اجمد روايه 3

نادر بصوت قوي
=مفهوم يا عمر باشا كل أوامرك هتتنفذ متقلقش

اغلق عمر الهاتف بغضب حارق واخرج سلا..حه الناري وتأكد من إمتلائه =بالزخيره وهو يقود السياره بسرعه رهيبه في اتجاه العنوان المتواجده به سيارة عصمت ..وعقله يعمل في كل الاتجاهات محاولا ايجاد الرابط بين اختفاء حبيبه وبين عصمت خالته
ضرب عمر مقود السياره بقوه وعنف عدة مرات وهو يقول بغضب شديد

=ياويلك يا عصمت لو كان ليكي يد في خطف حبيبه ..هدفعك تمن كل الي عملتيه وكنت ساكت عنه عشان وصية امي الله يرحمها
ثم زاد من سرعة سيارته بطريقه متهوره مجنونه..

قبل قليل..

ارتفع رنين هاتف شريف الذي نظر اليه بارتباك شديد فهو منذ الصباح يرفض الرد على اتصالات صادق ابو الدهب المتكرره خوفا من ان يكون قد علم عن اتفاقه مع عصمت
ليقرر اخيرا الاجابه على الهاتف
بارتباك وخوف

=ألو ايوه يا صادق بيه ..

صادق بغضب مجنون

=انت مبتردش على اتصلاتي ليه يا حيوان

شريف بارتباك
=مفيش..مفيش التليفون كان صامت ولسه واخد بالي دلوقتي

صادق بغضب
=التليفون برضه الي كان صامت والا انت الي كنت بتتهرب مني

ابتلع شريف ريقه بخوف
=وهاتهرب منك ليه بس يا صادق بيه

صادق بتهكم غاضب
=بقى مش عارف بتتهرب مني ليه ..

ثم تابع بغضب شديد
=مين الي إداك الاذن انك تتصرف من دماغك.. خدت إذن مين قبل ما تتفق مع عصمت على خطف وقتل حبيبه

شريف بخوف
=محصلش يا صادق بيه انا…

صادق بجنون
=اخرس وقبل ما تكمل كدب انا مهكر تليفونك وكل اتصالاتك عندي..دا غير اني ليا عيون جوه قصر الرشيدي وبلغوني بكل الي حصل..وأمرتهم يعطلوا الكاميرا الي بتظهر عصمت وهي بتخطف حبيبه

ثم بصق عليه بطريقه مقززه وهو يصرخ به بجنون
=وعشان يكمل غبائك بحاول اتصل بيك وبدور عليك من الصبح عشان اخليك تلغي المصيبه الي عملتها .. الاقيك مختفي ومبتردش عليا

شريف بارتباك وخوف
=انا….انا كنت..

قاطعه صادق بغضب
=إخرس وإسمعني..اتصل حالا بعصمت وإلغي كل الي اتفقتوا عليه وحاولوا تضغطوا على حبيبه وتخوفوها..خليها تقول انها هي الي مشيت او كانت خارجه مع عصمت ونسيت تقول لعمر اي حاجه المهم نخرج من المصيبه دي

ليتابع بتوتر
=الرشيدي عرف ان مراته اتخطفت وقالب الدنيا عليها ولو ماتت والا جرالها حاجه هيدمرنا كلنا..
مش هيسيب حد من غير ماينتقم منه
وكل الي عملناه هيضيع بسبب غبائك