسك أيدها وعيونه حضنها بحنان قال : هو ده الموضوع اللي عايز رضاكي يا عشق
إنا نفسي تلبسي الحجاب
عشق بصدمه وفرحه في نفس الوقت : إيه اتحجب بصراحة ما فكرتش في الموضوع ده قبل كده
مازن : بس أنا فكرت فيه ،،،، بقالي شهر بفكر إنتي لازم تغطي شعرك يا عشق
أنا كنت بموت والزفت طارق ده بيتغزل فيكي
إنتي بتقوليلي إزاي يا مازن قدرت تبعد عني شهر بحاله ،،،،،، وأنا طول الشهر ده في ن,ار
مش قادر انسي إن راجل غيري اتغزل فيكي وفي جمالك وفي شعرك درس, كل تفصيلك
ليه شهر بموت من غيرتي, عليكي ومش قادر, أعمل حاجة غير أقسي ع,ليكي وعليه في نفس الوقت
عشق بصتله بستغراب
مازن كمل كلامه وقال : أيوه بقسي علي نفسي قبلك يا عشق تفتكري كان سهل عليا ابعد عنك
تبقي قدامي ومقدرش أكلمك،،،،، صعب عليه أوي فوق متتصوري
عشق : بس عملت …. وعملت كتير اوي كمان أنت ما خلتش فيه حته سليمه كان هيموت في إيدك
مازن : أيوه حصل ،،، بس بعد إيه
بعد ما إتجرء واتغزل فيكي قدامي
عشق بدموع : إنا أسفه يا حبيبي قد كده بتتوجع وأنا السبب
مازن : وحياتي بلاش دموعك إدي نا مش بستحمل أشوفها دموعك غاليه عليه أوي
عشق وهي بتمسح دموعها : خلاص يا حبيبي من الساعه دي مافيش دموع مافيش زعل
مافيش غير مازن وعشق وبس
مازن : حبيبتي ربنا ما يجيبش زعل يارب ويخليكي ليه يا عشقي إنا
ها ما قولتيش يعني موافقه تلبسي الحجاب
عشق بحيره : طبعا موافقه….. بس مش عارفه هبقي حلوه فيه ولا لا
مازن : أكيد طبعا هتبقي حلوه
بس أنا مش ملبسهولك علشان تبقي حلوه
أنا ملبسهولك
أولا : علشان دينا أمرنا بالحجاب
ثانيا : علشان محدش يبصلك ولا يشوف شعره منك
وكمل كلامه بعشق صادق وقال :-
كل حاجة فيكي ملكي إنا يا عشق مش مسموح لأي حد حتي النظر ليكي
إنتي بتاعتي أنا وبس وأنا في عشقي غيور متملك قبلاني علي كده ولا عندك إعتراض
عشق وهي طايره من الفرحه بكلامه هزت رسها وهمست : تو تو
معنديش أي إعتراض بالعكس حابه غيرتك عصبيتك … غضبك… تمالكك … جنونك زعلك …. خصامك … حنيتك عليا
كل حاجة فيك حباها
مازن : طب يلا بقي أخترلك كام طقم ينفع للمحجبات
عشق بهزار : حتي لبسي هتختاره أنت يا مازن
مازن : هاااا عندك إعتراض
عشق بضحك : ههههههه لا طبعا يلا بينا
وكمان إنا حابه أشوف زوقك في لبس الحريم
دخلوا هما الإتنين البنت اللي مسؤله عن البيع
أول مشافتهم راحت عندهم وهي بتقول :-
اتفضلو … أي خدمه ممكن أقدمها لحضرتك
قالت كده لمازن وتجاهلت عشق
عشق بغيظ : علي فكره إنا اللي عايزه مش هو
وبعدين ده بوتيك حريمي هيعوز إيه هو منه
مازن بيحاول يكتم ضحكه طالعه من علي منظر عشق وهو شايفها غيرانه عليه
البنت : تمام يا فندم حضرتك طلباتك إيه
عشق : ممممم شوفلي كام طقم كده وأنا أختار منهم
مازن بأعتراض : إنا اللي هختار إنتي نسيتي ولا إيه
البنت : يبقي تعالي أطلع معايا فوق في تشكيله لسه نازله في منتهى الروعة
عشق بتنهيده ضيق : صبرني يارب …. يا بنتي هيطلع ليه هو معاكي
