شهد كامله
شهد كامله
انا اسمي شهد عمري 17 نقرأ علمي وحلمي نقعد دكتوره
ماما هديل عمرها 45 ربت بيت
بابا احمد عمره 55 شيخ قبيله
خوي علي 26 ضابط
نسيت انقوللكم نا مخطوبه لولد عمي كنت نحبه من طرف واحد بعدها بابا وعمي أجبروه يخطبني عشان نا بنت عمه ومجيش الغريب يخطبني عادات القبائل الغريبه بس جت من مصلحتي
المهم مرت عمي متحبنيش بس قدامي وقدام الناس أدير في روحها اتحبني وتموت فيااا ونا منيش عارفه ليش أدير هك
وعندي صاحبه واسمها رناا تقرا أدبي وحتى هيا 17 سنه وهيا بنت عمتي نحنا صاحبات من ونحنا اصغار ونعتبروا خوات ونحبها بكل بس هيا متحبش ولد عمي اللي هو خطيبي وتقولي كيف متحملتيه
نا ..يماما بالله خليني راقده امس سهرانه مرقدتش الا الصبح
ماما..محد قالك اسهري واقري قصص
ناا..يماما اسمهن روايات مش قصص
ماما.. باهي علي المهم نوضي هيااا اليوم عمتك جايه
ناا..نطيت من علي السرير يوسف جاي امعاها
ماما..ينعلي هذا كلا عشان عمتك جايه والله ماني عارفه شن عجبك فيهم واها سيد الحسن جاي امعاها
ناا..خلاص يماما معش اتقولي هك والله هو اكويس غير انتوا منكمش عرفيينه بس
ماما.. ايوا وانتي شاطره غير ادفعي عليه هيا نوضي عشان انوتوا راهم جيين علي الغداء
ناا.. باهي يماما انصلي ونجي وراك عشان انساعدك
صليت وسعدت ماما وكملنا لم ودرنا الغداء ودرت كيكه كراميل وبيتزا ومجموعة حلويات وموالح
ماما..مشاءالله بنتي الحرا امتى كملتي
ناا..توا كملت ولميت المطبخ طالعه انبدل عشان اكيد اقريب يوصلوا
ماما..باهي عدي بدلي
ركبت بدلت لبست فستان كريمي مخصر وطلقت اشعري بعدها سمعت صوت ماما اتنادي علياا نزلت القيتهم وصلوا سلمت عليهم
مرت عمي..مشاءالله بنتي الله واكبر عليك
ريماس (اخت يوسف) ..اتبحت فياا وتفنص امها نغزتها ااا يماما كنك
مرت عمي..سلمي علي خطيبت خوك
ريماس..ااه خير ياشهد
ناا..خيرات
يوسف ..شهد
ناا..نعم
يوسف ..تفضلي هضاا واسف كنت امقصر امعاك سمحيني انشاءالله نتغير ونكون احسن
ناا ..استغربت كاين جايب بوكس هدايا كبير ومعاه باقة ورد كبيره
ناا.. ااه شكرآ لاعاديعداا اليوم عادي بعدها اتصلت بي صاحبتي
ناا..الووو رنا شنجوك
رنا..تمام وجوك
ناا..ليش انحس فيك متغيره عليا في حاجه!!
رنا.. اا لالامفيش شي شنجوك انتي غريبه متصلتيش بياا
ناا..صارن عررم حاجات امعايا
رنا..شنو؟
ناا..اليوم يوسف جاا وجيبيلي باقة ورد وبوكس ايهبلل ووعدني انا يتغير ويقعد امعايا احسن
رنا..كيف جاكي
ناا..شنو قصدك؟
رنا..اا لاشي باهي حسيتي تعير صح
ناا..حسيت بي حاجه غلط في الموضوع بس مااهتميتش
ناا..اها قعد يحكي امعاياا وسألني علي قريتي
رنا..اهاا باهي ربي يعقد عسلكم
ناا..بااي يارنا توا نبي نقرأ لانى عندي امتحان بكرى نتلقوى
رنا..بايي
قعدت نقرى بعدها سمعت خوي علي ينادي علي
علي..هلا بوخيتي الحلوا وين مختفيه
ناا..كنت نقراا امم الله شن جيبلي امعاك اليوم
علي..هاكي جبتلك شكولاطه والشبس لتحبيه بس متكثريش منهن يمصلحجيه
ناا..نا مصلحجيه زعلت منك
علي..انبصر مع اوخيتي زعلتي يا زعوله
ناا..امبصر امعاك ومزعلتش لاني عارفتك
علي..باهي عدي أرقدي
ناا..تمام تبيني انديرلك عشاء
علي..لالامتعشي مع اصحابي
ناا..باهي بااي
___________________________
الصبح
ماما..هيا شهد نوضي
ناا..نايضه يماما كنت انراجع ادعيلي
ماما..ندعيلك يابنتي انشاءالله تنجحي ياارب
ناا..انشاءالله ياماما انكلم بابا ايوصلني
