اصدقائي قنبله ذريه ٢

الفصل السادس عشر

ﻳﺎ ﺍﺑﻨﻲ ﺍﻫﺪﻯ ﻣﺶ ﻛﺪﺍ
ﺑﺎﺳﻞ ﺑﻐﻀﺐ ﺟﺎﻣﺢ : ﺃﻫﺪﻯ ﺇﺯﺍﻱ ﻳﺎ ﺭﺍﻣﻲ ﻓﻬﻤﻨﻲ! … ﺃﻧﺎ
ﻭﻗﻌﺖ ﻓﻲ ﻣﺼﻴﺒﺔ ﺩﻟﻮﻗﺘﻲ
ﺭﺍﻣﻲ : ﻳﻌﻨﻲ ﻋﺼﺒﻴﺘﻚ ﺩﻱ ﻫﻲ ﺍﻟﻠﻲ ﻫﺘﺤﻠﻬﺎ ؟
ﺑﺎﺳﻞ : ﺑﺮﻭﺩﻙ ﺩﺍ ﻳﺎ ﺃﺧﻲ ﻧﻔﺴﻲ ﺃﻋﺮﻑ ﺟﺎﻳﺒﻪ ﻣﻨﻴﻦ
ﺭﺍﻣﻲ ﺑﺠﺪﻳﺔ ﻣﺼﻄﻨﻌﺔ : ﻋﻠﻰ ﻣﺎ ﺃﺫﻛﺮ ﺟﻴﺒﺘﻪ ﻣﻦ ﺳﻮﻕ
ﺍﻟﺠﻤﻌﺔ ﻳﻮﻡ ﺍﻟﺘﻼﺕ ﺑﻠﻴﻞ ﺑﻌﺪ ﺍﻟﻀﻬﺮ
ﺑﺎﺳﻞ ﻭﻗﺪ ﻓﻘﺪ ﺃﻋﺼﺎﺑﻪ: ﺇﻳﻪ ﻳﺎ ﺍﺑﻨﻲ ﺍﻟﻠﻲ ﺃﻧﺖ ﻓﻴﻪ ﺩﺍ …
ﻫﻮ ﻣﺶ ﻓﻠﻮﺳﻚ ﻣﻌﺎﻳﺎ ﻓﻲ ﻛﻞ ﺍﻟﻠﻲ ﺃﻧﺎ ﻓﻴﻪ ﺩﺍ ﻭﻻ ﺃﻧﺎ
ﺑﻴﺘﻬﻴﺄﻟﻲ ؟ ! … ﻣﺶ ﺧﺎﻳﻒ ﻋﻠﻰ ﻓﻠﻮﺳﻚ ﺑﺮﺩﻭ ؟
ﻧﻬﺾ ﺭﺍﻣﻲ ﻭﻭﻗﻒ ﺃﻣﺎﻣﻪ ﻭﻗﺎﻝ ﺑﺠﺪﻳﺔ : ﺧﺎﻳﻒ ﻳﺎ ﺑﺎﺳﻞ …
ﺑﺲ ﻟﻮ ﻋﻤﻠﺖ ﺍﻟﻠﻲ ﺃﻧﺖ ﻋﺎﻣﻠﻪ ﻓﻲ ﻧﻔﺴﻚ ﺩﺍ ﻣﺎﻓﻴﺶ
ﺣﺎﺟﻪ ﻫﺘﺘﻐﻴﺮ
ﺃﺟﺎﺑﻪ ﺳﺎﺧﺮﺍً: ﻳﻌﻨﻲ ﺍﻟﺒﺮﻭﺩ ﻫﻮ ﺍﻟﻠﻲ ﻫﻴﻐﻴﺮ ؟
-ﻻ ﺑﺲ ﻋﺎﻷﻗﻞ ﻫﻴﺒﻘﻰ ﻓﻴﺎ ﺃﻋﺼﺎﺏ ﻟﻠﺘﻔﻜﻴﺮ
– ﻃﺐ ﻳﺎ ﺃﺑﻮ ﺃﻋﺼﺎﺏ ﻭﺻﻠﺖ ﻟﺤﺎﺟﻪ؟
ﺭﺍﻣﻲ : ﻫﻮ ﺃﻧﺖ ﺳﺎﻳﺒﻨﻲ ﺃﻓﻜﺮ … ﻣﺎ ﺃﻧﺖ ﺷﻐﻞ ﺷﺨﻂ
ﻭﺯﻋﻴﻖ ﻭﺑﺲ
– ﻓﻲ ﺇﻳﻪ ﻳﺎ ﻭﻻﺩ؟ … ﺻﻮﺗﻜﻮﺍ ﺟﺎﻳﺐ ﺃﺧﺮ ﺍﻟﻔﻴﻼ !
ﺇﻟﺘﻔﺘﺎ ﺇﻟﻰ ﺑﺎﺏ ﺍﻟﻤﻜﺘﺐ ﺣﻴﺚ ﻳﻘﻒ ﻭﺍﻟﺪ ﺑﺎﺳﻞ ، ﺭﺍﻣﻲ
ﻣﺒﺘﺴﻤﺎً: ﺃﻫﻼً ﻳﺎ ﻋﻤﻲ … ﺟﻴﺖ ﻓﻲ ﻭﻗﺘﻚ … ﻭﺭﺍﻳﺎ ﻣﻌﺎﺩ
ﻣﻬﻢ ﺑﺲ ﻣﺎ ﻛﻨﺘﺶ ﻋﺎﺭﻑ ﺃﺳﻴﺐ ﺑﺎﺳﻞ ﻟﻮﺣﺪﻩ ﻓﻲ ﺍﻟﺤﺎﻟﻪ
ﺩﻱ
ﺑﺎﺳﻞ ﺳﺎﺧﺮﺍً: ﻻ ﻭﺍﻟﻠﻪ ﻓﻴﻚ ﺍﻟﺨﻴﺮ
ﺗﺠﺎﻫﻠﻪ ﻛﻼﻫﻤﺎ ، ﻗﺎﻝ ﺍﻷﺏ: ﺭﻭﺡ ﻳﺎ ﺍﺑﻨﻲ ﺷﻮﻑ ﺍﻟﻠﻲ
ﻭﺭﺍﻙ ﻣﺎ ﺗﻌﻄﻠﺶ ﻧﻔﺴﻚ
ﺭﺍﻣﻲ ﻣﻨﺼﺮﻓﺎً : ﻃﺐ ﻋﻦ ﺇﺫﻧﻜﻮﺍ … ﺗﺼﺒﺤﻮﺍ ﻋﻠﻰ ﺧﻴﺮ
ﺟﻠﺲ ﺍﻷﺏ ﻣﺮﺍﺩ ﻗﺎﺋﻼً ﺑﺤﺰﻡ : ﺍﺣﻜﻲ
ﺗﻨﻬﺪ ﺑﺎﺳﻞ ﺟﺎﻟﺴﺎً: ﺍﻟﻤﻨﺎﻗﺼﺔ ﺍﻟﻠﻲ ﻛﻨﺖ ﺣﺎﻃﻂ ﺃﻣﻠﻲ
ﻋﻠﻴﻬﺎ ﺧﺴﺮﺗﻬﺎ
-ﻣﻴﻦ ﺃﺧﺪﻫﺎ ؟
– ﺩﻳﻤﺎ
ﻣﺮﺍﺩ ﻣﺴﺘﻐﺮﺑﺎً : ﻫﻲ ﺭﺟﻌﺖ ؟
ﺃﺟﺎﺑﻪ ﺳﺎﺧﺮﺍً: ﻫﻲ ﻣﺎ ﺳﺎﻓﺮﺗﺶ ﺃﺻﻼً ، ﻛﻞ ﺍﻟﻮﻗﺖ ﺩﺍ
ﻭﻫﻲ ﻫﻨﺎ ﻋﺎﻳﺸﻪ ﻣﻊ ﺍﻟﺴﻜﺮﺗﻴﺮﺓ ﺑﺘﺎﻋﺘﻬﺎ ﻓﻲ ﺷﻘﺔ ﺻﻐﻴﺮﺓ
ﺣﺪﻕ ﺑﻪ ﻣﺮﺍﺩ ﺑﻘﻮﺓ : ﺩﺍ ﺃﻧﺖ ﻣﺘﺎﺑﻊ ﺃﺧﺒﺮﻫﺎ ﺑﻘﻰ
ﺑﺎﺳﻞ ﻣﺘﻮﺗﺮﺍً: ﻣﺶ ﺍﻟﻤﻔﺮﻭﺽ ﺃﻋﺮﻑ ﻛﻞ ﺣﺎﺟﻪ ﻋﻦ
ﻋﺪﻭﻱ ؟
-ﻋﺪﻭﻙ؟ … ﻫﻲ ﺩﻳﻤﺎ ﺑﻘﺖ ﻋﺪﻭﺓ ؟
– ﺃﻩ … ﻟﻤﺎ ﺃﺧﺪﺕ ﻣﻨﻲ ﺍﻟﻤﻨﺎﻗﺼﺔ ﻭﺑﻘﺖ ﻋﺎﻳﺰﺓ ﺗﺪﻣﺮﻧﻲ
ﺗﺒﻘﻰ ﻋﺪﻭﺓ !