مازن بنافذ صبر : خلاص يا عشق نطلع إحنا الإتنين
عشق : إن كان كده ماشي اتفضلي يا أنسه
البنت طالعه قدامهم بس طبعا ده مضايق عشق الجيبه بتاعت البنت ضديقه جدا وقصيره جدا جدا جدا
هي بصت علي مازن ،،،،حرام لقته مش واخد باله خالص بس برضوا متغازه منها
مادت ايدها حطيتها علي عينه
مازن باستغراب : إيه ده يا مجنونه مش شايف
حوشي إيدك دي هقع
عشق بغيظ : توقع أحسن بدل ميتحرق دمي والمايصه دي ماشيه تترقص قدامك
مازن : ههههههه يا بنتي حرام عليكي ما البنت
ماشه كويس أهوه
عشق بغيظ : لا والله تحب أمشي كويس زيها
بتقول كده وهي بتشاور علي رجليها اللي ظهره ليه كلها بسخاء
مازن : اه طبعا أحب وأحب أوي كمان ومنايا
بس تمشي كده ليا وحدي ،،،، بره أوضته النوم اكسرلك رقبتك
عشق : طيب يلا يا خفيف عارف لو لمحت عينك جت عليها بس متلومش غير نفسك
مش مسؤله علي اللي هعمله فيك
مازن : هههههههه لا وعلي إيه الطيب أحسن
البنت جابت كام طقم ومازن أختار لعشق ٢ بس علي قد فلوسه
لبستهم عشق وطلعت بيهم كانت إيه في الجمال الحجاب زدها جمال علي جمالها
مازن بغيظ : هو مين صاحب فكره الحجاب
عشق : أعتقد أنت ،،،، إيه مش عجبك طالعه مش حلوه
مازن بيهمس لنفسه : مش حلوه إيه بس
دانا كده همشي اتلفت حولين نفسي يارب صبرني
مازن ل عشق : لا مشاء الله عليكي جميله اوى
عشق بفرحه : يعني عجبك
مازن : طبعا عاجبني…. القالب غالب
إنا رايح احاسب علبال متغيري
عشق : إنا هاخد الإتنين
مازن : اه عارف أنهم شويه بس علي كد الفلوس اللي معايا
عشق : أنا معايا وبعدين أنا بسأل علشان كنت مفكره هاخد واحد بس
مازن : لا خدي الإتنين وفلوسك خليهم معاكي
دول هديه
عشق بحب : أجمل هديه دي ولا إيه
حاسب مازن علي الحجات وخدها وهو ماشي في طريقه للبيت
عشق : إيه ده يا مازن أنت مش قولت هنروح نقعد في مكان هادي مع بعض علشان تلبسني الخاتم
مازن : الوقت أتأخر وبعدين في دبله مع الخاتم
نعمل حفله صغيره وماما سلوي وماما أمينه يبقي موجودين معانا
عشق بتفكير : تفتكر ماما أمينه هتوافق
مازن : أنا هقنعها سبيها عليه
عشق : ربنا يستر
**********************
عند محمود قاعد في أوضته باين عليه الحزن
دخلت عليه توحيده هي من ساعة ماشافت أبنها وهي عارفه من ملامح وشه أنه مش مبسوط ومغصوب علي الجوازة دي فحبت تهون عليه حزنه
توحيد / مالك بس يا أبني شايفك مش فرحان بجوازك من عاليا
محمود : أكيد طبعا مش فرحان أنا مضطر لكده جوزك قفل في وشي كل الأبواب
حتي القرض اللي مقدم عليه وكانوا موافقين مره وحده كده اترفض من غير سبب
حتي الشريك اللي كان داخل معايا سحب كلمته
أبويا اشتراهم بفلوسه كل ده علشان أوفق اتجوز عاليا
لقيت نفسي رايح لعنده بقوله موافق علي جوازي من عاليا
توحيده / مالك بتقولها كده كأنها هم تقيل عليك
محمود / هي فعلا هم إنا مش عايز غير عشق
توحيده / وهي هتروح فين يعني ماهي ليك برضوه
