قصه روعه الفصول اه ياغلبك ج الاخير

الجزء السادس عشر 
وأثناء خروجها من المستشفى مستندة على يد زوجها فوجئا بمن يعترض طريقهما فاجأة.
شاب بدهشة نورا.
نورا پصدمة مهاب
—
ازيك يا مهاب.
نظر محمد للشاب بتمعن ليتذكر أنه رأه أكثر من مرة بصحبة عمها حسن الذي ظلمها وحرمها حقها بآرث ابيها.
نورا بفخر محمود جوزي موجهة حديثها لمحمود مهاب ابن عمي حسن.
محمود باقتضاب أهلا.
مهاب بحرج أهلا بيكم خير جايين المستشفى ليه.
نورا بابتسامة أنا لسه والدة وكنت خارجة من المستشفى النهاردة.
مهاب بابتسامة الف حمد لله على السلامة مبروك ما جالكم.
نورا بتردد وأزيكم أنتم وازاي عمي
مهاب بتأثر عمك تعبان قوي يا نورا أنا جاي هنا عشانه بيغسل كلى بقاله فترة وعملنا له نقل وبرضه العملية باظت ورجع يغسل تاني.
نورا بحزن ربنا يرفع عنه ويشفيه.
مهاب بلهفة بجد يا نورا بتدعي لربنا يشفيه.
نورا بصدق ربنا يشفي كل مريض.
مهاب برجاءطيب ما تيجوا معي تبصوا عليه ده هيفرحوا قوي.
محمود بقلق على حبيبته أن شاء الله نبقى نجيله وقت تاني بس زي ما أنت شايف هي تعبانة والجماعة بقالهم كتير مستنينا في العربية عن أذنك. 
ودعهم بابتسامة مضطربة وهو يتمنى أن تأتي يوما لرؤية والده ومسامحته.
ببيت محمود بعد مرور خمس سنوات
تدلف نورا للمنزل بحركة بطيئة بسبب بطنها المنفخة أثر الحمل يساندها محمود بيد ويمسك بنعم باليد الأخرى.
[[system-code:ad:autoads]]محمود بحنان على مهلك يا قلبي.
نورا بوجوم أنت نازل الورشة تاني.
محمود بحنان كان ورايا حاجة في السريع كده وكانت نعمات هتطلع تقعد معاكي بس لو عايزني اقعد مفيش مشكلة.
نورا بشرود كنت عايزك في موضوع كده وبعدين ا نزل براحتك.
محمود باهتمام طبعا يا حبيبتي أنت فيكي أيه من ساعة ما خرجنا من عند الدكتورة وأنت مش على بعضك.
نورا بحزن أنت ما سمعتش أنا حامل في بنت يا محمود.
محمود بابتسامة الحمد لله والشكر لله بضيق أوعي تكوني من المتخلفين اللي بيفرق معهم ولد ولا بنت غيرنا مش طايل ضفر عيل.
نورا باستنكار لا طبعا كل اللي يجيبه ربنا كويس بس كمان متنساش أنها قالت أن الرحم اتهتك من عمليات الربط اللي عملتها الحمل ده والإچهاض اللي فات وأني افضل ما احملش تاني.
محمود برضا وهما اتنين وحشين فضل ونعمة من الله بس أنت تقومي لنا بالسلامة ونعرف نربيهم كويس.
نورا بزفرة مع عشان نعرف نربيهم كويس زي ما أنت عايز يبقى تسمع كلامي ونمشي من هنا.
محمود بضيق تاني يا نورا مش كنا قفلنا الموضوع ده.
نورا بالحاح لا أنت اللي كل ما اتكلم فيه تقفل الكلام وحتى مش راضي تسمعني.
[[system-code:ad:autoads]]محمود باصرار عشان الكلام مش هيفرق معايا ولا هيغير اللي في دماغي.
نورا برجاء مش هيفرق معك مستقبل بناتك وجوازهم ومعاملة الناس ليهم.
محمود بشراسة اللي يقرب من بناتي اقطع رقبته واللي ميعرفش قيمتهم ما يستاهلهمش.
نورا بانفعال وليه منبعدهمش عن كل ده ليه يفضلوا في مكان الناس عارفة فيه أن ابوهم ابن نعمات وأمهم بتاعة القمصان.
محمود پصدمة ابن نعمات!
نورا بندم والله ما قصدي أنت سيد الناس كلها وأنا باموت في التراب اللي بتمشي عليه وأنت عارف بس الناس ما بترحمش حد مش عايزهم يشوفوا اللي احنا شوفناه لو قدرت دلوقتي تمنع حد يضايقهم هيجي وقت ويبقوا لوحدهم وساعتها الناس مش هترحمهم وهينهشوا فيهم زي ما نهشوا في بعد مۏت أبويا حتى أقرب الناس لي اللي من دمي مارحمنيش.
محمود بضيق الأعمار بيد الله بس أنا مش هاهرب بعيالي احنا معملناش عاملة ولادنا معهم قسيمة جوازانا وشهادات ميلادهم يحطوها فعين أي حد يبص لهم بصة وحشة وأن شاء الله كمان هيبقى معهم شهاداتهم العالية اللي تخلي الكل يحترمهم ڠصب عنه.
