ادهم ٣

١٩__٢٧ الفصل التاسع عشر 19 امجد فتح الباب واخر شخص توقع انه يشوفه شافه فتح الباب وفضل ساكت شويه بعدين ابتسم بإحراج : تعالي يا امي ازيك يغاليه “هاله بصت لأمجد ودورت نظرها لنوال اللي واقفه صامته مش قادره تعبر عن الموقف اللي هي فيه ” هاله بصت لأمجد وقالت بمغزي : مش تعرفنا علي ضيوفك يا استاذ امجد امجد حط ايده علي رقابته دليل علي توتره : دي نوال يا امي مدرسه في الحضانه عندي هاله بهجوم : اديك قوولت مدرسه في الحضانه بتعمل اييه في شقتك ولوحدكم يا امجد انا ربيتك علي كدااا امجد مسك ايد امه وقال بهدوء : اهدي انتي مش فاهمه حاجه استاذه نوال شقتها اتحر.قت ومفيش مكان تروحه ف جبتها هنا لحد ما شقتها تتصلح بس هاله بستغراب : اهلها فين جوزها فين اي حد تعرفه من صحابه تروحله انمااا تلجئ ليك ليه من اساسه امجد متستغبنيش عييب نوال فضلت تبص عليه وعليها تسمع كدب امجد وتسمع تبرير هاله وقالت بندفاع : مقبلش افضل مع واحد مش صريح في كلامه من البدايه يا امجد ” وبصت لهاله ” طنط انا متجوزه وعندي بنت بس في مشاكل كبيره بيني وبين جوزي وهطلق جيت اشتغل في الحضانه بتاعتكم علشان محتاجه الشغل ضروري ابنك عرض عليا يساعدني ان اطلق واتجوزه بعد ما اطلق وانا جيت الشقه هنا لما قالي انه مش هيبقي فيها دا كل الموضوع ودلوقتي اسمحوالي امشي من هنا ” هاله من صدمتها من كلام نوال معرفتش تنطق كلمه ” امجد مسك ايد نوال بلهفه : اصبري انتي مش هتمشي انا لسه عند قراري مرجعتش فيه انا عايز اتجوزك فعلا هاله بصدمه : انت بتقول اييه هتتجوز واحده متجوزه ومعاها بنت وكمان مطلقتش من جوزها انت كويس يا امجد عقلك لسه فيييك ؟ نوال شدت ايدها من امجد وقالت بإرهاق : صدقني انا مشيت علشان كنت بحارب ونفسي في حياه هاديه ولو ليوم واحد معنديش اي استعداد ارجع احارب من جديد ف سيبني لو سمحت ” هاله دخلت قعدت علي اول كنبه قابلتها في الشقه وهي حسه بدوخه من كل اللي بيحصل ، بنتها علاقتها مع جوزها منيله وهو شبه مغادر مبيجيش ليها نهائي ، وابنها اللي عايز يتجوز واحده متجوزه ومخلفه ” امجد مسك ايد نوال جامد : انا فعلا مش هسيبك تمشي انا قولتلك كلمه اخيره انا هتجوزك يعني هتجوزك حتي لو العالم كله وقف في وشي ” نوال لسه هتبتسم شافت هاله اللي اخدت بعضها ومشيت من غير حتي ما ترد علي الكلام ” نوال بصت لأمجد : انزل وراها يا امجد متسبهاش تمشي زعلانه امجد : حاليا لو اتكلمت معاها هنتخانق وهنعِند مع بعض لكن لو سبتها شويه تروق مع نفسها هتبقي تمام وهعرف اكلمها المهم متشغليش بالك انتي نوال برفض : لاء يا امجد انزل كلمها متحسسهاش ان في واحده داخله حياتك تاخدك منها انا مش عايزه اعاديها انا سايبه حياتي اللي فاتت ومشيت علشان حما.تي كانت مطلعه عين اهلي معنديش استعداد اعمل عداوه مع التانيه كمان امجد بغمزه : مع التانيه !… معني كدا انك وافقتي علي علاقتنا موال بصتله ومعرفتش ترد اتنهدت بقوه : معرفش يا امجد جزء موافق وجزء رافض اكيد ابو غزل هيقلب الدنيا علينا تخيل بقا لما يلاقينا هنعمل ايه ؟ امجد : احنا من بكرا هنروح عند محامي حبيبي ومعرفه وشاطر يبدء يمشي في ورق قضية الخلع وبالف سلامه تطلقي ونتجوز بعد شهور العده علطول روقي بالك انتي بس نوال بتردد : مش شايف انك متسرع يعني ما يمكن لما تعرفني اكتر تحس ان مش انا اللي كنت تتمناها زوجه ليك انت راجل متجوزتش قبل كدا مش غريبه ان اول جوازتك تبقي واحده متجوزه ومخلفه كمان امجد ببتسامه : الواحد ملوش سلطه علي قلبه وانا مرتاحلك وشاري وجودك الباقي كله ميهمنيش المهم هنزل اجيبلكم اكل علشان علاج غزل وانتي خدي بالك منها وتابعي الحراره معاها علي ما اجي نوال بصتله ببتسامه : شكرا ممتنه لوجودك فعلا يا امجد ” امجد ابتسملها بحب واضح في عيونه وسابها ونزل بعد ما قفل الشقه عليهم ” ………………………………………. ” امجد قاعد علي السرير مريح وماسك الفون بيقلب فيه ، نهال واقفه قدام المرايه بتحاول تعدل الطرحه ” ادهم بضيق وملل : نهااال بالله العظيم احلف ما احنا ريحين بقالك ساعه ونص بتعدلي في ميتين ام الطرحه نهال بزهق : يا ادهم اصبر مش كل ٣ ثواني هتقول نفس الكلمه ايييه مش لازم اعدلها كويس ” ادهم رمي الفون علي السرير وقام وقف قدامها فضل يحاول يظبط في طرحتها ” نهال بصت في المرايه كانت الطرحه شكلها بسع قالت بضيق : دا اييه يا ادهم دا كانت الاول وهي مش مظبوطه احلي ابعد ان عرفت هلفها ازاي ” وبعد محاولات عدلتها اخيرا ” ادهم بلهفه : يا فرج الله اخيرا يلا ننزل قبل ما تبوظ من تاني نهال بصت علي نفسها في المرايه وهي مبتسمه : شوف مراتك قمر ازاي انا لو منك كنت كل يوم اقوم اصلي ركعتين شكر لله بس هقول ايه البعيد مبحسش ادهم شد ايدها ومشي بيها : من بكرا هقوم كل يوم اصلي ركعتين شكر بس انجزي يلا اب.وس ايدك خلينا نلحق نيجي بدري ” نزل ادهم ومراته وراه ، كان سالم وسلوي قاعدين في الصاله بيتفرجو علي التلفزيون لكن سالم نايم علي رجل سلوي ” ادهم دخل وهما مش واخدين بالهم وقال بمرح : دا انا معملتهاش لسه قوووم يا سالم من علي رجل امي سالم قام وبصله ورفع حاجبها : سكتك خضره يلااا انت ومراتك ادهم بغمزه : اااه بتحاول تفضي الجو ليك علشان تغرغر ب الوليه امي وانتي يا سلوي سكتاله نايم علي رجلك عادي كدا وسكتاله نهال شدت ادهم بالعافيه وطلعو برا : بقالك ساعه بتستعجلني ودلوقتي انت اللي مأخرني بعدين انت مالك هما حرين متبقاش عزول وكمان بايخ ادهم ضحك وهو نازل من علي السلم : حقيقي مهما الراجل كبر بيجي عند مراته ويبقي عيل ويدلع عليها نهال ابتسمت : تعرف ان حبهم دلوقتي اصدق واقوي من حبهم وهما شباب ادهم ركب وهي ركبت جنبه وقال بتأكيد : لما الشخصين يكبرو مع بعض حتي لو مفيش حب بينهم غصب عنهم بيتولد حب وموده واحترام من العشره الطيبه اللي بينهم لدرجة انهم بيكونو مراية بعض شفافين قدام بعض الحب دا حلو اوي بس لما يكون صادق من الطرفين نهال بصتله وقالت : حبيت قبل كدا يا ادهم ” ادهم بصلها وابتسم وهي قالت بإلحاح ” بجد لو اتكلمت مش هزعل ولا اي حاجه احكي احكي ادهم ببتسامه : كنت متكلم علي واحده بس محصلش نصيب بس والله انا متكلمت ابويا اللي اتكلم ودبسني فيها نهال بستغراب : كانت اسمها ايه ومكملتش ليه ؟ ادهم بصلها وضحك ورجع بص لطريق : كانت جميله بنت خالتي كنت انا في السعوديه وابويا كلم ابوها واتحجزت ليا المهم لما شوفتها لقيتها عيله صغيره مراهقه لسه رفضت الموضوع بس بشياكه نهال بفضول : رفضته بشياكه ازاي ؟ ادهم : كلمت ابوها وقولتله انا كبير جدا علي جميله بس انا فعلا مكنتش عايزها اصل انا اللي مربي جميله دي ف مش شايفها غير بنتي مشوفتهاش مراتي ابدا ف ابوها اتفهم وانتهي الكلام واتقدمتلك بعدها يجميل ” وقرب باس خدها برقه ” نهال بصتله بشر : وجميله جت شقتنا حض.نتك يوم ما كانت جايا تبارك ادهم بصلها : بدأناا بقا انتي لسه قايله مش هزعل ولا هضايق ولا اي حاجه وجرجرتي اهلي بالكلام استحملي بقا نهال ضر.بته في دراعه خبطات ورا بعض مع كل كلمه بتقولها : لاء يا بابا هزعل وهضايق علشان دي مش واحده من برا دا بنت خالتك يا محترم ادهم وقف قدام محل حلويات : انزلي انزلي خلينا نجيب علبة جاتوه ” نهال نزلت معاه من العربيه راحو علي محل الحلاويات ادهم اختار علبة جاتوه شيك ، ونهال فضلت تتفرج علي شكل الحلاويات لحد ما عينها وقعت علي البسب.وسه راحت جنب ادهم ومسكت دراعه ” نهال بهمس وقالت بشتهاء : هات حتت بسب.وسه بالمكس.رات من دي ادهم بص علي البسب.وسه وبص لصحاب المحل : وهات طبق بسب.وسه بالمكس.رات كمان يا ريس ” وبص لنهال ” حاجه تانيه ؟ ” نهال هزت راسها برفض وعيونها علي البسب.وسه منزلتش ، ادهم دفع حسابهم واخدهم وراحو علي العربيه ” نهال ركبت واخدت البسب.وسه فتحتها واكلت منها بستمتاع : يا الله طعمهااا تحفه اول مره اكل منها واكون مستمتعه كدا ” ومدت حته لادهم ” دوق كدا ادهم شد ايدها عند شفايفه واكلها : متغرقه عسل مخلي طعمها حلو اكتر سبيها بقاا هنوديها لناس متاكل منها واحنا راحعين نشتري غيرها ليكي نهال برفض : لاء احنا هنديهم الجاتوه بس لكن البسب.وسه ليا انا هنسيبها هنا في العربيه علشان لما اروح اكل هناك براحتي ادهم ببتسامه : انتي بتحبي الحلاويات ؟ نهال بضحك : عمري ما حبيت اي حلو والاخص البسب.وسه مستحيل كنت اكل منها مش عارفه حباها اوي كدا ليه ادهم : عادي انا مش من محبين الجمبري بس احيانا بيهف عليا بطريقه غريبه ” ووقف بالعربيه قدام بيت نهال اللي ابتسمت اوي اول ما شافت منطقتهم المبهجه وحست انها غريبه بقالها كتير اوي عليهم ” راشد كان قاعد علي كرسي قدام السوبر ماركت بتاعهم اول ما شافهم راح عليهم ببتسامه : وانا اقول دكرنس منوره ليه النهارده لو اعرف انكم جايين كنت فرشت البلد ورد نهال باست ايده وحض.نته بشتياق : وحشتني يا راشد راشد ببتسامه : يا بكاشه ما ادهم اخدك مننا وانتهي الموضوع ادهم باس ايده بحترام : محدش يقدر ياخدها منكم يحج والله نهال طلعت علي بيتهم جري : مامااااا يا اهاااالي المنزل انا بجلالة قدري نورت بيتكم بعد غياب طال شهرين نجوي فتحت الباب ببتسامه ولهفه : اييه يا كلبه صوتك عالي ليه جوزك يقول عليكي ايه ” وراحت حض.