اصدقائي قنبله ذريه ٢

الفصل الثالث عشر

ﻓﺘﺤﺖ ﺩﻳﻤﺎ ﺑﺎﺏ ﻣﻜﺘﺒﻬﺎ ﻟﺘﺪﺧﻞ ﻭﻳﻠﺤﻖ ﺑﻬﺎ ﻛﻼً ﻣﻦ ﺭﻧﺎ
ﻭﻣﻴﺮﻧﺎ ﻭﻣﺎﺭﻱ ﻭﻣﺮﻳﻢ ﻭﻫﻦ ﻳﻀﺤﻜﻦ ﻣﻦ ﻗﻠﺒﻬﻦ.
ﻣﻴﺮﻧﺎ: ﻫﻬﻬﻬﻬﻬﻬﻪ ﻳﺴﺘﺎﻫﻞ … ﻫﻮ ﻛﻤﺎﻥ ﻋﺎﻳﺰﻙ ﺗﺤﻀﺮﻱ
ﻟﻪ ﻫﺪﻭﻣﻪ ﻗﺒﻞ ﻣﺎ ﻳﻨﺰﻝ ؟ … ﺩﺍ ﺇﻳﻪ ﺍﻟﺒﺠﺎﺣﻪ ﺩﻱ؟
ﻣﺎﺭﻱ : ﺑﺲ ﺇﻧﺘﻲ ﺧﺮﺟﺘﻲ ﻫﺪﻭﻣﻪ ﺇﻣﺘﻰ ؟ … ﺇﻧﺘﻲ
ﻟﺤﻘﺘﻲ؟
ﺭﻧﺎ ﺑﺒﺮﺍﺀﺓ: ﻃﺐ ﺃﻋﻤﻞ ﺇﻳﻪ ﺑﺲ ﻳﺎ ﻣﺎﺭﻱ … ﻣﻴﺮﻧﺎ ﺧﻠﺘﻨﻲ
ﺍﺷﺘﺮﻱ ﺣﺎﺟﺎﺕ ﻛﺘﻴﺮ ﺟﻴﺖ ﺃﺭﺻﻬﺎ ﻣﺎ ﻻﻗﺘﺶ ﻣﻜﺎﻥ …
ﺭﻭﺣﺖ ﻭﺍﺧﺪﻩ ﻫﺪﻭﻣﻪ ﻭﻭﺩﻳﺘﻬﺎ ﻟﻪ ﺍﻷﻭﺿﺔ ﺍﻟﺘﺎﻧﻴﺔ ﻭﺣﻄﻴﺖ
ﻫﺪﻭﻣﻲ ﺃﻧﺎ ﺑﻘﻰ
ﻣﺮﻳﻢ: ﻫﻬﻬﻬﻬﻬﻬﻬﻬﻪ ﺩﺍ ﺇﻧﺘﻲ ﻃﻠﻌﺘﻲ ﻗﻮﻳﺔ ﻭﻣﺶ ﻣﺤﺘﺎﺟﻪ
ﺣﺪ ﻳﺴﺎﻋﺪﻙ ﻭﻻ ﺣﺎﺟﻪ … ﻛﻠﻬﺎ ﻛﺎﻡ ﻳﻮﻡ ﻭﺗﻄﻔﺸﻴﻬﻢ
ﺩﻳﻤﺎ: ﻫﻬﻬﻬﻬﻬﻬﻬﻪ ﻛﻔﺎﻳﺔ ﻫﺰﺍﺭ ﺑﻘﻰ ﻭﺧﻠﻴﻨﺎ ﻓﻲ ﺍﻟﺸﻐﻞ
ﺇﻟﺘﻔﺘﺖ ﺇﻟﻰ ﻣﺮﻳﻢ : ﺧﺪﻳﻬﺎ ﻋﻠﻰ ﻗﺴﻢ ﺍﻟﻌﻼﻗﺎﺕ ﺍﻟﻌﺎﻣﺔ
ﻭﻋﺮﻓﻴﻬﻢ ﺑﻴﻬﺎ
ﻣﺮﻳﻢ: ﺣﺎﺿﺮ ﻳﺎﻓﻨﺪﻡ
ﺭﻧﺎ : ﻫﻬﻬﻬﻬﻬﻬﻬﻪ ﺇﻧﺘﻲ ﻗﻠﺒﺘﻴﻬﺎ ﺟﺪ ﻛﺪﺍ ﻟﻴﻪ ﻣﻦ ﺃﻭﻟﻬﺎ
ﻣﻴﺮﻧﺎ: ﺇﻧﺘﻲ ﻟﺴﻪ ﻣﺎ ﺷﻮﻓﺘﻴﺶ ﺣﺎﺟﻪ … ﺩﻱ ﺑﺘﺴﺨﻦ ﺑﺲ
ﺭﻧﺎ : ﻻ ﻻ ﺑﺮﺍﺣﻪ ﻋﻠﻴﺎ ﺃﻧﺎ ﻣﺎ ﺑﻘﺎﻟﻴﺶ ﻏﻴﺮ ﺭﺑﻊ ﺳﺎﻋﺔ ﻫﻨﺎ
ﻣﺎﺭﻱ : ﺑﺲ ﺑﺄﻣﺎﻧﺔ ﺃﺣﻠﻰ ﺣﺎﺟﻪ ﺇﻧﻪ ﺇﺣﻨﺎ ﺳﻮﺍ
ﻣﺮﻳﻢ: ﻓﻌﻼً ﺃﻧﺎ ﻣﺒﺴﻮﻃﺔ ﺃﻭﻱ … ﻛﺪﺍ ﻣﺶ ﻧﺎﻗﺼﻨﺎ ﻏﻴﺮ
ﻫﺪﻯ
ﺩﻳﻤﺎ: ﻓﻌﻼً ﺃﻧﺎ ﻣﺤﺘﺎﺟﻜﻮﺍ ﺟﻨﺒﻲ ﺍﻟﻔﺘﺮﺓ ﺩﻱ ﺃﻭﻱ … ﻻﺯﻡ
ﺃﻋﺮﻑ ﻣﻴﻦ ﺍﻟﻠﻲ ﻋﺎﻳﺰ ﻳﺄﺫﻳﻨﻲ ﻭﻟﻴﻪ !
ﻏﻤﺰﺗﻬﺎ ﺭﻧﺎ : ﻣﺎ ﺗﺨﺎﻓﻴﺶ ﻭﺭﺍﻛﻲ ﺭﺟﺎﻟﻪ
ﻣﻴﺮﻧﺎ: ﻫﻬﻬﻬﻬﻬﻬﻬﻪ ﺇﺣﻨﺎ ﻋﺎﻣﻠﻴﻦ ﺯﻱ ﺍﻟﻌﺼﺎﺑﺎﺕ ﺑﺎﻟﻈﺒﻂ
ﺩﻳﻤﺎ: ﺃﻧﺎ ﻟﻮ ﺃﻃﻮﻝ ﺃﻭﺯﻋﻜﻮﺍ ﻓﻲ ﻛﻞ ﺍﻷﻗﺴﺎﻡ ﻓﻲ ﺍﻟﺸﺮﻛﺔ
ﻛﻨﺖ ﻋﻤﻠﺖ ﺑﺲ ﺭﺑﻨﺎ ﻳﺴﺘﺮ ﺑﻘﻰ
ﻣﺮﻳﻢ: ﻣﺎ ﺗﻘﻠﻘﻴﺶ ﺇﺣﻨﺎ ﻣﻌﺎﻛﻲ ﺃﻫﻮ
ﻣﻴﺮﻧﺎ: ﺇﻧﺘﻲ ﻣﺤﺴﺴﺎﻧﻲ ﺇﻥ ﻭﺭﺍﻫﺎ ﻓﻨﺘﺎﺳﺘﻴﻚ ﻓﻮﺭ … ﺟﺎﺗﻚ
ﻧﻴﻠﻪ ﺩﺍ ﺇﺣﻨﺎ ﻣﻊ ﺃﻭﻝ ﻗﻠﻢ ﻫﻨﺠﺮﻱ ﻭﻧﺴﻴﺒﻬﺎ
ﺍﻧﻔﺠﺮﻥ ﻓﻲ ﺍﻟﻀﺤﻚ ، ﻗﺎﻃﻌﻬﻢ ﺩﺧﻮﻝ ﺑﺎﺳﻞ ﺍﻟﻌﺎﺻﻒ
ﻭﺭﺍﻣﻲ ﻳﻠﺤﻖ ﺑﻪ ﻓﺘﻮﻗﻔﻦ ﻓﺠﺄﺓ ﻭﻧﻈﺮﻥ ﺇﻟﻰ ﺑﻌﻀﻬﻦ
ﺑﺪﻫﺸﺔ.