نورا برجاء وهاتفرق معك في أيه الحارة من غيرها احنا ملناش حد هنا وبعدين الحمد لله معنا فلوس نقدر نشتري ورشة ومعرض كمان في حتة معقولة.
محمود بضيق من ساعة ما بيتكم القديم جاله قرار ازالة وأنت الموضوع كبر في دماغك ومش راضية تفضيها سيرة.
نورا باستنكار وأيه المشكلة من يومها وكل يوم بيجيله مشتري مش هيكلفنا حاجة هيهد ويبني وناخد مبلغ محترم على الفلوس اللي محوشنها على تمن الشقة دي وخلو الورشة هيبقى مبلغ محترم ونبعد عن القرف ده كله.
محمود بحزم المشكلة أن مش أنا اللي ياخد ورث مراته والأهم أن لو أنت من ساعة مۏت الحاجة زينب الله يرحمها وبقى ملكيش حد في الحارة فأنا لي أمي اللي لا يمكن اسيبها واللي من يوم مۏت أمك وهي بتعاملك زي بنتها وأكتر.
نورا باستنكار أنت متخيل أني بافكر اسيب ماما نعمات لا طبعا رجليها قبل رجلينا أنا مش عارفة من غير حنيتها وقلبها الطيب كنت استحملت فراق أمي ازاي ولا يمكن كمان أفكر ابعدها عن نعم دي روحها فيها أنا بتكلم علينا كلنا انا وأنت وهي والبنتين نبعد كلنا سوا من
—
هنا ملناش حاجة في الحارة نبكي عليها.
محمود بهدوء مش هينفع يا نورا مش هترضى ولا أنا هاغصبها ولا هاسيبها على يدك مرضيتش تسيب البدروم وتسكن في الشقة اللي تحتنا مش قادرة تبعد عن ريحة ابنها فيه هترضى تسيب الحارة مينفعش اوجعها قوي كده زمان لما أنت اتخطبتي داست على قلبها عشاني وكانت عايزنا نمشي عشان تريحني مينفعش بعد ما ربنا كرمني ببركة دعاها انا اللي أدوس عليها.
نورا باستسلام خلاص يا محمود أعمل اللي تشوفه وربنا يدبرها من عنده.
محمود يحتضنها بحنان خير بإذن الله كل اللي عند ربنا خير. 
مر شهرين حاولت نورا فيهما تقبل رفض زوجها لفكرتها والمواظبة على الدعاء لله أن يدبر أمرها ويصلح بالها ويبعد عنها الوساوس التي تقلقها بشأن مستقبل بنتيهاوأن تنشغل بفرحتها بطفلتها القادمة وتنسى كل ما يفسد عليها السعادة التي تعيشها بكنف زوجها المحب.
في صباح أحد الأيام استيقظت نورا بتكاسل فهي بأخر شهور حملها وقد ثقلت حركتها كثيرا ولولا تفهم زوجها لحالها ومعاونة نعمات لها برعاية نعم وأمور المنزل لما استطاعت أبدا تدبر أمورها.
[[system-code:ad:autoads]]خرجت من غرفتها ببطء لتفاجأ بزوجها جالسا على الأريكة المواجهة للغرفة بشرود.
نورا بدهشة محمود أنت منزلتيش أيه ملحقتيش الفجر ولا أيه.
محمود بوجوم لا نزلت ورجعت.
نورا بدهشة الله أنت متعود بتخرج من المسجد على الورشة تشتغل على رواقة قبل دوشة الحارة والصنياعية.
محمود بغموض نورا أنت لسه عايزة تسيبي الحارة
نورا پصدمة أيه هو في أيه يا محمود هي نعمات كويسة.
محمود بغموض نعمات كويسة وهتيجي معنا.
نورا بحيرة واشمعنى المرة دي هتوافق!
محمود بتوتر أكيد هتوافق مش هتتخلى عن ابن نعمات دلوقتي زي ما سبتنيش زمان أنا كلمتها وزمانها طالعة.
انتبها على طرقات نعمات فاتجهت نورا لفتح الباب.
نعمات بلهفة أنت كويسة يا حبيبتي ده لما لاقيته مفتحش الورشة وبيقولي اطلعي افتكرتك بتولدي. 
نورا بتوتر أنا مش عارفة ماله بيقول كلام مش مفهوم وشكله غريب.
انتبها لخروج محمود من غرفة ابنته التي دلف عليها ونورا تفتح الباب لنعمات ليفوجأ به وهو يمد يده نحوهما بتلك اللفافة التي يحملها.
محمود بأسى ابن نعمات ياما.
شهقت نورا پصدمة بينما ارتسمت علامات الذهول على ملامح نعمات ولكنها رغم ذلك مدت ذراعيها تتلقف ذلك الرضيع بين ذراعيها.
[[system-code:ad:autoads]]نعمات بذهول جيبته منين ده يا محمود.
محمود بتأثر مرمي قدام الجامع نزلت متأخر وكانوا اقاموا داخل باجري لاقيته مرمي على الجزم خدته بسرعة ورجعت بيه من غير ما ادخل ولا حد يشوفني.