أبوك بدام قال كلمه بينفذها
محمود / اللي عايزه ربنا يكون
*************************
عند بيت الحج منصور أبو عاليا
عبد المجيد : ها يا حج منصور قولت إيه
الحج منصور بسعاده : والله لو كان علي أنا موافق وأنا هلاقي زي الباشمهندس محمود لبنتي
ده أهل البلد كلاتها بتشكر في أخلاقه وأدبه
محمود : الله يخليك يا حج
كلامك ده تاج علي رأسي
عبد المجيد : طيب فين المشكله
إنا راضي وأبوها راضي يبقي فاضل إيه تاني
الحج منصور : فاضل أهم حاجة،،، صحبة الشأن نفسه
مش لازم ناخد رأيها
عبد المجيد بحده : هو من ميته (أمتي) بناخد رأي الحريم
الحج منصور : الزمن اتغير يا عبد المجيد
وبعدين عاليا حريم !! دي الدكتوراه عاليا
مفكرها كيف البنته الجاهله أيك لاه دي دكتوره قد الدنيا
وأنا بنفسي ببنيلها مستشفي مخصوص ليها واحدها
دي هي اللي فضلالي بعد أخوها الشهيد حسن
الله يرحمه
كل القاعدين / الله يرحمه
عبد المجيد بغضب : بس خلي في بالك دكتوراه مدرسه وزيره حتي إحنا معندناش حريم بتشتغل
الحج منصور : برضوا هي اللي تقرر ده
مش أنا
لو حابه تشتغل مستحيل حد يقدر يوقف في طريقها
عبد المجيد بعصبية : يعني إيه الكلام ده
الحج منصور : يعني الموضوع كله في أيد عاليا نفسها
إديني أسبوع وأنا أرد عليك
محمود بلهفه علشان محتاج للفلوس اللي أبوه هايديهاله قصاد جوازه من عشق علشان يشتري بيها الأرض اللي هايصمم عليها أكبر منتجع سياحي في الساحل الشمالى
محمود بلهفه : ليه أسبوع يا عم الحج منصور
هي أنسه عاليا مش هنا دلوقتي
الحج منصور بدهشة : أيوه هنا هتروح فين
محمود بعماليه : طيب تسمحلي حضرتك أقعد معها لوحدنا نصف ساعه بس
بصراحة كده إنا مستعجل علشان مسافر
بعد الجواز علي طول وعايز أعرف رأيها فيا إيه
أعتقد أن إحنا نضجين كفاية ونقدر نتفاهم
ونحدد إحنا عايزين إيه
الحج منصور : ماشي يا ولدي
استني اندهها بعتلها الغفير لكي تحضر تلبي طلب محمود
بعد وقت دخلت عاليا بكل ثقه وشموخ أنثى
وكبرياء
الحج منصور : اتفضلي يا دكتورة عاليا
الباش مهندس محمود طالب إيدك
وطالب يقعد معاكي عايز يعرف رأيك علي طلبه أيه
محمود بصدمه إيه الجمال ده كله ده كلام الناس مطلعش أي كلام دي فعلا ايه في الجمال
عليا بعماليه : موافقه
محمود بلهفه : موافقه عليا ولا موافقه تقعدي معايا نتفق
عاليا : لا طبعا موافقه نقعد أشوف حضرتك عايز إيه
محمود بسعاده : طيب تمام اتفضلي
طلعوا قعدو في جنينه اللي قدام بيتها
عليا فجأته بسؤلها : إشمعنى أنا
محمود بصدمه : نعممممم
عليا : اتفاجأت مش كده
محمود : لا بس سؤال غريب يعني إيه اشمعني إنتي
عاليا بحزن : علشان أنا عارفه كويس قلبك مع مين ؟
الفصل (١٦)(١٧)
عليا فجأته بسؤلها : إشمعنى أنا
محمود بصدمه : نعم !!!!!!!!
عليا : إيه اتفاجأت مش كده
محمود : لا بس سؤال غريب يعني إيه اشمعني إنتي دي
عليا بحزن : علشان أنا عارفه كويس قلبك مع مين ؟
محمود باستغراب : مع مين ؟!!!