ﻭﺿﻊ ﺑﺎﺳﻞ ﻳﺪﻳﻪ ﻋﻠﻰ ﺍﻟﻤﻜﺘﺐ ﺃﻣﺎﻡ ﺩﻳﻤﺎ ﻭﻗﺎﻝ ﺑﻐﻀﺐ :
ﺇﻧﺘﻲ ﻋﺎﻳﺰﺓ ﻣﻨﻲ ﺇﻳﻪ؟ … ﺭﺍﺟﻌﺔ ﺗﻨﺘﻘﻤﻲ ﻣﻨﻲ ﻳﻌﻨﻲ ﻭﻻ
ﺇﻳﻪ؟
ﺭﺍﻣﻲ ﻣﻬﺪﺋﺎً: ﺑﺮﺍﺣﻪ ﻳﺎ ﺑﺎﺳﻞ ﻣﺶ ﻛﺪﺍ
ﺑﺎﺳﻞ ﺑﻨﻔﺲ ﺍﻟﻨﺒﺮﺓ: ﺳﻴﺒﻨﻲ ﻳﺎ ﺭﺍﻣﻲ ﻣﺶ ﻭﻗﺘﻚ … ﺟﻴﺒﻲ
ﻣﻦ ﺍﻷﺧﺮ ﻋﺎﻳﺰﺓ ﻣﻨﻲ ﺇﻳﻪ؟
ﺇﻟﺘﻔﺘﺖ ﺩﻳﻤﺎ ﺇﻟﻰ ﺍﻟﺒﻘﻴﺔ: ﻣﻤﻜﻦ ﺗﺴﻴﺒﻮﻧﺎ ﻟﻮﺣﺪﻧﺎ ﺷﻮﻳﺔ ؟
ﻏﺎﺩﺭ ﺍﻟﺠﻤﻴﻊ ﻭﺑﻘﻰ ﺭﺍﻣﻲ ﻭﺑﺎﺳﻞ ﺑﺮﻓﻘﺘﻬﺎ ﻓﺄﺿﺎﻓﺖ ﻣﻮﺟﻬﺔ
ﺍﻟﺤﺪﻳﺚ ﺇﻟﻰ ﺭﺍﻣﻲ: ﻣﻌﻠﺶ ﻳﺎ ﺭﺍﻣﻲ ﻣﻤﻜﻦ ﺗﺸﺮﺏ ﺣﺎﺟﻪ
ﻋﻨﺪ ﻣﺮﻳﻢ ﺑﺮﻩ ؟
ﺗﺮﺩﺩ ﺭﺍﻣﻲ ﻗﻠﻴﻼً ﻗﺒﻞ ﺃﻥ ﻳﻘﺒﻞ ﻣﻐﺎﺩﺭﺍً ﺑﻬﺪﻭﺀ ، ﺃﺷﺎﺭﺕ
ﻟﺒﺎﺳﻞ ﺃﻥ ﻳﺠﻠﺲ ﻭﺟﻠﺴﺖ ﺗﺴﺄﻟﻪ: ﺗﺤﺐ ﺗﺸﺮﺏ ﺇﻳﻪ؟
ﻗﺎﻝ ﺑﺤﻨﻖ: ﻳﺎ ﺭﻳﺖ ﺑﻼﺵ ﺍﻟﺸﻜﻠﻴﺎﺕ ﺍﻟﻠﻲ ﻣﺎﻟﻬﺎﺵ ﻻﺯﻣﻪ
ﺩﻱ
ﺩﻳﻤﺎ ﺑﺒﺮﻭﺩ : ﻟﻮ ﺇﻛﺮﺍﻡ ﺍﻟﻀﻴﻒ ﺑﺎﻟﻨﺴﺒﺎﻟﻚ ﻣﺠﺮﺩ ﺷﻜﻠﻴﺎﺕ
ﻓﺪﻱ ﻣﺸﻜﻠﺔ ﺣﻀﺮﺗﻚ ﻣﺶ ﻣﺸﻜﻠﺘﻲ
ﺃﺟﺎﺑﻬﺎ ﻣﺤﺮﺟﺎً: ﻣﻤﻜﻦ ﻗﻬﻮﺓ
ﺭﻓﻌﺖ ﺍﻟﺴﻤﺎﻋﺔ ﻭﻃﻠﺒﺖ ﻟﻪ ﻣﺎ ﺃﺭﺍﺩ ﻭﻋﺎﺩﺕ ﺗﻨﻈﺮ ﻟﻪ ﺑﺠﺪﻳﺔ
ﻣﺴﺘﻔﻬﻤﺔ: ﻣﻤﻜﻦ ﺗﻘﻮﻟﻲ ﻓﻲ ﺇﻳﻪ ﺑﻘﻰ؟ … ﺑﺲ ﻳﺎ ﺭﻳﺖ
ﺑﻬﺪﻭﺀ ﻋﺸﺎﻥ ﺃﻓﻬﻢ ﻭﻧﻘﺪﺭ ﻧﻮﺻﻞ ﻟﺤﻞ
ﺳﺄﻟﻬﺎ ﺳﺎﺧﺮﺍً: ﻳﻌﻨﻲ ﻣﺶ ﻋﺎﺭﻓﺔ ؟
ﺃﺟﺎﺑﺘﻪ ﺑﻨﻔﺲ ﺍﻟﺒﺮﻭﺩ : ﻟﻮ ﻛﻨﺖ ﻋﺎﺭﻓﺔ ﻣﺎﻛﻨﺘﺶ ﺳﺄﻟﺖ …
ﻭﺃﻇﻦ ﺃﻧﺖ ﺃﻛﺘﺮ ﻭﺍﺣﺪ ﻋﺎﺭﻑ ﺇﻧﻲ ﺑﺄﺣﺐ ﺍﻟﺼﺮﺍﺣﺔ ﻭﻣﺎﻟﻴﺶ
ﻑ ﺍﻟﻠﻒ ﻭﺍﻟﺪﻭﺭﺍﻥ
ﺃﺟﺎﺏ: ﻣﺎ ﺗﻌﺮﻓﻴﺶ ﺇﻧﻚ ﻛﺴﺒﺘﻲ ﺍﻟﻤﻨﺎﻗﺼﺔ ﺍﻟﻠﻲ ﻛﻨﺘﻲ
ﺩﺍﺧﻼﻫﺎ ﻗﺼﺎﺩﻱ؟
ﺳﺄﻟﺘﻪ ﺑﻬﺪﻭﺀ: ﺍﻟﻨﺘﻴﺠﺔ ﻃﻠﻌﺖ ﺇﻣﺘﻰ؟
– ﺇﻣﺒﺎﺭﺡ
– ﺇﻣﺒﺎﺭﺡ ﻣﺎ ﻛﻨﺘﺶ ﻓﻲ ﺍﻟﻤﻜﺘﺐ ﻏﻴﺮ ﺷﻮﻳﺔ ﺻﻐﻴﺮﻳﻦ ﺧﻠﺼﺖ
ﺍﻟﻮﺭﻕ ﺍﻟﻤﻬﻢ ﻭﺑﻌﺪﻳﻦ ﻃﻠﻌﺖ ﻋﺎﻟﻤﺼﻨﻊ ﻭﻛﺎﻥ ﻋﻨﺪﻱ ﻣﻌﺎﺩ
ﻣﻊ ﻋﻤﻴﻞ ﻭﻣﺎ ﺭﺟﻌﺘﺶ ﺍﻟﺸﺮﻛﺔ ﺗﺎﻧﻲ … ﻭﺇﻳﻪ ﺍﻟﻤﺸﻜﻠﺔ
ﺇﻧﻲ ﻛﺴﺒﺖ ﺍﻟﻤﻨﺎﻗﺼﺔ ﺩﻱ؟ … ﺩﺍ ﺷﺊ ﻛﺎﻥ ﻣﺘﻮﻗﻊ ﺃﺳﺎﺳﺎً
ﻭﻻ ﺃﻧﺖ ﺇﻳﻪ ﺭﺃﻳﻚ؟
ﺳﺄﻟﻬﺎ ﻣﺒﺎﺷﺮﺓ : ﺇﻧﺘﻲ ﺩﺧﻠﺘﻴﻬﺎ ﻟﻴﻪ ؟
– ﻭﻣﺎ ﺃﺩﺧﻠﻬﺎﺵ ﻟﻴﻪ ؟
-ﻋﺸﺎﻥ ﺃﻧﺎ ﻓﻴﻬﺎ !
