المتاهة

شدت احلام الغطاء عليها وقالت وهي بتتاوب :
_فعلا انا محتاجه للنوم حاسه بارتياح اني خرجت من جو المستشفى وجيت بيتي ربنا يساهل وأخف بسرعه واقدر افتكر كل حاجه .
وعدى الليل بحزنه على خالد وابنه،
وعلى ماجد بفرحته ان احلام رجعت البيت تاني وجه الصبح بمفاجأته للكل ،
تاني يوم الصبح خالد فطر مالك وقاعد يلعب معايا كتير وبعدين قال له :
_ملوكه حبيب بابي اللي بيسمع الكلام هسيبك مع تيته لحد ما اروح اجيب مامي واجي ،
ومتغلبهاش علشان بابي يجيب لك كاركور الشطور إللي إنت نفسك فيه .
سقف الولد علي إيده وقال له بفرحة :
_ بجد يابابي هتجبهولي أنا نفسي فيه أوي .
باسه خالد من خده وقال له وهو بيحمله :
_ طبعاً ياحبيب بابي يالا تعالي .
واخده وداه لجارتهم وصاها عليه وقال لها ان هو هيروح يدور على مراته ،
طبعا هي كانت رايحه السوق فمشي في طريق السوق واي محل يقابله يراجع كاميراته وبياخد وقت طويل جدا طبعا وهو عرف هي خرجت في انهي يوم،
لحد اخر محل وهو بيراجع شافها والعربيه خبطتها فعلا وقلبه وقع في رجليه،
وصاحب المحل قال له هو بيخبط على دماغه:
_اه افتكرت العربيه كان فيها واحد سايق بسرعه وخبط المدام وبعدين هو اللي شالها ووداها على المستشفى ،
وقال للسواق اللي معاك ودينا مستشفى الكويتي الخاصه .
شكره خالد جدا وبعدين راح المستشفى ودخل راجع السجلات بتاع المستشفى مع بتاع الارشيف وحاولوا يساعدوه بكل الامكان ،
لحد ما وصل لاسمها ودله على الدكتور اللي كان متابع لحالتها وطلع له وسأله عليها ،
الدكتور استغرب جدا ورد عليه وقال له :
_ازاي حضرتك بتقول إنك جوزها وجوزها هو اللي كان معاها وهو اللي واخدها انت متاكد ان احلام اللي كانت هنا هي دي مراتك وهي دي اللي انت بتسال عليها .
احتار خالد جدا ولكن اكد له وجاوبه :
_ايوه هي مراتي وصوره البطاقه اللي انا شفتها في الملف بتاعها وعارفها كويس جدا وفي حد هيتوه عن مراته ،
وكمل وهو بيسال الدكتور بحيره :
_ازاي حضرتك بتقول ان اللي كان معاها جوزها ممكن توصف لي شكله او اسمه حتى .
رد عليه الدكتور وقال له اسمه :
_ماجد العمري بس المدام بتاعتها صوره البطاقه اللي كان مديها لنا ما كانش مكتوبه فيها متزوجه تقريبا ما كانتش مغيراها .
قعد خالد على الكرسي بصدمه من اللي سمعوا وقال للدكتور :
_انتوا ازاي الحاله تدخل لكم وهي عامله حـ .ــادثه وتصدقوا اي حد يقول ان ده جوزها من غير ما يوريكم قسيمه الجواز وازاي تخرجوها اصلا وتخلوه يقعد معاها بالايام وانتم ما تعرفوش صلته بيها ايه،
وازاي هي لما فاقت خرجت معاه ؟
كل دي اسئله طرحها خالد على الدكتور وهو مصدوم ومحتار ،
رد عليه الدكتور وقال له بعمليه :
_للأسف المدام جالها حالة فقدان ذاكره من اثر الحـ .ــادثه وما كانتش فاكره حاجه خالص،
وكمان الاستاذ اللي هو بيقول جوزها اللي كان معاها هو اللي كان جايبها هنا المستشفى وبيقول ان هو جوزها وما جاش في بالنا خالص ان ممكن ما يطلعش هو ،
وكان مهتم بيها ومراعيها فوق ما تتخيل علشان كده ما شكناش ان هو مش جوزها ،
وسالناه على اهلها قايل لنا ان هم من الصعيد وكمان المدام اكدت ان هي من الصعيد في اخر يوم هي ماشيه فيه،
طبيعي ان حاله فقدان الذاكره المؤقته المريض بيفتكر حياته بس على تدريج ،
علشان كده يا فندم ما شكناش خالص انها ما تكونش مراته .
