حب امتلاك ج الاخير
حب امتلاك ج الاخير
ﻋﺒﺪﺍﻟﻠﻪ : ﺧﻼﺹ ﺷﻜﺮﺍ ﻳﺎﺩﺍﻟﻴﺎ , ﻣﺮﺍﺗﻰ ﻫﺘﺴﺎﻋﺪﻧﻰ
ﺯﻣﺖ ﺩﺍﻟﻴﺎ ﺷﻔﺘﻴﻬﺎ ﻓﻰ ﻏﻀﺐ ﻭﻫﻰ ﺗﺨﺮﺝ ﻣﻨﻔﻌﻠﻪ , ﺍﻗﺘﺮﺏ ﺑﺎﻟﺘﻴﺸﺮﺕ ﺍﻻﺧﺮ ﻟﻠﻴﻠﻰ ﻭﻫﻮ ﻳﻨﺎﻭﻟﻬﺎ ﺍﻳﺎﻩ ﻗﺎﺋﻼ ﺑﻠﻬﺠﺔ ﺍﻋﺘﺬﺍﺭ
ﻋﺒﺪﺍﻟﻠﻪ : ﺍﻧﺎ ﻭﺍﻟﻠﻪ ﻛﻨﺖ ﺑﺤﺴﺒﻬﺎ ﺍﻧﺖ
ﺍﺟﺎﺑﺘﻪ ﺑﻼﻣﺒﺎﻻﻩ ﻭﻫﻰ ﺗﺴﺎﻋﺪﻩ ﻛﻰ ﻳﻠﺒﺲ
ﻟﻴﻠﻰ : ﻋﺎﺩﻯ
ﻗﺎﻟﺘﻬﺎ ﺛﻢ ﺍﻧﺼﺮﻓﺖ ﻟﻠﺨﺎﺭﺝ , ﺟﻠﺲ ﻋﻠﻰ ﺍﻟﺴﺮﻳﺮﻓﻰ ﺿﻴﻖ , ﺛﻢ ﺳﺤﺐ ﻫﺎﺗﻔﻪ ﻭﺣﺎﺩﺙ ﻋﺰﻳﺰ ﻃﺎﻟﺒﺎ ﻣﻨﻪ ﺍﻟﻘﺪﻭﻡ ﺍﻟﻴﻪ ,
ﻗﺪﻡ ﻋﺰﻳﺰ ﺍﻟﻴﻪ ﺑﺴﺮﻋﻪ , ﺟﻠﺴﺎ ﻓﻰ ﺍﻟﺤﺪﻳﻘﻪ ﻓﺒﺪﺃ ﻋﺒﺪﺍﻟﻠﻪ ﺍﻟﺤﺪﻳﺚ ﻗﺎﺋﻼ
ﻋﺒﺪﺍﻟﻠﻪ ﺑﻀﻴﻖ : ﻣﺶ ﻋﺎﺭﻑ ﺍﻋﻤﻞ ﺍﻳﻪ ﻳﺎﻋﺰﻳﺰ ؟ﻟﻴﻪ ﻣﺘﻐﻴﺮﺓ ﺟﺪﺍ ﻣﺶ ﻫﻰ ﻟﻴﻠﻰ ﺍﻟﻠﻰ ﻛﺎﻧﺖ ﺑﺘﻨﺎﻛﻔﻨﻰ ﻭﺗﺸﺎﻛﺴﻨﻰ ﻃﻮﻝ ﺍﻟﻴﻮﻡ ﻭﻻ ﻫﻰ ﻟﻴﻠﻰ ﺍﻟﻠﻰ ﻛﺎﻧﺖ ﺿﺤﻜﺘﻬﺎ ﺑﺘﺴﻤﻊ ﺍﻟﺒﻴﺖ ﻛﻠﻪ , ﺍﻧﺎ ﻣﺶ ﻋﺎﺭﻑ ﺍﻋﻤﻞ ﻟﻬﺎ ﺍﻳﻪ ﻋﺸﺎﻥ ﺗﺮﺟﻊ ﺯﻯ ﺍﻻﻭﻝ ؟
ﻋﺰﻳﺰ : ﺍﺭﻭﻳﻬﺎ
ﻋﺒﺪﺍﻟﻠﻪ ﺑﻌﺪﻡ ﻓﻬﻢ : ﻧﻌﻢ ﻳﺎﺍﺧﻮﻳﺎ