– ﻭﺃﻧﺎ ﺃﻋﻤﻞ ﺇﻳﻪ ﻋﺸﺎﻥ ﺣﻀﺮﺗﻚ ﻓﻴﻬﺎ؟ … ﺃﺿﺮﺏ ﺗﻌﻈﻴﻢ
ﺳﻼﻡ ﻣﺜﻼً؟
ﺷﻌﺮ ﺑﺤﻨﻖ ﻹﺳﺘﻬﺰﺍﺀﻫﺎ ﺑﻪ ﻓﺮﺩ ﻋﻠﻴﻬﺎ: ﺇﻧﺘﻲ ﺃﺧﺘﻔﻴﺘﻲ
ﺑﻘﺎﻟﻚ 3 ﺳﻨﻴﻦ ﺗﻘﺮﻳﺒﺎً ، ﺇﻳﻪ ﺍﻟﻠﻲ ﺭﺟﻌﻚ ؟
ﻧﻈﺮﺕ ﻟﻪ ﺷﺬﺭﺍً: ﻭﺍﻟﻠﻪ ﺃﻧﺎ ﺭﺟﻌﺖ ﻟﺤﻴﺎﺗﻲ ﻭﺷﻐﻠﻲ … ﻟﻜﻦ
ﻣﺎ ﺭﺟﻌﺘﻠﻜﺶ ﻳﻌﻨﻲ ﻣﺎ ﻳﻔﺮﻗﺶ ﻣﻌﺎﻙ ﺣﺎﺟﻪ ﺯﻱ ﺩﻱ ﻭﻻ
ﺇﻳﻪ؟
– ﺇﻧﺘﻲ ﺭﺟﻌﺘﻲ ﻋﺸﺎﻥ ﺗﺪﻣﺮﻳﻨﻲ !
– ﻭﺃﺩﻣﺮﻙ ﻟﻴﻪ ؟
-ﻋﺸﺎﻥ ﺇﺗﺠﻮﺯﺕ ﻋﻠﻴﻜﻲ
– ﻭﻣﺎ ﻋﻤﻠﺘﺶ ﻛﺪﺍ ﻣﻦ ﺯﻣﺎﻥ ﻟﻴﻪ؟ … ﺇﺷﻤﻌﻨﻪ ﺩﻟﻮﻗﺘﻲ؟
– ﻣﺎ ﻫﻮ ﺩﺍ ﺍﻟﻠﻲ ﻋﺎﻳﺰ ﺃﻋﺮﻓﻪ
ﺃﻣﺴﻜﺖ ﻗﻠﻤﺎً ﻭﺗﻨﺎﻭﻟﺖ ﺃﺣﺪ ﺍﻟﻤﻠﻔﺎﺕ ﺑﻌﺪ ﺃﻥ ﻗﺎﻟﺖ ﺑﺤﺰﻡ:
ﻳﺎ ﺭﻳﺖ ﺣﻀﺮﺗﻚ ﺗﺘﻘﺒﻞ ﺍﻟﻬﺰﻳﻤﺔ … ﻋﺎﻟﻢ ﺍﻷﻋﻤﺎﻝ ﻛﺪﺍ ﻳﻮﻡ
ﺗﺨﺴﺮ ﻭﻳﻮﻡ … ﺍﻟﻠﻪ ﺃﻋﻠﻢ … ﻭﺑﻼﺵ ﺷﻐﻞ ﺍﻟﻌﻴﺎﻝ ﺩﺍ …
ﺃﻧﺖ ﻣﺶ ﻣﻬﻢ ﺑﺎﻟﻨﺴﺒﺔ ﻟﻲ ﻭﻻ ﺑﺄﻓﻜﺮ ﻓﻴﻚ ﻟﺪﺭﺟﺔ ﺇﻧﻲ
ﺃﻓﻜﺮ ﺃﻧﺘﻘﻢ ﻣﻨﻚ … ﻧﺼﻴﺤﺔ ﻣﻨﻲ ﻟﻴﻚ ، ﻣﺎ ﺗﺪﻳﺶ ﻟﻨﻔﺴﻚ
ﺃﻫﻤﻴﺔ ﺃﻛﺒﺮ ﻣﻦ ﻗﺪﺭﻫﺎ
ﺷﻌﺮ ﻣﻦ ﺣﺮﻛﺘﻬﺎ ﺃﻧﻬﺎ ﺃﻧﻬﺖ ﺍﻟﺤﻮﺍﺭ ﻓﻨﻬﺾ ﻣﻨﺼﺮﻓﺎً: ﺃﻣﺎ
ﻧﺸﻮﻑ ﻣﻴﻦ ﺍﻟﻠﻲ ﻫﻴﻜﺴﺐ ﻓﻲ ﺍﻷﺧﺮ ﻳﺎ ﻣﺪﺍﻡ … ﺩﻳﻤﺎ
ﻓﻮﺭ ﺧﺮﻭﺟﻪ ﺗﺮﻛﺖ ﻣﺎ ﺣﺎﻭﻟﺖ ﺃﻥ ﺗﻮﻫﻤﻪ ﺑﺈﻧﺸﻐﺎﻟﻬﺎ ﺑﻪ ،
ﻭﻋﺎﺩﺕ ﺑﻬﺎ ﺍﻟﺬﺍﻛﺮﺓ ﺇﻟﻰ ﻣﺎ ﻗﺒﻞ 3 ﺃﻋﻮﺍﻡ ….
****
ﻣﺎ ﺇﻥ ﺃﻧﻬﺖ ﻗﺮﺍﺀﺓ ﺗﻠﻚ ﺍﻟﻮﺭﻗﺔ ﺣﺘﻰ ﺇﻧﻬﺎﺭﺕ ﻋﻠﻰ ﺍﻟﻤﻘﻌﺪ
ﺍﻟﻤﺠﺎﻭﺭ ﻟﻬﺎ ﻭﺗﺴﺎﻗﻄﺖ ﺍﻟﺪﻣﻮﻉ ﺑﻐﺰﺍﺭﺓ ﺩﻭﻥ ﺃﻥ ﺗﺠﺪ ﻣﺎﻧﻊ
ﻳﺤﻮﻝ ﺩﻭﻥ ﺫﻟﻚ ، ﺩﻟﻒ ﺑﺎﺳﻞ ﺍﻟﻐﺮﻓﺔ ﻣﺴﺘﻐﺮﺑﺎً : ﻛﻞ ﺩﺍ ﻣﺎ
ﻻﻗﺘﻴﺶ ﺍﻟﻮﺭ …
ﺑُﻬﺖ ﺑﺎﺳﻞ ﻋﻨﺪﻣﺎ ﺭﺃﻯ ﻣﻈﻬﺮﻫﺎ ﻓﺴﺄﻟﻬﺎ ﺑﺠﺰﻉ: ﻣﺎﻟﻚ؟
ﺳﺄﻟﺘﻪ ﻣﺒﺎﺷﺮﺓ : ﺃﻧﺖ ﺃﺗﺠﻮﺯﺕ ﻋﻠﻴﺎ ؟
ﺯﻓﺮ ﺑﻘﻮﺓ ﻭﺃﻣﺴﻚ ﺑﺎﻟﻤﻠﻒ: ﻫﺄﺩﻱ ﺍﻟﻤﻮﻇﻒ ﺍﻟﻤﻠﻒ ﺩﺍ
ﺍﻷﻭﻝ ﻭﺃﺭﺟﻌﻠﻚ
ﻏﺎﺩﺭ ، ﺷﻌﺮﺕ ﺑﺎﻹﻧﻬﻴﺎﺭ ﻓﻬﻮ ﻟﻢ ﻳﻨﻜﺮ ﻣﺎ ﻭﺍﺟﻬﺘﻪ ﺑﻪ ، ﻋﺎﺩ
ﺑﻌﺪ ﻟﺤﻈﺎﺕ ﻭﻟﻜﻨﻪ ﻇﻞ ﺻﺎﻣﺘﺎً ﻓﺒﺎﺩﺭﺗﻪ ﺑﺈﻧﻜﺴﺎﺭ : ﻫﻮ ﺃﻧﺎ
ﻭﺣﺸﺔ ﺃﻭﻱ ﻛﺪﺍ ﻋﺸﺎﻥ ﺗﺘﺠﻮﺯ ﻋﻠﻴﺎ ؟
ﻧﻔﻰ ﺫﻟﻚ ﺑﺴﺮﻋﺔ : ﻻ ﻻ ﺇﻧﺘﻲ ﻣﺎﻓﻴﺶ ﻣﻨﻚ ، ﺻﺪﻗﻴﻨﻲ
ﻧﻬﻀﺖ ﻓﺠﺄﺓ ﻭﻗﺪ ﺩﺑﺖ ﻓﻲ ﺟﺴﺪﻫﺎ ﺍﻟﻄﺎﻗﺔ ﺑﻄﺮﻳﻘﺔ ﻋﺠﻴﺒﺔ
ﻭﺻﺮﺧﺖ : ﺃﻭﻣﺎﻝ ﻟﻴﻪ؟ ﻟﻴﻪ؟ ﺃﻧﺎ ﻏﻠﻄﺖ ﻓﻲ ﺣﻘﻚ ﻓﻲ
ﺇﻳﻪ ؟ ﻓﻬﻤﻨﻲ !