قام خالد من مكانه بعد ما عرف حاله مراته كلها وللأسف هو ما يعرفش عنوان اللي اسمه ماجد ده قعد يفكر يشوف هيعمل ايه .
وجه في باله فكره ان هو يروح لهند صاحبتها الأنتيم ويسالها عليها او يسالها على ماجد لانها كانت عارفاه كويس جدا ايام الجامعه ،
واول ما وصل عند بيت هند بص لقاها هي وماجد بيركبوا العربيه وماشيين،
فورا ركب عربيته ومشي وراهم يشوف هم رايحين فين ،
وصلوا قدام فيلا ونزلوا هم الاثنين ودخلوا فيها،
سابهم يدخلوا وبعدين صبر شوية وروح قال لي البواب ان هو زميله وانه معاه ميعاد ودخل وراه ،
ضــ . ـرب الجرس وفتحت له الشغاله وزقها من كتفها ودخل ،
لقي احلام قاعده هي وهند واللي اسمه ماجد راح عليها وحــ . ــضنها وقال لها وده كله وهي مستغربه وبتبص له باستغراب :
_احلام حبيبتي كنت همــ . ــوت عليكي من القلق واعصابي تعبتني،
الف سلامه عليكي يلا تعالي هنروح بيتنا .
خافت احلام منه جدا وراحت احتمت في ضهر ماجد وجسمها بيترعش وقالت له :
_ابعد ايدك عني انا ما اعرفكش هو مين ده يا ماجد وازاي يدخل بيتنا كده بالسهوله دي ؟
بص خالد لماجد وقال له بزعيق:
_ انت ازاى تيجب مراتي هنا يابني آدم إنت ؟
رد عليه ماجد بنفس الزعيق وبعصبيه وقال له:
_وانت مالك اقولك ليه اصلا وبصفتك مين ؟
ردخالد بعصبية :
_بصفتى جوزها يا استاذ ماجد
رد ماجد باستنكار:
_ هو ايه ده اللي جوزها.. بقولك ايه يا خالد بلاش تعمل الشويتين بتوعك دول عشان خلاص احنا بقينا حافظينهم ولو فى حد هنا المفروض يتقاله فهو انا لان انا جوز أحلام واتفضل امشى بقى عشان معملكش مشكلة .
وفضلوا يتخانقوا وكل واحد لسة بيصر على كلامه وأحلام وسط كل ده مش عارفة تتصرف ازاى..لكن لقيت نفسى مرة واحدة بقول لخالد:
_ايوة ماجد جوزى واللى انت بتعمله ده يا خالد مش هيفيد ولا هيغير حقيقة ان خالد هو اللي جوزى وانت بتحاول تستغل الوضع ال انا فيه عشان تعمل اللي مقدرتش تعمله زمان مش كدة .
خالد مسكها من ايديها وهو متعصب جدا وكأن فى نــ . ــار طالعة من عنيه وقال لها:
_انتى مجــ . ــنونة يا أحلام ايه اللى انتى بتقوليه ده ؟!
لكن ماجد زقه بعيد عنها وقال له:
_ لو فكرت تلمس مراتى تانى مش هتلاقى ايدك دى تانى ولا حتى هتعرف تتحرك من اللى هعمله فيك .
هند صاحبتها لخالد :
_ اطلع برة يا خالد وكفاية اوى لحد كدة وبلاش الشويتين دول إللي كنت بتعمل هم زمان.