نورا بدهشة ليه! كنت استنيت تشوف الناس هتتصرف ازاي.
محمود بانفعال عشان يعرفوا أني لاقيته ويا يرموه في الملجأ يا يتربى في وسطنا وكلهم عارفين اصله ويعيروه في الرحة والجاية وحتى لما العيال الصغيرة اللي محضريتش الموضوع يكبروا يحكوا لهم وكأنها قصة أبو زيد الهلالي ويعيش عمره كله شايل ذنب مش ذنبه بيتحاسب على چريمة هو ضحيتها.
نورا بحيرة امال ناوي على أيه.
محمود بعزم هناخده ونمشي.
نورا پصدمة أيه!
محمود بحسم مش هاسيبه مش هنعيده من تاني مش دايرة وهنفضل نلف فيهاناظرا لنعمات التي انفصلت عما حولها وهي تحتضن الصغير وبرجاء مش هيهون عليكي تسبيه ياما مش هيهون عليكي زي ماهونتش عليكي زمان هتيجي معنا أنا مش هاقدر امشي من غيرك ومش هاعقد هنا واسيبهم يسقوه المر اللي ساقوهلي .
نعمات بشرود عايز تعمل أيه يعني.
محمود باصرا ر هاكتبه باسمي هنمشي ولما نورا تولد هاسجل أنها جابت توأم مواجها حديثه لنورا مش كنت عايزة أخ لبناتك يبقى راجلهم ويتسندوا عليه أهو ربنا بعتهولك أهو..
نورا باستنكار لا طبعا.
نعمات بحكمة حرام يا بني مينفعش حد يتنسب لراجل مش أبوه. 
محمود بثورة ليه أيه ماينفعش تبقى أم لابن حرام يا بنت الحج حسين وأنت ياما دلوقتي بقى حرام امال أنا أيه مكنش حرام وأنا باخد شهادة ميلاد باسم شوقي الزيني. 
ارتفع صوت نورا بالبكاء وقد تأكدت بأنه لم يتجاوز عن معاملاتها له بالماضي فلأول مرة يقسو حبيبها عليها خاصة وهي بهذا الوضع الصحي فلطالما اهتم بها ودللها وراعى نفسيتها المضطربة.
نعمات بحنان أهدى يا محمود متزعليش يا حبيبة قلبي مش قاصده يزعلك وأنت يا محمود الكلام براحة هي مش ناقصة.
محمود زافرا يا جماعة افهموني لو سيبته مش هاسامح نفسي أنت أكتر واحدة المفروض تفهميني ياما أنت اللي شوفتي معايا كل اللي شوفته أنت اللي عارفة اللي مستنيه ويا عالم هيستحمل زيي ولا هيضيع.
نعمات بهدوء يبقى الكلام بالعقل وموضوع زي ده ما يتاخدش قفش كده استهدى بالله وراضي مراتك ونشوف هنعمل أيه بالعقل.
اقترب محمود من نورا ليجدها ترتمي باحضانه وقد زاد بكاءها فاحتواها بين ذراعيه يغمر رأسها بقبلاته.
محمود بندم حقك علي يا نوارتي والله ما قصدي بس الواد ده قلب علي المواجع
—
كلها.
نورا بنحيب أيوه هي دي الحقيقة هو فاكرك بكل اللي كنت باعمله وأنت اصلا لا نسيت ولا سامحتني لو أنك تكتبه باسمنا ده هيخليك تسامحني أنا موافقة بس متبقاش كاتم جواك وجعك مني وساكت.
محمود بصدق بس يا عبيطة والله أنا عمري ما زعلت منك ابدا ومفيش لكي جوايا الا كل حب بتأثر ڠصب عني ڼار ولعت جوايا وأنا شايفه مرمي على الجزم احنا ليه رخاص كده ليه ديما بيرمونا مع أن هما اللي جابونا من غير ما يكون لنا رأي شوفت نفسي مكانه مع أنه حظه أحسن من حظي على الأقل اللي حطه نايمه على حاجة طرية وحط في مكان هيلاقيه فيه ناس عارفة ربنا وكمان لفه في حتة قماشة پبكاء أنا اترميت على الژبالة ملط اللي رماني كان نفسه يخلص مني لو مامتش من البرد الكلاب تنهش جتتي بس سبحان الله الكلاب طلعت أحن منهم.
نورا باكية بعطف بس يا قلبي حقك علي خلاص احنا هنمشي من هنا وهنعمله اللي أنت عايزه وزيادة.
نعمات بحسم مش بمزاجك أنت وهو حدود ربنا مش لعبة ولو أنا غلطت زمان فده كان عن جهل والحمد لله أني مضريتش حد شوقي الزيني لا كان عنده اللي يتورث ولا ليه عيلة اديتك اسمهم من غير وجه حق لكن أنت كده هتخليه يشارك بناتك اسمك وورثك وده ميرديش ربنا ده غير معرفتنا دلوقتي بحرمانية النسب لأب مش حقيقي والخير ما يتعملش بالحرام ربنا طيب ما يقبلش الا الطيب لكن أنا لما حد قالي على حرمانية اللي عملته كنت أنت سبع سنين ودخلت المدرسة بالشهادة وما عادش ينفع أغير اللي حصل وما قدميش غير أني استغفر ربنا.
