بقلم دينا صابر

_أي دا ورد وشموع وعشاء أنت مش هتبطلي تفاهه بقا.

تفاهه! هو لما أنا أحب أخلق جو رومانسي هادي بينا يبقى دي تفاهه يا يونس
_أنا مش فاضي لنقاشاتك الي مش بتخلص دي أنا داخل أنام.
وفعلا قال كلامه ودخل الأوضه وأنا متاكدة أنه هينام أنا مش عارفه أعمل أى أكتر من كدا كلامه بقا زي الړصاص مهما أحاول أخلق جو حلو بينا الأ أنه بيجي بكل برود ويعكنن عليا بأي كلمه والسلام دا حتى أبتسامه على تعبي مبيبتسمش هو ليه بقيت أنا الوحيده المهتمه بالعلاقه دى ليه بقيت أنا الطرف المتمسك والي بيعافر! هي مش الحياة الزوجيه مشاركه ليه رافض أننا نتشارك أتغير أوي عن أول الجواز.
أتنهدت وأنا ببص للأكل زعلت وأتقهرت لأن دي مش أول محاوله أن أعمل حاجه زي دي ويقابلها بالطريقه القاسيه دي حاسه أني بدات أفقد الشغف فى العلاقه دي وخاېفه أني أتعود على بعده وأجفى أنا كمان.. بدأت ألم الأكل وأطفي الشموع وأرتب المكان قبل ما أدخل أعمل فنجان قهوه وأدخل البلكونه دماغي حرفيا هتتفرتك من التفكير أصل الي بيحصل منه دا مش طبيعي أنا مش مهمله في حقه خاېفه يكون في واحدة تانيه في حياته لا لا مش معقول يونس ميعملهاش أحنا أصلا متجوزين عن حب.
_أنت قاعدة بتعملي أي عندك
أتتخضيت وبصيتله ولقيته وأقف عند باب البلكونه
_مش بعمل حاجه يا يونس بشرب فنجان قهوة أصل حاسه بشوية صداع أنت مش كنت بتقول أنك هتنام
_اه قلت بس مجاليش نوم
دخل البلكونه وقعد على الكرسي قصادي وهو بيبصلي بنظرات أول مرة أشوفها في عينه أتنهدت وبصيت بعيد حاسه أن في سور عمال يكبر بيني وبينه
_مش بتفكري تروحي تقعدي عند مامتك كام يوم
لا بقا كدا كتير رفعت حاجبي بتعجب
_ليه أنت عارف من يوم جوازنا وأنا مستحيل أبات برا الشقه هو مش دا برضوا رايك ولا أي
_حاسس أننا محتاجين فترة نبعد عن بعض و….
قاطعته
_نبعد! يونس أنا قلتلك من أول جوزنا أن عمرى ما هبات برا الشقه الا لو ولادة أو… اتط.لقنا
_حور ال…
_يونس أنت فيك أي مالك متغير صارحنى هو في واحدة تانيه دخلت قلبك زهقت مني طيب
بصلي كتير والصمت بينا طول وقلب دقاته كل شوية تزيد خوف وړعب وقلق خاېفه من أجابته ومړعوبه من سكوته سالته تاني
_ساكت ليه أتكلم
_واحدة تانيه اي كل الموضوع أني جالي عرض شغل والمواعيد هتختلف ومش هرجع البيت الا متاخر فعشان كدا قلت تروحي لمامتك عشان عارف أنك پتخافي تنامي لوحدك.
_طب ولي كل ما أحاول أغير مودنا وأعمل أي حاجه تفرحنا وتجمعنا سوا بلحظات حلوه تقول كلام يوجعني.
نزل راسه وبص على أيديه الي بدا يفركها ببعض وهو متاكد أني مركزه الوقتي على حركات جسمه وستنيه
—
اجابته بفارغ الصبر.
_أنت عارفه أن بمر بفترة ضغط شغل ومش مركز وأنت…
_هه كنت متاكده أنك هتحط كل حاجه على الشغل نفس الحجه كل مرة شغل.. شغل مبقاش في حياتك الا الشغل وبس سنتين متجوزين وأنت أتغيرت نهائي حاسه أن بقيت عايشه لوحدي مهما صبرت وحاولت أبررلك غيابك ووجودك الي بقا زي عدم وجودك وكلها محصله بعضها أنت حتي وصلت لأنك ممكن تقعد يومين تلاته في الشغل ومش بتاخد بالك بعد ما بترجع أنك بتقابلني بكلام زي السم لا والوقتي بتقولي أصلك عارف أني مبحبش انام لوحدي!! يونس أنت غايب عن البيت بقالك يومين!
_أنت مكبرة الموضوع
_وأنت بقيت بايع الموضوع أوي
_قصدك أي
_قصدي أن الي بياعني أنا أشتريني.
_يعني!
_يعني أنا راحه عند ماما يا يونس.
_هتباتي كام يوم عشان أبقي أجي أخدك
_ لا أنا قلتلك في أول الجواز أنا مش هبات عند ماما الا وأنا هط.لق.
_أنت أتجننتي مين جاب سيرة الطلا.ق الوقتي
_أي البرود الي أنت فيه دا!
_حور أحترمي نفسك
_حاضر يايونس
سيبته ودخلت الاوضه ألم هدومي وأنا بتنفض من كمية القهر الي حاسه بيها زعلانه على الي وصلناله وزعلانه على البرود الي بقا بينا زعلانه على حب كنت طايرة بيه في سابع سما والوقتي وقعت على الأرض وأتك.سرت.
_أعقلي ياحور
بصتله وهو واقف على باب الاوضه وأتكلمت وأنا مټعصبه من بروده اللامتناهي.
_ أنت عارف ومتاكد أن عاقله والي بعمله دا هو العقل صبرت وصبرت كتير أوي يا يونس وأنت زي ما أنت محيت وجودي لدرجه أنك مبقيتش قادر تتكلم معايا بطريقه كويسه والمفروض أستحمل عشان أبقي عاقله!
سكت وسكوتك قهرني زيادة حركات جسمك مبقيتش طبيعيه هو أنت الوقتي بتتنفض ليه وأيدك الي بتفرك فيها دي مالك! أكيد مخبي حاجه عليا وحاجه كبيره كمان بس طالما أنت مش عايز تقول يبقى براحتك.
مسكت الشنطه بعد ما قفلتها وأتحركت من جمبك خارجه من الاوضه بس صوتك خضني مهزوز …
_في حاجه عايزك تشوفيها قبل ما تمشي.
_حاجة أي
أتحركت ومشيت ناحية الدولاب طلعت منه حاجه… ورق أشعه وروشتات!!
مديت أيدك بالورق وأنا مسكتهم پخوف وقلق مهما كنت عملت أنا برضوا بحبك وأي تعب ولو بسيط هيهزني ويقلقني فتحت الورق وأنا مش فاهمه أي حاجه … ورقه ورا التانيه بدات الصورة توضح تحايلك بتدل على أن في عندك مشكله عقم!!! بصيتلك پصدمه لقيت عينك فيها نظرة أول مره من يوم ما حبيتك أشوفها نظرة ۏجع .. حسرة وألم خوف.
_أنا فعلا كنت بحاول أكرهك فيا وأزهقك من العيشه عشان تبعدي بس أول ما حسيت أن طاقتك وصبرك بدا يخلص أتدربكت وخۏفت… خۏفت تبعدي عارف أن كدا هبقي أناني وعشان أنا مش أناني وريتك الورق دا… عشان بعد ما تمشي تعرفي أني مش وحش وأن كنت بعمل كدا عشان بحبك
—