ﻋﺰﻳﺰ ﺑﺠﺪﻳﺔ : ﺍﻳﻮﻩ ﺍﺭﻭﻳﻬﺎ , ﺍﻋﺘﺒﺮﻫﺎ ﺯﺭﻋﻪ , ﺍﻫﻤﻠﺖ ﻓﻰ ﻋﻨﺎﻳﺘﻬﺎ ﻟﺤﺪ ﻟﻤﺎ ﻣﺎﺗﺖ ﻳﺒﻘﻰ ﻣﻔﻴﺶ ﺍﻭﺩﺍﻣﻚ ﻏﻴﺮ ﺍﻧﻚ ﺗﺮﻭﻳﻬﺎ ﻣﻦ ﺍﻭﻝ ﻭﺟﺪﻳﺪ ﻭﺗﺴﺘﻨﻰ ﺍﻟﻨﺘﻴﺠﺔ
ﻋﺒﺪﺍﻟﻠﻪ ﺳﺎﺧﺮﺍ : ﺍﻩ ﻭﺍﺭﻭﻳﻬﺎ ﺍﺯﺍﻯ ﺑﻘﻰ ﻳﺎﺣﻜﻴﻢ ﻋﺼﺮﻙ
ﻋﺰﻳﺰ : ﺍﺭﻭﻳﻬﺎ ﺑﺈﻟﻠﻰ ﻫﻰ ﺑﺘﺤﺒﻪ , ﻫﻮ ﻣﺶ ﺍﻟﺰﺭﻉ ﺑﻴﺘﺮﻭﻯ ﺑﺎﻟﻤﻴﺎﻩ , ﺷﻮﻑ ﻟﻴﻠﻰ ﺑﺘﺤﺐ ﺍﻳﻪ ﻭﻗﺪﻣﻪ ﻟﻬﺎ
ﻋﺒﺪﺍﻟﻠﻪ ﻭﻫﻮ ﻳﻬﺰ ﺭﺃﺳﻪ ﺑﺎﻟﻤﻮﺍﻓﻘﻪ : ﺭﻏﻢ ﺍﻧﻚ ﻋﻴﻞ ﻃﻮﻝ ﻋﻤﺮﻙ ﺳﻴﺲ ﺑﺲ ﺍﻟﻤﺮﺓ ﺩﻯ ﻗﻠﺖ ﺍﻟﻤﻔﻴﺪ , ﺑﺲ ﺍﻟﻤﺸﻜﻠﻪ ﺍﻧﻰ ﻣﻌﺮﻓﺸﻰ ﻫﻰ ﺑﺘﺤﺐ ﺍﻳﻪ ؟
ﻋﺰﻳﺰ : ﻳﻌﻨﻰ ﺷﻮﻑ ﺑﺘﺤﺐ ﺍﻟﻮﺍﻥ ﺍﻳﻪ ﻓﻬﺎﺕ ﻟﻬﺎ ﻟﺒﺲ ﺑﺎﻟﻠﻮﻥ ﺩﻩ , ﻫﺎﺕ ﻟﻬﺎ ﺷﻴﻜﻮﻻﺗﻪ ﻟﻮ ﺑﺘﺤﺒﻬﺎ , ﺧﺮﺟﻬﺎ ﻣﻜﺎﻥ ﺑﺘﺤﺒﻪ , ﺍﻳﻪ ﻳﺎ ﺑﻴﺪﻭ ﻫﻮ ﺍﻧﺎ ﺍﻟﻠﻰ ﻋﻠﻤﻚ ﺩﻩ ﺍﻧﺖ ﺍﺳﺘﺎﺫ
ﻋﺒﺪﺍﻟﻠﻪ ﺑﺘﻠﺒﻚ : ﻣﺶ ﻋﺎﺭﻑ ﻳﺎﻋﺰﻳﺰ , ﺑﺲ ﺍﻧﺎ ﺑﺠﺪ ﺍﻟﻤﺮﺓ ﺩﻯ ﺧﺎﻳﻒ ﺍﻭﻭﻭﻯ ﺍﻧﻰ ﺍﺧﺴﺮﻫﺎ , ﻟﻴﻠﻰ ﻣﺘﻐﻴﺮﺓ , ﺳﺎﻛﺘﺔ ﻋﻠﻄﻮﻝ ﻭﻣﺴﺘﺴﻠﻤﺔ ﻟﻜﻞ ﺣﺎﺟﺔ ﻭﻛﺄﻧﻬﺎ ﻳﺎﺋﺴﺔ ﻭﻣﺶ ﻓﺎﺭﻕ ﻣﻌﺎﻫﺎ ﺣﺎﺟﺔ