[[system-code:ad:autoads]]محمود بانفعال يعني أيه هنرميه في الشارع ونفضحه.
نورا بحنان اهدى يا حبيبي هنلاقي لها حل ربنا ما بيظلمش حد.
محمود بحنق بس الناس بتظلم وبتظلم بالقوي كمان.
نورا بتعقل طيب ممكن نتكلم بهدوء وأكيد هنوصل لحل هو ساكت كده ليه يا ماما.
محمود بعطف أنا نيمته واضح انهم قبل ما يرموه كانه ماكلينه كويس ومنيمينه بعد ما جينا هنا بساعة عيط شوية عملت له راضعة ينسون شربها ونام.
نورا بحب ربنا يجعله في ميزان حسناتك يا حبيبي هاتيه يا ماما أدخله جوا.
حملت الطفل بحنان متجهة لغرفة ابنتها لتهمس بأذن زوجها أثناء مرورها بجواره متقلقش يا حبيبي مش هنسيبه ربنا ما يعملش الا الخير خرجت من غرفة ابنتها وعلى وجهها ابتسامة حنونة نام جنب نعم زي الملاك ما تتكلموش دلوقتي هاعمل لكم شاي وهاجي نتكلم على رواقة. 
انها احتساء الشاي بينما نورا تعبث بهاتفها ونعمات مطرقة للأرض بصمت بينما محمود يتطلع لهما برجاء ليسود الصمت للحظات حتى قطعه محمود حزينا.
محمود بيأس خلاص هاعمل لكم اللي انتم عايزينه ادخلي هاتيه يا نورا انزله القسم عشان اريحكم.
نعمات بأسى يا ابني هو مش تاعبنا أنت اللي ما حسبتهاش كويس قهرك عليه خلاك تلغي عقلك وتمشي ورا قلبك من غير ما تبص هتظلم مين غيره.
[[system-code:ad:autoads]]محمود پقهر خلاص ياما خلصنا قومي هاتيه يانورا.
نورا بثقة لا يا محمود الواد هيفضل معنا تطلع لها بذهول فاكملت بابتسامة لو خليتك تخلي الولد ده وتعمله كل اللي أنت عايزه من غير حرمانية تسامحني على اللي عملته فيك زمان.
محمود بشك أنت بتهزري أنت اصلا رافضة الفكرة.
نورا بحب هتسامحني يا محمود هتنسى كل حاجة ضايقتك بيها هتفتكر بس أني مهانش علي قهرتك ولا أنك ترتكب ذنب وأني هاعملك اللي أنت عايزه حتى لو رافضه بس عشان اريحك واكفر عن ذنبي.
محمود بحب مش محتاجة تعملي حاجة عشان اسامحك وانسى أنا اصلا عمري ما زعلت منك ولا فاكر حاجة غير أني باحبك بلهفة بس بجد لو قدرتي تحميه من اللي ممكن يشوفه هيبقى جميل فوق راسي هشيله لك طول العمر ده غير ثوابك عند ربنا.
نعمات بتحذير من غير ذنوب يا نورا.
نورا بهدوء متقلقيش ياماما من ساعة ما اتكلمتي على المرحوم جوزك والفكرة نطت في دماغي وعملت لكم الشاي وأنا بدور عللى النت لحد ما لقيت حل من غير حرمانية بالعكس هناخد ثواب كفالة اليتيم.
نعمات بحرج وتردد بس هو مش يتيم.
نورا بابتسامة تشيجع لوجه حبيبها الممتقع أنا مش بفتي ياماما أنا هاقرا لك فتوى صريحة بدأت القراءة بثبات مجهولوا النسب في حكم اليتيم لفقدهم لوالديهم بل هم أشد حاجة للعناية والرعاية من معروفي النسب لعدم معرفة قريب لهم يلجئون إليه عند الضرورة وعلى ذلك فإن من يكفل طفلا من مجهولي النسب فإنه يدخل في الأجر المترتب على كفالة اليتيم لعموم قوله صلى الله عليه وسلم أنا وكافل اليتيم في الجنة هكذا وأشار بالسبابة والوسطى وفرج بينهما شيئا لكن يجب على من
—
كفل مثل هؤلاء الأطفال أن لا ينسبهم إليه أو يضيفهم معه في بطاقة العائلة لما يترتب على ذلك من ضياع الأنساب والحقوق ولارتكاب ما حرم الله وأن يعرف من يكفلهم أنهم بعد أن يبلغوا فإنهم أجانب منه كبقية الناس لا يحل الخلوة بهم أو نظر المرأة للرجل أو الرجل للمرأة منهم إلا إن وجد رضاع محرم للمكفول فإنه يكون محرما لمن أرضعته ولبناتها وأخواتها ونحو ذلك مما يحرم بالنسب.
نعمات برضا طيب الحمد لله على الأجر بس برضه بتقولي حرام واجنبي وكده يعني.
نورا بحسم هارضعه يا ماما أول ما هاولد هارضعه ووجوده معي ومع البنات هيبقى حلال هيبقى ابني زي ما محمود ابنك. 
