اجمد روايه 3

عصمت بخوف
=الكلام الي بتقوله ده استحاله عمر يصدقه

شريف بتهكم
=الكلام الي بقوله ده يتصدق اكتر من الي انتي كنتي عاوزه تعمليه في حبيبه
وعموما حبيبه بنفسها هتأكدله صحة كلامك

ليتابع بتوتر
=وعموما إنتي مفيش قدامك غير كده والا هتلاقي نفسك مفرومه ما بين عمر واهل مي

ثم تابع بتوتر وفروغ صبر

=اسمعي الكلام ونفذي الي بقولهولك وانا اقل من ساعه وهكون عندك
ثم اغلق الهاتف وتركها تفكر بتوتر في الطريقه التي ستستطيع تهريب حبيبه بها ..

بعد قليل..

وقفت عصمت بجانب دسوقي وعطوه وهمست لهم بتوتر وهي تشاهد الاستعدادات التي تجري على قدم وساق لإقامة الزفاف ..

=أنا هاخد حبيبه وهمشي وعاوزاكم تساعدوني اني اخرج بيها من غير حد ياخد باله

عطوه بغضب
=طب والفرح انتي عاوزانا نتفضح في البلد والا ايه

عصمت بغضب
= فرح ايه انت صدقت نفسك انك هتتجوزها بجد ..دي متجوزه ..ومش متجوزه اي حد ..دي متجوزه عمر الرشيدي ..اظن انت عارفه وقابلته قبل كده وعارف هو يقدر يعمل فيكم ايه

عطوه بغضب
=وهو ايه الي هيعرفه انها هنا..وبعدين حتى لو عرف هتكون الفاس وقعت في الراس ومش هيكون قدامه غير انه يطلقها ويخلص من فضيحتها

نظر له دسوقي بصرامه و بغضب

=إسكت يا بهيم ..إيه البت إحلوت في عينك وعاوزنا نقع مع المرشدي بالساهل كده..
مش فاكر اخر مره عمل فينا ايه لما حاولنا ناخد مي بنت عمك من غير إذنه

ثم إلتفت لعصمت وقال بغضب
=انتي معاكي حق يا عصمت هانم الموضوع لازم يخلص لحد هنا انا هساعدك تاخديها وتغورو من البلد دي خالص ومش عاوز اشوف وشكم هنا بعد كده
عصمت بغضب
=انت اتجننت ازاي تتكلم معايا بالشكل ده
دسوقي بغضب
=انا اتجننت اني طاوعتك واديني هتجرس قدام اخويا والي اكتر من كده ممكن الرشيدي يعرف الي عملناه وساعتها يبقى عمرنا ضاع هدر

ثم تابع بحزم

=البت لساها مرميه في أوضة الخزين تعالي معايا انا وعطوه هنخرجهالك بره الدار خالص ..وبعدها ملناش دعوه بيكم صرفوا نفسكم

عصمت بغضب
=بقى كده ماشي يا دسوقي حسابنا يجمع بس لما اخلص من المصيبه الي احنا فيها دي

تجاهل دسوقي كلماتها واشار لها بغضب
=تعالي معايا انا ههربكم من باب الزريبه..وانت يا عطوه راقب لنا الطريق..

ليتلفت حوله وهو يقول بغضب

=الواد عطوه سابنا وراح فين

شهقت عصمت وهي تتلفت حولها بخوف
=يا دي المصيبه ليكون راح لحبيبه هي ناقصه ابنك وغبائه كمان