ﻋﺰﻳﺰ ﺑﺤﻴﺮﺓ : ﺍﻣﻤﻢ ﻻﺀ ﺩﻩ ﻛﺪﻩ ﺍﻟﻤﻮﺿﻮﻉ ﻛﺒﻴﺮ , ﺍﻟﺴﺖ ﻃﻮﻝ ﻣﺎﻫﻰ ﺑﺘﺘﺨﺎﻧﻖ ﻣﻊ ﺟﻮﺯﻫﺎ ﺍﻭ ﺣﺒﻴﺒﻬﺎ ﻭﺗﻨﺎﻛﻔﻪ ﻳﺒﻘﻰ ﻟﺴﻪ ﺑﺘﺤﺒﻪ ﺍﻧﻤﺎ ﻟﻤﺎ ﺗﺴﻜﺖ ﻭﺗﺴﺘﺴﻠﻢ ﻭﺗﻘﻮﻟﻚ ﻋﺎﺩﻯ ﻳﺒﻘﻰ ﺧﻼﺹ ﻛﺪﻩ ﺟﺎﺑﺖ ﺍﺧﺮﻫﺎ , ﻗﺎﻟﺖ ﻟﻚ ﻋﺎﺩﻯ
ﻓﻜﺮ ﻋﺒﺪﺍﻟﻠﻪ ﻟﺜﻮﺍﻧﻰ ﻗﺒﻞ ﺍﻥ ﻳﻘﻮﻝ ﺑﺴﺮﻋﻪ : ﺍﻩ
ﻋﺰﻳﺰ ﻣﺼﺪﻭﻣﺎ : ﻻ ﻳﺎﻣﻌﻠﻢ ﺍﻟﻤﻮﺿﻮﻉ ﻛﺪﻩ ﻣﺎﻳﺴﻜﺘﺶ ﻋﻠﻴﻪ ﻭﻻﺯﻡ ﻧﺘﺼﺮﻑ ﺣﺎﻻ
………………………
ﺍﺳﺘﻴﻘﻈﺖ ﻟﻴﻠﻰ ﻣﻦ ﻧﻮﻣﻬﺎ ﻋﻠﻰ ﺍﺻﻮﺍﺕ ﺿﺠﺔ ﻓﻰ ﺍﻟﺤﺪﻳﻘﻪ ﻓﻔﺘﺤﺖ ﺑﺎﺏ ﺍﻟﺸﺮﻓﻪ ﻟﺘﺠﺪ ﺑﺎﻟﻮﻧﺎﺕ ﻭﺭﺩﻳﺔ ﻭﺯﻫﻮﺭ ﻛﺜﻴﺮﺓ ﻭﺍﻟﻌﺎﺏ ﺗﻤﻸ ﺍﻟﻤﻜﺎﻥ , ﺟﺎﺀ ﻋﺒﺪﺍﻟﻠﻪ ﻣﻦ ﺧﻠﻔﻬﺎ ﻗﺎﺋﻼ ﻟﻬﺎ ﻓﻰ ﺭﻗﻪ
ﻋﺒﺪﺍﻟﻠﻪ : ﺍﻳﻪ ﺭﺃﻳﻚ ﻓﻰ ﺍﻻﻟﻮﺍﻥ , ﺍﻧﺎ ﻋﺎﺭﻑ ﺍﻧﻚ ﺑﺘﺤﺒﻰ ﺍﻟﻠﻮﻥ ﺩﻩ , ﻭﺑﺘﺤﺒﻰ ﺍﻻﻟﻌﺎﺏ ﺩﻯ ﻋﺸﺎﻥ ﻛﺪﻩ ﺍﻟﻨﻬﺎﺭﺩﺓ ﻣﺶ ﻫﻨﻌﻤﻞ ﺣﺎﺟﺔ ﻛﻠﻨﺎ ﻏﻴﺮ ﺍﻧﻨﺎ ﻧﻘﻀﻰ ﻳﻮﻡ ﺑﻴﻦ ﺍﻻﻟﻌﺎﺏ ﺩﻯ ﻛﻠﻬﺎ ﻭﻫﻨﺎﻛﻞ ﻛﻞ ﺍﻧﻮﺍﻉ ﺍﻻﻳﺲ ﻛﺮﻳﻢ ﺍﻟﻠﻰ ﺍﻧﺘﻰ ﺑﺘﺤﺒﻴﻬﺎ
