تمرد عاشق سيلا وليد من الفصل ١١ الي ١٥

– ياترى روحت فين ياسامح ماهو مش معقول اربع ساعات علشان تشتري خط

جلست وظلت متشتتة الافكار ورأسها تعمل في كل الاتجاهات.. وقفت فجأة

“يارب ميكونش اللي في بالي.. دا لو جواد وصلك يبقى كدا نهايتنا”

في تركيا

تجلس حسناء تحرك الطعام بدون لمـ. ـسه بجوار هاشم زو. جها ووالد ميرنا.. نظر هاشم إلى شرودها ثم تحدث

– مالك ياحسناء مبتكليش ليه

وضعت شوكتها وتحدثت

– مفيش مضايقة شوية..

– مضايقة علشان حازم مش كدا ولا فيه حاجة تانية

تنهدت بحزن واردفت بصوت أشبه بالبكاء

– وحشني قوي ياهاشم حاولت معه بكل الطرق يرجع لكنه رافض تماما.. رفع يـ. ـديها وقبّـ.، لها- حبيبتي هو كبر ولازم يتعود على نفسه دا شاب وهو ماشاء الله ناجح ويعتمد عليه أنا فخور بيه جدا.. ثم استكمل حديثه

: هو بيكلمني كل يوم تقريبا وبيسأل عليكي إنتِ وميرنا.. ودايما بنتناقش في بعض الحاجات حتى اتفقت معه انزلّه ميرنا تقعد كام يوم هناك…

وقفت ميرنا تصفق بتهليل طفلة ثم قبـ. ـلته

– إنت احن أب في الدنيا ربنا يخليك ليا يااحسن بابا في الدنيا

ضحك عليها واردف سعيدا بسبب فرحتها التي ظهرت على وجهها بعد أن اختفت منذ زمن

– دا كله علشان هتروحي تقعدي شوية مع حازم… قاطعته حسناء

– ليلى هتنزل كمان وكنت متفقة معها بعد مااقولك تاخد ميرنا معها

ربت هاشم على يـ. ـديها

: اللي تشوفيه في مصلحة بنتنا اعمليه ياحسناء مش لازم ترجعيلي.. أنا آسف علشان معظم الوقت مش معاكم، إنتِ عارفة شغل السفارة صعب.. ربتت على يـ. ـديه “عارفة حبيبي انا كمان شغل المستشفى واخد وقتي علشان كدا لما عرفت ليلي هتنزل وحازم مش موجود قولت مينفعش نسيب ميرنا لوحدها

عملتي إيه مع حسين كلمتيه على حازم هذا مااردف به هاشم

– ايوة اتكلمت معه.. قالي اللي حازم عايزه هعملهوله… كويس ياحسناء حسين راجل كويس مستحيل يتخلى على ابن اخوه

تذكرت حسناء حديثها مع حسين

خرجت بعد حديثها مع ندى وجواد تقابلت مع حسين أمام المنزل

نظرت له بهدوء حاولت الحفاظ عليه وتحدثت

– عايزة اتكلم معاك شوية… اومأ لها بالموافقه .. جلس بالحديقة وجلست بمقابلته… أخذ نفسا عميقا وتحدث متسائلا

سامعك ياحسناء… لو هتكلميني على حازم فهقولك اأنا مستحيل أكلمه يرجع معاكي.. دا بيته وبيت أبوه وهسلمه ميراثه يعمل فيه اللي هو عاوزه