شهد كامله
شهد كامله
اكتشاف المزيد
حقائب كتب أنيقة
أجهزة قراءة إلكترونية
ورش سرد
رواية عشق بلا رحمة
توصيات قراءة
عشق بلا رحمة
اشتراكات في نوادي القراءة
اشتراكات في مجلات أدبية
دورات كتابة
سلات هدايا
165
لدار رقدنا ونضت نبي نشرب ميا نزلت للمطبخ وشربت ميا نداني حد برمت لقيته امير
ناا..نعم امير تبي شي
امير..الحمدالله علي سلامتك ابدري مقدرتش انسلم عليك
ناا..الله يسلمك
امير..تغيرت عن قبل معش قعدتي شهد ال حساسه اللي ايبحت فيك اشوف قدامه بنت قويه تفرض شخصيتها عليك من دون ماتحكي
ناا..مفيش حد ميتغيرش ونا اللي صار امعايا غيرني للأحسن
امير..مزلتي اتردي بثقه مستحيل اتغير الطبع هذا فيك
ناا ضحكت..اكيد نحكي بثقه ناا دكتوره شهد مش اي حد
امير..في هذي عندك حق
سمعنا صوت ايقول فيش اديروا هنا
بحتت القيته يوسف
امير..ملكش دخل
يوسف..لا ليا ندخل وبذات ندخل لما تحكي مع شهد
ناا..وليش يعني لما يحكي امعايا بذات تدخل انت ملكش دخل اظن صح ولالا انت ولد عمي وبس ونتمني انك اتكون عند حدك امعايا
يوسف..نا قلت هكي لأنك بنت عمي
ناا..باهي بس امير ايكون صاحب خوي ووقف معاي واجد فامدخلكش بأي حد يحكي امعايا تمام
يوسف تعصب..تمام
امير بحت في يوسف بضحكه وهو امرفع حاجبه خلا يوسف يزيد يتعصب ويطلع
ناا..اسفه
امير..متعتذريش عادي اصلآ مفروض هو اللي يعتذر
ناا..تصبح علي خير
امير..وانتي من اهلي
نا نحساب روحي مسمعتش اكويس مشيت ركبت الداري لقيت صفاء نايضه ومعندنش نوم لانه رقدنا حطينا علي فلم رعب وسهرنا مع بعض للفجر بعدها صلينا ورقدنا
عند يوسف
عدا الأمير وقاله
يوسف..متحولش اتقرب منها احسنلك
امير..مزال عندك عين تحكي بعد اللي درته فيها هيا حاتكون ليا ونجوزها
يوسف..مستحيل اتكون لك انا صح غلطت لما سيبتها بس حاانعوضها علي اللي فات ونجوزها نا
امير ضحك..توا انشوفوا وبينا الايام ونشوف شهد حاتكون المن فينا طلع وسيب يوسف متعصب
يوسف..مستحيل انخليها اتضيع مني مرا أخرى
___________________________
هل شهد حاتسمح يوسف ويجوزوا او لالا ومن اللي حايفوز يوسف ولا امير
وهل عجبكم تغيير شهد وقوتها
وشفتوا ربي وراها خيانت صاحبتها الها وعوضها بي واحده احسن منهايوسف..مستحيل انخليها اتضيع مني مرا أخرى
الصبح
نضت من النوم نا وصفاء صلينا ونزلنا لقيناهم يفطروا
ماما..تعالي ياشهد افطري انتي وصفاء
نا..والله يماما نا منحبش نفطر توا ناخذ نسكافي ونا ماشيه للمستشفى
صفاء..حتى نا يااعميمه نفس شهد
ماما..كيف هذا لازم تفطرن وانتي ياشهد مش اكويس عليك النسكافي
ومفروض متمشنش للمستشفى اليوم عشان أحمد دايرلكم عزومه
نا وصفاء..لازم انعدوا عندنا مرضى انشوفوهم
ماما..انتن راسكن امسكر عدن بس تعالن ابسرعه
نا وصفاء..تمام
كنا طالعين بش وقفني صوت يوسف
يوسف..شهد نبيك في موضوع ضروري
نا..نعم