ﺃﻣﺴﻚ ﻛﺘﻔﻴﻬﺎ ﻟﺘﻬﺪﺋﺘﻬﺎ ﻭﺻﺎﺡ: ﻏﻠﻄﺘﻚ ! ﻏﻠﻄﺘﻚ ﺇﻧﻚ ﺧﻠﻴﺘﻲ
ﺃﺑﻮﻳﺎ ﻳﺤﺒﻚ ، ﻏﻠﻄﺘﻚ ﺇﻧﻪ ﺷﺎﻓﻚ ﺍﻹﻧﺴﺎﻧﺔ ﺍﻟﻠﻲ ﻣﺎ ﻳﺘﻤﻨﺎﺵ
ﻏﻴﺮﻫﺎ ﺯﻭﺟﺔ ﻹﺑﻨﻪ ، ﻋﺮﻓﺘﻲ ﻏﻠﻄﺘﻲ ﻑ ﺇﻳﻪ ؟
– ﺑﺎﺑﺎﻙ ؟ … ﻭﻣﺎﻟﻪ ﺑﺎﺑﺎﻙ ﺑﺎﻟﻤﻮﺿﻮﻉ؟
ﺗﻨﻬﺪ ﺑﻘﻮﺓ ﻗﺒﻞ ﺃﻥ ﻳﺘﺎﺑﻊ ﻣﻮﺿﺤﺎً: ﺑﺎﺑﺎ ﻟﻤﺎ ﺗﻌﺐ ﺑﻌﺪ ﻓﺘﺮﺓ
ﻣﻦ ﺯﻳﺎﺭﺗﻚ ﻟﻴﻪ ﻭﺃﺧﺪﻧﺎﻩ ﺍﻟﻤﺴﺘﺸﻔﻰ ﻭﺑﺪﺃ ﻳﻔﻮﻕ ﺻﻤﻢ ﺇﻧﻲ
ﺃﺗﺠﻮﺯﻙ ﻭﻗﺘﻬﺎ ﺍﻟﺪﻛﺘﻮﺭ ﻗﺎﻟﻲ ﻣﺶ ﻻﺯﻡ ﺃﺯﻋﻠﻪ ﻭﺃﻋﻤﻞ ﻛﻞ
ﺍﻟﻠﻲ ﻳﻄﻠﺒﻪ ﻣﻨﻲ … ﻭﺍﻓﻘﺖ ﺇﻧﻲ ﺃﺗﺠﻮﺯﻙ ﻭﺇﺗﺠﻮﺯﺗﻚ ﻓﻌﻼً
– ﻭﻣﺎ ﻗﻮﻟﺘﻠﻴﺶ ﻟﻴﻪ؟ … ﻛﻨﺖ ﺃﻧﺎ ﺭﻓﻀﺖ ﻭﻣﺎﻛﺎﻧﺶ ﺯﻋﻞ
ﻣﻨﻚ
– ﺇﻧﺘﻲ ﻣﺶ ﻓﺎﻫﻤﻪ … ﻣﺶ ﻣﻬﻢ ﻳﺰﻋﻞ ﻣﻨﻲ ﺃﻭ ﻣﻦ
ﻏﻴﺮﻱ … ﺍﻟﻤﻬﻢ ﺇﻧﻪ ﻣﺎ ﻳﺰﻋﻠﺶ ﺃﺻﻼً … ﺃﻱ ﺯﻋﻞ ﺑﻴﺄﺛﺮ
ﻋﻠﻰ ﻗﻠﺒﻪ
– ﻃﺐ ﻛﻨﺖ ﻗﻮﻟﻲ ﻓﻬﻤﻨﻲ ﻣﺎ ﺗﺴﺒﻨﻴﺶ ﻋﺎﻣﻴﺔ ﻛﺪﺍ
-ﺣﺎﻭﻟﺖ ﺻﺪﻗﻴﻨﻲ ﺣﺎﻭﻟﺖ ﺑﺲ ﻣﺎ ﻗﺪﺭﺗﺶ !
– ﻛﻨﺖ ﺑﺘﺤﺒﻬﺎ ﻣﻦ ﻗﺒﻞ ﻣﺎ ﺗﺘﺠﻮﺯﻧﻲ؟
-ﻻ ﺃﻧﺎ ﻣﺎ ﻋﺮﻓﺘﻬﺎﺵ ﺃﺻﻼً ﻏﻴﺮ ﺑﻌﺪ ﺍﻟﺠﻮﺍﺯ ﺑﻜﺎﻡ ﺷﻬﺮ
ﺳﺄﻟﺘﻪ ﻣﺘﺮﺩﺩﺓ ﻭﻫﻲ ﺗﺸﻴﺮ ﺇﻟﻰ ﻗﻠﺒﻪ: ﻳﻌﻨﻲ ﻃﻮﻝ ﻓﺘﺮﺓ
ﺟﻮﺍﺯﻧﺎ ﻋﻤﺮﻱ ﻣﺎ ﻗﺪﺭﺕ ﺃﺩﺧﻞ ﻫﻨﺎ ﻭﻟﻮ ﺷﻮﻳﺔ ؟
ﺯﻓﺮ ﻭﻫﻮ ﻳﻤﺴﺢ ﺷﻌﺮﻩ ﺑﻴﺪﻳﻪ ﻗﺎﺋﻼً ﺑﻴﺄﺱ : ﻣﺶ ﻋﺎﺭﻑ
ﺻﺪﻗﻴﻨﻲ ﻣﺶ ﻋﺎﺭﻑ … ﻳﻤﻜﻦ ﻟﻮ ﻛﻨﺖ ﺇﺗﺠﻮﺯﺗﻚ ﺑﺮﺿﺎﻳﺎ ﺃﻧﺎ
ﻭﺑﻤﺰﺍﺟﻲ ﻣﺶ ﺑﻀﻐﻂ ﻣﻦ ﺑﺎﺑﺎ … ﻛﻨﺖ ﺣﺒﻴﺘﻚ … ﺇﻧﺘﻲ
ﺇﻧﺴﺎﻧﺔ ﺟﻤﻴﻠﺔ ﺟﺪﺍً ﻣﻦ ﺑﺮﻩ ﻭﻣﻦ ﺟﻮﺍ ﺑﺲ ﺍﻟﻈﺮﻭﻑ ﻫﻲ
ﺍﻟﻠﻲ ﻋﻤﻠﺖ ﻓﻴﻨﺎ ﻛﺪﺍ
-ﻫﻲ ﻋﺎﺭﻓﺔ ﺇﻧﻚ ﻣﺘﺠﻮﺯﻧﻲ؟
ﺃﻭﻣﺄ ﻣﻮﺍﻓﻘﺎً: ﺃﻳﻮﻩ … ﻭﻗﺒﻠﺖ ﻧﺨﺒﻲ ﺟﻮﺍﺯﻧﺎ ﻟﺤﺪ ﻣﺎ ﺃﻗﻨﻊ
ﺑﺎﺑﺎ ﺇﻧﻪ ﻗﺮﺍﺭﻩ ﺑﺠﻮﺍﺯﻱ ﻣﻨﻚ ﻛﺎﻥ ﻏﻠﻂ ﺃﻭ ﻋﻠﻰ ﺍﻷﻗﻞ ﺇﻧﻪ
ﻧﻄﻠﻖ
ﺃﺭﺩﻑ ﺳﺎﺧﺮﺍً: ﺑﺲ ﻫﺄﻗﻨﻌﻪ ﺇﺯﺍﻱ ﻭﺃﻧﺎ ﺃﺻﻼً ﻣﺶ ﻗﺎﺩﺭ
ﺃﻗﺘﻨﻊ
– ﺃﻩ ﺗﻘﻮﻡ ﻣﺘﺠﻮﺯﻫﺎ ﻋﻠﻴﺎ ﻓﻲ ﺍﻟﺴﺮ ﻭﺗﺨﻠﻴﻨﻲ ﺃﻧﺎ ﺍﻟﻠﻲ
ﺃﺩﻓﻊ ﺍﻟﺘﻤﻦ ﻣﺶ ﻛﺪﺍ؟
ﻗﺎﻝ ﺑﺤﺰﻥ: ﺃﺳﻒ
– ﻭﺩﻱ ﺃﺻﺮﻓﻬﺎ ﻣﻨﻴﻦ؟
ﺳﺄﻟﻬﺎ ﺑﻴﺄﺱ: ﻃﺐ ﺗﺤﺒﻲ ﺃﻋﻤﻞ ﺇﻳﻪ ﻋﺸﺎﻥ ﺗﺴﺎﻣﺤﻴﻨﻲ؟
ﺃﺟﺎﺑﺘﻪ ﺑﻘﻮﺓ : ﺗﻄﻠﻘﻨﻲ !