علي..تعالي نا انوصلك باتي عنده عزومه من الصبح ماشي هو وأصحابه
ناا..هياا بايي يماما
علي..هاكي خليهن امعاكي
ناا..بابا عطاني ومعايا فلوس
علي..خوذيهن ومعش اترديني لما نعطيك
ناا..باهي ربي ايخلكم لياا نجكلي اوخي الغالي
علي.. هيا انزلي وصلنا
ناا..هيا بايي
نا..اندور في رنا ملقيتهش بس قابلت يوسف
نا..يوسف كنك جايي هنا ؟
يوسف ..هاا اا كنت اندور فيك بيش نعطيك رقمي امس نسيت نعطيه لكي
ناا..حسيته يكذب علياا هاا لالا مش حااناخذه منك انتى عطيه اخويا وقوله كان قالك باهي توا ناخذه
يوسف..انتي خطيبتي عادي خوذيه
نا..لالا مش حاناخذه
يوسف..خلاص توا انقول ال علي
نا..تمام
قعدت اندور علي رنا بعدها لقيتها مع البنات ومعاها نفس الباقه اللي جابها يوسف امس بس اكبر منها ابتاعتها ومعاها بوكس كبير نا استغربت وشكيت
ناا..معقوله ايكونوا علي علاقه لالااستغفر الله اصلآ هيا تكرها ياربي بينلي الحق
ناا..رنا من جابلك هضناا؟؟
رنا.. وانتي شن دخلك مثلآ
نا..كيف ؟كنك وليش تدويي امعايا هكي
رنا..اا لااسفه غير كنت متعصبه ومتعركه مع مؤيد (حبيبها) بس جابلي الهدايا هضينا وتصالحناا
ناا..اهاا والله ماني متريحتله كان يبيك را جا اخطبك
رنا..وانتي شن دخلك بياا مثلآ حتى انتي اخطبك يوسف غصبن عنا كان نامكانك ماناواففش
نا..احترمي نفسك مش عشان ساكتتلك وعادتك اختي وصاحبتي ونحكيلك غي كل حاجه تقعدي اتعيطي ونسكتلك لالا يماما مش نا اللي نسكت تم
رنا..اا شهد استني اشويا
نا عديت واسيبتها كنها متغيره عليا شن درتلها را ايكون شكي صح 🤔
___________________________
روحت من المدرسه وعطلت لانه مزال شهر علي امتحانات الفتره الثالثه
ماما..كنك يبنتي بين عليك الزعل
نا..لالا يماما مفيش شي اليوم عطلت عشان الامتحانات مزال عليهن شهر
ماما..باهي اقري يابنتي وجيبي دراجات عاليا عشان انخشي طب
نا..انشاءالله يماما ادعيلي عشان انخش طب ونقعد دكتوره
ماما..ندعيلك يبنتي انشاءالله تقعدي احسن دكتوره
علي..الام وبنتها مع بعضهن فيش اديرن
ناا..نحكوا علي الشهاده
علي..شدي حيلك عشان تقعدي احسن دكتوره ونقعد انقول اختي دكتوره
نا..انشاءالله
علي..امتى تاخذي شهادة التمريض
نا..اخر يوم امتحانات
ماما..ماني عارفه يابنتي مش ابتقعدي دكتوره ليش قريتي تمريض
(نا في بديت السنه قريت تمريض عشان انحبه ونحب اي شي يتعلق بي الطب ونفرا في كتابات ومحبث علي النت)
نرجعواللروايا
نا..لاني انحبه يماما انشاءالله حانطلع الاولى علي المعهد
علي..حتى نا عارف ومتأكد منك تقدري ادريها
ناا..انشاءالله انعدي نرقد اشوياا
علي..شهد.خطرها يوسف خذا رقمك كان رن عليك رقم غريب معناها هوا
نا..باهي تمام
مشييت رقدت ونضت علي رنت تلفوني لقيته رقم نا نحسابه يوسف رديت
نا..ألوو
المجهول..انتبهي اكويس لانه في نااس اتحبيهم ويخونوا فيك
نا..من امعايا من انتى
المجهول..مش مهم.تعرفيني من
نا..كيف مش مهم ران عليا وتقولي واحدين ايخونوا فيك من انتي اا سكر علي وجي بس من هوو ونن الي خونوا فياا حتى ناا ناخذ علي كلامه اكيد وواحد يلعب استغفرالله
نزلت لفيت عمتي ورنا عندنا
نا..اا خير يااعميمه
اعميمه..خيرات يابنتي شنخبارك انشاءالله بخير
نا..الحمدالله تمام
رنا..شهد نبي نحكي امعاك اشويا
نا..نعم تفضلي احكي
رنا..تعالي نحكي امعاك في دارك
نا..اممم هيا باهي
ركبنا الدار بس لاحضت انها لابسه نفس السلسله اللي جابلي منها يوسف ومكتوب عليها حرف y بس نا كاينه ساده بس نا سكتت وما عدلتش
