وصلت ٢

عند بيت سلوي
سلوي : عشق يا عشق انتي يا عشق قومي بقي يا جبيبتي
الساعه بيقت ٩ هننزل أمتي ونشتري اللي إنتي عايزه أمتي ….. يا بنتي إنتي ناسيه إن إحنا ستات معناش راجل
والمنطقه اللي قاعدين فيها منطقه شعبيه وكلامها كتير
عشق بنوم وهي بتتتاوب : هي الساعه كام يا ماما
سلوي : يووووووه يا عشق بقول ٩
علبال متلبسي هدومك وننزل ونلف في الأسواق يكون جه نص اليل
يلاااا قومي بقي
عشق وهي بترمي الغطاء من عليها : حاضر يا ماما خمس دقائق بس
سلوي : قولتي ل مازن علي المشوار ده
عشق بحزن : لا
سلوي : طيب قوليله
عشق : لا مش هقوله أنا أصلا مش فارقه معاه
بقاله شهر مخاصمني
ومش بيكلمني
سلوي : قولتك إنتي غلطانه دايما بتتصرفي
زي الأطفال مش عايزه تكبري أبدا
وبعدين ده ملوش دعوه بده اتصلي قوليله
عشق واقفه ……. ساكته
سلوي يلاااا اتصلي ياما مافيش خروج ولا هجيبلك البس اللي إنتي عايزه
عشق بضيق : حاضر
مسكت تليفونها بتكلم مازن
سلوي : طيب انا طلعه رايحه البس تكوني كلمتيه ولبستي سابتها وخرجت علشان تعرف تكلمه علي راحتها
نفسها بنتها ترجع تضحك من تاني في البيت
هي أدخلت بنهم وحولت تصالحهم علي بعض
بس موقف مازن حازم للغاية قالها كده بالحرف / ماما سلوي مشاكلنا هنحلها مع بعض مش هندخل حد بنا
اتكلمت مع بنتها نفس العناد قالتلها بالحرف / إعتذرت مره يا ماما وهو مش قابل اعتذاري
مش هعتذر تاني
فافضلت الصمت سيباهم يحلو مشاكلهم مع بعض
مازن بشتياق لسمع صوتها هي كل يوم معاه أيوه في الجامعه وبيوصلها بس متجنبها خلاص حتي النظر ليها بيسرقه سرقه منها من غير متاخد بالها من تحت ل تحت
مشتاق ليها إشتاقه ليها فاق الوصف كل ميحن قلبه عليها يفتكر إن بسبب تهورها راجل غيره اتغزل فيها وفي جمالها قدامه بيرجع تاني يقسي قلبه عليها
مازن : أيوه يا عشق
عشق : كنت عايزه أقولك أني طلعه مع ماما
مازن : بس الوقت متأخر
عشق : يعني إيه
مازن : يعني مافيش طلوع
عشق بضيق : بس أنا عايزه أخرج علشان عايزه أجيب شويه حاجات محتاجاها
مازن بعصبية : قولت لا يعني لا مافيش خروج
عشق بغضب : طيب هخرج بقي وأنت لسه ملكش حكم عليا
حتي دبله مش في ايديا أنا حره علي فكره
بس ماما هي اللي أصرت أقولك
مازن بهمس خطير : يعني إنتي كونتي ناويه تخرجي من غير أزني
عشق : واخد ليه أزنك أصلا إنا هخرج وأعلي ما في خيالك اركبه
مازن بعصبية شديده : طيب ماشي لو شاطره اخرجي
إنا مش هاعيد كلامي مرتين مافيش خروج يعني مافيش خروج
ياترا عشق هتخرج ولا هتسمع كلام مازن
ومحمود فعلا هيرجع ويتجوز عليا ولا هيصمد في طريقه
الفصل (١٤)(١٥)
سلوي : ها يا بنتي لبستي
عشق بضيق : لا يا ماما مالبستش ومش هالبس
سلوي : ليه حصل إية إنتي كلمتي مازن
عشق بحزن : أيوه كلمته والبيه مش رأضي بيقولي الوقت أتأخر
سلوي : هو فعلا الوقت أتأخر لسه كنت بقولك من شويه إنو الوقت متأخر
عشق بغضب : إنتي علي طول وخداه صفك كده وكأنه هو اللي أبنك مش أنا
سلوي : هو فعلا أبني اللي مخلفتوش بس ربيته وأنا بأثق في كل تصرفاته بدام قال الوقت أتأخر يبقي أتأخر
وأنتي افردي وشك ده بلاش التكشيره دي
وإذ كان علي الخروج بكره أن شآء الله نخرج من أول اليوم ولا تزعلي نفسك يا قلبي
عشق بحزن : أنا مش زعلانه علشان مش خارجه يا ماما
سلوي : أما إيه اللي مزعلك ؟ مازن ضيقك