ﻭﻗﻌﺖ ﻋﻠﻴﻪ ﺗﻠﻚ ﺍﻟﻜﻠﻤﺔ ﻛﻮﻗﻊ ﺍﻟﺼﺎﻗﻌﺔ ، ﻟﻢ ﺗﻤﻬﻠﻪ ﻟﻴﻨﻔﺬ
ﻃﻠﺒﻬﺎ ﻓﻘﺪ ﺇﻧﺼﺮﻓﺖ ﺇﻟﻰ ﻏﺮﻓﺘﻬﺎ ﻭﺟﻤﻌﺖ ﺃﻏﺮﺍﺿﻬﺎ ﻛﻴﻔﻤﺎ
ﺍﺗﻔﻖ ، ﻏﺎﺩﺭﺕ ﺍﻟﻔﻴﻼ ﻣﺴﺮﻋﺔ ﻭﻋﻨﺪﻣﺎ ﻗﺎﺑﻠﺘﻪ ﺧﺎﺭﺟﺎً ﻣﻦ
ﺑﺎﺏ ﺍﻟﻤﻜﺘﺐ ﻗﺎﻟﺖ: ﻭﺭﻗﺘﻲ ﺗﻮﺻﻠﻨﻲ ﻓﻲ ﺃﻗﺮﺏ ﻭﻗﺖ ﻟﻮ
ﺳﻤﺤﺖ
ﻭﻏﺎﺩﺭﺕ ﺍﻟﻤﻨﺰﻝ ﺑﻐﻴﺮ ﺭﺟﻌﺔ .
****
ﺃﻓﺎﻗﺖ ﻣﻦ ﺫﻛﺮﻳﺎﺗﻬﺎ ﻋﻠﻰ ﺻﻴﺎﺡ ﻣﺮﻳﻢ: ﻣﺎﻟﻚ ﻳﺎ ﺩﻳﻤﺎ؟ …
ﻋﻤﻠﻚ ﺇﻳﻪ ﺗﺎﻧﻲ؟
ﻣﺴﺤﺖ ﺩﻣﻮﻋﻬﺎ ﺑﺴﺮﻋﺔ: ﻣﺎﻋﻤﻠﺶ ﺍﻟﺬﻛﺮﻳﺎﺕ ﻫﻲ ﺍﻟﻠﻲ
ﻋﻤﻠﺖ
ﺳﺄﻟﺘﻬﺎ ﺑﺸﻔﻘﺔ : ﻟﺴﻪ ﺑﺘﻔﺘﻜﺮﻱ ﺍﻟﻤﻮﺿﻮﻉ ﺩﺍ ﻭﺗﻔﻜﺮﻱ ﻓﻴﻪ؟
ﺃﺷﺎﺣﺖ ﺑﻴﺪﻫﺎ ﻓﻲ ﺍﻟﻬﻮﺍﺀ ﻭﻗﺎﻟﺖ: ﺍﻟﻤﻬﻢ ﺇﺣﻨﺎ ﻛﺴﺒﻨﺎ
ﺍﻟﻤﻨﺎﻗﺼﺔ؟
ﺃﻭﻣﺄﺕ ﻣﺮﻳﻢ ﺇﻳﺠﺎﺑﺎً: ﺃﻳﻮﻩ … ﻟﺴﻪ ﺷﺎﻳﻔﺔ ﺍﻟﻮﺭﻕ ﺑﺘﺎﻋﻬﺎ
ﺣﺎﻻً ﻣﻊ ﺇﻧﻪ ﻭﺻﻞ ﻣﻦ ﺇﻣﺒﺎﺭﺡ ﺑﺲ ﻋﺸﺎﻥ ﻛﻨﺖ ﻣﻌﺎﻛﻲ ﻓﻲ
ﻛﻞ ﻣﺸﻮﺍﺭ ﻋﻤﻠﺘﻴﻪ
– ﻭﻻ ﻳﻬﻤﻚ … ﺃﻧﺎ ﻣﺶ ﻫﺄﺭﻭﺡ ﺃﻗﺎﺑﻞ ﻋﻤﻴﻞ ﺑﺮﻩ
ﻟﻮﺣﺪﻱ … ﻣﻊ ﺇﻧﻲ ﻣﺎﻛﻨﺘﺶ ﻣﻮﺍﻓﻘﺔ ﺑﺲ ﺑﺼﺮﺍﺣﺔ ﻟﻤﺎ
ﺷﻮﻓﺘﻪ ﻣﻘﻌﺪ ﻭﺣﺎﺑﺲ ﻧﻔﺴﻪ ﻓﻲ ﺍﻟﺒﻴﺖ ﻋﺸﺎﻥ ﺑﻴﺨﺎﻑ ﻣﻦ
ﻧﻈﺮﺍﺕ ﺍﻟﺸﻔﻘﺔ ﻣﻦ ﺍﻟﻨﺎﺱ ﻋﺬﺭﺗﻪ ﻭﻏﻴﺮ ﻛﺪﺍ ﻣﺎ ﻛﻨﺘﺶ
ﺭﻭﺣﺖ
– ﻋﺎﺭﻓﺔ … ﺭﺑﻨﺎ ﻳﺸﻔﻲ ﻛﻞ ﻣﺮﻳﺾ
– ﺃﻣﻴﻦ … ﻋﺮﻓﺘﻲ ﺭﻧﺎ ﻋﻠﻰ ﺍﻟﻘﺴﻢ ﺑﺘﺎﻋﻬﺎ؟
-ﺃﻳﻮﻩ ﻭﺍﺳﺘﻘﺒﻠﻮﻫﺎ ﻭﺳﻴﺒﺘﻬﻢ ﻳﺴﻠﻤﻮﻫﺎ ﺍﻟﺸﻐﻞ ﺑﺘﺎﻋﻬﺎ
-ﺗﻤﺎﻡ … ﺭﻭﺣﻲ ﺑﻘﻰ ﺷﻮﻓﻲ ﺑﺎﻗﻲ ﺷﻐﻠﻚ ﺇﻧﺘﻲ ﻛﻤﺎﻥ
– ﻣﺎﺷﻲ
ﺗﺮﺩﺩﺕ ﻓﻲ ﺍﻟﻤﻐﺎﺩﺭﺓ ﻓﺴﺄﻟﺘﻬﺎ ﺩﻳﻤﺎ : ﻓﻲ ﺣﺎﺟﻪ ﺗﺎﻧﻴﺔ ﻳﺎ
ﻣﺮﻳﻢ؟
ﻣﺮﻳﻢ: ﺃﺻﻞ … ﺃﺻﻞ … ﺃﺻﻠﻲ ﻛﻨﺖ ﻋﺎﻳﺰﻩ ﺃﺧﺮﺝ ﺑﺪﺭﻱ