محمود منتفضا من مكانه فرحا الحمد لله الحمد لله ربنا يخليكي لي يا نوارتي.
نعمات بشك والاسم يا نورا.
نورا بثقة أهو الاسم دي بالذات محلولة لما عملوا بطاقة الرقم القومي اترفعت ق\ضية عشان مجهولي النسب وحقهم في أنهم يطلعوا بطاقة وده كان الحكم عادت للقراءة وهي تنظر لابتسامة عينيه
أن قانون الطفل يلزم في حالة العثور على طفل لقيط بتحرير محضر بالحالة التي تم العثور عليه بها وعرضه على طبيب الوحدة الصحية لتقدير عمره ويضع طبيب الوحدة له اسم ثلاثي جزافي بشرط ألا تكون الأسماء لأشخاص حقيقية وتستخرج شهادة ميلاد له بالاسم الجزافي وفي حالة ظهور والديه الحقيقيين يتم إلغاء الشهادة و تستخرج شهادة ميلاد أخرى ببياناته الحقيقية.
[[system-code:ad:autoads]]نعمات زاجرة يا بنتي أنا بتكلم عن كلام ربنا مش كلام الحكومة. 
نورا مكملة قراءتها بطريقة اخبارية بمشاكسة وفيما نص الدراسة التى حملت عنوان منح اليتيم أو مجهول النسب لقب عائلة كافله والصادرة عن مركز الأبحاث الشرعية بدار الإفتاء المصرية 
بسم الله والحمد لله والصلاة والسلام على سيدنا محمد رسول الله وآله وصحبه ومن والاه وبعد..
فإنه يجوز شرعا لكافل الطفل اليتيم أو مجهول النسب أن ينسب لقب عائلته للطفل اليتيم معلوم الأبوين أو الأب فقط أو مجهول النسب مجهول الأبوين أو الأب فقط يستوي في ذلك أن يكون الكافل رجلا أو امرأة. 

الجزء السابع عشر 
الأبحاث الشرعية بدار الإفتاء المصرية 
بسم الله والحمد لله والصلاة والسلام على سيدنا محمد رسول الله وآله وصحبه ومن والاه وبعد..
فإنه يجوز شرعا لكافل الطفل اليتيم أو مجهول النسب أن ينسب لقب عائلته للطفل اليتيم معلوم الأبوين أو الأب فقط أو مجهول النسب مجهول الأبوين أو الأب فقط يستوي في ذلك أن يكون الكافل رجلا أو امرأة. 
وذلك يكون بإضافة لقب عائلة الكافل الاسم الأخير إلى الاسم الأخير للطفل بحيث يظهر مطلق الانتماء إلى العائلة دون الإخلال أو التدليس بأنه ابنه أو ابنته من صلبه حتى لا يدخل في نطاق التبني المحرم شرعا بل إن تلك الإضافة التي تكون في آخر اسم الطفل اليتيم أو مجهول النسب ستكون مثل علقة الولاء التي كانت بين القبائل العربية قديما وليس في ذلك شيء من التبني المحرم في الشرع فالتبني وهو إضافة ولد غيره إليه وإقامته مقام ولده في الميراث والنسب والخلوة بنساء العائلة على أنهن محارمه وغير ذلك مما كان شائعا في الجاهلية وصدر الإسلام ثم حرمه الإسلام حرصا علي عدم اختلاط الأنساب. 
[[system-code:ad:autoads]]أما مجرد الانتماء للكافل فإنه مما لا يترتب عليه أي أثر من آثار التبني المحرم شرعا بل ذلك مثل ما كان حاصلا مع العلماء والرواة المنسوبين إلى غير قبائلهم فإنه قد أطلقت النسبة في كل منهم بحيث يظن أنه ممن نسب صليبة أي من ولد الصلب.
في كلام المفسرين إشارة إلى هذا فقد ذكر العلامة الطاهر بن عاشور عند تفسيره لقوله تعالى ادعوهم لآبائهم هو أقسط عند الله فإن لم تعلموا آباءهم فإخوانكم في الدين ومواليكم وليس عليكم جناح فيما أخطأتم به ولكن ما تعمدت قلوبكم وكان الله غفورا رحيماالأحزاب 5 أن المراد بالولاء في قوله ومواليكم ولاء المحالفة.
وقال العلامة الآلوسي قوله ومواليكم أي وأولياؤكم فيه أي في الدين فادعوهم بالأخوة والمولوية بتأويلهما بالأخوة والولاية في الدين وبهذا المعنى قيل لسالم بعد نزول الآية مولى حذيفة وكان قد تبناه قبل وقيل ومواليكم أي بنو أعمامكم وكأن دعاءهم بذلك لتطييب قلوبهم ولذا لم يؤمر بدعائهم بأسمائهم فقط.
نعمات باستنكار طول عمرنا عارفين الأية اللي بتقول أن حرام حد يتسمى على أسم حد غير أبوه.