ﺳﺄﻟﻪ ﻣﺮﺍﺩ ﺑﺮﺯﺍﻧﻪ: ﻫﻲ ﺩﻱ ﺃﻭﻝ ﻣﻨﺎﻗﺼﺔ ﺗﺪﺧﻠﻮﻫﺎ ﻗﺼﺎﺩ
ﺑﻌﺾ ؟
-ﻻ
– ﻛﺴﺒﺘﻚ ﻓﻲ ﻣﻨﺎﻗﺼﺎﺕ ﻗﺒﻞ ﻛﺪﺍ ؟
– ﻳﻌﻨﻲ ﺳﺎﻋﺎﺕ ﻛﺎﻡ ﻣﺮﺓ ﻫﻲ ﻭﻛﺎﻡ ﻣﺮﺓ ﺃﻧﺎ
– ﻃﺐ ﺇﺷﻤﻌﻨﻪ ﺍﻟﻤﺮﺓ ﺩﻱ ﺍﻟﻠﻲ ﻗﻮﻟﺖ ﻋﺪﻭﺓ ؟ … ﻭﻻ ﻛﻞ
ﺍﻟﻠﻲ ﻳﺪﺧﻞ ﻗﺪﺍﻣﻚ ﻓﻲ ﻣﻨﺎﻓﺴﻪ ﻳﺒﻘﻰ ﻋﺪﻭ ؟
ﺗﻨﻬﺪ ﺑﺎﺳﻞ : ﻻ ﻃﺒﻌﺎً ﻳﺎ ﺑﺎﺑﺎ ، ﺩﺍ ﺷﻐﻞ
– ﺃﻭﻣﺎﻝ ﺇﻳﻪ ﺍﻟﻠﻲ ﺟﺪ ؟
– ﺍﻟﻠﻲ ﺟﺪ ﺇﻧﻪ ﺍﻟﻤﻨﺎﻗﺼﺔ ﺩﻱ ﻛﺎﻥ ﻓﻴﻬﺎ ﻧﺠﺎﺗﻲ ﻭﻧﺠﺎﺕ
ﺷﻐﻠﻲ … ﺍﻟﻔﻠﻮﺱ ﺍﻟﻠﻲ ﻛﺎﻧﺖ ﻫﺘﻄﻠﻌﻠﻲ ﻣﻨﻬﺎ ﻛﺎﻧﺖ
ﻫﺘﺴﻨﺪﻧﻲ ﺑﻌﺪ ﻣﺎ ﺣﻄﻴﺖ ﻛﻞ ﺍﻟﻠﻲ ﺣﻠﺘﻲ ﻓﻲ ﺍﻟﻤﻨﺘﺠﻊ
– ﺑﺼﺮﺍﺣﺔ … ﻋﺮﺿﻚ ﻛﺎﻥ ﺃﺣﺴﻦ ﻭﻻ ﻋﺮﺿﻬﺎ؟
ﺃﻃﺮﻕ ﻗﻠﻴﻼً ﻗﺒﻞ ﺃﻥ ﻳﺠﻴﺐ ﻫﺎﻣﺴﺎً : ﻋﺮﺿﻬﺎ … ﺑﺲ ….
ﻗﺎﻃﻌﻪ ﻣﺮﺍﺩ: ﻭﻫﻲ ﺍﻟﻠﻲ ﻛﺎﻧﺖ ﻗﺎﻟﺘﻠﻚ ﺗﺪﺧﻞ ﺑﻜﻞ ﻓﻠﻮﺳﻚ
ﻓﻲ ﻣﺸﺮﻭﻉ ﺍﻟﻤﻨﺘﺠﻊ ؟
-ﻻ
– ﻳﺒﻘﻰ ﻋﺪﻭﺗﻚ ﺇﺯﺍﻱ؟ … ﻫﻲ ﺫﻧﺒﻬﺎ ﺇﻳﻪ ؟ … ﻳﺎ ﺍﺑﻨﻲ
ﺩﻳﻤﺎ ﺩﻱ ﺗﺮﺑﻴﺔ ﺷﻬﺎﺏ ﻭﻣﺎﻣﺘﻬﺎ ﺟﻤﻴﻠﺔ ﻛﺎﻧﺖ ﺯﻱ ﺍﻟﺒﻠﺴﻢ
ﻣﺶ ﻣﻤﻜﻦ ﻳﻜﻮﻥ ﺗﻔﻜﻴﺮﻫﺎ ﻛﺪﺍ ﻭﻻ ﺗﻘﺪﺭ ﺗﺄﺫﻱ ﺣﺪ ﻣﻬﻤﺎ
ﻋﻤﻞ ﻓﻴﻬﺎ ، ﺩﺍ ﻏﻴﺮ ﺇﻧﻲ ﻣﺘﺄﻛﺪ ﻟﻮ ﻫﻲ ﻋﺎﺭﻓﺔ ﺇﻧﻚ ﻣﺤﺘﺎﺝ
ﺍﻟﻤﻨﺎﻗﺼﺔ ﺩﻱ ﻛﺎﻧﺖ ﺳﺎﺑﺘﻬﺎﻟﻚ ﺑﻜﻞ ﻃﻴﺒﺔ ﺧﺎﻃﺮ
ﺗﻮﻗﻒ ﻗﻠﻴﻼً ﻗﺒﻞ ﺃﻥ ﻳﺴﺄﻟﻪ: ﺃﻧﺖ ﺭﻭﺣﺘﻠﻬﺎ ﻭﻗﻮﻟﺘﻠﻬﺎ ﺇﻧﻚ
ﻣﺤﺘﺎﺝ ﺍﻟﻤﻨﺎﻗﺼﺔ ﺩﻱ ؟
ﻫﺰ ﺭﺃﺳﻪ ﻧﺎﻓﻴﺎً ﻓﺄﻛﻤﻞ : ﻳﺎ ﺍﺑﻨﻲ ﻣﺎ ﺗﻈﻠﻤﺶ ﺣﺪ ﺑﺴﻮﺀ
ﺍﻟﻈﻦ ﻭﺍﻓﺘﻜﺮ ” ﺇﻥ ﺑﻌﺪ ﺍﻟﻈﻦ ﺇﺛﻢ ”
ﻓﺠﺄﺓ ﺃﻧﺘﺒﻪ ﻣﺮﺍﺩ ﻟﺸﺊ ﻣﺎ: ﺃﻧﺖ ﺭﻭﺣﺘﻠﻬﺎ ؟
ﺃﻃﺮﻕ ﺑﺎﺳﻞ ﺑﺨﺠﻞ ، ﺃﺭﺩﻑ : ﺟﺮﺣﺘﻬﺎ ﺑﺎﻟﻜﻼﻡ ﻃﺒﻌﺎً
ﻗﺺ ﻋﻠﻴﻪ ﻣﺎ ﺣﺪﺙ ﻓﻲ ﻣﻜﺘﺒﻬﺎ ﺻﺒﺎﺣﺎً ﻭﻛﻴﻒ ﻛﺎﻧﺖ ﺭﺩﺕ
ﻓﻌﻠﻬﺎ ﻭﻋﻨﺪﻣﺎ ﺃﻧﺘﻬﻰ ﻋﺎﺗﺒﻪ ﻭﺍﻟﺪﻩ : ﻣﺎﻛﺎﻧﺶ ﻻﺯﻡ ﺗﻘﻮﻝ
ﺍﻟﻠﻲ ﻗﻮﻟﺘﻪ … ﺍﻟﻤﻔﺮﻭﺽ ﺗﻌﺘﺬﺭﻟﻬﺎ !