يوسف..علي انفراد
صفاء..شهد طالعه انسخن السياره عليمه جيتي
نا..تمام نعم شن تبي
يوسف..ياشهد نبيك تسمعيني ومتقطعينيش بكل ونا نحكي
نا..تمام
يوسف..صح نا غلطت لما خنتك وكنت نبي نضحك عليك بس والله هذا كلا من زن امي وعمتي ورنا زنن عليا نين وفقت ونا مجيتش عشان انقولك نا مش غلطان انا غلطان وأكثر واحد لاني مش عيل اصغير بيش حد ايقولي داير حاجه ونديره بس والله اتعبت وربي خذا حقك مني وطلعت رنا خاينه وخانتني انا اسف لة اعتذرتلك من اليوم لي نهايت عمري مش حنقدم حاجه من اللي درته فيك نبيك اتسامحيني وتعطيني فرصه ثانيه والله حاانعوضك علي اللي صار كلا بس سامحيني
نا تنهدة..يوسف نا سامحتك بس مش حانقظى انكمل امعاك وتقعدي حياتي امعاك طبيعيه مش حاانقدر ننسى ولا انت تقدر اتنسيني يلي درته نا فقدة الثقه فيك بس سامحتك وانت ولد عمي و بس وربي حايدزلك بنت الحلال اللي حاتعوضك وتربي ولدك متقولش هيا ما وفقتش علي سبه ولدك والله بالعكس من اول ماشفته حابيته بس خلينا اعيال عم احسن
يوسف..تمام وربي اعوضك بلي اقدرك منأخركش يابنت العم
نا..باي
يوسف..باي
طلعت الصفاء بحتت فيا لقتني نبكي
صفاء..شهد كنك حكيتلها علي كل حاجه
صفاء..درتي الصح معش تبكي
نا..والله ياصفاء وجعني وهو يحكي اقريب يبكي وكلامه صادق بس والله مانقدر كل ماانبحت فيه نذكر اللي صارلي
صفاء..خلاص معش تبكي اللي درتيه صح وان شاءالله تلقوا اللي يعوضكم انتم الاثنين
ناا..شكرآ والله بلاك منعرفش شن اندير
صفاء..اسكتي ومعش تشكريني انتي اختي وهيا رانا تأخرنا منورا ادموعك يلي علي سبله
نا ضحكت..هيا باهي
مشينا ودرنا فحوصات للمرضى بعدها خشيت علي ولد يوسف نسيت انقوللكم طلعناه من العنايه وحطيناه في غرفه عاديه لانه قعد اكويس
ايهم..شهودي جيتي
نا ضحكت..ااها جيت ياعمري
ايهم..نحسابك مش حااتجي كيف ماما لأنها عدت وسيبتني نزلت دمعته وهو يحكي
نا حضنته..خلاص ياحبيبي معش تبكي ونا مستحيل انسيبك وعد وبحت شن جبتلك امعاي
ايهم..وهو حاضني عادي انقولك ماما لانى اصحابي كلهم عندهم أمهات الا نا
نا..عادي ياحبيبي من اليوم قولي يا ماما باهي
ايهم..ضحك باهي ياماما شن جبتيلي
نا..غمض اعيونك
ايهم.. اه غمضت
نا..جبت البلاستيشن احفتح توا
ايهم..فتح اعيونه وبحت جا حضاني وقعد يبكي
انتي احسن ام في الدنيا انحبك يا ماما
نا..ضحكت ونا انموت فيك ياروح ماما
خش يوسف وسمع ايهم وهو ايقولي ماما ابتسم
يوسف..شهد كان صارتلي حاجه ايهم امانه عندك انتي ربيه
نا..كنك تحكي هكي يايوسف حاتربيه وحايكبر قدام اعيونك بأذن الله
يوسف..الله واعلم مرات ربي ياخذ أمانته اليوم ولا بكرى ولا بعد سنه
نا..ربي ايطول في عمرك وتشوفي اعيال اعياله ضح ياايهم
ايهم ضحك..اهاا
بعد كملت وكتبت الايهم خروج قعد يبكي يبي ايروح امعاي يوسف قالي
