اختي زهره الربيع

وأنا متوترة حاجة إيه؟ إنتِ هترجعي في كلامك؟ فاكرة إن جوزك هيرجع شغله إزاي؟
بصتلي بۏجع وقالت أنا مش هرجع في كلامي عشان الفلوس ولا الشغل. أنا وافقت عشان عيالي كانوا بيموتوا من الجوع، وعشان أبوهم مش لاقي ياكلهم. بس قبل ما تاخدي ابني، لازم تعرفي الحقيقة.
حسيت إن في حاجة مش طبيعية، وقلبي بدأ يدق بسرعة.
سألتها حقيقة إيه؟
سمر بصت ناحية الباب، ولما اتأكدت إن محدش سامعنا، قالت أنا عمري ما كنت عايزة أديكي ابني، وإنتِ عارفة كده. بس فيه حاجة إنتِ متعرفيهاش… جوزك كان عارف إن جوزي اتطرد من الشغل بسببك.
اتنرفزت وقلتلها ما أنا اللي طلبت منه كده، وإيه

الجديد؟
قالت وهي بټعيط الجديد إنه قبل ما جوزي يتطرد، جوزك جه له بنفسه وقاله إنه مش عايز يظلمه، وإنه مضطر يمشيه عشان إنتِ بتضغطي عليه. وطلب منه ما يقوليش حاجة، ووعده إنه هيرجعه الشغل أول ما الأزمة تخلص.
اتلخبطت، وقلت طب ما هو رجعه لما إنتِ وافقتي!
هزت راسها وقالت لأ يا وفاء… جوزي لسه ما رجعش الشغل، وجوزك ما كلموش من يوم ما طرده. إحنا وافقنا على الاتفاق عشان إنتِ وعدتينا إنك هترجعيه، بس أنا اكتشفت النهارده إن جوزك كان باعت لجوزي رسالة بيقوله فيها إنه مش هيقدر يشغله تاني.
حسيت إن الأرض بتلف بيا. طلعت موبايلي واتصلت بجوزي، لكنه مردش. اتصلت تاني وتالت، لحد ما رد أخيرًا.
قلتله بعصبية إنت ليه ما رجعتش جوز أختي الشغل؟
سكت شوية، وبعدين قال وفاء، أنا كنت غلطان لما وافقتك على اللي طلبتيه. بس مش هقدر أكمل في الغلط ده. الراجل ده مالوش ذنب في حرماننا من الخلفة، ولا مراته وعياله ذنبهم إننا موجوعين.
صړخت فيه يعني إيه؟ إنت هتسيبني من غير ابن؟!
رد بصوت حزين أنا مش هسيبك من غير حاجة، بس مش هقدر أشتري طفل من أمه. الطفل مش تعويض عن وجعنا، ومش تمنه وظيفة ولا فلوس. أنا غلطت لما وافقتك، ولازم أصلح غلطي.
قفلت المكالمة وأنا مش قادرة أستوعب اللي سمعته.
بصيت لسمر، لقيتها بټعيط وبتحضن ابنها بقوة، وقالتلي أنا

كنت هسلمك ابني، رغم إن قلبي كان بيتقطع، عشان كنت خاېفة على عيالي. بس دلوقتي أنا مش هقدر أسيبه. مش عشان الفلوس، لكن عشان عرفت إنك كنتِ مستعدة تحرميني منه عشان تحققي حلمك.
حسيت لأول مرة إن كل الكلام اللي كنت بقوله لنفسي عن إني بساعد أختي كان كدب. أنا ما كنتش بساعدها، أنا كنت بستغل ضعفها.
خرجت من الأوضة وأنا بترعش، وقعدت على كرسي في الطرقة. كنت شايفة الأمهات وهما شايلين عيالهم، وكنت طول عمري بحسدهم على النعمة دي، لكن أول مرة أفهم إن الأمومة مش مجرد طفل أشيله وأقول عليه ابني. الأمومة رحمة وأمان، مش ضغط وټهديد.
بعد شوية، جوزي وصل المستشفى.