تمرد عاشق سيلا وليد من الفصل ١١ الي ١٥

ابتسمت بهدوء

– ولا يهمك عادي الشباب كلهم بيقولوا نفس ألفاظه بقت عاملة زي المية عندنا كدا

رد عليها باستنكار

– لا طبعا مش كل الشباب فيه المحترم والعملي… لكن اللي بيقول كدا الشباب الفاضي اللي ملهوش غير السهر والسرمحة

أنهى كلماته بحدة شديدة وهو ناظرا في المرآة لاخيه

شعر سيف بضآلة جحمه عندما تحدث اخيه عن سلبياته وأفعاله الغير مقبولة في الفترة الاخيرة

نظر الى صهيب وتحدث بندم

– انا آسف ووعد مني مش هعملها تاني..

زفر بحنق وتحدث ملاما له

– كل مرة بتقول كدا ياسيف واتغاضى عن اخطاءك.. واعديها وانت ماصدقت إن جواد مضغوط فقولت أتمادى

حاول تمالك أعصابه والسيطرة على غضبه من كلمات صهيب حتى لا يغضب منه أكثر من ذلك متحدث مؤكدا

– لا وعد مني مش هتكرر تاني أنا آسف ماهو مستحيل أكون اخو البشمهندس صهيب وحضرة الضابط وكل يوم اعملكم مشكلة

ارتفع جانب وجهه وابستم ابتسامة متهكمة قائلا باستهزاء،

– يارب تكون اد كلمتك المرادي ياسيفو باشا

ضحكت بخفوت على مشادتهم الكلامية التي لا تخرج من جو المزاح

انتبهت لوصولها أمام منزلها.. اوقفته وتحدثت بلباقة وهدوء،

– شكرا لحضرتك يابشمهندس… هنا قاطعها سيف

-لا ابدا مفيش بينا شكر استاذة أردف بها وهو يمد يده للتعرف

رفعت حاجبها ونظرت له بسخرية وتحدثت

: آسفة مبسلمش على عيال تافة… ثم تحركت مغادرة لمنزلها

ابتسم صهيب بسخريه.. حينها شعر بمدى حماقته وفداحة تصرفه.. توجه بنظره لصهيب

– البت دي من الكوكب بتاعنا يخربيتها دي بتقولي مابسلمش على عيال تافه

❈-❈-❈

في تركيا

تجلس ليلى بجانب محمود زوجها وجنة ابنتها الوحيدة نظرت له وتحدثت بحماس

– ماردتش يعني يامحمود وقولت رأيك في موضوع سفري للقاهرة

صمت لثواني ثم اتجه بانظاره اليها

– ازاي عايزة تروحي تعيشي في مكان وأنا في مكان ياليلي وناسية مدرسة بنتك وشغلك دا كله

ربتت على يـ.، ديه

– ياحبيبي أنا قولت هنقضي الإجازة هناك وفي الدراسة هنرجع هنا.. أنا مفتقدة حاجات كتيره اوي يامحمود.. وبعدين إنت دايما مسافر ياحبيبي بحكم شغلك

رفع راحتيه وضـ. ـم وجهها بحنان

– خلاص ياحبيبتي اللي شايفاها في مصلحتك اعمليه… اهم حاجة تكوني مبسوطة لكن دا مش هيحصل الا في اوقات سفري ثم استطرد قائلا:

– مينفعش أكون عايش لوحدي ياليلي هنا وانتِ هناك مااقدرش على بعدك انتِ.. كفاية وقت شغلي