عليا بثبات : عشق
محمود أرتبك جامد ووشه عرق وبتداء بيمسح عرقه في المنديل وهو بيقول : وأنتي عرفتي منين حاجة زي كده
عليا بكبرياء : إحنا مش في عرفت منين ،،،،،، إحنا دلوقتي جاي ليه حضرتك تطلب أيدي طالما قلبك مع حد تاني
وكملت كلامها بوجع / عمتا أنا موافقه أتجوزك
محمود صدمه ورا صدمه إيه البنادمه الغريبه دي إزاي عرفت أني بحب عشق وفي نفس الوقت أزاي موافقه
وهي عرفت منين أصلا حبي لعشق
كذا حاجة محتاجه توضيح منها أولا قبل كل شىء
محمود : إنا طبعا يسعدني موافقتك ومرحب بيها جدا
بس اللي عايز أعرفه حبي لعشق (حبي لعشق عرفتي بيه ازاي ) ده اللي كان هيقوله محمود وهي فهمته وحدها
قطعته عليا بصرامه في الكلام حابه تحافظ علي اللي باقي من كرامتها
لو سمحت أنت طلبت أيدي وأنا وافقت
وسيب كل حاجة لوقتها
محمود بقلق : طيب والشغل والمستشفي اللي أبوكي بيبنيها ليكي هتقدري هتسبيها
أظن سمعتي أبويا الحج بيقول إيه معندناش حريم بتشتغل
عليا بثبات / موافقه
محمود بصدمه : موافقه ؟!!!!!!!!
عليا بتأكيد / أيوه
محمود بحيره / تسمحيلي أعرف سبب موافقتك عليا وعلي شروط أبويا
عليا بكبرياء / عايزني أقولك شىء أنت نفسك
مقولتوش ليه
لما سألتك اشمعني أنا
متشغلش بالك أهم حاجة في الموضوع أني موافقه
محمود بحيره من أمرها بيقول لنفسه أكيد وراها سر
وأكيد هعرفه أهم حاجة دلوقت أنها وافقت
علشان ألحق اشتري حتت الأرض
محمود : طيب يا أنسه عليا بدال موافقه ياريت نستعجل علشان إنا
عليا بثبات : عايز تشتري حتت الأرض
مش كده
محمود وصل لقمه نرفزته وغضبه وقال : حتي دي عرفاها
إيه مشغله جواسيس عليا
عليا بسخريه : ليه يعني الرجل المهم حضرتك
كل الحكايه إن الخدامه اللي عندكم أخت الخدامه اللي هنا
محمود بنفس لهجتها الساخره : والخدامه برضوا هي اللي قالتلك علي حبي لعشق
عليا بغضب : لو سمحت
محمود بأسف حقيقي : إنا أسف إنا بجد إسف
بس أصل اتصدمت لما عرفت أنك عارفه
أصلا بصراحة محدش يعرف الموضوع ده
خالص حتي إمي وأبويا عارفين قريب جدا
ولا الخدامه بتاعتك دي مروفع عنها الحجاب
عليا بضيق / موضوع الأرض عرفته من الخدامه
إما موضوع ومقدرتش تنطق بحرف من اللي المفروض يتقال ( موضوع حبك لعشق عرفته لوحدي )
وكملت كلامها بعد ما سكتت عند موضوع وبترد الباقي وقالت : عرفته وحدي
وما تسألش عرفتي منين دلوقتي معنديش إجابه
محمود : طيب ماشي تمام
يعني أطلع أقول لأبوكي إنك موافقه
عليا اكتفت بهز رأسها بخيبه أمل
*******************************
عند بيت سلوي ام عشق
سلوي قاعده والباب خبط
سلوي / مي يا مي تعالي شوفي مين
مي / شوفي إنتي يا ماما علشان أنا واقفه علي القهوة لا تفور مني
سلوي قامت تفتح الباب وتفأجإت بمنظر عشق الجديد في الحجاب
سلوي بفرحه كبيره / مشاء الله آلله أكبر
الحمد لله حبيبتي إنك أخدتي الخطوه دي لوحدك
عشق بابتسامة وهي عينه في عيون مازن : إنا مقدرش أخطي أي خطوه لوحدي يا ماما
اتخطتها إنا ومازن ومعاه هو صاحب فكره الحجاب
سلوى بود / تسلم أفكارك يا حبيبي يا زين مافكرت
أدخلي حبيبتي تعالي يا مازن يا ابني مي بتعمل قهوه اشربها معانا وانزل
مازن بترحاب : ماشي أنا كده كده كنت عايز حضرتك في موضوع
دخلوا وقفلت سلوي الباب قعدوا في الصالون