ﻫﺘﻒ ﻣﺴﺘﻨﻜﺮﺍً : ﺃﻋﺘﺬﺭ ؟ !!
– ﺣﻘﻬﺎ ﻳﺎ ﺍﺑﻨﻲ … ﻏﻠﻄﺖ ﻓﻴﻬﺎ ﻭ ﺍﻟﻜﻼﻡ ﺍﻟﻠﻲ ﺃﻧﺖ ﻗﻮﻟﺘﻪ
ﺑﺎﻟﻨﺴﺒﺔ ﻟﻬﺎ ﻭﺑﺎﻟﻨﺴﺒﺔ ﻟﺘﺮﺑﻴﺘﻬﺎ ﺇﻫﺎﻧﺔ ﻛﺒﻴﺮﺓ
-ﻻ ﻣﺎ ﺃﻗﺪﺭﺵ
– ﻣﺎ ﺗﺒﻄﻞ ﻛﺒﺮﻳﺎﺀﻙ ﺩﺍ ! … ﻟﻤﺎ ﺗﻐﻠﻂ ﺍﻟﻤﻔﺮﻭﺽ ﺗﺘﺄﺳﻒ
– ﻣﻌﻠﺶ ﻳﺎ ﺑﺎﺑﺎ … ﻟﺤﺪ ﻛﺪﺍ ﻭﻣﺶ ﻫﺄﻗﺪﺭ
– ﻣﺎﺷﻲ ، ﻫﺄﺷﻮﻑ ﺍﻟﻤﻮﺿﻮﻉ ﺩﺍ ﺑﻌﺪﻳﻦ ، ﺃﻧﺖ ﺑﻘﻰ ﺟﻴﺖ
ﺍﻟﻤﺸﻮﺍﺭ ﺩﺍ ﻛﻠﻪ ﻋﺸﺎﻥ ﺗﺘﺨﺎﻧﻖ ﻣﻌﺎﻫﺎ ؟
-ﻋﺸﺎﻥ ﻛﻨﺖ ﻣﺘﻨﺮﻓﺰ ﺑﺲ
– ﻃﺐ ﻭﺍﻟﻬﺎﻧﻢ ﻣﺮﺍﺗﻚ ﻣﺎﺟﺘﺶ ﻣﻌﺎﻙ ﻟﻴﻪ ؟
-ﺃﺻﻠﻲ ﺟﻴﺖ ﻓﺠﺄﺓ ﻭﺑﺴﺮﻋﺔ ﻭﻣﺎ ﻛﺎﻧﺶ ﻋﻨﺪﻱ ﺇﺳﺘﻌﺪﺍﺩ
ﺍﺳﺘﻨﻰ ﺣﺪ
-ﻋﺸﺎﻥ ﻛﺪﺍ ﻭﻻ ﻋﺸﺎﻥ ﺍﻟﻬﺎﻧﻢ ﻣﺎ ﺑﺘﻄﻘﺶ ﺍﻟﻘﺎﻋﺪﻩ ﻣﻌﺎﻳﺎ ؟
ﻗﺎﻝ ﻣﺪﺍﻓﻌﺎً : ﻻ ﺃﺑﺪﺍً ﻳﺎ ﺑﺎﺑﺎ … ﺯﻱ ﻣﺎ ﺃﻧﺎ ﻗﻮﻟﺘﻠﻚ ﺻﺪﻗﻨﻲ
– ﻣﺎﺷﻲ ﻫﺄﺻﺪﻗﻚ … ﻣﺶ ﻋﺸﺎﻥ ﺣﺎﺟﻪ ﻏﻴﺮ ﺇﻧﻲ ﺃﻧﺎ
ﻛﻤﺎﻥ ﻣﺶ ﺑﺄﻃﻴﻖ ﺃﺷﻮﻑ ﻭﺷﻬﺎ
– ﻟﻴﻪ ﻛﺪﺍ ﻳﺎ ﺑﺎﺑﺎ ﺑﺲ؟ … ﺩﻱ ﻣﺮﺍﺗﻲ
– ﺃﻧﺎ ﻓﻲ ﻧﻈﺮﻱ ﻣﺎﻓﻴﺶ ﻭﺍﺣﺪﺓ ﺗﻨﻔﻊ ﺗﻜﻮﻥ ﻣﺮﺍﺕ ﺍﺑﻨﻲ ﻏﻴﺮ
ﺩﻳﻤﺎ … ﺇﻧﻤﺎ ﺍﻟﺒﺘﺎﻋﻪ ﺍﻟﻠﻲ ﺃﻧﺖ ﻣﺘﺠﻮﺯﻫﺎ ﺩﻱ ﻣﺎ ﺗﺪﺧﻠﺶ
ﺫﻣﺘﻰ ﺑﻨﻜﻠﻪ
ﺗﻨﻬﺪ ﺑﺎﺳﻞ ﻣﺴﺘﺴﻠﻤﺎً ﻓﻤﻬﻤﺎ ﻗﺎﻝ ﺃﻭ ﻓﻌﻞ ﻟﻦ ﻳﻐﻴﺮ ﻭﺟﻬﺔ
ﻧﻈﺮ ﻭﺍﻟﺪﻩ ﻓﻲ ﺑﻮﺳﻲ .
ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ …
ﻃﺮﻗﺖ ﻣﺮﻳﻢ ﺑﺎﺏ ﻏﺮﻓﺔ ﺩﻳﻤﺎ ﻭﻓﺘﺤﺘﻪ ، ﻧﻈﺮﺕ ﺩﻳﻤﺎ ﺇﻟﻰ ﻣﺎ
ﺗﺤﻤﻠﻪ ﺑﻴﻦ ﻳﺪﻳﻬﺎ ﻣﺘﺴﺎﺋﻠﺔ : ﺇﻳﻪ ﺩﺍ ؟
ﺍﺑﺘﺴﻤﺖ ﻣﺮﻳﻢ : ﺯﻱ ﻣﺎ ﺇﻧﺘﻲ ﺷﺎﻳﻔﻪ … ﺑﻮﻛﻴﻪ ﻭﺭﺩ ﺇﻧﻤﺎ
ﺇﻳﻪ … ﻋﻤﻮﻟﻪ
ﺗﻨﺎﻭﻟﺘﻪ ﺩﻳﻤﺎ: ﻣﻦ ﻣﻴﻦ؟
-ﻣﺶ ﻋﺎﺭﻓﺔ … ﺷﻮﻓﻲ ﻟﻮ ﻓﻴﻪ ﻛﺎﺭﺕ
ﺑﺤﺜﺖ ﺑﻴﻦ ﺍﻟﻮﺭﺩﺍﺕ ﻟﺘﺠﺪ ﻇﺮﻑ ﺻﻐﻴﺮ ، ﺃﺧﺮﺟﺖ ﺍﻟﻜﺎﺭﺕ
ﻣﻦ ﺩﺍﺧﻠﻪ ﻟﺘﻘﺮﺃ ” ﺑﺎﺳﻞ ﻣﺮﺍﺩ ﺍﻟﺸﻨﺎﻭﻱ ” ، ﺃﻋﻄﺖ ﺍﻟﻜﺎﺭﺕ
ﻟﻤﺮﻳﻢ .
