سجينه الحب ١

الحلقة الخامسة

اتقرات فتحتى على شريف والكل فرحان بى وانا كمان حاسة طايرة من الفرحة وشريف طلب أن نعمل
الخطوبة كمان اسبوع علشان نعرف نوضب الشقة ونشترى العفش وطلب منى انا اسيب الشغل معاه
علشان اتفرغ للخطوبة وبعدها طلبات الجواز وفعلا وافقت ورشحت ندى مكانى فى الشغل وهو وافق
ونزلت انا وندى ومريم وسمر نتفرج على فساتين الخطوبة وطبعا شريف كان معايا على التليفون ثانية
بثانية لدرجة أن كلهم اتغاظوا لأن مكنتش معاهم كنت مع شريف لو مش بنتكلم يبقى بنبعت لبعض
رسائل كلها حب وكنت حاسة أنى فى حلم جميل مش عايزة اصحى منه واخترت فستان الخطوبة اللي
شريف شاركنى فى لونه وكان بيحب اللون روز لأنه هادى ذي
وجاه يوم الخطوبة وكانت فى البيت وجات ندى معايا من اول النهار وبعدها جات مريم وسمر وخلصت المكياج وكنت زى القمر وطبعا شريف كان معايا طول النهار على التليفون لحد ما وصل البيت ودخل اخدنى وخرجنا نقعد وسط العيلتين بفرحة شايفنها بعيون كل الموجودين
شريف: بيبوس ايدى انا مش مصدق انك خلاص بقتى بتعتى
جميلة: بكسوف انا كمان مش مصدقة
شريف: لا صدقى يا حبيبتى
جميلة: حبيبتك
شريف: حبيبتى وبنتى ومراتى وكل حاجة
جميلة، ربنا يخليك ليه
شريف: ويخليكى ليه يا احلى حاجة حصلت فى حياتى
أما عند كوثر وعواطف فكانوا فرحانين لفرحتنا
كوثر: ربنا يسعدهم
عواطف: يارب انا فرحانه علشان شريف اخيرا لقه الإنسانة الا هاتسعده انت متعرفيش بيحب جميلة ازاى
كوثر: ربنا يهنيهم وجميلة بتحبوا
ندى: وهى مشى خبطت فى شخص مش تفتح
الشخص: انا اللي افتح عموما انا اسف
ندى: وهى متنحه ليه انا آسفة
الشخص: انا عمر صاحب شريف وشريكه
ندى: اهلا وسهلا انا ندى صاحبه جميلة
عمر: انت اللي هتشتغلى معانا
ندى: اه فرصة سعيدة
عمر: انا اللي اسعد
وطلب شريف من بابا اننا خروج بعض الخطوبة علشان هعملى مفاجأة وخرجنا ومعنا حسن ومريم وندى وعمر وصل عند مطعم اول ما دخلت لقيت المطعم كله شموع وورد لون فستانيه
جميلة: ايه ده كله ياشريف
شريف: عم اصر الخطوبة طبقا فى البيت على الضيق وانا نفسى افرحك فحجزت المطعم ده كله لينا
جميلة: فرحتى أنى اكون جمبك
شريف: انا مش حمل الكلام ده وبعدين انا ممكن اتهور دلوقتى وكلام عمى واعملها دخلة
جميلة بكسوف: خلاص بقه
حسن: منور ياعريس ايه النظام
عمر، تصدق ان احنا غلطانين اننا جاينها معاكم
شريف، فى ياعم انت وهو والمطعم فاضى اهو كل واحد يروح يعقد على التراببزة
حسن: تصدق عندك حق واخد مريم
عمر اخد ندى يعقدو بعض بحجة يتكلموا فى الشغل
وعده يوم الخطوبة وبعدها شهر ونص وجهزت البيت وشريف بيشاركنى فى كل حاحة وعملنا بيتنا على ذوقنا
شريف بيكلمنى فى التليفون: حبيبتى بتعمل ايه
جميلة: بفكر فى حبيبى الا مزعلنى مش بيسال فيه
شريف: وانا مقدرش
جميلة: قدرت مسالتش عليا النهاردة غير تلات مرات ينفع كده
شريف: حقك عليا انا مشغول بظبط الشغل علشان إجازة شهر العسل
جميلة: شهر بجد