مي جابت القهو وهي بتقول بصدمه : واوووووو تحفه يا بنتي الايه في الحجاب بس قوليلي الحجاب فكره مين فيكم وبصت علي مازن وبخبث قالت : أكيد فكرتك يا إبيه مازن
مازن بضحك: هههههه مين قالك
مي : هههههههه العصفورة ودي محتاجة حد يقولي
سلوي : بس يا مي ،،،خير يا مازن موضوع إيه اللي عايزني فيه
مازن بارتباك / إنا عايز ارتبطي بعشق يكون راسمي وتلبس دبلتي في أيدها
سلوي : تاني يا مازن إحنا قولنا إيه
مش قولنا بعد أربع سنين لما تخلصو دراستكم
مازن بأعتراض : لا مهو أنا مش كل يوم دمي يتحرق والشباب بتعاكس بنتك في الجامعه
لازم الكل يعرف أنها خطيبتي بتاعتي
مي بتصفر : واوووو مش قولتلك أنك أنت صاحب فكره الحجاب وبضحك وهزار قالت
عندي ليك حل للموضوع ده يا أبيه مازن غير الخطوبه
إيه رأيك تنقبها بكده محدش هيعكسها
أمينه بنرفزه : مش وقتك خالص يا مي روحي شوفي هتعملي إيه واعمليه
مي بتزمر : إديني ماشيه متزقيش
أمينه / يا أبني مقدرش دلوقتي أعلن للناس خطبتكم وافتح جبها مع عبد المجيد إنا نفسي مش قدها لو عرف بخطبتكم
مازن بتحدي : بس أنا قدها ومايهمنيش لو عرف
عشق بعصبية : وهو خالي هيعرف منين أني اتخطبت هو في بلد وأنا في بلد تانيه
أمينه / يا أبني أنا خايفه
عشق : خلاص يا ماما نعمل الخطوبه بنا أنا وأنتي وأختي مي وماما أمنيه منقولش لحد
إيه رأيك
مازن : أنا موافق المهم تلبسي دبل, تي في إيدك
أمينه بحيره / إنا مش عارفه أقول إيه
شوف أمينة واللي تقول عليه إنا موافقه
مازن خد عشق وراح عند أمينه وزي معرف يقنع سلوي أقنع أمينه وافقت بشرط تكون الخطوبه بنهم محدش يعرف بيها من أهل الحته
تاني يوم … يوم خطوبه عشق ومازن
لبست فستان روز وطرحه لايقه عليه وكانت في منتهى الجمال
ومازن كمان لبس لبس كاجول بس كان وسيم فيه لابعد حد
مازن بهمس ميل عليها وهي قاعده جنبها / مغيره لون عنيكي ليه
عشق : خدت بالك
مازن : إنتي عبيطه ولا إيه إنا حافظ كل تفصيله في وشك ومش وشك بس كلك علي بعضك
عشق / لدرجة دي
مازن / وأكتر بكتير إنتي لسه بتسألي إنتي عشقي يا عشق
عشق بهايم : بحبك يا مازن بحبك أوي
ومبسوطة بكلامك ده جدا
مازن مسك أيدها باسها وهو بيقول : ديما يارب مبسوطه ،،،،،،، بس مقولتيش ليه العدسات علي فكره عيونك أحلا ميت مره منهم
عشق / يعني مش حلوه في العدسات ؟؟
مازن / أنا مقولتش كده بس بصراحة مخابين عيونك عني
عشق : أهم قدامك
مازن : تو تو تو إنا عايز عيون عشقي مش العدسات دي أوعي تخبي عيونك عني تاني أبدا
عشق بترجي / معلش حبيبي سيبهم النهارده بس علشان خطري
مازن / أوعديني متغيرش لون عيونك لأي سبب من الأسباب
عشق : أوعدك
مازن / ولا تقصي شعرك لاي سبب
عشق بابتسامة هاديه / حاضر أوعدك
أمنيه بفرحه / مبروك يا حبيبي عقبال اليله الكبيره
ودي هديتي يا عشق بتقول كده وهي بتديها علبه قطيفه فيها سلسله دهب
خد يا مازن لبسهلها مع الدبله والخاتم
مازن خدها من أيدها ولبسها لعشق وهو بيقول / إنتي شكلك غاليه أوي علي ماما السلسله دي جدتي عطتها لماما وماما دلوقتي بتديهالك
عشق وهي باصه في عيونه : وأنا هديها لبنتي أن شآء آلله يا مازن
مازن / ريماس مش كده
عشق / إنت لسه فاكر الإسم
مازن / مستحيل أنسي أي حاجة تقوليها
لبسها الدبله والخاتم وقعدو وقت جميل جدا مع بعض بين هزار مي وضحك عشق وكلام مازن
والكل قاعد مبسوط بخطبتهم لبعض
🍹🍹🍹🍹🍹🍹🍹🍹🍹🍹🍹🍹