ﻓﻐﺮﺕ ﻣﺮﻳﻢ ﻓﻤﻬﺎ ﺩﻫﺸﺔ : ﻛﺪﺍ ﺑﺲ؟
ﺍﺑﺘﺴﻤﺖ ﺩﻳﻤﺎ ﺑﺈﺳﺘﻬﺰﺍﺀ: ﺩﻱ ﻃﺮﻳﻘﺘﻪ ﻓﻲ ﺇﻧﻪ ﻳﻘﻮﻝ ﺃﺳﻒ
ﻣﺮﻳﻢ: ﻫﻮ ﻟﻮ ﻗﺎﻟﻬﺎ ﻫﻴﻤﻮﺕ ؟
ﺃﻭﻣﺄﺕ : ﻣﻊ ﺑﺎﺳﻞ ﻓﻌﻼً ﻣﺶ ﺑﻌﻴﺪ ﻳﻤﻮﺕ ﻟﻮ ﻗﺎﻟﻬﺎ … ﻣﺎ
ﺍﻋﺘﻘﺪﺵ ﻫﻴﺠﻲ ﺍﻟﻴﻮﻡ ﺍﻟﻠﻲ ﺃﺳﻤﻌﻪ ﻓﻴﻪ ﺑﻴﻘﻮﻝ ﺃﺳﻒ
-ﺇﻧﺴﺎﻥ ﻋﺠﻴﺐ
-ﺳﻴﺒﻚ ﻣﻨﻪ … ﺍﻃﻠﺒﻴﻠﻲ ﺍﻷﺳﺘﺎﺫ ﻓﺆﺍﺩ ﻋﺸﺎﻥ ﺃﺧﺪ ﺭﺃﻳﻪ
ﻓﻲ ﺍﻟﻤﺸﺮﻭﻉ ﺑﺘﺎﻋﻲ ﺍﻟﻠﻲ ﻗﻮﻟﺘﻠﻚ ﻋﻠﻴﻪ
– ﺇﻧﺘﻲ ﻟﺤﻘﺘﻲ ﺧﻠﺼﺘﻲ ﺩﺭﺍﺳﺘﻪ؟
– ﺃﻧﺎ ﻣﺎ ﻧﻤﺘﺶ ﻣﻦ ﺇﻣﺒﺎﺭﺡ ﻋﺸﺎﻥ ﺃﺧﻠﺼﻪ
-ﻳﺎ ﺳﻼﻡ ﻳﺎ ﺳﻼﻡ … ﺇﻳﻪ ﺍﻟﺤﻤﺎﺱ ﺩﺍ ﻛﻠﻪ ؟
-ﻣﺶ ﻋﺎﺭﻓﺔ … ﺣﺎﺳﻪ ﺇﻧﻪ ﺩﺍ ﺍﻟﺸﺊ ﺍﻟﻠﻲ ﻫﺄﻗﺪﺭ ﺃﻓﻴﺪ
ﺑﻴﻪ ﺑﻠﺪﻱ ﻭﻓﻲ ﻧﻔﺲ ﺍﻟﻮﻗﺖ ﺩﻳﻨﻲ ﻛﻤﺎﻥ
– ﺭﺑﻨﺎ ﻳﻮﻓﻘﻚ … ﻫﺄﺭﻭﺡ ﺃﻛﻠﻢ ﺍﻷﺳﺘﺎﺫ ﻓﺆﺍﺩ
ﺛﻢ ﺃﺿﺎﻓﺖ ﻣﺸﻴﺮﺓ ﺇﻟﻰ ﺍﻟﺒﺎﻗﺔ: ﺑﺲ ﻫﺘﻌﻤﻠﻲ ﺇﻳﻪ ﻓﻲ
ﺩﻱ ؟
ﺭﻓﻌﺖ ﺍﻟﺒﺎﻗﺔ ﻗﻠﻴﻼً : ﺩﻱ؟
ﺃﻟﻘﺘﻬﺎ ﻓﻲ ﺳﻠﺔ ﺍﻟﻤﻬﻤﻼﺕ ﻣﺮﺩﻓﺔ : ﻣﻜﺎﻧﻬﺎ ﻫﻨﺎ
ﺿﺤﻜﺖ ﻣﺮﻳﻢ: ﻧﻔﺴﻲ ﺃﺷﻮﻑ ﻭﺷﻪ ﻟﻮ ﺷﺎﻓﻬﺎ ﻫﻨﺎ
– ﺇﻳﻪ ﺭﺃﻳﻚ ﺃﺻﻮﺭﻫﺎ ﻭﺍﺑﻌﺘﻬﺎﻟﻪ ﻓﻲ ﻣﺴﺞ ؟
– ﻫﻬﻬﻬﻬﻬﻬﻬﻬﻪ ﻳﺎ ﺟﺒﺎﺭﺓ ! … ﺑﺲ ﻳﺴﺘﺎﻫﻞ ﻋﺸﺎﻥ ﻳﺘﻌﻠﻢ
ﻳﻘﻮﻝ ﺃﺳﻒ
ﻧﻔﺬﺕ ﻣﺎ ﺃﻣﺮﺗﻬﺎ ﺑﻪ ﻭﺗﻨﺎﻗﺸﺖ ﺩﻳﻤﺎ ﻣﻊ ﻓﺆﺍﺩ ﻓﻲ
ﻣﺸﺮﻭﻋﻬﺎ ﺍﻟﺠﺪﻳﺪ .
-ﺑﺠﺪ ﻣﺎ ﺷﺎﺀ ﺍﻟﻠﻪ ﻋﻠﻴﻜﻲ … ﺑﻨﺖ ﺷﻬﺎﺏ ﺍﻟﺪﻳﻦ ﺻﺤﻴﺢ
– ﻳﻌﻨﻲ ﺍﻟﻤﺸﺮﻭﻉ ﻋﺠﺒﻚ؟
– ﻭﻣﻴﻦ ﻣﺎ ﻳﻌﺠﺒﻮﺵ ﻣﺸﺮﻭﻉ ﺯﻱ ﺩﺍ ؟ … ﺃﺭﺑﺎﺣﻪ
ﻣﻀﻤﻮﻧﺔ ﺧﺼﻮﺻﺎً ﺇﻧﻪ ﺃﻭﻝ ﻧﺎﺱ ﺗﻔﻜﺮ ﻓﻲ ﻋﺮﺽ ﺃﺯﻳﺎﺀ
ﻟﻠﻤﺤﺠﺒﺎﺕ ﺩﺍ ﻓﻲ ﺑﻼﺩ ﺃﺟﻨﺒﻴﺔ ، ﺃﻗﺼﻰ ﻓﻜﺮﺓ ﻋﻨﺪﻫﻢ ﻋﻦ
ﺍﻹﺳﻼﻡ ﻫﻲ ﺍﻹﺭﻫﺎﺏ ﻭﺍﻟﺘﺸﺪﺩ ﻭﺣﺎﺩﺛﺔ 11 ﺳﺒﺘﻤﺒﺮ
– ﺩﺍ ﻫﺪﻓﻲ ﺍﻷﺳﺎﺳﻲ ﻭﺍﻷﻫﻢ ﻋﻨﺪﻱ ﻣﻦ ﺍﻷﺭﺑﺎﺡ … ﻋﺎﻳﺰﺓ
ﺃﻏﻴﺮ ﻓﻜﺮﺗﻬﻢ ﻋﻦ ﺍﻹﺳﻼﻡ ﻭﺍﻟﻤﺴﻠﻤﻴﻦ ﻭﺇﻧﻪ ﻣﺶ ﻛﻞ
ﺍﻟﻤﺴﻠﻤﻴﻦ ﺇﺭﻫﺎﺑﻴﻴﻦ … ﻭﺇﻧﻪ ﻛﻤﺎﻥ ﻓﻴﻪ ﻋﻨﺪﻧﺎ ﺷﻴﺎﻛﺔ ﻓﻲ
ﺍﻟﻠﺒﺲ ﻣﻊ ﺇﺣﺘﺮﺍﻡ ﺗﻌﺎﻟﻴﻢ ﺩﻳﻨﺎ
– ﺇﻥ ﺷﺎﺀ ﺍﻟﻠﻪ ﺗﻨﺠﺢ ﻓﻜﺮﺗﻚ … ﺃﻧﺎ ﻫﺄﺧﺪ ﺍﻟﻮﺭﻕ ﺩﺍ
ﻭﻫﻨﺒﺤﺚ ﺑﺘﻌﻤﻖ ﺃﻛﺒﺮ ﻭﻧﻌﻤﻞ ﺩﺭﺍﺳﺔ ﺟﺪﻭﻝ ﻭﺑﻌﺪﻳﻦ ﻟﻴﻨﺎ
ﻗﺎﻋﺪﺓ ﺗﺎﻧﻴﺔ ﻭﻧﺘﻨﺎﻗﺶ ﻑ ﻛﻞ ﺩﺍ
– ﺧﻼﺹ ﺗﻤﺎﻡ … ﺃﻧﺎ ﻣﻌﺘﻤﺪﺓ ﻋﻠﻰ ﺣﻀﺮﺗﻚ ﻓﻲ ﺍﻟﻤﻮﺿﻮﻉ
ﺩﺍ ﻳﺎ ﺃﺳﺘﺎﺫ ﻓﺆﺍﺩ
– ﺑﺄﻣﺮ ﺍﻟﻠﻪ ﺃﻛﻮﻥ ﻗﺪ ﺍﻟﻤﺴﺌﻮﻟﻴﺔ … ﻋﻦ ﺇﺫﻧﻚ
-ﺇﺗﻔﻀﻞ
ﺩﺧﻠﺖ ﻣﺮﻳﻢ ﻋﻨﺪﻣﺎ ﺭﺃﺕ ﻓﺆﺍﺩ ﻳﻬﻢ ﺑﺎﻟﻤﻐﺎﺩﺭﺓ ﻗﺎﺋﻠﺔ: ﻓﻴﻪ
ﻭﺍﺣﺪ ﻋﺎﻳﺰ ﻳﻘﺎﺑﻠﻚ
– ﻣﻴﻦ؟
– ﺃﻧﺎ ﻳﺎ ﺩﻳﻤﺎ
ﺍﺗﺠﻬﺖ ﺇﻟﻴﻪ ﺩﻳﻤﺎ ﻣﺴﺮﻋﺔ ﻭﺿﻤﺘﻪ ﺑﻘﻮﺓ : ﺑﺎﺑﺎ ﻣﺮﺍﺩ !
