استبدال الامـ,,ـــوات بقلم احمد محمود شرقاوي

من شوية جتلي مكالمة من المستشفى اللي أبويا محجوز فيها وملخصها إن أبويا ما,ت وتعالى عشان تخلص اجراءات خروج الجثمان، طيب ما,ت امتا وازاي معرفتش أي تفاصيل مُطلقا، جريت على المستشفى واتصلت بقرايبنا اللي حصلوني على هناك، وعرفت لما وصلت إن أبويا قلبه متحملش ألم المنظار وقلبه توقف وما,ت.

كانت صدمة ما بعدها صدمة بالنسبالي، مكنتش أتخيل إن الدنيا تافهة ورخيصة للدرجة دي، بس غصب عني كان لازم أتماسك عشان اخواتي البنات، لأن الوقت ده اللي للأسف بتبقا مُجبر انك تكون راجل وتتماسك في وقت انت محتاج فيه تنهار تماما.

وبعد تفكير ومشاورات لقينا الأفضل انه يتغسل في المستشفى ويتكفن وناخده في سيارة دفــ,,ـــــن المــ,,ـــــوتى على المقابــ,,ـــــبر على طول، اتصلت بأعمامي وجهزوا القبــ,,ـــــر ونادوا في المساجد عشان المشيعين يستنوا عند المقابــ,,ـــــبر.

ووصلنا تقريبا على العصر وأبويا متكفن ومحطوط في الخشبة، وقدام المقابــ,,ـــــبر شيلنا الخشبة ودخلنا بيها لحد ما وصلنا للقبــ,,ـــــر بتاعنا، نزلنا الخشبة على الأرض وشيلت الجث.مان ونزلت بيه للقبــ,,ـــــر.

بس وقتها بدأت الاحظ حاجة كنت شاكك فيها أو يمكن عقلي كان واقف ومش فاهمها، الجسم ده مش جسم أبويا، ولما شيلته اتأكدت تماما انه مش جسم أبويا، الجسم كان لين وناعم كأنه جسم واحدة مش واحد.

حسيت بالذهول ومكنتش عارف أنطق، حطيت الجثم.ان على أرض القبــ,,ـــــر وكشفت وشه، كل ده والناس كلهم حولين القبــ,,ـــــر، وكانت المفاجأة، بنت شابة، ميتة، ووقفت مشلول مكاني، هعمل ايه، أقول دي مش جــ,,ـــــثه أبويا وتبقا فضيحة وقصة كبيرة ونبهدل جث,مان البنت، ولا أسكت وتدفــ,,ـــــن هنا وأروح المستشفى اسأل على جــ,,ـــــثه أبويا.

وبعدين هتكلم أقول ايه، انا أضعف من اني أنطق في موقف زي ده، انا أصلا مش مستوعب اللي شايفه، في اللحظة دي عمي شدني من برة القبــ,,ـــــر لأنه كان فاكرني حزين ومش عارف أخرج، محدش فاهم ان انا مصدوم تماما، ولقيت الناس بتدعي وعمي قفل باب القبــ,,ـــــر في لحظتها بدون ما يفكر لحظة واحدة، وفضلت في حالة عدم الاستيعاب دي لحد ما خرجنا من المقابــ,,ـــــبر ورجعنا البيت.

أبويا لسة في المستشفى، ولا جثته اتبدلت في المغسلة لما كانت بتتغسل، ولا ايه اللي حصل، جريت على المستشفى ودخلت على المغسلة، سألت عن المسؤول وحكيتله اللي حصل، كذبني تماما وخرج الأوراق اللي انا ماضي عليها باستلام جث,مان أبويا، قولتله مانا استلمت بس جث,مان تاني، خدني ودخلنا المغسلة اللي مكنش فيها ولا جــ,,ـــــثه، وقالي ان كل الجث’ث خرجت الصبح لأهاليهم.