خالد بصدمة من هند:
_حتى انتى يا هند انتو ازاى بجد طايقين نفسكم وانتو بتكدبوا كدة عليها..ماشى انا همشى بس الموضوع مخلصش لغاية هنا .
أحلام بعد مامشي خالد قالت لنفسها:
_بصراحة جملة خالد دى خوفتنى اوى خصوصا ان مريم قالتلى ان خالد عملى مشاكل كتير قبل كدة وممكن يعملى دلوقتى مشاكل زى زمان بس قولت ان ماجد معايا واكيد هو هيحمينى خلاص .
خرج خالد زي الاعصار بس ما بعدش بعيد عن المكان ده علشان خاطر خاف من ماجد ياخدها ويمشي ،
وراح متصل بالبوليس وطلب منهم يجوا للمكان اللي هو موجود فيه لان في ناس خاطفين مراته وهو ما يقدرش يسيب المكان ده ،
وما فيش نص ساعه والبوليس وصل للمكان قابلهم خالد وحكى لهم اللي حصل،
ودخل معاهم لجوه واول ما شاف ماجد تصرف خالد اللي ما كانش في حسبانه خالص،
اتكلم الظابط اللي واقف ووجه كلامه لماجد :
_حضرتك متهم بخطف مدام احلام واحتجازها عندك هنا في الفيلا .
رد ماجد بكل ثقه :
_هو في حد بيحتجز مراته يا فندم اهي قدامكم اهي اسالوها .
قبل ما احلام تتكلم كان مطلع خالد قسيمه الجواز ووراها للظابط واتاكد من صوره احلام اللي فيها ،
وطبعا ماجد ما كانش يجي في خياله ان هو يكون معايا القسيمه ويطلعها بالسرعه دي قبل ما هو ما يلحق يتصرف ،
وقال للظابط اللي واقف :
_كل الحكايه يا فندم ان المدام عملت حـ .ــادثه قدامي وديتها المستشفى وطلعت فاقده الذاكره وما قدرتش اسيبها ولما شافت الاستاذ ما افتكرتش ان ده جوزها فخفت أديها له فاضطريت اني اقول اني جوزها .
سمعت احلام الكلام واغمى عليها من الصدمه ،
راح خالد عليها وحــ . ــضنها وقعد يفوق فيها لحد ما فاقت وقال لها وهو مخضوض عليها :
_احلام فوقي يا حبيبتي انا خلاص جيت لك ومش هسيبك في ايد المجرم ده تاني بس ما كانش ينفع اخدك معايا وانا خارج علشان ما كنتش هقدر عليكم انتم الثلاثه وكنت هغامر بيكي وخاصه وانتي تعبانه ،
ما كانش قدامي حل غير اني اتصل بالبوليس علشان خاطر يقدر يحميني ويحميكي واقدر احافظ عليك وترجعي لابننا .
بصيت له احلام بتوهان وقالت له :
هو انا عندي كمان ولد انا مش فاكره حاجه خالص .
وقعدت تعيط وهو بيحاول يهديها،
وقال خالد للظابط:
_انا بتهم الاثنين دول يا فندم بخطف مراتي وباحتجازها هنا في الفيلا ومش بعيد كمان يكون هو اللي داسها بالعربيه .
حست هند انها دخلت في الخطر وقالت للظابط على طول :
_والله يا باشا انا ما ليش ذنب انا لسه شايفاها النهارده من ساعه ما عملت الحـ .ــادثه وخرجت من المستشفى وماجد هو اللي هددني ان لو ما قلتش ان هو جوزها هيدمرني انا واهلي وهو قادر ويعملها علشان هو واخد على الشر ده من زمان وانا ما اقدرش عليه لوحدي فاضطريت اني اكذب واقول ان هو اللي جوزها خوفا على نفسي وعلى اهلي من ظلــ . ــمه وعدوانه .
بص لها ماجد وقال لها وعيونه بتنطق شر :
_اخرسي يا غبيه انتي،
انتي بتقولي ايه انا هعرف اعلمك الادب كويس جدا .