ﺿﻤﻬﺎ ﻣﺮﺍﺩ : ﻫﻲ ﺑﻘﻰ ﻓﻴﻬﺎ ﺑﺎﺑﺎ ؟
ﺃﻧﺘﺰﻋﺖ ﻧﻔﺴﻬﺎ ﻣﻨﻪ ﻭﺃﺟﻠﺴﺘﻪ ﺑﺠﻮﺍﺭﻫﺎ : ﻃﺒﻌﺎً ﺑﺎﺑﺎ … ﻫﻮ
ﺃﻧﺎ ﺑﻘﻰ ﻟﻴﺎ ﻏﻴﺮﻙ ؟
-ﻋﺸﺎﻥ ﻛﺪﺍ ﺑﻘﺎﻟﻚ 3 ﺳﻨﻴﻦ ﻣﺎ ﺳﺄﻟﺘﻴﺶ ﻋﻠﻴﺎ ﻭﻻ ﻛﻠﻤﺘﻴﻨﻲ
ﻓﻲ ﺍﻟﺘﻠﻴﻔﻮﻥ ﻭﻻ ﻣﺮﺓ ؟
– ﻛﻨﺖ ﻋﺎﻳﺰﻩ ﺃﺑﻌﺪ ﻋﻦ ﻛﻞ ﺣﺎﺟﻪ ﻭﻛﻞ ﺍﻟﻨﺎﺱ
– ﺣﺘﻰ ﺃﻧﺎ … ﺑﺎﺑﺎ ؟
ﺃﻃﺮﻗﺖ ﺻﺎﻣﺘﺔ ﻓﺘﺎﺑﻊ: ﻭﻻ ﻋﺸﺎﻥ ﺃﻧﺎ ﺍﻟﺴﺒﺐ ﻓﻲ ﺟﻮﺯﺗﻚ
ﻣﻦ ﺑﺎﺳﻞ ﻭﺯﻋﻼﻧﻪ ﻣﻨﻲ ؟
ﺭﻓﻌﺖ ﺭﺃﺳﻬﺎ ﺑﻘﻮﺓ: ﻻ ﺃﻧﺎ ﻣﺶ ﺯﻋﻼﻧﻪ ﻣﻨﻚ … ﻭﻻ ﻋﻤﺮﻱ
ﺃﻗﺪﺭ ﺃﺯﻋﻞ ﻣﻨﻚ ﺃﺑﺪﺍً
-ﻣﺘﺄﻛﺪﺓ ؟
-ﺃﻳﻮﻩ … ﺃﻧﺖ ﻃﻠﺒﺖ ﻣﻨﻪ ﻳﺘﺠﻮﺯﻧﻲ ﻣﻦ ﺣﺒﻚ ﻓﻴﺎ ﻭﻓﻴﻪ …
ﻛﻨﺖ ﻋﺎﻳﺰ ﺗﺠﻤﻊ ﺍﻟﻠﻲ ﺑﺘﺤﺒﻬﻢ ﺣﻮﺍﻟﻴﻚ ﻣﻊ ﺑﻌﺾ … ﺃﻧﺎ
ﺯﻋﻼﻧﻪ ﻣﻨﻪ ﻋﺸﺎﻥ ﺧﺒﻰ ﻋﻠﻴﺎ ﺳﺒﺐ ﺟﻮﺍﺯﻩ ﻣﻨﻲ … ﺳﺎﺑﻨﻲ
ﺃﻋﻴﺶ ﻓﻲ ﺍﻟﻮﻫﻢ … ﻓﻲ ﻭﻫﻢ ﺇﻧﻪ ﺑﻴﺤﺒﻨﻲ … ﻭﺇﻥ ﺟﻮﺍﺯﻩ
ﻣﻨﻲ ﺩﺍ ﻛﺎﻥ ﺭﻏﺒﺘﻪ ﻫﻮ … ﻛﻨﺖ ﺑﺄﻟﻮﻡ ﻧﻔﺴﻲ ﻛﻞ ﻳﻮﻡ ﺇﻧﻪ
ﺑﻴﺒﻌﺪ ﻋﻨﻲ ﻣﺎ ﺃﻋﺮﻓﺶ ﺇﻧﻪ ﻓﻲ ﻗﻠﺒﻪ ﻭﻋﻘﻠﻪ ﻭﺍﺣﺪﺓ ﺗﺎﻧﻴﺔ
ﻣﺸﻐﻮﻟﻴﻦ ﺑﻴﻬﺎ … ﻣﻀﺎﻳﻘﺔ ﻣﻨﻪ ﺇﻧﻪ ﺃﺗﺠﻮﺯ ﻋﻠﻴﺎ ﻣﻦ ﻏﻴﺮ ﻣﺎ
ﻳﻘﻮﻟﻲ ﻭﺇﻧﻲ ﺍﻛﺘﺸﻔﺖ ﺍﻟﻤﻮﺿﻮﻉ ﺑﺎﻟﻄﺮﻳﻘﺔ ﺩﻱ
-ﻣﻌﺎﻛﻲ ﺣﻖ … ﻣﺎ ﺃﻗﺪﺭﺵ ﺃﻗﻮﻝ ﺣﺎﺟﻪ ﻭﻻ ﺃﺩﺍﻓﻊ ﻋﻨﻪ
ﻹﻧﻪ ﺍﻟﻐﻠﻂ ﺭﺍﻛﺒﻪ
ﺃﺿﺎﻑ : ﻻ ﻭﺯﻭﺩ ﺍﻟﻐﻠﻂ ﺑﺎﻟﻠﻲ ﻋﻤﻠﻪ ﺇﻣﺒﺎﺭﺡ
ﻧﻈﺮﺕ ﻟﻪ ﻣﺴﺘﻐﺮﺑﺔ : ﻫﻮ ﺣﻜﺎﻟﻚ ؟
ﺃﻭﻣﺄ : ﺃﻳﻮﻩ … ﻭﻫﻮ ﻋﺎﺭﻑ ﺇﻧﻪ ﻏﻠﻄﺎﻥ … ﺑﺲ ﺇﻧﺘﻲ
ﻋﺎﺭﻓﺎﻩ ﻋﻤﺮﻩ ﻣﺎ ﻳﻘﻮﻝ ﺃﺳﻒ
ﻧﻈﺮﺕ ﺇﻟﻰ ﺍﻟﺴﻠﺔ ﺑﺴﺨﺮﻳﺔ ﻗﺎﺋﻠﺔ: ﺃﻩ … ﻭﺍﺿﺢ
ﺗﺘﺒﻊ ﻧﻈﺮﺍﺗﻬﺎ ﺣﻴﺚ ﺭﺃﻯ ﺍﻟﺒﺎﻗﺔ ﻓﻲ ﺍﻟﺴﻠﺔ ﻓﺴﺄﻟﻬﺎ
ﻣﻨﺪﻫﺸﺎً: ﻫﻮ ﺍﻟﻠﻲ ﺑﻌﺘﻬﺎ؟
ﺃﻭﻣﺄﺕ ﻣﻮﺍﻓﻘﺔ : ﺃﻳﻮﻩ … ﻭﻛﺘﺒﻠﻲ ﻓﻲ ﺍﻟﻜﺎﺭﺕ ﺑﺎﺳﻞ ﻣﺮﺍﺩ
ﺍﻟﺸﻨﺎﻭﻱ
– ﻫﻬﻬﻬﻬﻬﻬﻬﻬﻬﻬﻬﻬﻪ ﻳﺨﺮﺏ ﺑﻴﺖ ﺷﻴﻄﺎﻧﻪ ! … ﺍﻟﻮﺍﺩ ﺩﺍ
ﻣﺶ ﻫﻴﺘﻌﻠﻢ
ﻏﻤﺰﻫﺎ ﻣﻜﻤﻼً: ﻣﻊ ﺇﻧﻪ ﺍﺑﻨﻲ ﺑﺲ ﺃﺟﺪﻉ ﺣﺎﺟﻪ ﻋﻤﻠﺘﻴﻬﺎ ..