نا..نعم شن تبي
رنا..اسفه ياشهد والله كنت مضايقه وجت فيكي سمحيني
نا..مش كل حاجه اديريها بعدها اتقولي سامحيني
رنا..خلاص اسفه عااد انتي قلبك ابيض وحااتسمحيني
نا..امم سامحتك بس اخر مرا
رنا..كنت عارفه قلبك ابيض وحااتسمحيني اصلآ معش حااانعودها
نا..باهي خلينا انديروا كيكه
رنا..هيا
درنا كيكه وهدرزنا بعدها دق الباب
نا..من هضا اللي جاي
رنا..هضا يوسف
نا..وانتي كيف عرفتي انى يوسف
رنا..اا لا ماامبدري رن علي بابا وقاله انى جايي
نا.ااا باهي ماشيه انحل الباب
رنا..باهي
نا..حليت الباب لقيته يوسف
نا..تفضل وكاين ادور بعيونه علي حد
نا..ادور عل من؟
يوسف..اا لالا مندورش علي حد وانتي تبي اتعاركي وخلاص اصلآ نا نستاهل اني غيرت معملتي امعاك وقعد ايعيط عليا
نا..انت كنك اتعيط نا مدويتلك شي ومشيت وسيبته قابلت رنا تضحك وبحتت فيها
رنا..كنك ياشهد نسمع في يوسف ايعيط
نا..استغربت انها تضحك وقـ,ـتلها مدرتلش حاجه وهو ايعيط يبي ايدير سبله وخلاص عشان نتعركوا
رنا..والله شوفي روحك بالك ديرتيله حاجه
نا..رنا كنك قتـ,ـلك اني مدرتلش حاجه وانتي ادفعي عليه مش كنتي متحبيش كنك تغيرتي ولا في حاجه نا منعرفهش وجهاا انصفر وقعدة اتبحت فيا بعدها قالت
رنا..لا مدفعش عليه وانتي لما انقولك عليه حاجه اتهزبيني قلت خلينه نوقف امعاه المرا هضي
نا..اهاا باهي
ركبت الداري بس رنا مجتش امعايا استنيت اتجي عدت نص ساعه وهيا مجتش نزلت انشوف فيها
والصدمه لقيتها تحكي مع يوسف ويضحكوا
نا..فيش اديروا هنا مع بعضكم مش علي اساس متحبوش بعضكم؟!
رنا..كنت انصالح فيكم علي بعضكم وانتي اتشكي فيا وقعدة تبكي
يوسف..حرام عليك كاينه تشكر فيك لياا وتقول اتحبك ومعش اتعزلها وكنت جايي انراضيك وانتي اتشكي فينا !!
نا..اهااا
يوسف..نا كنت نقدر نخطبها بس لولا انهم غصبوني عليك مديريش روحك مش عارفه اني منبكش ومتحملك بالغصب وقعد ايعيط وقال عرممم كلام بحتت في رنا لقيتها تضحك
رنا.. اا خلاص يوسف متعيطش عليها شهد مش قصدها
يوسف..شفتي بعد هضاا كلا ادافع عليك وربي انك ماتستحقيش ايكون عندك صاحبه زيها
نا قعدة انبحت فيها ودموعي ينزلن بعدهاا مشيت وسيبته متقولنش ليش معزقتيلش الدبله ولا فسختي امعاى مش ابيدي والله انحبه ونقول بالك الايام اتغيراا عداا ايام وجن الامتحانات الشهاده
___________________________
معش حكيت معاهم وكنت نفرى الفتره هضي كلها وجاا وقت آخر امتحان
المتحان الاخير كاين انجليزي وعشان هو دكتور ويفهم فيه بابا قالي توا انقوله ايقريك
بابا..يابنتي كنك تعبانه ومتغيره
ماما..ياأحمد المكملا وقتها اقريه ومتريحش بكلل
بابا..يابنتي تريحي ونا عارفك شاطره وحاتجيبيها امتييااز
نا..يابابا اليوم اخر امتحان انشاءالله بعدها نتريح
بابا..انشاءالله شنصار في شهادة التمريض
نا..اليوم علي حايجيبها ليا بعد انروح
بابا..باهي انشاءالله بالنجاح هيا تعالي انوصلك
نا..هياا
كنت طول الطريق انفكرر ليش يارب اللي انحبه مش امدورني ولا سأل عليا علي الاقل مفروض سأل عليا لما اتعبت وخشيت المستشفى جت عمتي وهو مااجش امعاهاا ااا ياربي وخلاص
بابا..ياشهد
ناا..نعم يا بابا
بابا..يابنتي من بدري ونااا انكلم فيك
نا..اا كنت انفكر في الامتحان
بابا..يابنتي متخفيش انشاءالله ناجحه نا نعرفك قدها
نا..اا انشاءالله
نزلت وخشيت كنت منكلمش في رنا بكل ومحقيتهش طول فترة لقرايا والامتحانات