شريف: طبعا انا لو اطوال اخبيكى عن الناس اعملها اوعدك ياجميلة انك هاتعيشي أسعد واحدة فى الدنيا
جميلة: انا سعادتى معاك انت
شريف: ربنا يقدرنى واسعدك انا هاقفل دلوقتى علشان عندى شغل
جميلة: ماشى ياحبيبى
وقفلت وانا فى قمة سعادتى لدرجة اقمت حضنت مخدتى ولفيت بيها لحد ماخبط فى مريم
مريم: حسبى يابنتى مالك
جميلة: انا فرحانة اوى
مريم: ربنا يسعدك ليكى عندى خبر حلو
جميلة: خبر ايه
مريم: بتحط ايديها على بطنها
جميلة: ده بجد يعنى حبقى عمتو
مريم: أحنا لسه عارفين حالا وجينا نفرحكم
جميلة: حضنت مريم مبروك
مريم الله يبارك فيكى عقبالك
وخرجت مع مريم باركت لحسن وحضنتوه وماما كمان كانت فرحانة وكملنا تجهيزات الفرح والشقة
وجاه يوم الفرح وكنت أميرة بفستانى الابيض وشريف ببدلته السودا ورقصنا سلو على اغنية شيرين انا انكتبلى عمر تانى وكنت فرحانة وانا فى حضن شريف
شريف: بحبك يااميرتى
جميلة: انا بموت فيك
شريف: تيجى اخدك وهرب
جميلة : بكسوف وبعدين كلها ساعتين ونبقى مع بعض
شريف: اطول ساعتين فى حياتى
وخلصت الرقصة ورجعنا لكوشة وشريف طول القعدة ماسك ايدى ويبوسها وانا فرحانة اوى
أما عند ندى وعمر اللي كانوا ابتداوا يعجبوا ببعض
عمر: عقبالك يا ندى
ندى: بكسوف متشكرة
عمر: انت مرتبطة
ندى، مش فاهمة
عمر: مش فاهمة ايه انت فى حد فى حياتك
ندى: لا مفيش
عمر: طب لو لقيتي الشخص ده توافقي
ندى : لو انسان كويس وبيحبنى يبقى خلاص اوافق
وخلص الفرح ووصلنا البيت اللي اتفاحئت بيه اول ما دخلت لأنه كله مفروش ورد وشموع ودخلت وانا بين ايدين شريف اللي صمم مادخلش البيت الا وهو شيلنى
شريف: نورتى حياتى وبيتى
جميلة: نزلنى ياشريف
شريف: هش مش هنزلك الا لما اسمع منك كلمة حبيبى
جميلة: نزلنى ياروح قلبى
شريف: انت كده حتخلينى اتهور
جميلة: دخلت أجرى على أوضة النوم
شريف: حلو انك دخلتى
جميلة: بكسوف انت عايز ايه
شريف: عايزك انتى ادخلى غيرى هدومك وتعالى نصلى
جميلة: حاضر دخلت الحمام غيرت ولبست الاسدال وخرجت وصلينا وقعدت شريف اخترلى قميص نوم لونه ابيض علشان البسه
ولبسته وخرجت ليه
شريف: القمر ده ملكى انا
جميلة: بكسوف شريف بطل الكلام ده
شريف : ده وقت أفعال ليس اقوال
وقرب منى ابتدأ يبوس برقة وحاست برعشة فى جسمى شدنى فى حضنه جامد
شريف: اهداى يا حبيبتى كل حاجة هتبقى كويسة
وفجأة شالنى حطنى على السرير كانى قطعة زجاجة خايف تتكسر واصبحت فعلا زوجته فعلا أمام ربنا
وجاه الصبح وصحيت لقيت شريف بيبصلى اوى اتكسفت
جميلة: بتبصلى كده ليه
شريف: مش مصدق انك ملكى وفى حضنى
جميلة: طب يلا قوم أنا جعانة
شريف: تصدقي جوعت انا كمان
جميلة: ثوانى هاحضر الفطار
شريف: الفطار اهو وشاور على شفايفى وغبنا عن الوعى تانى وبحر عشقنا ومصحناش الا على تليفون عمر
عمر، ساعة لم ترد
شريف : فى حاجة حد يتصل بحد يوم الصباحية خير
عمر: خير انا بكلمك علشان اقولك كله تمام
شريف: متشكر وقفل السكة وبصلى وقالى ليكى عندى مفاجأة