رد عليه الظابط :
_انت كمان بتهددها قدامنا ده انت ليلتك مش معديه باذن الله يعني مش كفايه خطف وتهديد وتزوير لا وكمان مش مختشي مننا وبتتكلم كده عادي .
انهار ماجد وقال:
_لا احلام دي بتاعتي ومحدش هياخدها مني انا حبيتها قبله وهو سرقها مني وسرق حب حياتي وعمري كله مش ممكن اسيبها له ابدا مش ممكن اسيبه يتهنى بيها .
قال كده وهو عيونه بتنطق شرار وبتبص يمين وشمال لحد ما لمح سـ . ــكين على طبق الفاكهه جري جري عليها واخدها وبسرعه كان رايح عند ماجد لولا الظابط لحقوا على اخر لحظه ،
ومسكو قبل ما يوصل لخالد وقبـ . ــض عليه هو وهند واخذهم وخرج راح يكملوا المحضر في القسم .
واتقبـ . ــض على ماجد ومريم وجاري التحقيق معاهم،
وروحت احلام على بيتها مع جوزها وهو حاضنها ودخلوا شقتهم ،
واول ما احلام دخلت الشقه بصت على كل ركن فيها وبدات دماغها تجمع ذكريات بسيطه جدا ،
قعدها خالد وقال لها:
_هروح اجيب مالك من جارتنا وجاي علشان خاطر تاخديه في حــ . ــضنك انتي وحشاه جدا يا حبيبتي .
وجاب مالك وادهولها بين ايديها واول ما الولد شاف مامته حــ . ــضنها جامد وقال لها :
_وحشتيني جدا يا مامي بقالك يوم ويوم ويوم ويوم سايباني .
اول احلام ما شافت ابنها افتكرت ايام ماكانت بطنها كبيره وبدات تجمع احداث كثير في دماغها بس حاسه بتشويش جامد ،
وقعدت تحــ . ــضن ابنها وتبوس فيه وجوزها حــ . ــضنهم هم الاثنين وقال لها :
_ما تربكيش نفسك في التفكير يا حبيبتي هنفتكر سوا مع الايام باذن الله اهم حاجه انك رجعت بيتك بالسلامه واطمنت عليك ولسه والدك مكلمني وقال ان هو جاي في الطريق وطمنته عليك ان انت كويسه عشان انا كنت قلقتهم ،
لما حاولت اتصل بيكي وما عرفتش اوصل لك اضطريت ان انا اكلمهم وهم على وصول دلوقتي .
وجم اهلها وقعدوا معاها واطمنوا عليها وعدت الايام وكل يوم بتفتكر عن اليوم اللي قبله لحد ما في يوم افتكرت يوم الحـ .ــادثه اللي حصلت لها وصحت جوزها وقالت له :
_اصحى يا خالد انا افتكرت يوم الحـ .ــادثه بتاعتي كنت خارجه اجيب طلبات من السوق للبيت وكنت خارجه من سوبر ماركت اعترض طريقي ماجد وقعد يقول لي ان انا وحشته وان هو بيحبني وكلام كثير وحاول يمسك ايديا ويدخلني العربيه و رحت باعده ايده عني بسرعه وجيت اجري ما خدتش بالي من العربيه اللي قدامي،
وحصلت الحـ .ــادثه بس الحمد لله ربنا نجاني ورجعتوا لي تاني ورجعت لبيتي ولعيلتي الصغيره في امان ربنا يخليكم لي وما يحرمنيش منكم ابدا .
حــ . ــضنها خالد وقال لها :
_ربنا يخليك ليا يا حبيبتي وما يحرمنيش منك ابدا ويبعد عننا الاذى والعيون الوحشه والناس البطاله والحمد لله ان ربنا من عليك بالشفاء وان احنا بخير وبيتنا بخير وازمه وعدت وان شاء الله مش هتتكرر تاني .
وبكده خلصت حكايتنا المتاهه اللي كانت فيها احلام وبفضل الله وصلت لبر الامان ورجعت لبيتها وجوزها بسلامه وبخير .
#انتهى_الاسكريبت
#المتاهه
#بقلمي_فاطيما_يوسف