ﻫﻮ ﻣﺎ ﻳﺠﻴﺶ ﻏﻴﺮ ﺑﻜﺪﺍ !
ﻃﺮﻗﺖ ﻣﺮﻳﻢ ﺍﻟﺒﺎﺏ ﻣﺴﺘﺄﺫﻧﺔ : ﺍﻷﺳﺘﺎﺫ ﻧﻌﻴﻢ ﺑﺮﺍ
ﺻﺎﺡ ﻣﺮﺍﺩ: ﺑﺠﺪ ؟ … ﺩﺧﻠﻴﻪ ﺩﺧﻠﻴﻪ ﺑﻘﺎﻟﻲ ﺯﻣﻦ ﻣﺎ
ﺷﻮﻓﺘﻮﺵ
ﺩﺧﻞ ﻧﻌﻴﻢ ﻭﺭﺣﺐ ﺑﺼﺪﻳﻘﻪ ﺍﻟﻘﺪﻳﻢ ﻣﺮﺍﺩ : ﺇﻳﻪ ﺩﺍ ؟ ﻣﺮﺍﺩ
ﺑﻨﻔﺴﻪ ﻫﻨﺎ ؟
ﻣﺮﺍﺩ ﺿﺎﺣﻜﺎً: ﺷﻮﻓﺖ ﺑﻘﻰ … ﻫﻨﺮﻭﺡ ﻣﻦ ﺑﻌﺾ ﻓﻴﻦ ؟
-ﺃﺧﺒﺎﺭﻙ ﺇﻳﻪ؟
– ﺍﻟﺤﻤﺪﻟﻠﻪ ﻭﺃﻧﺖ ؟
-ﺗﻤﺎﻡ ﺍﻟﺤﻤﺪﻟﻠﻪ … ﺑﺲ ﺑﺘﻌﻤﻞ ﺇﻳﻪ ﻋﻨﺪﻧﺎ ﻓﻲ
ﺍﻟﺸﺮﻛﺔ ؟ … ﺷﻐﻞ ؟
-ﻻ ﻳﺎ ﺳﻴﺪﻱ … ﻛﻨﺖ ﺑﺎﺳﻠﻢ ﻋﻠﻰ ﺩﻳﻤﺎ ﻟﻤﺎ ﻋﺮﻓﺖ ﺇﻧﻬﺎ
ﺭﺟﻌﺖ
ﺩﻳﻤﺎ: ﺃﺳﺘﺎﺫ ﻧﻌﻴﻢ ﻫﻮ ﺍﻟﻠﻲ ﺃﻗﻨﻌﻨﻲ ﺃﺭﺟﻊ ﺗﺎﻧﻲ
ﻣﺮﺍﺩ: ﻟﻮ ﻛﻨﺖ ﺃﻋﺮﻑ ﺇﻧﻪ ﻋﺎﺭﻑ ﻣﻜﺎﻧﻚ ﻭﺳﺎﻛﺖ ﻛﻨﺖ ﻋﻠﻘﺘﻪ
ﻧﻌﻴﻢ: ﻫﻬﻬﻬﻬﻬﻬﻬﻪ ﺃﻧﺖ ﻧﺎﺳﻲ ﺇﻧﻲ ﺍﻟﻤﺤﺎﻣﻲ ﺑﺘﺎﻋﻬﺎ؟ …
ﻳﻌﻨﻲ ﻻﺯﻡ ﺃﻛﻮﻥ ﻋﺎﺭﻑ ﻛﻞ ﺗﺤﺮﻛﺎﺗﻬﺎ
ﻣﺮﺍﺩ: ﻣﺎﺷﻲ ﻳﺎ ﺳﻴﺪﻱ
ﺩﻳﻤﺎ: ﻫﻮ ﺣﻀﺮﺗﻚ ﻛﻨﺖ ﻋﺎﻭﺯ ﺣﺎﺟﻪ ؟
ﻧﻌﻴﻢ: ﺃﻩ … ﻛﻨﺖ ﻋﺎﻳﺰ ﺃﻛﻠﻤﻚ ﻓﻲ ﺍﻟﻤﺸﺮﻭﻉ ﺍﻟﻠﻲ ﻗﻮﻟﺘﻲ
ﻟﻔﺆﺍﺩ ﻋﻠﻴﻪ … ﻟﺴﻪ ﻣﻘﺎﺑﻠﻪ ﻭﻛﺎﻥ ﻣﺘﺤﻤﺲ ﺟﺪﺍً … ﺭﺟﻊ
ﺷﺎﺏ ﺗﺎﻧﻲ ﺑﺴﺒﺐ ﺍﻟﻤﺸﺮﻭﻉ ﺩﺍ
ﻣﺮﺍﺩ ﻣﺴﺘﻔﺴﺮﺍً: ﻣﺸﺮﻭﻉ ﺇﻳﻪ؟
ﻧﻌﻴﻢ: ﺩﻳﻤﺎ ﺑﻘﻰ ﺍﻟﻠﻲ ﺗﺸﺮﺣﻠﻨﺎ
ﺩﻳﻤﺎ: ﺧﻼﺹ ﻧﻄﻠﺐ ﺑﻘﻰ 3 ﻓﻨﺎﺟﻴﻦ ﻗﻬﻮﺓ ﻋﺸﺎﻥ ﻧﺘﻜﻠﻢ
ﻋﻠﻰ ﺭﻭﺍﻗﻪ ﺗﻤﺎﻡ؟
ﻧﻌﻴﻢ: ﻣﺎﺷﻲ
ﻣﺮﺍﺩ: ﻭﺃﻧﺎ ﻣﺎ ﻭﺭﻳﻴﺶ ﺣﺎﺟﻪ
-ﺃﻳﻮﻩ … ﻣﺶ ﻋﺎﺭﻑ ﻳﺎ ﺷﺎﺩﻱ ﻟﺴﻪ ﻫﺄﺷﻮﻑ … ﺃﻩ
ﺷﻜﻠﻲ ﻫﺎﺿﻄﺮ ﺃﻋﻤﻞ ﻛﺪﺍ … ﻋﺎﺭﻑ ﻋﺎﺭﻑ ﺑﺲ ﻣﺎﻓﻴﺶ
ﺣﻞ ﺗﺎﻧﻲ ﻳﺎ ﺷﺮﻳﻚ ﺟﺪﻳﺪ ﻳﺎ ﻫﺄﺧﺴﺮ ﻛﻞ ﺣﺎﺟﻪ … ﻣﻌﻠﺶ
ﻳﺎ ﺷﺎﺩﻱ ﻋﺎﺭﻑ ﺇﻧﻪ ﺷﺮﻳﻚ ﺟﺪﻳﺪ ﻳﻌﻨﻲ ﺇﺧﺘﻼﻓﺎﺕ ﺃﻛﺘﺮ
ﻭﻣﺸﺎﻛﻞ ﺃﻛﺒﺮ ﺑﺲ ﺃﻧﺖ ﻋﻨﺪﻙ ﺣﻞ ﺗﺎﻧﻲ؟ … ﺃﻩ ﺃﺭﺑﺎﺣﻲ
ﻫﺘﻘﻞ ﺑﺲ ﺃﻧﺎ ﻓﻌﻼً ﻣﺤﺘﺎﺝ ﺳﻴﻮﻟﺔ ﺩﻟﻮﻗﺘﻲ ﺑﺄﻱ ﺷﻜﻞ …
ﺗﺴﻠﻢ ﻋﺎﺭﻑ ﺇﻧﻪ ﻟﻮ ﻣﻌﺎﻙ ﻣﺶ ﻫﺘﺘﺄﺧﺮ ﺑﺲ ﻣﺶ ﻫﺄﻗﺪﺭ
ﺍﺳﺘﻨﻰ ﻛﺎﻡ ﺷﻬﺮ ﻋﻘﺒﺎﻝ ﻣﺎ ﺗﺘﻮﻓﺮﻟﻚ ﺳﻴﻮﻟﺔ … ﺃﻳﻮﻩ ﺃﻧﺎ
