طرغام الكاتبة زهرة الربيع الجزء ٣

البارت_السابع

جايب بنتين يسلوك يا هارون عصرك وتقولي وحيد

وبصتلو بغضب وقالت..طلقني يا اسامه والا والله هخلعك فاهم

ليالي قالت كده بغضب ولسه هتطلع اسامه جري عليها ومسك ايدها وقال بسرعه..استني يا ليالي هنتفاهم ارجوكي اسمعيني ..متفهميش غلط دي..دي بنت غلبانه خبطتها بعربيتي و

بس قطع كلامو لما سيلا دخلت وفي ايدها قزازه شمبانيا وبتطوح بسكر وقالت..مشي الحيو،ان ده يا اسامه…بيمنعني ابات معاك..تخيل…وشاورت على شوق بقرف وقالت..بيقول البتاعه دي هتبات معاك ..صحيح الكلام ده

ليالي بصتلو بغضب ونفاذ صبر و اسامه

قال بغضب…الله يخرب بيتك على بيتو… وبص لغسان بغضب وقال..خدهم هما الاتنين على المكتب واقفل عليهم

ليالي ابتسمت بسخريه وقالت…شوف يا اسامه اخر همي انت وعلقاتك الزبال،ه دي..اصلا مش اول مره..انا كنت في بيتك وفي سريرك وفي حضنك وكنت بتخوني..وكنت عارفه…وبعمل عبيطه…علشان …علشان كنت بحبك

اسامه بصلها بالم وقال…كنتي يا ليالي

ليالي قالت بقوه…اممم..كنت…ايام ما كنت في عيوني الشخص القوي الي الكل بيهابه ويفوت في النار وميهموش…وكملت بطريقه توجع وقالت..انا عمري ما حببت الشخص الجبان الي قدامي دلوقتي ولا ممكن احبو

اسامه الكلمه وجعتو قوي وقال….جبان….انا دلوقتي في نظرك جبان انتي شيفاني كده

ليالي قالت بسرعه ..ايوه…شيفاك جبان….وقليل قوي كمان…ونزلت دموعها وقالت بالم..انا ابني الوحيد م/ات قدام عيني بين اديا …اخوك قتلو بدم بارد وهو مكملش العشر سنين…وانت سكت …تبقى جبان…سكت علشان خفت من ابوك خفت على الفلوس..سبت حق ابني…سبت حق مالك علشان مصلحتك يا اسامه..تبقى جبان ومش راجل كمان

ليالي قالت كده بحزن ووجع وزعيق وحست بالم شديد ومسكت قلبها وداخت

اسامه كان بيسمعها وعيونه في الارض والدموع في عنيه بس اول ما شافها تعبت قال بخوف..اهدي واقعدي يا ليالي الانفعال غلط عليكي و

بس ليالي زقتو وقالت..انا مش محتاجه مساعدتك شكرا..حاول تساعد نفسك وتخرج من المستنقع الي انت فيه..وورقتي توصلي يا اسامه..واحترم الي باقي من كرامتك

قالت كده وخرجت بسرعه مش قادره تشوف الدموع الي في عيونه ولا ضعفو الي بيخبيه

بس اسامه انهار حرفيا كان هيقع من طوله ودموعه في عنيه وكل كلامها بيدور في دماغو بطريقه توجع وتكسر النفس قعد على اقرب كرسي ونزلت دموعه كانها جمر بتحرق عيونه والهب الي في القلب اشد بكتير