يوسف..اصلآ نا عندي شغل ومرات نتأخر خوذيه امعاك اليوم كان مفيهش تعب
نا..يوسف معش اتقول هك ايهومي ولدي خلاص توا ناخذه امعاي
يوسف..تمام ويا ايهم متعبش شهد باهي
ايهم..حاضر يابابا مش حانتعب ماما حبيبتي
يوسف بحت فيا وبتسم منيش عارف ليش حسيته كأنه ايودع تعوذة من الشيطان وطلعت
وصلنا الحوش نا وصفاء وايهم لقيتهم ايوتوا قلتلي ماما
ماما..شهد انني وصفاء اركبن اوتن لانه الضيوف اقريب ايجوا
نا وصفاء..حاضر
ركبنا ولبست نا وايهم نفس الألوان نا فستان بيج اقصير ودرت مكياج خفيف ولبست الاكسسوارات ولبست ايهم بدله بيج وصفاء نفس قفطاني بس لونه بني وطلعت اتهبلللل
نزلنا من علي الدروج نحنا الثلاثه وكلهم ايبحتوا فينا
ماما قعدة اتعرف فياا علي الناس
بعد فتره جتني مكالمه طلعت برا
بعد كملت المكالمه لقيت رنا نسيت انقوللكم ان رنا جت
المهم لفيت رنا مع امير سمعت شن كاينه تحكي واول ماحقتني حضنت امير وقعدة تضحك هو انصدم
رنا..ااا شهد
امير برم ونصدم لما شافني
امير..شهد والله هيا اللي قاطعت علي امير
نا..امير مااتبررش ونا عارفه كل اللي صار وسمعتها وهيا تدحنس عليك
وبرمت بحتت فيها
نا..نتمنى انك اتبطلي حركات امزيته كيفك را انوصل الكلام الخطيبك يا محترمه تمام
رنا انصدمت..ااا تمام
رنا عدت وهيا اتمتم
امير..شهد شكرآ لأنك ماصدقتيش اللي دراته
ناا..متشكرنيش لاني عارفتها
امير..شهد نبي انقولك حاجه
نا..نعم
امير..والله نا حبيتك من اول ماشفتك بس مقدرتش نحكي لأنك مخطوبه وقعدة انكبر بس توا انتي مش مخطوبه ولا شي وفكري قبل مااتردي عليا
بعد كمل حكي مشا وسيبني مصدومه
نا..اااامير..والله نا حبيتك من اول ماشفتك بس مقدرتش نحكي لأنك مخطوبه وقعدة انكابر بس توا انتي مش مخطوبه ولاشي وفكري قبل مااتردي علياا
بعد كمل حكي مشا وسيبني مصدومه
ناا..يارب كون امعايا واختر لي ولا تخيرني ياارب
بعدها سمعت اعياط مشيت انشوف شنو في الصدمه
ناا..ماما شنو في كنكم اتعيطوا
ماما تبكي..يوسف دار حادث ومات
نااا مصدومه..كيف فيش اتقولي مزال امكلمني في الصبح اكيد اتبصروا صح
مرات عمي..توا تبي أديري روحك زعلانه عليه اكيد من تحسبينك فيه اااه يولدي عديت وسيبتني منك لله يا شهد عشان محبكش وجوز رنا اديري هكي ارضي كلا منك اكيد متشمته تواا صح قولي
ناا..اول حاجه الموت مفيش شماته ونا سامحته ومستحيل نتمنى الحد الموت ولا نتحسبن عليها وانا عذرتك توا هيا ياايهم تعال
مرات عمي..قعدة اتعيط وتقول قـ,,,ـتلتي ولدي وتوا تبي تاخذي ايهم مستحيل انسيبه لكي
ايهم كان يبكي
وعلي صوته خشوا الرجاله ومعاهم عمي
عمي..كنك يااوليه اولدك ميت وانتي اتعيطي وتحسبني شن دخلها شهد احمدي ربي انها سامحتكم بعد اللي درتوها الها
مرات عمي..اهاا توا انت امصبي مع بنت خوم اولدك المـ,,,ـيت را بعد ما قتـ,,,ـلت اولدي تبي تاخذ ايهم مستحيل انسيبها تاخذي