ﺇﻧﻬﺎﺭﺩﻩ
-ﻟﻴﻪ؟ … ﻓﻴﻪ ﺣﺎﺟﻪ ؟
ﻧﻈﺮﺕ ﺃﺭﺿﺎً ﻣﺠﻴﺒﺔ: ﻛﻨﺖ ﻋﺎﻳﺰﺓ ﺃﺭﻭﺡ ﺃﺷﻮﻑ ﻣﺎﻣﺎ ﻳﻌﻨﻲ
ﻭﺃﻃﻤﻦ ﻋﻠﻴﻬﺎ
ﺍﺑﺘﺴﻤﺖ ﺩﻳﻤﺎ ﺑﺴﻌﺎﺩﺓ : ﻭﺩﻱ ﻣﺤﺘﺎﺟﻪ ﺇﺫﻥ؟ … ﺭﻭﺣﻲ ﻣﻦ
ﺩﻟﻮﻗﺘﻲ ﻳﻼ
ﺭﻓﻀﺖ: ﻻ … ﻭﺭﺍﻳﺎ ﺷﻐﻞ ﻫﺄﺧﻠﺼﻪ ﻭﻛﻤﺎﻥ ﺃﻛﻮﻥ ﺃﻃﻤﻨﺖ
ﺇﻧﻪ ﻣﺮﺍﺕ ﺃﺧﻮﻳﺎ ﻧﺰﻟﺖ ﺍﻟﺴﻮﻕ ﻭﺃﻋﺮﻑ ﺃﺷﻮﻓﻬﺎ ﻟﻮﺣﺪﻱ
ﺗﻔﻬﻤﺖ ﻣﻮﻗﻔﻬﺎ: ﺧﻼﺹ ﺭﻭﺣﻲ ﺧﻠﺼﻲ ﺷﻐﻠﻚ ﻋﺸﺎﻥ ﻣﺎ
ﺗﺘﺄﺧﺮﻳﺶ
ﺇﺗﺠﻬﺖ ﺇﻟﻰ ﻣﻜﺘﺒﻬﺎ ﻭﺑﺪﺃﺕ ﺗﻨﻬﻲ ﻣﺎ ﺗﺒﻘﻰ ﻟﻬﺎ ﻣﻦ ﻋﻤﻞ
ﻗﺒﻞ ﺃﻥ ﺗﻨﺼﺮﻑ ﻭﺃﺧﺬﺕ ﺗﻔﻜﺮ ﻛﻴﻒ ﺳﺘﺴﺘﻘﺒﻠﻬﺎ ﻭﺍﻟﺪﺗﻬﺎ ؟
———-
ﺗﻌﺮﻓﺖ ﻋﻠﻰ ﺯﻣﻼﺋﻬﺎ ﺑﺎﻟﻌﻤﻞ ﺍﻟﺠﺪﻳﺪ ، ﻛﺎﻧﺖ ﺗﺸﻌﺮ
ﺑﺎﻟﺴﻌﺎﺩﺓ ﻓﺴﺘﺤﻘﻖ ﺫﺍﺗﻬﺎ ﻭﺣﻠﻤﻬﺎ ﺍﻟﺬﻱ ﺗﺨﻠﺖ ﻋﻨﻪ ﺑﺴﺒﺐ
ﺭﻓﺾ ﺯﻭﺟﻬﺎ ﻟﻔﻜﺮﺓ ﻋﻤﻠﻬﺎ ﺑﺎﻟﺨﺎﺭﺝ ﻭﻏﻴﺎﺑﻬﺎ ﻋﻦ ﺍﻟﻤﻨﺰﻝ
ﻟﺴﺎﻋﺎﺕ ﻭﻟﻮ ﻣﻌﺪﻭﺩﺓ ، ﺟﻠﺴﺖ ﻋﻠﻰ ﻣﻜﺘﺒﻬﺎ ﺑﺄﻧﺘﻈﺎﺭ ﺃﻥ
ﺗﺄﺗﻲ ﺯﻣﻴﻠﺘﻬﺎ ﺷﻴﻤﺎﺀ ﺇﻟﻴﻬﺎ ﺑﺎﻟﻌﻤﻞ ﺍﻟﺬﻱ ﺳﺘﻘﻮﻡ ﺑﻪ ،
ﺗﻄﻠﻌﺖ ﺣﻮﻟﻬﺎ ﻓﻘﺪ ﺃﻋﺠﺒﻬﺎ ﺟﻮ ﺍﻷﻟﻔﺔ ﻓﻲ ﺍﻟﻤﻜﺎﻥ ﻛﺎﻥ
ﺍﻟﻤﻜﺘﺐ ﻳﺤﺘﻮﻱ ﻋﻠﻰ ﺧﻤﺴﺔ ﻣﻜﺎﺗﺐ ﺍﻟﻤﺠﺎﻭﺭ ﻟﻬﺎ ﻫﻮ ﻣﻜﺘﺐ
ﺷﻴﻤﺎﺀ ﻭﺍﻟﻤﻘﺎﺑﻞ ﻟﻬﺎ ﻣﻜﺘﺐ ﺯﻣﻴﻠﺘﻬﻢ ﺍﻟﺘﻲ ﺗﺄﺧﺮﺕ ﻛﻌﺎﺩﺗﻬﺎ
ﺳﻤﻴﺮﺓ ﻫﻜﺬﺍ ﺃﺧﺒﺮﺗﻬﺎ ﺷﻴﻤﺎﺀ ﻭﺍﻟﻤﺠﺎﻭﺭ ﻟﻤﻜﺘﺐ ﺳﻤﻴﺮﺓ ﻫﻮ
ﻣﻜﺘﺐ ﻋﻮﻧﻲ ﻭﺍﻟﻤﻜﺘﺐ ﺍﻟﺬﻱ ﻳﺤﺘﻞ ﺍﻟﻤﻨﺘﺼﻒ ﺑﻴﻦ ﺻﻔﻲ
ﺍﻟﻤﻜﺎﺗﺐ ﻫﻮ ﻣﻜﺘﺐ ﻣﻌﺎﻭﻥ ﺭﺋﻴﺲ ﺍﻟﻘﺴﻢ ﺍﻷﺳﺘﺎﺫ ﻋﺎﺩﻝ
ﻭﻫﻮ ﺍﻟﺸﺨﺺ ﺍﻟﺬﻱ ﺳﺘﺘﻌﺎﻣﻞ ﻣﻌﻪ ﻣﺒﺎﺷﺮﺓ ﻭﺃﻳﻀﺎً ﺣﻠﻘﺔ
ﺍﻟﻮﺻﻞ ﺑﻴﻦ ﺍﻟﻤﻮﻇﻔﻴﻦ ﻭﺭﺋﻴﺲ ﺍﻟﻘﺴﻢ.