درت الامتحان الحمدالله حليت طلعت جاا علي روح بياا وكاين جايب الشهاده بس ماابش ايقول نين ماانوصلو الحوش
نا..هيا ياعلي وصلنا قول را نا توترت علي..باهي متزعليش
نا..قعدة نبكي ونقوله منجحتش صح
بابا..علي قول راك وترتنا كلنا
علي..والله ماكنت متوقع اتجيبي المعدل هضا
ماما..علييي قول كم جابت
علي..نجحتي امتياز الاول علي المعهد
نا..عيطت هييي نجحت نجحت ومسكته قعدت نضرب فيه وترتني حرام عليك أدير فيا هكي
علي يضحك..خلاص باهي حولي بيش نعطيك هديتك
نا..هيا عطيني الهديه
عطاني الهديه وكانت اسواره ذهب وخاتم ايهبلن
نا..علي ليش تعبت روحك هذينا غاليات
علي..ميغلنش علي اوخيتي حبيبتي
بابا..الف مبروك يابنيتي وعطاني هديه
كاينه سلسله ذهب مكتوب عليها ابنتي اتهبللل
نا..شكرآ يابابا اتهبللل
بابا..عفوآ خليكي ديما متفوقه وميكسرك شي وراسك عالي
نا..حاضر وراسي حايقعد عالي عشان انتم اهلي وقدوتي
ماما..الف مبروك يابنتي وعطتني هديه قطوسه اتهبلل صغيوره
نا..الله يماما الحمدالله كيف اقتنعتي انك اتجيبيها مش متحبيهش
ماما..انتي ابنيتي وحيدتي اكيد انجيبلك الحاجه اللي تبيها وخاطرك فيهاا
نا..ربي ايخليكم لياا وميحرمني منكم
هياا.. ويخليك لنا
بابا..اليوم حانديرلك حفله ونعزمهم كلهم
نا..شكرآ يااحسن اب في الدنياا
ماما..وناا
نا.. وانتي احسن ام
نا..راقيه نرقد ونوضوني لما ايجوه
___________________________
ابرأيكم من هو المجهول وهل صح في خاينين ولالانصت من النوم نسمع في هرجه عرفتهم جو وقلت اكيد ان يوسف ورنا جيين
كانت حفلتي مديروه علي اللون الأبيض وازرق ملكي وكل حاجه فخمه كأنه تخرجي اكيد.كل حاجه حااتكون هكي واني بنت شيخ قبيله
لبست فستان ازرق ملكي اقصير ومخصر درت اشويت مكياج انا مش محتاجه لان الكل يشكر في وفي جمالي اللي خذيته من ماما خليني نوصفلكم شكلي اعيوني زرق دكنات شعري طويللل واسود وفيه لمعه اخدودي ورديه شفايفي منفوخه ولونها احمر يعني جميليه بمعنى الكلمه وكنت دبدوبه وقصيره
انردو لرويا
لبست اكسسورات علي الأبيض علي شكل لؤلؤ
نزلت من علي الدروج وكلهم انصدموا من جمالي رنا اتبحت فيا ومتعصبه ويوسف مصدوم وعيونه محولهنش من عليا
ماما..مشاءالله علي ابنيتي تعالي نقرأ عليك را يخذوك ابعين
مرت صاحب بابا..مشاءالله هذي ابنيتك اللهم مبارك ارقيها را يخذوها ابعين
نا..كنت ساكته لاني منعرفهش
ماما..هذي مرات صاحب باتك
نا..تشرفت بمعرفتك
مرات صاحب بابا ..ليا الشرف نجكلي جمال وروقي وذوق وأدب والله يا هديل سلمك ربايه
ماما..سلمك سلمك
رنا جتني وسلمت عليا نا سلمت عادي وكانت مقهوره مني واني اللي معتبرتها اختي ااه وخلاص
رنا..هذا كلا دروه لكي وانتي واخذه شهادة معهد كان استنى خالي بعدها دارلك حفله كان نجحتي في الثانوي
نا ضحكت..انشاءالله ناجحه وبي امتياز واكيد ايديرلي هكي حتى نا مش اي حد وبابا مش اي حد وانتي عارفه اكويس نا من وبنت من وشن نقدر اندير صح😉
رنا انصدمت..ااا اها قـ,ـتلك ياشهودي كنك مختفيه ومعش ادزيلي
نا..وانتي كنك ماادزي علي المهم كنت مش فاضيه
رنا..لو كان علي ألموضوع هضكي فأنا مش شوري
نا..ماأيهمنيش ومنبيش نعرف ومتعكريليش مزاجي بي حاجات تافهه
ماما..جت ومعاها يوسف وكاين متعصب
ماما..شهوده ابنيتي
نا..نعم يماما
ماما..خطيبك ايغار عليك بكلل
نا معدلتش ومابحتش حتى فيه
رنا..كيف ؟؟
ماما..شنو كيف خطيبها ويغار عليها
رنا..قصدي شنصار