عمي..استغفرالله توا هيا شن دخلها بي موت يوسف وثانيآ يوسف اموصيني قال لو صارت لي حاجه ايهم يقعد مع شهد لأنها الوحيده اللي حااتخاف عليه وتحبه كيف ما كانت اتحبني
ناا..بحتت في امير لقيته ايبحت فيا وعيونه نااا ومتعصب بكللل
ناا..خلاص تعال يا ايهم
خذيت ايهم وخليتهم ايعيطوا
رقدته ونزلت شفتهم لقيتهم جيبين يوسف اول ماحقيته ادموعي نزلن مهما دار فيا في يوم كان خطيبي وولد عمي قعدت نبكي وندعيله ربي اسامحه وثبته عند السؤال بحتت في امير لقيته امعصب بس مش ابيدي ولد عمي مهما دار فياا وان شاءالله ايهم حاانربيه ونخليه امعايا ومستحيل انسيبه
عدن الايام وايهم قعد امعايا مشفتش امير بكلل قلت هذا خلاص سحب كلامه لما عرف ان ايهم حايقعد امعايا ونا مستحيل انسيبه
نين جاا اليوم اللي عرفت فيه ان ربي يجبر ويعوض بعد الكسر ان ربي لما يبتلينا حااينزل مع الابتلاء الصبر
(وان مع العسر يسر )
ربي أقرب لنا من حبل الوريد ربي لما يلهما بي الدعاء اكيد حايستجيب ولو خذا منك حاجه اتحبيها اكيد حاايعوض وان الحاجه اللي خذاها منك اكيد مش خير لك مهما ضاقت اكيد حااتفرج
بعد شدة سواد الليل يطلع الفجر ليقول لنا مهما ضاقت ستفرج ان الله معانا الله يحب الإنسان اللحوح فالحوا في الدعاء
🦋(ان الله يدري فهذا يكفي )🦋
نضت وتيت ايهم عشان ايعدي امعايا المستشفى لبست نا ويا
ونزلنا لقيت صفاء
ناا..صفاء جيتي
صفاء..لالا مزلت في الطريق 🤣
مااتحقي فيا قدامك
ناا..هههه اتضحك باهي هيا بيش انعدوا
صفاء..نا منبيش انعدي وانتي مش حااتعدي
بحتت فيها وقبل ماانحكب امعاها سمعت الباب ايدق
مشا ايهم فتح الباب ولقاا
ناا..هومي من اللي علي الباب
ايهم..عمو امير ياماما
نا انصدمت كنا جاا توا وهو له فتره مااجش
خش ايهم مع أمه واخته وباته
وسلموا علينا
بعدها بابا جا هو وعلي ونا مزلت مصدومه شن في وليش جيين توا كنت نحكي بيني وبين روحي نا انصدمت لما قال عمي بات امير
عمي..نحنا جيين اليوم ياأحمد عشان نطلبوا يد شهد لب ولدي امير والله ماني عارفه شن انقول مفروض جينه بعدين بس ولدي الأهبل مش صابر جابنه الصبح
امير..بيش تقعد خطوبه مختلفه صح ولالا
كلهم اضحكوا عليه
ماما..شهد اوويي وينك ساكته من بدري
عمتي..البنت مصدومه حرام عليك ياامير البنت انفجعت
صفاء تضحك
ناا..ااا لاغير معش عرفت شن نحكي
علي..اختي الدكتوره كلامها راح معش عرفت تحكي
صفاء ميته ضحك
ناا..والله انوريكم
امير.. سيبوا خطيبتي في حالها
عمي..انت اسكت نين اتوفق عليك قبل
امير..لو موفقتش نخطفها
علي..اتقول فيها قدامنا
امير.. اهاا وانت حاتسعدني
علي..من اعيوني يا نسيبي
صفاء..هيي سيبوا صاحبتي في حالها
ناا..توا غير اذكرتي من بدري وانتي تضحكي علياا
صفاء..نستاهل لي صبيت امعاك
انقوللكم كان ارفضت نا اللي حاانخطفها ونجيبه لك ياامير
امير..امنوره ياقدر