ﻭﺿﻌﺖ ﺃﻣﺎﻣﻬﺎ ﻋﺪﺩ ﻣﻦ ﺍﻟﻤﻠﻔﺎﺕ: ﺇﺗﻔﻀﻠﻲ ﻳﺎ ﺳﺘﻲ … ﺃﻧﺎ
ﻫﺄﻗﻮﻟﻚ ﻫﺘﻌﻤﻠﻲ ﺇﻳﻪ ﻭﻟﻮ ﻭﻗﻒ ﻗﺪﺍﻣﻚ ﺃﻱ ﺣﺎﺟﻪ ﻗﻮﻟﻴﻠﻲ
ﻭﺃﻧﺎ ﻣﺶ ﻫﺎﺗﺄﺧﺮ
ﺭﻧﺎ ﻣﻤﺘﻨﺔ: ﺷﻜﺮﺍً ﻳﺎ ﺷﻴﻤﺎﺀ
ﺑﺪﺃﺕ ﺷﻴﻤﺎﺀ ﺗﺸﺮﺡ ﻟﻬﺎ ﻃﺮﻳﻘﺔ ﺍﻟﻌﻤﻞ ﻣﻦ ﺛﻢ ﺗﺮﻛﺘﻬﺎ
ﻣﺘﻮﺟﻬﺔ ﺇﻟﻰ ﻋﻤﻠﻬﺎ ، ﺇﻧﻜﺒﺖ ﻋﻠﻰ ﺍﻷﻭﺭﺍﻕ ﺗﺘﺼﻔﺤﻬﺎ ،
ﺩﺧﻠﺖ ﺇﻣﺮﺃﺓ ﻓﻲ ﺃﻭﺍﺧﺮ ﺍﻟﺜﻼﺛﻴﻨﻴﺎﺕ ﻗﺎﺋﻠﺔ ﺑﻀﻴﻖ : ﻳﺤﺮﻕ
ﺍﻟﺨﻠﻔﺔ ﻋﺎﻟﻠﻲ ﻋﺎﻳﺰﻳﻦ ﻳﺨﻠﻔﻮﺍ
ﺿﺤﻜﺖ ﺷﻴﻤﺎﺀ : ﻫﻬﻬﻬﻬﻬﻬﻬﻬﻪ ﺩﻱ ﺑﻘﻰ ﻳﺎ ﺭﻧﺎ ﺑﺪﻝ ﺻﺒﺎﺡ
ﺍﻟﺨﻴﺮ ﻋﻨﺪ ﺍﻷﺳﺘﺎﺫﺓ ﺳﻤﻴﺮﺓ
ﻧﻈﺮﺕ ﺳﻤﻴﺮﺓ ﺇﻟﻰ ﺍﻟﻤﻮﻇﻔﺔ ﺍﻟﺠﺪﻳﺪﺓ: ﺇﻧﺘﻲ ﺑﻘﻰ
ﺍﻟﻤﺴﺘﺠﺪﺓ ﻫﻨﺎ ؟
ﺷﻴﻤﺎﺀ ﻣﺤﺬﺭﺓ : ﺑﺮﺍﺣﻪ ﻋﻠﻴﻬﺎ ﻳﺎ ﺳﻤﻴﺮﺓ ﻫﻲ ﻟﺴﻪ ﻣﺎ
ﺗﻌﺮﻓﻜﻴﺶ
ﻫﺰﺕ ﻛﺘﻔﻴﻬﺎ ﺑﻼ ﻣﺒﺎﻻﺓ ﺳﺄﻟﻬﺎ ﻋﻮﻧﻲ ﺿﺎﺣﻜﺎً : ﻣﺸﻜﻠﺔ ﻛﻞ
ﻳﻮﻡ؟
– ﻫﻮ ﻓﻴﻪ ﻏﻴﺮﻫﺎ ؟
ﺇﻟﺘﻔﺘﺖ ﺷﻴﻤﺎﺀ ﻟﺮﻧﺎ ﻣﻮﺿﺤﺔ: ﺃﺻﻞ ﺳﻤﻴﺮﺓ ﻣﻄﻠﻘﺔ ﻭﻋﻨﺪﻫﺎ
4 ﺻﺒﻴﺎﻥ ﻣﺎ ﺷﺎﺀ ﺍﻟﻠﻪ … ﻭﻛﻞ ﻭﺍﺣﺪ ﻣﺪﺭﺳﺘﻪ ﻓﻲ ﺣﺘﻪ
ﺷﻜﻞ ﻭﻫﻲ ﺑﻘﻰ ﻻﺯﻡ ﺗﻮﺻﻞ ﻛﻞ ﻭﺍﺣﺪ ﻣﺪﺭﺳﺘﻪ
ﻗﺎﻟﺖ ﺭﻧﺎ ﺑﺒﺪﻳﻬﻴﺔ : ﻃﺐ ﻣﺎ ﻛﺎﻧﺖ ﺣﻄﻴﺘﻬﻢ ﻓﻲ ﻣﺪﺭﺳﺔ
ﻭﺍﺣﺪﺓ ﻭﺧﻼﺹ
ﺿﺤﻚ ﻋﻮﻧﻲ ﻗﺎﺋﻼً: ﻣﺎ ﻫﻮ ﻣﺎﻳﻨﻔﻌﺶ ﺧﺎﺍﺍﺍﻟﺺ
ﻭﺿﺤﺖ ﺳﻤﻴﺮﺓ: ﻳﺎ ﺳﺘﻲ ﻃﻼﻝ ﻓﻲ ﺃﻭﻟﻰ ﺛﺎﻧﻮﻱ ﻭ ﻋﻤﺎﺩ
ﻓﻲ ﺗﺎﻧﻴﺔ ﺇﻋﺪﺍﺩﻱ ﻭ ﻣﺤﻤﺪ ﻓﻲ ﺗﺎﻟﺘﻪ ﺇﺑﺘﺪﺍﺋﻲ ﻭ ﺃﺧﺮ
ﺍﻟﻌﻨﻘﻮﺩ ﺑﻘﻰ ﻟﺆﻱ ﺩﺍ ﻓﻲ ﻛﻲ ﺟﻲ 2
ﺭﻧﺎ ﻣﺘﻌﺠﺒﺔ : ﻳﻌﻨﻲ ﺇﻧﺘﻲ ﻣﺶ ﻣﻄﻠﻘﺔ ﺑﻘﺎﻟﻚ ﻛﺘﻴﺮ؟
ﺭﻓﻌﺖ ﺇﺻﺒﻌﻴﻦ ﻣﻦ ﺃﺻﺎﺑﻌﻬﺎ ﻗﺎﺋﻠﺔ : ﻣﻦ ﺳﻨﺘﻴﻦ ﺑﺲ
ﺷﻌﺮﺕ ﺳﻤﻴﺮﺓ ﺑﺘﺮﺩﺩﻫﺎ ﻓﻲ ﺍﻟﺴﺆﺍﻝ ﺍﻟﻤﻌﺘﺎﺩ ﻓﺄﻋﻔﺘﻬﺎ ﻣﻦ
ﺍﻟﺤﺮﺝ ﻗﺎﺋﻠﺔ : ﻣﺎ ﺗﺘﻜﺴﻔﻴﺶ ﺗﺴﺄﻟﻴﻨﻲ ﺃﻧﺎ ﺍﺗﻌﻮﺩﺕ ﺧﻼﺹ …
ﻃﻠﻘﻨﻲ ﻳﺎ ﺳﺘﻲ ﻋﺸﺎﻥ ﺩﺍ
ﻭﺃﺷﺎﺭﺕ ﺇﻟﻰ ﺑﻄﻨﻬﺎ ﺍﻟﻤﺘﺮﻫﻞ ﻣﻦ ﻛﺜﺮﺓ ﺍﻟﺤﻤﻞ : ﻗﺎﻝ ﺇﻳﻪ
ﺑﻘﻴﺖ ﺑﻜﺮﺵ ﻭﻣﺶ ﻣﻬﺘﻤﻴﻪ ﺑﻨﻔﺴﻲ ﻭﻛﻞ ﻫﻤﻲ ﺍﻟﻮﻻﺩ
ﻭﺍﻟﺨﻠﻔﺔ ﻋﺸﺎﻥ ﺃﺭﺑﻄﻪ ﺟﻨﺒﻲ
ﺷﻴﻤﺎﺀ : ﻭﻳﺎ ﺭﻳﺘﻪ ﺍﺗﺮﺑﻂ ﻭﻻ ﺍﺗﻨﻴﻞ
ﺳﻤﻴﺮﺓ ﺑﺤﻨﻖ: ﻋﻠﻰ ﺃﺳﺎﺱ ﺇﻧﻪ ﻣﺶ ﻫﻮ ﺍﻟﺴﺒﺐ ﻓﻲ ﺩﺍ
ﻳﻌﻨﻲ
ﻋﻮﻧﻲ : ﻣﺎ ﺳﻤﻌﺘﻮﺵ ﻋﻦ ﺣﺎﺟﻪ ﺍﺳﻤﻬﺎ ﺣﺒﻮﺏ ﻣﻨﻊ
ﺍﻟﺤﻤﻞ ؟
ﻫﺘﻔﺖ ﺳﻤﻴﺮﺓ ﺑﻐﻀﺐ: ﻣﺎ ﻫﻮ ﺍﻟﻠﻲ ﻓﺎﺭﺳﻨﻲ ﺇﻧﻪ ﻗﺒﻞ
ﺍﻟﺠﻮﺍﺯ ﻛﺎﻥ ﻋﻤﺎﻝ ﻳﻘﻮﻟﻲ ﻋﺎﻳﺰ ﻋﺎﻷﻗﻞ ﺩﺳﺘﻪ ﻋﻴﺎﻝ ﻭﺃﻫﻮ
ﻟﺴﻪ ﻣﺎ ﻛﻤﻠﻨﺎﺵ ﻧﺼﻬﺎ ﻗﺎﻡ ﻃﻠﻘﻨﻲ ﻭﺍﺗﺠﻮﺯ ﻭﺍﺣﺪﺓ ﺗﺎﻧﻴﺔ !