نورا بهدوء يا ماما الآية دي طلعت بتتكلم عن اللي عارف أبوه بس بينسب نفسه لشخص تاني عشان مصلحة أو عز أو جاه زي اللي ينسب نفسه لحد عشان ياخد چنسية أو يورثه ويسيب نسب أبوه الحقيقي المعروف وبصراحة في علما كمان حرموا نسب الأطفال المجهولين لاسم الكافل بس احنا هننسبه للعيلة مش لشخص بعينه و اختلاف العلماء رحمة بالمسلمين واحنا الاحسن ناخد بالرأي اللي فيه مصلحة العيل الغلبان ده وأن شاء
—
الله ربنا يتقبل.
نعمات بحيرة مش فاهمة يعني هيبقى باسم مين
نورا بايضاح احنا هنعمل له اسم جزافي زي الحكومة ما بتقول أي اسم احنا عايزينه بس ميكونش اسم حد حقيقي وكمان هنخلي أخر اسمه الزيني وكأنه ابن أخو محمود أو ابن ولاد عمه.
نعمات باستنكار ده ماهو كده يا بنتي هيورث مع بناتك وده ميرضيش ربنا.
نورا بحنان لا يا ماما حلال ربنا يقومني بالسلامة ويبارك في عمر محمود احنا هيبقى عندنا بنتين يعني هيورثوا تلتين اللي يسيبوا محمود والتلت الباقي من حق محمود يعمل به وصية للولد ده وأنا موافقة.
ارتسم الذهول على ملامحه وآيات التفكير على قسمات نعمات للحظات وما كاد يرى نظرة الاقتناع والاستسلام بعيني أمه حتى انقض على زوجته يحملها بين ذراعيه ويدور بها بسعادة وهو يغمرها بقبلاته.
نعمات پذعر بس يا مچنون نزلها ياوله هتولدها يا مچنون.
انتبه لتهوره فانزلها برفق واصابه الهلع عندما لاحظ ترنحها وعدم ثباتها.
محمود بلهفة حقك علي يا حبيبتي والله ما اقصد.
نورا بغثيان ولا يهمك يا حبيبي المهم أنك مبسوط وراضي عني.
محمود بحب ربنا ما يحرمني منك أنا هاطير من الفرح أنت شيلتي هم من قلبي مكنتش هاقدر اسيبه يتعذب ربنا يريح قلبك زي ما ريحتي قلبي يا حبيبة قلبي.
[[system-code:ad:autoads]]نعمات بمداعبة اتلموا انتم الاتنين لحد ما انزل.
محمود ضاحكا بمشاكسة طيب ما تقومي تنزلي ياما عشان نقعد أنا وهي نفكر في اسم الواد.
نورا بخجل بس يا محمود بمغزى وعلى فكرة هنسميه حسين.
محمود بحب يسلم الاسم وبنت صاحب الاسم.
نعمات بجدية المهم دلوقتي هنتصرف ازاي.
محمود برجاء هتيجي معنا كملي جميلك اللي عملتيه في زمان وزي ما وافقتي تسيب الحارة عشان ماتعبش لما راحت مني سيبيها عشان عمره كله ما يضيعش.
نعمات بتأثر هاجي معك يا محمود عشان خاطره وخاطرك يا حبيبي وعشان أنا مقدرش ابعد عن ولادك ده اعز الولد ولد الولد.
محمود بسعادة خلاص يبقى نفضل مدارينه هنا لغاية ما اتصرف ونمشي.
نعمات باستنكار لا طبعا أنت غرك نومه دلوقتي ده ساعة ويصحى وصريخه يملا الدنيا واللي ما يعرفش هيعرف.
محمود بحيرة طيب نعمل أيه.
نورا بتفكير أنت تنزل دلوقتي تروح صيدلية بعيدة تجيب لنا منها علبة لبنعشان لما يصحى نعرف نسكته ومتنزلش الورشة النهاردة تنزل تدور لنا على شقة مفروشة تأجرها كام شهر وأخر الليل تجيب لنا عربية تاخدنا من قدام الباب.
نعمات باستنكار هنعيش في شقة مفروشة.
[[system-code:ad:autoads]]نورا بايضاح كام شهر بس يا ماما عقبال ما نبيع البيت والشقة ويسلم الورشة من غير خسارة وكمان يكون لاقى لنا بيت نشتريه.
محمود بسعادة لا وربنا البنت اللي في بطنك دي شكلها عبقرية وأثرت عليكي.
نورا باستنكار يا سلام يعني أنا كنت غبية قبل كده.
محمود بحب طول عمرك ياقلبي وعقلك ده يوزن بلد بس النهردة ملعلع بزيادة.
نورا بدلال ده عشان خاطرك بس.
محمود برقة يسلم خاطرك.
نعمات بابتسامة أنا نازلة احضر حالي.
محمود ناظرة لنورا بايحاء مع السلامة ياما اقفلي الباب كويس.
نعمات ضاحكة طيب هاقفله كويس بس براحة براحة البت حامل.
بعد عدة أشهر
يقف محمود بقطعة أرض تحت الانشاء بصحبة نورا يدفع بيديه عربة أطفال الخاصة بالتوأم يرقد بها طفلان غافيان.
محمود بحنق بصراحة مش عارف كان عقلي فين لما سمعت كلامك واشتريت الأرض دي.
