ايمي ج الاخير

الفصل السادس و العشرون

لو سمحت شوف لك اوضة تانية انا مش هبقى واخده راحتى كدة

طيب اعمل انا ايه دلوقتى امسك دماغك اخبطها فى اى حاجة يمكن ترجعى تفتكرى تانى

اتسعت عيناها و هتفت پصدمة

لا انا مغلطتش لما قلت عليك مچنون

أرتفع حاجبى عمار مشيرا لنفسه بإصبعه صائحا باستنكار

انا !!أنا اللي مچنون مش كدة

اومال انا

لا انا

يووووه بقى بقولك ايه هو الأخ مبيفهمش بقولك عايزه انام حضرتك لو عايز تنام هنا اتفضل نام بس انا هنام فى اوضة تانية

زفر عمار بضيق و برزت عروقه و رفع يديه جاذبا شعره پغضب

لا و على ايه نامى يا ايمان نامى بس بكرة لما تفتكرى الحب اللى كان بينا هتندمى على اللى بتعمليه ده

لما تبقى ترجع بقى يلا طرقنا

يااارب صبرنى

ثم خرج من الغرفة وهو يتأفف فأغلقت ايمان الباب من خلفه و هى تحرك راسها بسخريه من حديثه و قامت بتقليده بضيق

يارب صبرنى

يعنى يصبرك انت و لا يصبرنى انا ده انا اللى فاقدة الذاكرة

و فجأة انتبهت لابنتها الجالسة على الفراش تنظر اليها بدهشة فاقتربت إيمان منها

مالك يا حبيبتى

أنت متغيرة اوى يا ماما

متغيرة ازاى يعنى

يعنى حضرتك مكنتيش بتتكلمى كده

التغيير برضو حلو يا حبيبتى المهم قوليلى انتى بتحبى مين فى البيت

بحب جدو جمال و اونكل عمار و اونكل رأفت و اونكل زياد و زينب و عائشة

بجد والله اومال شبتى مين كده و محبيتهوش

طنط صفية

حما.تى قصدى ام عمار

ايوة

ليه يا فتون هى عملتلك حاجة

لا بس هى مش بتحبنى وانا بخاف منها

رفعت ايمان حاجبيها باستنكار و هتفت بضيق

اسمعى يا فتون اياكى ثم اياكى تخافى من حد انتى سامعه طول ما انا جمبك مش عايزاكى تخافى

احتضنتها الصغيرة و ضمتها ايمان الى صدرها بحب فغريزتها كأم سيطرت عليها

طب يلا نام بقى عشان انا مصدعة اوى

ماشى بس تخدينى فى حض.نك

اشطا يلا بينا

__________________

فى المساء

و على مائدة العشاء

جلست ايمان بجانب صفية التى تترأس الطاولة و فتون على قدميها لا تريد ترك ابنتها و جلس عمار الذي كان يشعر بالضيق مما فعلته معه فهتفت صفية بصياح

ده مكان عمار ..

محصلش حاجة يا ماما مش مشكلة انا وهي واحد

اما ايمان فقد زمت شفتيها و هتفت بحدة تماثل لهجة صفية

اهو قالك محصلش حاجة مكلتش الكرسي يا حما.تى

متقوليش يا حما.تى

حاضر يا مرات عمى

و لا مرات عمى

يووووه اومال اقول لحضرت جنابك ايه اذا كان و لا ده عجبك و لا ده عجبك