ماما..عارفتيها اللي توا سلمتي عليها مرات صاحب أحمد
نا..اهااا كنها؟
ماما..خطباتك الولدها امير
نا..اكيد تبي تخطبني حتى نا مش اي حد
يوسف..وانتي عاجبك صح انها خطباتك
نا..كنك متعصب توا مش وقت أمور مش مهمه عندي عن اذنكم
مشيت وسيبت واللععع
انعرفكم بي امير رائد صاحب خوي عنده عضلات وشكله ايجننن
وميحبش البنات وديما ايعصب
تسألوني كيف عرفته لانه كان ايجي مع خوي ويبات عندنا بس نا انخاف منااا بكلل
علي المهم
هو تعصب وحتى رنا تعصبت ونا فرحت لاني رديت حقي وشكيت فيهم وتأكدت لما سمعتهم ونا طالعه انكلم بابا
ماما..شهودي عدي كلمي باتك وعلي
نا..باهي يماما هي توا انكلمهم
طلعت بس وقفت لما سمعت صوت من ورا الحوش مشيت باتجاه الحوش والصدمه انشوف يوسف ايهدي في رنا ويقولها نا منحبهش وهمي هضا كلا ناخذ افلوسهاا اتفقت نا وامي ونا اللي خليت امي اتقول الباني يخطبها ليا مضي خطتنا نا وياك وامي وامك انا هنا انصدمت وقالها الفضل كلا يرجعلك عشان قالتلي انى هيا اتحبني وحااتوفق عليا
رنا..اها صح بس ياحبيبي معش اتقرب منها راني انغار عليك
يوسف..ياحبيبتي لازم نضمنها ونخليها توثق فياا وتحسابني انحبها عشان تكتبلي املاكها بي اسمي ونجوزو بيهن
رنا..باهي يا حبيبي بس نا نبي انشوه سمعتها شفت كيف كلهم ايحبوها وديرنها ملاك وما تغلطش بكل
يوسف..بس نحنا متفقنش علي هكي حرام
رنا.. كيف حرام حتى انتي اتحبها باهي خلاص حول
يوسف..خلاص ياحبيبتي كل حاجه الا زعلك باهي كيف نبوا انشوهوا سمعتها
قعدوا ايخططوا ونا مصدومه كيف اللي انحبه ونموت فيه ايخوني لا ومع اللي معي اللي معتبرها اختي وصاحبتي وبير أسراري مشيت ونا نبكي مفطنتش الا لما خبطت في حاجه كبيره
نا..اا شنو هضاا
امير..مش مفروض اتحقي قدامك وانتي تمشي
ناا..خطاني مش وقتك
امير..احترمي نفسك
رفعت راسي ونا ادموعي ينزلن وقـ,ـتله
نا..خلاص خلاص نا محترمه غصبن عنك ليش كلكم هكي اتخونوا ليش اللي اعتبرتها اختي انخوني مع خطيبي ليش يارب والله اتعبت هل نا شينه هل نا نقصتني حاجه معش خلوني نوثق في حد آآآآآآه يارب ليش بس والله انحبه ونموت فيه ايخوني آآآآآآه
امير..شهد اهدي والله مايستاهلوا انك تبكي علي شأنهم ولا ااتنزلي دمعه من اعيونك الياقوت والله انك حلوا وما ناقصك شي واللف واحد يتمناك كاين ايهدي فيا وهو حاضني نا فطنت الروحي وحولت ابسرعه وقتـ,ـله
نا..شكرآ واسفه كان فجعتك وعيطت عليك
امير..عادي ولا ايهمك توا نا انعدي انوريهم كيف ايديرو هكي في شهودتي
نا..انصدمت كيف قال شهودتي وكان باين عليه الفرحه
امير..ااا اسفه لخبطت
نا..عادي ولا ايهمك بس مديرش حاجه لاني عارفه شن اندير وامتى الوقت المناسب اني نفضحهم
امير..مشاءالله طلعتي ذكيه وتخططي
نا..حتى نا شهد.مش اي حد
امير..عليك ثقه
نا..وثقه في محلها اا صح اذكرت ماما قالتلي كلمي بابا وعلي
امير..باهي خشي را اشوفك حد وانتي طالعه طرف
نا..اذكرت شن لابسه تحشمت ومشيت نجري
امير يضحك..راكي اطيحي وانتي لابسه كعب أطول منك ااا وخلاص
عدا اليوم ونا طول الليل انفكر ونبكي علي حظي بس الحمداللهان ربي بينلي كل حاجه
___________________________الصبح
نسمع في صوت امير لوطه بس قلت نا اكيد نتخايل غسلت وجي وصلتي نزلت لقيتهم كلهم متجمعين يفطروا ومعاهم امير نا انصدمت لي ايكون قاللهم علي يوسف ورنا وناا امخططه
نا..صباح الخير
كلهم..صباح النور
بابا..كنك يابنتي اعيونك حمر