نورا بهدوء ليه بس يا حبيبي ما الدنيا ماشية زي الفل أهي.
محمود ساخطا وكان هيجرى أيه لو كنت اشترينا شقة واجرت ورشة وخلصنا دي قدامها مش أقل من سنة عقبال ما نيجي نسكن هما.
نورا بصب يعني احنا قاعدين في الشارع يا حودة ما أنت أول ما بعيت شقتنا سيبنا الشقة المفروشة واجرنا ايجار جديد سنتين وقاعدين ومرتحين فيها.
محمود بحنق قاعدين بعيد عني بعد ما كانت الورشة قدام البيت وباطلع لكم كل ما اعوز.
نورا ضاحكة هو ده بقى اللي مزعلك معلش يا حودة فترة وتعدي بس احسبها معي بالعقل الأحسن أننا نشتري شقة تمليك ونأجر ورشة ولا نبني دي ونعمل بدروم كبير يبقى ورشة نجارة محترمة حاجة كده زي مصنع صغير والدور الأرضي يبقى معرض موبيليا كبير وكما نبني لنفسنا فوق ويبقى الورشة تحت البيت وتطلع وتنزل زي ما أنت عايز.
محمود بمشاكسة من امتى عقلتي كده كنتي احلى وأنت مچنونة.
نورا بضحك المسئولية بقى يا حودة الواحد بقى مسئول عن تلت عيال ولازم يعقل.
محمود بحب ربنا يخلي لي عقل الجميل من يوم ما نزل عليكي العقل يوم ما لاقيت حسين وأنت بسم الله ما شاء الله ربنا بيزيدك بصراحة أنا طبعا عارف أن معكي حق بس خاېف الدنيا توقف شړا الأرض والبنا اخدوا فلوس كتير قوي. 
نورا مطمئنة متقلقش الحمد لله ورشة الحارة
—
ماشية زي الفل واحنا هنمشي خطوة خطوة أنا مش باقول هنفتح المعرض النهاردة احنا ممكن نأجره لمدة خمس سنين لكافيه أو معرض سيارات والقرش اللي يجيبه ينفع في الزنقة دي.
محمود بتفكير والله فكرة.
نورا بحنان شوفت بقى أن ربنا هيحلها أنت أهم حاجة لما البدروم يكمل تنقل الورشة هنا ومتشطبش المعرض اللي يأجره ويشطبه ومش عايزين منه مقدم وبعدين تبني شقتنا ومش لازم تشطيب عالي ننقل بس ونكملها بعد كده على مهلنا من وسع ولما نهدى وناخد نفسنا تبتدي تحدث الورشة وتجيب مكن أحسن عقبال ما عقد ايجار المعرض يخلص وتبتدي أنت تشغله ولو الدنيا وقفت في أي وقت أهو دهبي موجود ويسد.
محمود باستنكار أنا مش قلت دهبك لا. 
نورا بلوم أنت مش صممت أنك تكتب لي جزء قد فلوس البيت وعملت فرق ما بينا ابقى زود الدهب على نصيبي. 
محمود بحنان ده مش فرق يا عبيطة ده حق ربنا وبعدين دي فلوسك أنت يعني حقك في الوضع الطبيعي لكن في حالتنا لازم اضمنه لك بكل الطرق متنسيش أن حسين هيورثني مع نعم ونغم ومينفعش كمان يورث حقك.
نورا بحب ربنا يحفظك لينا يا حودة.
[[system-code:ad:autoads]]محمود بحب ويحفظك لي يا قلب حودة
بعد مرور عشرون عام بإحدى الشقق الفخمة بحي راقي.
محمود بابتسامة قلت أيه يا باشا.
الرجل بابتسامة والله كلامك فوق رأسي يا حج محمود أنت راجل محترم ناظرا بابتسامة لفتاة تجلس بخجل بجوار شاب يشبهها كثيرا بس طبعا الرأي الأخير لعروستنا أيه رأيك يا ماهي.
الفتاة بإيماءة خجولة اللي تشوفه حضرتك يا بابي.
محمود بسعادة ناظر ا للشاب لجواره على بركة الله مبروك يا حسين يبقى نكتب على الشهر الجاي وبالمرة كده ممكن نعمل كتب كتابه مع خطوبة أخته.
الشاب بجوار ماهي باندفاع هي نغم اتخطبت
محمود بابتسامة لا دي نعم اتخطبت لمعيد زميلها.
الشاب بارتياح الحمد لله.
حسين بحدة هتفرق في حاجة.
الشاب بتوتر لا بس يعني عشان نعم الكبيرة ودي الأصول وبعدين نغم لسه صغيرة.
صمت حسين متبرما بينما انحنت ماهي على أذن الشاب هامسة اتلم يا شهاب عجبك كده ما أنت عارف قد أيه بيغير على أخواته.
شهاب متذمرا بهمس دول يادوب ولاد عم أبوه ومربي لهم الړعب.
ماهي بلوم يا سلام ما هما أخواته في الرضاعة وبعدين بدل التسبيل ده ما تاخد خطوة ونبقى كلنا سوى في ليلة واحدة.