ﻣﺤﺘﺎﺝ ﺩﻋﻤﻚ ﺩﻟﻮﻗﺘﻲ ﺃﻭﻱ … ﻣﻊ ﺍﻟﺴﻼﻣﺔ
– ﻫﺘﺒﻴﻊ ﻧﺼﻴﺒﻚ ﻓﻲ ﺍﻟﻤﻨﺘﺠﻊ؟
ﺇﻟﺘﻔﺖ ﺇﻟﻰ ﻭﺍﻟﺪﻩ ﻣﻨﺪﻫﺸﺎً: ﺃﻧﺖ ﻛﻨﺖ ﺑﺘﺘﺼﻨﺖ ﻋﻠﻴﺎ؟
-ﻻ … ﻛﻨﺖ ﺟﺎﻱ ﺃﻛﻠﻤﻚ ﻭﺳﻤﻌﺘﻚ ﺑﺎﻟﺼﺪﻓﺔ
– ﻛﻨﺖ ﻋﺎﻳﺰ ﺗﻜﻠﻤﻨﻲ ﻑ ﺇﻳﻪ ؟
-ﺟﺎﻭﺏ ﻋﻠﻰ ﺳﺆﺍﻟﻲ ﺍﻷﻭﻝ ﻫﺘﺒﻴﻊ ﻧﺼﻴﺒﻚ ﻓﻲ ﺍﻟﻤﻨﺘﺠﻊ؟
ﺗﻨﻬﺪ: ﺃﻳﻮﻩ … ﺑﺲ ﻣﺶ ﻛﻠﻪ ﺟﺰﺀ ﻣﻨﻪ ﺑﺲ
-ﻣﺶ ﺩﺍ ﻣﺸﺮﻭﻉ ﺃﺣﻼﻣﻚ؟ … ﻫﺘﺘﺨﻠﻰ ﻋﻨﻪ ﺑﺎﻟﺴﻬﻮﻟﺔ
ﺩﻱ؟
– ﺃﻧﺎ ﻣﺶ ﻫﺎﺗﺨﻠﻰ ﻋﻨﻪ … ﺃﻧﺎ ﻫﺄﺑﻴﻊ ﺟﺰﺀ ﻣﻨﻪ ﺩﻟﻮﻗﺘﻲ
ﻭﻫﺄﺭﺟﻊ ﺃﺧﺪﻩ ﺗﺎﻧﻲ
– ﻭﺃﻧﺖ ﻓﺎﻛﺮ ﺇﻧﻪ ﻟﻮ ﺣﺪ ﻗﺒﻞ ﻳﺎﺧﺪ ﺟﺰﺀ ﻣﻦ ﺍﻟﻤﺸﺮﻭﻉ ﻭﻫﻮ
ﻟﺴﻪ ﻓﻲ ﺑﺪﺍﻳﺘﻪ ﻭﻓﻲ ﻣﺮﺣﻠﺔ ﺍﻟﺨﻄﺮ ﺑﺈﻧﻪ ﻳﺨﺴﺮ ، ﻫﻴﺘﺨﻠﻰ
ﻋﻨﻪ ﺑﻌﺪ ﻣﺎ ﻳﺒﺪﺃ ﻳﻜﺴﺐ؟
ﺗﺨﻠﻞ ﺑﺎﺳﻞ ﺷﻌﺮﻩ ﺑﺄﺻﺎﺑﻌﻪ : ﻣﺎﻓﻴﺶ ﻗﺪﺍﻣﻲ ﺣﻞ ﺗﺎﻧﻲ !
– ﺧﻼﺹ ﻫﺄﺷﺘﺮﻱ ﺃﻧﺎ ﺍﻟﺠﺰﺀ ﺍﻟﻠﻲ ﻋﺎﻳﺰ ﺗﺒﻴﻌﻪ
ﺭﻓﺾ ﺑﻘﻮﺓ : ﻻ ﻳﺎ ﺑﺎﺑﺎ … ﺃﻧﺖ ﺑﺎﻟﺬﺍﺕ ﻻ … ﺣﺘﻰ ﻟﻮ ﺃﺧﺮ
ﺣﺪ ﻓﻲ ﺍﻟﺪﻧﻴﺎ … ﺃﻧﺎ ﻋﻨﺪﻱ ﺍﺑﺪﺃ ﻣﻦ ﺍﻟﺼﻔﺮ ﻭﻻ ﺇﻧﻲ
ﺃﺧﻠﻴﻚ ﺗﺘﺪﺧﻞ
ﻣﺮﺍﺩ ﻣﺘﻌﺠﺒﺎً: ﻫﻮ ﺃﻧﺎ ﻋﺪﻭﻙ ﻳﺎ ﺍﺑﻨﻲ؟
-ﻻ ﻃﺒﻌﺎً … ﺃﻧﺖ ﻋﻠﻰ ﺭﺍﺳﻲ ﻣﻦ ﻓﻮﻕ ﺑﺲ ﺃﻧﺎ ﻋﺎﻳﺰ
ﺍﻋﺘﻤﺪ ﻋﻠﻰ ﻧﻔﺴﻲ ﻟﻮ ﻗﺒﻠﺖ ﻣﺎﻛﻨﺘﺶ ﺍﻧﻔﺼﻠﺖ ﻋﻦ ﺷﻐﻠﻚ
ﻣﻦ ﺍﻷﻭﻝ ﺃﺣﺴﻦ
– ﺃﻧﺎ ﺃﺻﻼً ﻣﺶ ﻋﺎﺭﻑ ﺍﻧﻔﺼﻠﺖ ﻟﻴﻪ ﻣﻦ ﺍﻷﻭﻝ … ﻣﺎ ﻛﻞ
ﺩﺍ ﺃﻧﺖ ﻭﻭﻻﺩﻙ ﺍﻟﻠﻲ ﻫﺘﻮﺭﺛﻮﻩ ﻣﺶ ﻫﺄﺧﺪ ﺣﺎﺟﻪ ﻣﻌﺎﻳﺎ
ﺍﻟﻘﺒﺮ ﻳﻌﻨﻲ
– ﺭﺑﻨﺎ ﻳﺪﻳﻚ ﺍﻟﺼﺤﺔ … ﺑﺲ ﺃﻧﺎ ﻋﺎﻳﺰ ﺃﺑﻨﻲ ﻧﻔﺴﻲ ﺑﺈﻳﺪﻱ
– ﻃﺐ ﺇﻓﺮﺽ ﺍﻟﻠﻲ ﻫﻴﺸﺘﺮﻱ ﻣﻨﻚ ﻣﺎ ﺭﺿﻴﺶ ﻳﺒﻴﻊ ﺑﻌﺪﻳﻦ
ﻫﺘﻌﻤﻞ ﺇﻳﻪ؟
-ﺳﺎﻋﺘﻬﺎ ﺃﻧﺎ ﻫﺎﺗﺼﺮﻑ … ﺩﺍ ﻣﺸﺮﻭﻋﻲ ﻭﺩﺍ ﻏﻠﻄﻲ ﻭﺃﻧﺎ
ﺍﻟﻠﻲ ﻫﺎﺗﺤﻤﻞ ﺍﻟﻨﺘﻴﺠﺔ !
– ﻳﻌﻨﻲ ﻣﺎ ﺧﻠﺘﻨﻴﺶ ﺃﺷﺎﺭﻙ ﻓﻲ ﺍﻟﻤﺸﺮﻭﻉ ﻣﻦ ﺍﻷﻭﻝ
ﻭﻛﻤﺎﻥ ﻣﺶ ﻋﺎﻳﺰﻧﻲ ﺃﺳﺎﻋﺪﻙ ﺩﻟﻮﻗﺘﻲ!