نا..اا لاغير راسي توجع فيا
ماما..افطري وخوذي بنادول
نا..معنديش نياا توا ناخذ حبه ونرقد أخرى
علي..لالا متاخذيهش بدون اوكال انتي متحمليش
بابا..صح يا بنتي اخر مرا خذيتيه تعبتي علينا كولي عشان خاطري
نا..حاضر من اعيوني
ماما..هل هل هو حاضر من اعيوني ونا معندكش نياا
نا ضحكت ومشيت حضنتها
نا..انتي جنتي متزعليش يعيوني
علي..ونا شين توا
نا ضحكت..انت الكل في الكل ياريس
كلهم اضحكوا
عدا وقت وتغدينا كنا قاعدين في الصاله
علي..شهودي شن رايك نطلعوا نا وياك للي مول ندهورو
نا..يس يس يس ياا احسن اخ في الدنيا
علي..يضحك هيا باهي مطوليش را انغير رأيي
نا..ثواني ونكون واتيه
وتيت ومشينا للمول نزلت شفت امير نازل من سيارته ومعاه وحده نا منيش عارفه ليش الضايقة وبحتت فيه بعد جا ورفعت حاجبي هو بحت فيا وضحك
علي..اهلآ بيكم
يسرى..اهلين
امير..هضي اختي يسرى
نا ابتسمت
هو بحت فيا وضحك
نا..ااا خير يايسرى نا شهد
يسرى..خيرات مشاءالله اتهبلي كيف ماامي تحكي عليك واحلا
نا..شكرآ اعيونك الحلوى
علي..هيا خشوو
نحنا هياا
كنت نا وأمير لابسين زي بعضنا اسود وابيض وكلهم ايبحتوا فينا يحسبونا مخطوبين
خشينا للمحل عديت ناوامير لقسم الملابس جتنا ولياا عزوز قالتلنا
الوليه..مشاءالله عليكم ربي يخليكم البعضكم انتوا متجوزين
نا نبي نحكي جاا امير
امير..اها امراتي
الوليه..باين عليها حامل وجهاا اصفر دير بالك عليها
امير..اهاا هيا حامل
الوليه..مشاءالله
ونا كنت مصدومه ونبحت فيه ووجي احمر ومتحشمه بعد ماعدت بحتت فيه من هذي مراتك واخرى حامل
امير..اهاا انتي متحقيش في هذكهي دزها بيش اتشوفك
نا..وانت كيف عرفت
امير..نحنا شباب ونفهموا في بعضنا
نا..اهاا باهي كان قلت خطيبتي
امير..لالا مراتي احسن ومتعصبيش عشان العيل
نا..أين عيل
امير..ولدنا اللي في بطنك وهويضحك
نامشيت نجري
يسرى..كنك داهشه
نا..ااا لالا شي
علي..هيا بيش ناكلوا امير كنك تضحك
امير..لالا غير اذكرت موقف
علي..باهي هيا
ادهورنا مع بعضنا وغيرنا جوو وروحنا
___________________________
هل شهد حاتفضحم ولالافاتوا ايام نين جاا اليوم اللي قلب حياتي وعلمني اني منوثقش في حد ولا انسلم قلبي الحد
بابا..شن رايكم انعدوا للمزرعه كلنا وكلم أعمامكم وعمتكم
ماما علي..باهي تمام
ماما..اصلآ شهاده اليوم بعد العصر قالوا بيش انديروا الحفله غادي
بابا علي ..باهي
بابا..توا خليني انكلمهم
نا كنت ساكته ونفكر شن حايسير
علي..شهودي كنك ساكته اول مرا تسكتي مش من عادتك
نا..لانه مخطريش نمشي خلينا نقعدوا خير
بابا..لالا يابنيتي خلينا انعدوا انغيروا جوو وبالمرا انحددوا الفرح
نا..بحتت فيه وابتسمت ابتسامت وجع
ماما اضحكت..خلاص يا احمد البنت اتحشم
نا..الحمدالله شبعت انعدي انوتي حاجتي امتى تبوا تمشوا
بابا..انكملوا ونطلعوا طول
نا..باهي تمام
صبيت للداري وقعدة انفكر كيف نقدر نحكيلهم وهما فرحانين ياريتني سمعت كلام ماما لما قالتلي مااتوفقيش نا مش متريحه
سمعت صوت علي وهو ايقولي
علي..شهد ليا ساعه اندق كنك فيك حاجه؟؟
نا..ااا لالا مفيش حاجه
علي..الف مبروك ياخيتي مش امصدق انك كبرتي وحااتجوزي وتعدي وتسيبيناا مع من نتعارك ونبصر مع من نسهر علي افلام ومن يفتحلي الباب لما نروح متأخر اااه وخلاص كان ابودي انخليك العمر كلا احدايا بس هذا نصيب وسنت الحياه كان يحكي وعيونه دمعن
ناا..حض،ـ,ـنته وقتـــ,,ـله مش حاانسيبكم متخفش ربي ايخليك ليااا
علي..كيف!!