ناا..كلكم اتفقتوا علياا
كلهم اهااا
ناا..بس نا عندي شرط
امير..يعني اموافقه
ناا..اتوافق علي الشرط انوافق
امير..باهي
ناا..ايهم يقعد امعايا
امير..هذا هو الشرط
ناا..اهاا خفت يرفض لاني مستحيل انسيب ايهم
امير عدا الايهم وشاله
امير..ايهم من اليوم انت ولدي وقولي يابابا واي حاجه تبيها تعالي نا باهي
ايهم..باهي يا بابا الله حاايقعد عندي بابا كيق اصحابي
ناا بحتت فيهم وقعدة نبكي
امير..نزل ايهم وقاله عدي سكتت ماما الهبله اللي تبكي
ايهم..ماما خلاص معش تبكي منحبش انشوف ادموعك ماما حبيبي خلاص
ناا..بحتت في ايهم وحضـ,,,ـنته وقـ,,ـتله خلاص يا حبيبي معش نبكي
ماما..الف مبروك يا ابنيتي
ناا.الله ايبارك فيك يا عيوني
بابا وعلي..الف مبروك
ناا..الله ايبارك فيكم
كلهم باركولي
علي..عارفه الزعل شهد ولا تنزل منها دمعه ندفنك هذي اميرتي لصغيره لو في يوم زعلتها اعرف ان هذي نهيتك انت خذيت فرحت الحوش كان يحكي وعيونه دمعن
نا جريت حضنته وقتـ,,ـله
ناا..لو يوم زعلني نا اللي حانوريه
علي ضحك..هذي اختي
ناا..تربيتك يا وحش
كلهم اضحكوا
بعد 4سنوات
ناا..تعالي يانصيب وربي خلاص اتعبت امير تعال لبنتك تعبتنييي
امير..كنك مع بنتي تعالي يا حبيبت بابا شن دارتلك
نصيب..عيط عليا بابا حوف فيا بتل
(تعيط عليا يابابا تخوف فيا بكل )
امير..ليش ياشهد اتخوفي في بنتي هكي
ناا..يعني نا الغلطانه اشبع بي بنتك
تمام بكل
ايهم جاني يجري حضني
ايهم..من زعل ماما حبيبتي معش حد ازعلها
ناا..هضا وليدي حبيبي
جتني نصيب تجري
نصيب..افه مامي عس ديلها(اسف مامي معش انديرها )
امير..توا مشيتي وسيبتيني
امير..حتى نا اسف ماما سمحتيني
ناا..اممم انفكر
نصيب..مامي حلاص (مامي خلاص)
ناا..خلاص سامحتكم هيا نلبسك بيش انعدوا
ايهم..ماما حتى ليلى جايه غادي
ناا..ضحكت اها جايه
ليلى بنت صفاء وعلي وعندهم عيل اكبر من نصيب اسمه رائد
لبست نصيب وطلعنا
اول ما وصلت نزل ايهم يجري وعطا ليلى سلسله عليها قلب صغير اتهبلل
علي..شن عطيت بنتي
ايهم..مدخلكش
علي..بنتي كيف مدخلنيش
ايهم..صح بنتك بس بعد تكبر نبي نزوجها نا
علي..لالا مش حانعطيك بنتي
ايهم..حاناخذها غصبن عنك ايواا
امير ضحك..ايواا هذا هوا ولدي تربيتي يا وحش
ايهم ضحك
صفاء..خلاص ياايهم تكبر انجوزك ليلى ومادخلنش في علي
ايهم..باهي
علي..اتفقتوا عليا
كلهم اهاا
ناا..وين نصيب
جا رائد جايب نصيب وهيا نبكي
صفاء..كنها نصيب تبكي يارائد
رائد..لقيتها تلعب مع لعيال ونا امنبها كم.مرا ماتلعبش امعاهم
نصيب..افه يئد محس ديلها نا حبت
(اسفه رائد معش انديرها نا نحبك )
امير..ينهار اسود (بالمصري ) البت قالتله انحبك
كلنا ضحكنا
علي..خلاص نا نعطيك بنتي وانتى عطينا بنتك
ناا..تماموين نلقا خير منكم اناسبهم
صفاء..حتى نا وين نلقا خير منكم
كلنا قعدنا نضحكوا
النهايه
إتبعنا