عشق بعيط : إنا اللي زعلته يا ماما قولتله كلام المفروض مقولهوش وأكيد دلوقتي زعل مني أكتر ما هوا زعلان
سلوي : ليه قولتي إيه يا آخر صبري مش عارفه إنتي طالعه عناديه كده لمين
عشق بدموع : إنا مخنوقه وحدي يا ماما مش ناقصه كلامك ده
سلوي وهي بتاخدها في حضنها : طيب بس حبيبتي دموعك دي …… إيه اللي حصل لده كله
عشق وهي بتشق من العياط : قولتله ملكش كلام عليا حتي دبله منك مش في إيدي وملكش حكم عليا وانا طالعه طالعه واضرب رأسك في الحيط
سلوي هنا شهقت جامد وبصدمه قالت : كل ده يطلع منك يا عشق ل مازن أنا مش مصدقه إنا مصدومه بجد منك
عشق بغيظ : متغاظه منه يا ماما
هموت من بعده عني وتجاهلي ليا لينا شهر دلوقتي مش بيكلمني ومحرج عليا أكلم اي حد في الكليه لا أولاد ولا بنات كمان وهو بيكلم أي حد والبنات في الجامعة هتموت عليه تمشي واحده تجي واحده
وكملت كلامها بغيظ / مازن لو سمحت ممكن تشرحلي دي مش فاهمها كويس من الدكتور
مازن ممكن المحاضره دي علشان ماكنتش حاضره إمبارح
مازن ممكن توصلني في طريقك
مازن لو سمحت لو رايح الكافتريا هاتلي معاك عصير
كل ده قدام عيني وساكته هموت يا ماما هموت من غيرتي عليه
سلوي : لا كده ذودها أوي إنا هكلمه
عشق بلهفه : أوعي يا ماما أوعي
سلوي : ليه يا بنتي إنا ليا شهر شيفاكي قدام عيني بتدبلى يوم عن التاني وأنا مش راضيه أدخل بنكم لما قلتو هتحلو مشاكلكم لوحدكم
سكت
عشق : إنا اللي غلطت من الأول وأنا اللي لازم أعتذر منه ورجعه ليا من تاني أنا بحبه أوي يا ماما
سلوي : طيب يا بنتي اللي تشوفيه ومازن يستاهل حبك
و هو بيعمل كله ده من خوفه عليكي
عشق بدموع : عارفه يا ماما ومتأكدة كمان من ده
سلوي / طيب قومي مستنيه إيه روحي عنده واعتذرى وتصتلحو بقى
عشق وهي بتمسح في دموعها بفرحه : حاضر يا ماما إنا قايمه أهو
سلوي بضحك : هههههههههه شوفي البنت طايره عليه طيب كان ليه من الأول العند ولسانك الطويل ده
وهمست بحب بعد ما عشق مشيت من قدمها : ربنا يكتبه من نصيبك يا بنتي
************************
عند بيت أمينه
من ساعة ما تحدتة وقالتله هاخرج
يعني هاخرج
وهو واقف بكل غيظ وغضب منها في البلكونه مستني يشوفها هاتطلع فعلا ولا لا
وفعلا لامحها طالعه قدامه من مدخل العمارة بتاعتهم
وعيونه بتقدح شرار في لمح البصر فتح باب شقتهم و نزل السلم بأقصى سرعة علي تحت
بس أستغرب جدا لما لقاها في وشه
عشق : مازن
مازن بعصبية جامده وهو ضاغط علي دراعها في أيده : ماله مازن هاه ماله مازن
برضوا طالعه لتاني مره بتكسري كلامي
عشق رغم قسوته معاها وضغط أيده علي درعها والمها منه إلا إنها سعيده جدا ومبسوطة أوي بلمست إيده
عشق : مازن أنا……ولسه مكملتش الكلمه وسمعوا حد من الجيران نازل شدها من أيدها والأيد التانية علي بوقها واستخبه بيها تحت بير السلم لحد النازل ماينزل علشان ماحدش يشوفها معاه في وقت زي ده واقفه معاه علي السلم
عيونهم متعلقه ببعض أيده علي بوقها ،،، شفايفها اتحركت لا اراديه
علي بطن أيده باستها وهي عيونها مغمضه
وبهمس قالت : وحشتني يا مازن وحشتني أوي
مازن انهارت كل حصونه قصاد الحب ده كله وكل الغضب والعصبية اللي كانوا مسيطرين عليه في لمحه بصر دابه زي دوبان التلج
مسك أيده مكان شفايفها باسها هو بيقول : مش قدي يا عشق مش قدي
عشق بدلال : طيب لما وحشتك ليه كل البعد ده
مازن : طيب هنتكلم هنا مش ملاحظه حضرتك إحنا فين