نا..قصدي كل يوم حاانجي نين ماتمل مني
علي ضحك..لا عد نا كنت نحكي هك كيف الدراما المسلسلات قعدي في حوشك
ناا ضحكت..لالاحانقعد علي قلبك
علي..(يحكي بي المصري)علي قلبي كيف العسل يختي
نا ضحكت..ربي ايخليك لياا يااحن اخ
علي..ويخليك لياا ااا بس كان اتغيري العريس مش هو ولد عمي لاكن منحبش ومش متريحلا ماني عارف شن عجبك فيه
نا ضحكت..خلاص توا نطلب عريس أخرى من النت نزلوا موديلات أخرى انوريهم لك وانتى اختارلي
علي ضحك..ايو تهزي عليا نا غلطان لجيت نحكي امعاك نحسابك عاقله ربي ايصبر يوسف وخلاص
نا..وهو يطول يخذا شهد بنت الشيخ
علي..ااا علي الثقه اللي عندك بس والله في هذي صدقتي خلينا ننزلوا ومدي شنطك انزلها عشان احساسي انا امي حااتجي اتنزلنا من شعرنا كيف قبل
نا ضحكت..هياا بس حاانركب في سيارتك ودهورني اشويا متعديش طول علي المزرعه مش ناقصه انحق الجمعه المنافقه ابتاعهم
علي ضحك..والله صدقتي
ماما..اتعيط هيا انزلوا را انزلكم من شعركم تأخرنا
نحنا..ضحكنا
علي..مش قـ,ـتلك هيا ننزلوا
نا ضحكت..هياا
عدينا بس نا وعلي ادهورنا بعدها طلعنا للمزرعه بعد وصلنا شفت امير نازل هو ويسرى من السياره نااستغربت
نا..علي مش هذي يسرى
علي..اهاا ما باتي عزمهم شكلهم حتى هما داروا كيفنا
نا..اها شكلهم
نزلنا وامير ايبحت فياا ومتعصب نا معرفتش ليش
سلمنا عليهم وخشوا علي ويسرى نا كنت نبي انخش امير كلمني
امير..شهد تعالي نبيك
ناا..اا نعم امير شن تبي وكنك متعصب!!
امير.. متعرفش لبش متعصب شنو اللبس اللي لبستيه والروج هضا حوليه فاهمه
ناا كنت لابسه البلوزه ازرق ملكي وسروال ابيض وديره مكياج خفيف وطالعه طرف بمعنى الكلمه وانجنن
الكاتبه شهد..ياست مغروره كملتي شكر في روحك
شهد..اكيد نشكر روحي حتى نا مش اي حد
الكاتبه شهد..ااا وخلاص علي الثقه الزايده
شهد..لا مش ثقه زايده واسئلي القراء توا ايقولولك
الكاتبه شهد..توا انشوفوا خلينا انردوا للروايا ونشوفكي شن اديري اليوسف
شهد..هيااا توا انعلم ميلعبش مع اللي اكبر منى
انردوا للروايا
نا. وانت شن دخلك من اتكون ومنبيش انحول الروج
امير..متختبريش صبري واسمعي الكلام
نا..لالا منيش سامعه
خشيت وسيبته وهو خش ورايا وكا متعصب
خشيت اندور علي يوسف ورنا بعيوني ملقتهمش وحتى امير اختفى كنت نحسابه طلع نين القيته طالع من الحوش وهو مبتسم
نا استغربت بعدها طلعوا وراى يوسف ورنا
يوسف اول ماحقني تعصب لاني مهتميتش ولادورته وتعمدت نحكي مع شباب العيله ونهدرز معاهم وحتى امير يحكي امعايا عرفت انى حتى هو يقهر فيه جت مرات عمي قالتلي
مرات عمي..ياشهد كنك مختفيه لدوري ولا تسألي
ناا..ماكنتش فاضيه ورايا حاجات مهمه
مرات عمي..اهم منى يعني
نا..اهاا اهم من النفاق
مرات عمي وجهه انصفر وقعدة تضحك
مرات عمي..ااا يابنتي دمك خفيف وتحبي اتبصري
نا بحتت فيها وضحكت وامير قعد يضحك
رنا جتني وقالتلي
رنا..اليوم عندي مفاجأه لكي
نا..حتى نا نتمنى تعجبك واسفه اني أسأت الظن فيكي مكنتش نحسابك هكي
رنا اضحكت..عادي وانشاءالله حاتعجبني مش انتي اللي جايبتيها
نا..اها اكيد حاتعجبك
مر الوقت ومعدلتش علي يوسف بكلل وهو كان مقهور يحسابني حانجيلي ونتأسفلى عشان انحبه بس نسى انى بعد الإنسان ينخذل او ينهان وتنهان كرامته يعفس علي قلبه
يوسف جاني قالي
يوسف..شكلك رايقه ومش مهتمتلي
نا..اكيد نقعد رايقه ولي يهتم بيا نهتم بيه ولالا
يوسف..انصدم من ردي ااا اها ونا اسف وعندي مفاجأه حاتعجبك وحاتنصدمي لما اتشوفيها
نا..اااكيد حااننصدم انتى كل حاجه اديره واو اتجيبها حاتصدمني
نسيت انقولكم انى يوسف قعد ايرن عليا ويسأل الفتره الي فاتت وفي يوم جاب اوراق وجا وقالي