– ﻣﻌﻠﺶ ﻳﺎ ﺑﺎﺑﺎ ﺳﻴﺒﻨﻲ ﻋﻠﻰ ﺭﺍﺣﺘﻲ
– ﻃﺐ ﻭﺍﻟﻬﺎﻧﻢ ﺭﺃﻳﻬﺎ ﺇﻳﻪ ﻓﻲ ﺍﻟﻠﻲ ﺣﺼﻞ؟
-ﻳﺎ ﺑﺎﺑﺎ ﺃﻧﺖ ﻋﻠﻰ ﻃﻮﻝ ﻛﺪﺍ ﻻﺯﻡ ﺗﺪﺧﻞ ﺑﻮﺳﻲ ﻓﻲ
ﺍﻟﻤﻮﺿﻮﻉ
ﻣﺮﺍﺩ ﻣﺘﺤﺪﻳﺎً: ﻣﺶ ﻫﻲ ﺍﻟﻠﻲ ﻓﻀﻠﺖ ﺗﺰﻥ ﺇﻧﻚ ﺗﻌﻤﻞ
ﺍﻟﻤﺸﺮﻭﻉ ﺩﺍ ﻓﻲ ﺍﻟﻮﻗﺖ ﺩﺍ ؟
ﺃﺟﺎﺑﻪ ﺑﺎﺳﻞ ﺑﺤﺴﻢ: ﺑﺲ ﺃﻧﺎ ﺍﻟﻠﻲ ﻗﺮﺭﺕ ﺇﻧﻲ ﺍﺑﺪﺃ
– ﻭﺍﻟﻠﻪ ﺃﻧﺎ ﻏﻠﺒﺖ ﻣﻌﺎﻙ … ﺧﻼﺹ ﺍﻟﻠﻲ ﻳﺮﻳﺤﻚ ﺍﻋﻤﻠﻪ …
ﺃﻧﺎ ﻫﺎﻃﻠﻊ ﺍﺭﺗﺎﺡ ﺷﻮﻳﺔ ﻟﺤﺪ ﺍﻟﻐﺪﺍ ﻣﺎ ﻳﺠﻬﺰ
-ﺑﺲ ﻣﺎ ﻗﻮﻟﺘﻠﻴﺶ ﺃﻧﺖ ﻛﻨﺖ ﻋﺎﻳﺰﻧﻲ ﻑ ﺇﻳﻪ
ﻗﺎﻝ ﺑﺨﺒﺚ ﻗﺒﻞ ﺃﻥ ﻳﻐﺎﺩﺭ ﺣﺠﺮﺓ ﺍﻟﻤﻜﺘﺐ: ﺃﺑﺪﺍً ﻛﻨﺖ ﻋﺎﻳﺰ
ﺃﻗﻮﻟﻚ ﺇﻧﻪ ﻟﻤﺎ ﺗﺤﺐ ﺗﻌﺘﺬﺭ ﺑﻼﺵ ﺗﺒﻌﺖ ﻭﺭﺩ
ﺷﻌﺮ ﺑﺎﺳﻞ ﺑﺄﻥ ﺩﻟﻮﺍً ﻣﻦ ﺍﻟﻤﺎﺀ ﺍﻟﺒﺎﺭﺩ ﺳُﻜﺐ ﻋﻠﻰ ﺭﺃﺳﻪ ،
ﻟﺤﻖ ﺑﻮﺍﻟﺪﻩ ﻣﺴﺮﻋﺎً : ﻗﺼﺪﻙ ﺇﻳﻪ ؟
ﺗﻮﻗﻒ ﻭﺍﻟﺪﻩ ﻋﻦ ﺻﻌﻮﺩ ﺍﻟﺪﺭﺝ ﻭﺇﻟﺘﻔﺖ ﺇﻟﻴﻪ ﻧﺼﻒ ﺇﻟﺘﻔﺎﺗﻪ:
ﻗﺼﺪﻱ ﺇﻧﻪ ﻛﻠﻤﺔ ﺃﺳﻒ ﺃﻛﻴﺪ ﻛﺎﻥ ﻫﻴﺒﻘﻰ ﺭﺩ ﺍﻟﻔﻌﻞ
ﻗﺼﺎﺩﻫﺎ ﺃﺣﺴﻦ ﻣﻦ ﺍﻟﻠﻲ ﺣﺼﻞ ﻟﻠﻮﺭﺩ!
ﺑﺎﺳﻞ ﻣﺘﺮﻗﺒﺎً: ﻭﻫﻮ ﺇﻳﻪ ﺍﻟﻠﻲ ﺣﺼﻞ ﻟﻠﻮﺭﺩ؟
ﺃﺟﺎﺑﻪ ﺑﻜﻠﻤﺔ ﻭﺍﺣﺪﺓ ﻗﺒﻞ ﺃﻥ ﻳﻜﻤﻞ ﺻﻌﻮﺩﻩ : ﺍﻟﺰﺑﺎﻟﺔ
ﺷﻌﺮ ﺑﺎﻟﻐﻀﺐ ﺍﻟﺸﺪﻳﺪ ﻳﻌﺘﻤﺮ ﺑﺪﺍﺧﻠﻪ ﻓﻤﻦ ﺗﻜﻮﻥ ﺗﻠﻚ
ﻟﺘﺮﻓﺾ ﺇﻋﺘﺬﺍﺭﻩ ﺍﻟﻤﺴﺘﺘﺮ ﺑﻬﺬﻩ ﺍﻟﻄﺮﻳﻘﺔ!
– ﻣﺎﺷﻲ ﻳﺎ ﺩﻳﻤﺎ … ﻟﻤﺎ ﻧﺸﻮﻑ ﺃﺧﺮﺗﻬﺎ ﺇﻳﻪ ﻣﻌﺎﻛﻲ
ﺩﺧﻞ ﻣﺮﺍﺩ ﺇﻟﻰ ﻏﺮﻓﺘﻪ ﻭﺳﺤﺐ ﻫﺎﺗﻔﻪ ﺍﻟﻤﺤﻤﻮﻝ ﻣﻦ ﺟﻴﺒﻪ.
– ﺃﻟﻮ … ﺇﺯﻳﻚ ﻳﺎ ﺩﻳﻤﺎ … ﺃﻧﺎ ﺗﻤﺎﻡ ﺍﻟﺤﻤﺪﻟﻠﻪ … ﻻ ﻻ ﻣﺎ
ﺣﺼﻠﺶ ﺣﺎﺟﻪ … ﺃﻩ ﻛﻮﻳﺲ … ﻫﻬﻬﻬﻬﻪ ﻛﻞ ﺩﺍ ﻋﺸﺎﻥ
ﺍﺗﺼﻠﺖ ﺑﻴﻜﻲ؟ … ﻋﺎﺭﻑ ﺇﻧﻲ ﻣﺎ ﻟﺤﻘﺘﺶ ﺃﻋﻤﻞ ﺇﻳﻪ ﺑﻘﻰ
ﻭﺣﺸﺘﻴﻨﻲ … ﻫﻬﻬﻬﻪ ﻣﺎﺷﻲ ﻳﺎ ﺑﻜﺎﺷﺔ … ﺑﺄﻗﻮﻟﻚ … ﻳﻨﻔﻊ
ﻧﺘﻘﺎﺑﻞ؟ ﻓﻴﻪ ﻣﻮﺿﻮﻉ ﻣﻬﻢ ﻋﺎﻳﺰ ﺃﻛﻠﻤﻚ ﻓﻴﻪ … ﺃﻩ ﻟﺴﻪ
ﺟﺎﻱ ﻓﻲ ﺩﻣﺎﻏﻲ ﺩﻟﻮﻗﺘﻲ ﻣﻌﻠﺶ … ﺍﻟﻮﻗﺖ ﺍﻟﻠﻲ
ﻳﺮﻳﺤﻚ … ﺧﻼﺹ ﺗﻤﺎﻡ … ﻟﻤﺎ ﺗﺨﻠﺼﻲ ﻛﻠﻤﻴﻨﻲ … ﻣﻊ
ﺍﻟﺴﻼﻣﻪ
ﺃﻏﻠﻖ ﺍﻟﺨﻂ ﻭﺍﺑﺘﺴﻢ ﺑﻤﻜﺮ : ﺩﻳﻤﺎ ﻫﻲ ﺍﻟﺰﻭﺟﺔ ﺍﻟﻤﻨﺎﺳﺒﺔ ﻟﻴﻚ
ﺣﺘﻰ ﻟﻮ ﺍﻋﺘﺮﻓﺘﺶ ﺑﺪﺍ ﺩﻟﻮﻗﺘﻲ ﻫﺘﻌﺘﺮﻑ ﺑﻴﻪ ﺑﻌﺪﻳﻦ …
ﻭﻫﺘﺸﻜﺮﻧﻲ ﻛﻤﺎﻥ! … ﺃﻧﺎ ﻣﺘﺄﻛﺪ … ﺩﺍ ﻋﻤﺮ ﻳﺎ ﺍﺑﻨﻲ