عشق بتبص حواليها وهي بتقول : ماله ده مكان جميل وجو شاعري كمان
مازن بضحك : هههههههه ده مكان جميل برضوا
عشق بحب : أي مكان ببقي فيه معاك بيبقي جنه
مازن بحب : جنه علشان إنتي موجوده فيه
وكمل كلامه
طيب إيه مش هنطلع من هناشكلنا بقي وحش أوي كده
تعالي مش كنتي عايزه تطلعي
إنا هطلعك
عشق بفرحه : بجد
مازن : طبعا بجد
عشق بمكر : ليه هو مش كان من شويه ماينفعش والوقت متأخر اشمعنا دلوقت
مازن : الأول إنتي كنتي طالعه وحدك دلوقتي إنتي طالعه معايا
عشق : مش لوحدي ماما معايا
مازن : ماينفعش برضوا لازم يكون راجل معاكم
عشق بضحك : طيب يلااااا يا راجل
مازن بضحك : راجل غصب عنك تحبي اثبتلك
عشق بهزار : والله أنا نفسي تثبتلي
مازن بضحك : ههههههه دماغك راحت فين
أنا أقصد بكلامي اكسرلك دماغك دي اللي دايما تفكيرها شمال
عشق بدلع : أهون عليك
مازن بعشق : أكيد لا يا عمري يلااا بقي هنتاخر
إنا هاخد موتسكل أبو قمر وأنتي استنيني علي أول الشارع
قمر باستغراب : ليه موتسكل ؟!! والعربيه مالها
مازن : ملهاش بس الموتور أسرع من العربيه علشان زحمة المواصلات
إيه خايفه ؟
عشق بثقه : لا طبعا مستحيل أخاف وأنا معاك
مازن : طيب يلا اتصلي بماما سلوي قوليلها
علبال منا اشغل الموتور
عشق : ماشي
قالت لأمها وأمها وفقت تروح معاه بس اتصلت بمازن قالتله ميأخرهاش بره كتير
ركب الموتور وركبها وراه وماسكه فيه خايفه اول مره تركب موتور ( متوسيكل )
مازن : متخافيش يا عشق
عشق بخوف حقيقي : مش خايفه وفي سرها دانا مرعوبه مش خايفه بس
مازن بضحك : ههههههه ماهو باين
عشق بعد فتره : قربنا نوصل أنا خايفه بجد يا مازن
مازن : امسكي بس إنتي فيه كويس ومتخافيش خلاص أهو قربنا نوصل
بعد خمس دقايق وصلوا الصاغه في منطقه شعبيه (سوق الدهب)
مازن : يلا وصلنا انزلي
عشق بدهشه : وصلنا فين هنعمل إيه هنا
مازن : تعالي بس وهتعرفي جوه
مازن: مساء الخير يا عم جورج
جورج : مساء الفل يا مازن إيه الخاتم معجبش القطه ولا إيه وعينه علي عشق
مازن بحده بسيطه : قطه مين مافيش قطط هنا دي عشق يا عم جورج خطيبتي
والنهاردة جاي عايز منك تجبلي تشكيله دبل واحده ليا واحده ليها وتكتب أسمينا عليها
عشق هنا شهقت وبهمس قالت وهي بشد دراعه ليها : مازن دبل إيه دلوقتي مش ماما سلوي قالت بعد أربع سنين
مازن: لا دلوقتي ولا عايزه كل ما أكلمك كلمه تقوليلي حتي دبله منك مافيش
عشق بدلع : أنت لسه فاكر قلبك أسود علي فكره
مازن اتعدل علي جورج وهو بيقول : يلاااا يا عم جورج
جورج : مستني لما القطه تخلص
مازن بحده مصطنعة : عم جورج قولنا مافيش هنا قطط روح هات الدبل
عشق ميته علي نفسها عليه بيغير عليها حتي من الراجل العجوز
مازن بغيظ : اضحكي اضحكي مبسوطه إنتي كده مش كده
عشق بضحك : منتهاه الانبساط أنا بعشق غيرتك دي أوي يا مازن
مازن بحب : وأنا بموت فيكي
جورج جبلهم الدبل
عشق أختارت دبله مازن
ومازن أختار دبله عشق
كل واحد أختار دبله التاني جورج خدهم وكتب عليهم أسماءهم بالانجلش
عشق & ومازن
لسه عشق بتمسك أيد مازن تلبسه الدبله شال أيده وهو بيقول : مش هنا
قدمنا مشور تاني هانعمله بس أتمني توافقي
علي إنا عايزه
عشق بقلق : في إيه يا مازن قلقتني
مازن : بس الموضوع مافيش حاجة تقلق فيه
هو بس عايز قبول ورضى منك
عشق بزهول : قبول ورضي موضوع إيه ده بالظبط
***** *********************