يوسف..شهد وقعي الأوراق هذينا قالك عمي
نا..اممم باهي عطيني الأوراق نرقى الداري انجيب بنينة ونوقع
يوسف..هكي هذي بنينه
نا..لالا نبي بنينة الحظ ابتاعي
يوسف..باهي عدي جيبيها
نا..باهي
جبت البنينه ووقعة الاوراق
وهو عدى
نرجعوا للروايا
يوسف..اهاا هيا نا ماشي انشوف رابط الشهاده نزل ولالا
نا..تمام عدي شوفه
مسك التلفون وشافه لاقاهم امنزلينا عيط وقال نزلوا الرابط تعالي با رنا جيبي رقم جلوسك
كلهم استغربوا ليش اهتم بب رنا وكأن هيا خطيبته مش نا
عمي..وانتى ليش مهتم انك اتشوف الرنا
يوسف..اااا قطعاته رنا ياعمي نا وياه مترهنين هو قالي مش حاتنجي ونا قتـ,ـله حااننجح ولي ايفون ايجيب للآخر شن يطلب
عمي..اهاا باهي شوف الشهد
امير وعلي قالوا مع بعضهم..لالاتوا انا انشوفالها
نا..يعمي خاليه ايشوف الرنا نا توا ايشوفلي علي ولا امير
عمي..باهي هيا شوفوا
طلعوا شهادة رنا وطلعت جايبه مادتين وجعتني لانى الحاجه هضي مفيهاش شماته حرام حاادير دور ثاني
الكاتبه شهد..ااا وانتي قلبك ابيض بعد اللي داروه فيكي هذا مازلتي تزعلي عليهم
شهد..عادي ربي ياخذ الحق
الكاتبه شهد..لنقنه يوسف اخسرك ومييستهلكش
شهد..اا خلاص معش اذكريني صح نا كرهت بس زعلانه علي قلبي اللي اختار غلط بس الحمدالله
الكاتبه شهد..متزعليش ربي ايحبك اللي وراك انهم شنوا
شهد..الحمدالله خلينا انردوا للروايا القراء يبوا يعرفوا بيش نجحت
الكاتبه شهد..هياا
علي..حيي ياشهد متوقعتكش لدرجه هضي بحت ياأمير
امير..كذا وريني حيي علي امه شن درتي هذا كلا وتقولي نقرأ
نا..قولوا شنو وترتوني يابابا قوللهم
بابا..امير علي شن وترتونا هياا قولو
امير..مشاءالله عليك جبتي امتياز
نا عيطت..يس يس الحمدالله يارب
علي..مش هك وبس وجبتي من العشره الأوائل 98 مشاءالله علي اوخيتي الشاطره
بابا وماما..هضي هيا بنتنا اللي ترفع روسنا اللف مبروك يابنتي
نا..الله ايبارك فيكم
كلهم..الف مبروك شهد
نا..الله ايبارك فيكم
رنا كانت تبكي ويوسف ايهدي فيها مقاليش حتى الف مبروك جيت ال رنا وقلتلها
ناا..رنا انشاءالله اتعوضيها فالدور الثاني متزعليش روحك
رنا..قعدت اتعيط عليا وتقولي متشمته فيا صح عشان يوسف مدوركش ودورني نا تعرفي ليش لأنك وحده خاينه ومش متربيه وتخونيه فيه مع واحد وتبي تهربي امعاه هذي هيا اللي كلكم اتحبوها
بابا..احترمي نفسك شنو قلة الأدب هضي بنتي مستحيل أدير هكي
علي..هييي انتي شن تحسابي روحك شهد انتي متسوشي احدا ظفرها
ماما..رنا عيب عليك تحكي علي صاحبتك واختك هكي
رنا..نا عذرتكم بس توا انوريكم عندي الدليل
كاينه دايره سكرين في تلفونها ونفس صافحتي وكل حاجه لالا ومع من دايرتني انخون في يوسف مع مؤيد طلعت تحكي امعاه كأني نا ودزتله اصوري
علي..شهد مستحيل أدير هك اختي ونا عرفها
بابا..بنتي تربيتي مديرهش
مرات عمي..اهي درتها اخص عليكي طلعتي مش متربيه معرفتيش اتربيها ياهديل هذي شهد اللي كلكم ديرينها ملاك
عمتي..منحسابكش هكي طلعتي مش متربيه الحمدالله اللي بنتي كشفاتك
بابا..يوسف قول حاجه انتى ليش ساكت
يوسف شن انقول ياعمي بنت طلعت سامحني في الكلمه هذي بس هيا مش متربيه
امير..احترم نفسك شهد اشرف منك انتن ومليون واحد زيك
رنا..وانت كنك والع ولا دايره علاقه امعاك حتى انت
علي..هييي احترمي نفسك في شن اتقولي انتي
عمي..شهد مستحيل أدير هكي هذي تربايت خوي
مرات عمي..دافع عليها مشساد غصبت ولدك علي وحده مش متربيه كنهي ضح مش دايره هك ليش ساكته
علي..شهد احكي كنك ساكته كلنا امعاك عارفينك مستحيل اديريها
ناا..بحتت فيهم وصفقت انتوا لعبتوا مع الشخص الغلط
كلهم انصدموا من ردة فعلي
___________________________
هل شهد حاتسكت ولالا وهل ايكون عندها دليل