ﻋﻮﻧﻲ : ﻫﻬﻬﻬﻬﻬﻬﻪ ﻳﻤﻜﻦ ﻋﺎﻳﺰ ﻳﻐﻴﺮ ﻓﻲ ﺍﻟﺠﻴﻨﺎﺕ ﺷﻮﻳﺔ
ﺩﺧﻞ ﺭﺟﻞ ﻃﻮﻳﻞ ﺫﻭ ﺑﻨﻴﺎﻥ ﻗﻮﻱ ﻭﺳﻴﻢ ﺍﻟﻤﻼﻣﺢ ، ﺷﻌﺮ
ﺃﺳﻮﺩ ﻧﺎﻋﻢ ﻭﻋﻴﻨﺎﻥ ﺯﺭﻗﻮﺍﻥ ﻛﺄﻣﻮﺍﺝ ﺍﻟﺒﺤﺮ ﻗﺎﻝ ﻣﻤﺎﺯﺣﺎً :
ﺷﺎﻳﻒ ﺃﻧﻪ ﻟﻴﻚ ﻳﺎ ﻋﻮﻧﻲ ﻓﻲ ﻛﻼﻡ ﺍﻟﺴﺘﺎﺕ ﺩﺍ !
ﺿﺤﻚ ﻋﻮﻧﻲ: ﻫﺄﻋﻤﻞ ﺇﻳﻪ ﺑﻘﻰ ﻳﺎ ﺃﺳﺘﺎﺫ ﻋﺎﺩﻝ ﻓﻲ ﺍﻟﺒﻴﺖ
ﻛﺪﺍ ﻭﻓﻲ ﺍﻟﺸﻐﻞ ﻛﺪﺍ … ﻣﻦ ﻋﺎﺷﺮ ﻗﻮﻣﺎً ﺃﺭﺑﻌﻴﻦ ﻳﻮﻣﺎً
ﺻﺎﺭ ﻣﻨﻬﻢ ﺑﻘﻰ
ﻋﺎﺩﻝ ﺿﺎﺣﻜﺎً: ﻃﺐ ﻛﻤﻞ ﺷﻐﻠﻚ ﺑﻘﻰ ﻟﺘﺒﻘﻰ ﻣﻦ ﻗﻮﻡ
ﺍﻟﻘﻬﺎﻭﻱ
ﺛﻢ ﺍﺳﺘﺪﺍﺭ ﺇﻟﻰ ﺳﻤﻴﺮﺓ: ﻭﺇﻧﺘﻲ ﻣﺶ ﻫﺘﺒﻄﻠﻲ ﺗﺄﺧﻴﺮ ﺑﻘﻰ؟
– ﺃﻋﻤﻞ ﺇﻳﻪ ﻃﻴﺐ ﻳﺎ ﺃﺳﺘﺎﺫ ﻋﺎﺩﻝ ﻓﻲ ﺍﻟﻌﻴﺎﻝ ﻭﻣﺪﺍﺭﺳﻬﻢ
– ﺇﺷﺘﺮﻛﻲ ﻓﻲ ﺍﻟﺒﺎﺹ ﺑﺘﺎﻉ ﺍﻟﻤﺪﺭﺳﺔ
ﻟﻮﺕ ﺷﻔﺘﻴﻬﺎ ﻗﺎﺋﻠﺔ: ﻣﺎ ﻫﻮ ﺃﺭﺑﻊ ﻣﺪﺍﺭﺱ ﺑﺄﺭﺑﻊ ﺑﺎﺻﺎﺕ
ﻭﺍﻟﻤﺼﺎﺭﻳﻒ ﻣﺶ ﻣﺘﺤﻤﻠﺔ
– ﻫﻮ ﺃﺑﻮﻫﻢ ﻣﺶ ﺑﻴﺪﻳﻜﻲ ﻧﻔﻘﺔ؟
-ﻻ ﻫﻮ ﺑﻴﺼﺮﻑ ﻋﺎﻟﺴﻨﻴﻮﺭﺓ ﺍﻟﺠﺪﻳﺪ ﻭﻧﺎﺳﻲ ﺇﻧﻪ ﻋﻨﺪﻩ
ﻭﻻﺩ … ﻭﺍﻟﻘﻀ*ﻴﺔ ﺍﻟﻠﻲ ﺭﻓﻌﺘﻬﺎ ﻋﺸﺎﻥ ﺍﻟﻨﻔﻘﺔ ﻟﺴﻪ ﻣﺎ
ﺻﺪﺭﺵ ﺍﻟﺤﻜﻢ ﻓﻴﻬﺎ
– ﺧﻼﺹ ﺇﺻﺤﻲ ﺑﺪﺭﻱ ﺷﻮﻳﺔ … ﻣﺎ ﻫﻮ ﻛﺪﺍ ﻣﺶ ﻫﻴﻨﻔﻊ
ﺑﺮﺩﻭ
ﺃﻭﻣﺄﺕ ﻣﻮﺍﻓﻘﺔ : ﻫﺄﺣﺎﻭﻝ ﻭﺍﻟﻠﻪ ﻳﺎ ﺃﺳﺘﺎﺫ
ﻧﻈﺮ ﻧﻈﺮﺓ ﺇﺳﺘﻔﻬﺎﻡ ﺇﻟﻰ ﺭﻧﺎ ﺍﻟﺠﺎﻟﺴﺔ ﻋﻠﻰ ﻣﻜﺘﺒﻬﺎ ﻓﺒﺎﺩﺭﺕ
ﺷﻴﻤﺎﺀ ﺑﺘﻌﺮﻳﻔﻬﺎ : ﺩﻱ ﻣﺪﺍﻡ ﺭﻧﺎ ﺍﺗﻌﻴﻨﺖ ﺇﻧﻬﺎﺭﺩﻩ ﻳﺎ ﺃﺳﺘﺎﺫ
ﻋﺎﺩﻝ
ﺍﺭﺗﺴﻤﺖ ﺇﺑﺘﺴﺎﻣﺔ ﺗﺮﺣﻴﺐ ﻋﻠﻰ ﺷﻔﺘﻴﻪ ﻭﻣﺪ ﻳﺪﻩ ﻟﻤﺼﺎﻓﺤﺔ
ﺭﻧﺎ ﺍﻟﺘﻲ ﻧﻬﻀﺖ ﻣﻦ ﻣﻜﺎﻧﻬﺎ ﻭﻗﺎﻟﺖ ﺑﺨﺠﻞ : ﺃﺳﻔﺔ ﻣﺎ
ﺑﺎﺳﻠﻤﺶ ﻋﻠﻰ ﺭﺟﺎﻟﻪ
ﺃﺧﻔﺾ ﻳﺪﻩ ﻣﺒﺘﺴﻤﺎً ﺩﻭﻥ ﺃﻱ ﺷﻌﻮﺭ ﺑﺎﻟﺤﺮﺝ ﺑﻞ ﺗﻔﻬﻢ
ﻣﻮﻗﻔﻬﺎ: ﺃﺗﻤﻨﻰ ﺇﻧﻪ ﺷﻐﻠﻚ ﻣﻌﺎﻧﺎ ﻳﻌﺠﺒﻚ
– ﺇﻥ ﺷﺎﺀ ﺍﻟﻠﻪ
ﺗﺮﻛﻬﺎ ﻣﺘﺠﻬﺎً ﺇﻟﻰ ﻣﻜﺘﺒﻪ ﻭﺍﻧﺸﻐﻞ ﻛﻞ ﻓﺮﺩ ﺑﻌﻤﻠﻪ