[[system-code:ad:autoads]]شهاب هامسا برجاء ياريت هو أنا أطول بس مش عارف حتى أعرف رأيها قبل خطوة زي دي خطيبك محاصرهم مبيتحركوش من غيره حتى نعم اللي أكبر منه ومعيدة قد الدنيا بيوديها الجامعة ويجبها ضاحكا بخفوت ده قليل لو مقعدش معها في المحاضرات بعد ما اتخطبت لزميلها. 
قاطعهما صوت تلك السيدة الراقية زاجرا في حاجة يا ولاد.
ماهي وشهاب باعتذار سوري مامي.
نورا بحنان سيبيهم براحتهم ربنا يفرحهم وميحرمهمش من بعض.
السيدة برقي أمين يا نورا وبمناسبة الدعوة الحلوة دي أنا لي طلب عند الحج محمود.
محمود بأدب أنت تؤمري يا مدام.
السيدة بسعادة بصراحة صالح شاري شقتين لماهي وشهاب وكنا عاملين حسابنا يتجوزوا معنا هنا في البرج أنا مقدرش ابعد عنها.
محمود باحراج والله دي حاجة تخص حسين.
حسين بأدب بعد أذنك يا بابا أنا أسف يا طنط أنا مش هاقدر اعيش في شقة مراتي غير أن الطبيعي أن الرجل هو اللي بيجيب الشقة كمان أنا مقدرش ابعد عن بابا وماما واخواتي ممكن مكنش ابنهم پالدم بس أنا مليش حد غيرهم من يوم ما فتحت عيني على الدنيا وبعدين صحيح أن عمارتنا مش في منطقة راقية زي هنا بس كمان هتبقى مكان شغلي حضرتك عارفة أني فتحت مكتب ديكور فوق المعرض وشغلي هيعتمد على مصنع النجارة والمعرض.
صالح بحرج احنا سبق واتفقنا يا محمود سوزي بس كانت بتقترح لكن أنا راجل كلمتي واحدة وأنا يشرفني أن بنتي تتجوز راجل زي حسين.
محمود بفخر يمكن يا باشا العمارة مش زي هنا وكمان أنا عارف أنكم ولاد أصل واسم وعيلة واحنا يعني ناس عادية وأنا عن نفسي اتولدت مليش في الدنيا غير أمي الله يرحمها بعد ما أخويا ماټ تحت الانقاض وللاسف حسين نصيبه زيي بس اللي اقدر اوعدك به أنك هتجوز بنتك لراجل معنى الكلمةوأنها هتعيش وسطنا معززة مكرمة.
صالح بثقة ده اللي أنا واثق منه ده اللي خلاني اديكم بنتي الوحيدة وانا مطمن أنا لما سألت عليكم ياحاج محمود لاقيت سمعتكم سابقكم وياما ولاد عز وحسب لكن مش ولاد أصول وأنا بعد قربنا منكم وعشرتي لحسين اطمنت اكتر واتأكدت أني اخترت لبنتي راجل ابن حلال.
بقاعة أفراح كبرى
تجلس نورا بجانب محمود بسعادة يتطلعان للعريسان وعروستهما بسعادة.
محمود بسعادة مبسوطة يا نوارتي.
نورا بسعادة الحمد لله الشكرلله هو
—
في أكتر من كده فرحة كب كاب حسين وخطوبة نعم في يوم واحد.
محمود بحب عقبال جوازهم هما ونغم وتفضالي يا جميل.
نورا ضاحكة بس يا محمود عيب حد يسمعك ولادك الاتنين فرحهم النهادة والصغيرة كلها سنة وتبقى دكتورة.
محمود بضحك هو أنا قلت حاجة أنت اللي نيتك وحشة وبعدين هو عشان الولاد كبرواابقى عجزت لا لعلمك أنا هافضل شباب و استني بس أجوز لك الدكتورة بتاعتك وأوريكي.
نورا بسعادة أنت شباب علطول يا حودة مراقبة لشهاب الذي يترصد نغم بكل حركة وشكلك مش هاتستنى كتير.
تتحرك نغم برقة تحاول الوصول لطاولة والديها ولكنها تفاجئ بشهاب يعترض طريقها.
نغم بخجل عن أذنك.
شهاب بعبث لا.
نغم بخجل لو سمحت عديني هاقول لحسين.
شهاب بعبث طيب ما أنا كمان هاقول لحسين وعم حسين.
نغم بذهول هتقوله أيه
شهاب بحب أني بحبك وعايز أتجوزك موافقة.
نغم باضطراب عن أذنك.
سمح لها بالمرور لم يشأ أن يحرجها أكثر من ذلك يكفيه نظرة السعادة الخجول بعينبها هرولت هاربة لطاولة أبيها ليتبع بحماس وسعادة.
نورا بهمس وهي تشير لقدومهما بطرف خفي شكلك مش هتستنى خالص ياحودة.
يطالع محمود وجه نغم المحتقن خجلا وذلك الذي يتبعها بنظرات لطالما احتلت عينيه لوالدتها لينظر لنورا مبتسما وهو يضغط يدها بحب.
كدة خلص الجزء الاول ويالا بينا عالجزء الثاني