نتها بقوه ” وحشتيني يا بقره نهال حض.نتها بشتياق : وحشتيني يا ماما مفتقداكي مفتقده البيت واوضتي وكل حاجه ” وبصت وراها ” ادهم فين استني هنزل اجيبه واجي ” ونزلت جري علي تحت كان قاعد مع راشد ” ادهم ادهم بصلها وراح عندها : في ايه ؟ نهال بصت علي ايده بستغراب : فين الجاتوه انت جايبه وطمعان فيه يبني ادهم ضحك : نسيته خالص والله العظيم الجاتوه في العربيه تعالي خديه واطلعي نهال راحت اخدته من العربيه وبصتله : اعملك شاي معانا وناكل معاه الجاتوه ؟ ادهم جاب طاقيه الجاكت اللي هي لابساه وغطي راسها بيه بحنان : بالف هنا علي قلب اللي ياكل اطلعي يلا علشان البرد وانا هقعد مع جدك شويه واجيلك نهال ببتسامه : ماما عامله محشي وبط هجهز الاكل علي ما تطلع اغذيك بدل المكرونه والبانيه اللي قطعت قلبك دول ادهم بضحك : اخاف اخد علي كدا ومتعرفيش تلميني بعد كدا ويلااا اطلعي متفرجيش علينا الناس وانا جاي وراكي ” نهال طلعت وهي مبتسمه لكن وقفت في نص السلم وحست بدوخه بسيطه لكن وجعت راسها فضلت واقفه لحد ما الدوخه راحت كملت طريقها لشقة امها ، امها كانت بتسخن الاكل في المطبخ ” نهال راحت قعدت علي رخامة المطبخ زي عادتها قبل الجواز وقالت بمشاكسه : شوفتيني قاعده علي الرخامه ومزعقتيش يعني ولا قولتي هتكس.ري الرخامه يا عجله ايه الحنيه دي بقااا نجوي بصتلها ببتسامه : لو اعرف ان بعد جوازك هبقي وحيده اوي كدا مكنتش وافقت علي جوازك يا نهال الكل معايا وجنبي بس انا نصي الاساسي ناقص اللي هو انتي نهال ابتسم علي كلام امها وقامت حض.نتها : طلع الجواز مسؤليه زي ما كنتي بتقولي مطلعش لما يجوع هرقصله يا نوجا نجوي ضحكت : انتي عامله ايه انتي وادهم وامه عامله معاكي ايه نهال بتنهيده : ادهم كويس جدا معايا مبزعلنيش ابدا ولا اهله كلهم كويسين وشايلني من علي الارض انا مش عيزاكي تشيلي همي انا كويسه والله ” وغمضت عيونها بقوه وحست بنفس الدوخه ” يمكن علشان اكلت مسكر كتير نجوي بستغراب : مالك دايخه ولا ايه خدي كُلي حتت المخلل دي كدا ” وجابتلها حتت زتونه ” انتي مبتاكليش ولا ايه نهال ببتسامه : باكل والله بس بعمل مجهود كبير الفتره دي نجوي بغمزه : احب انا المجهود دا ربنا يعينكم انتو الاتنين نهال بصرخه مكسوفه : لااااء انتي فهمتي غلط انا اقصد ان نضفت الشقه وشيلت السيجاد وكنست تحته والشقه كبير ف اتهديت نجوي بغمزه : والمجهود التاني اخباره ايه نهال اتكسفت جدا : تصدقي انا غلطانه ان بتكلم معاكي والله بجد نجوي بهمس : يابت مش بطمن عليكي ليكون الراجل مخلوع مش تطمنيني كدا نهال بضحك : لاء يا اختي اطمني جوزي زي الفل الله يحميه واسكتي بقاا علي ما اروح انادي تغريد علشان عيزاها ” ادهم طلع ونهال قابلته وراحو وقفو في البلكونه ، ابتسامة نهال مراحتش من علي وشها بتحكي كل حاجه بحماس وفرحه عكس ما هي في البلد طول الوقت ساكته تايهه وقتها عرف ان نهال تنتمي لهنا مش لهناك ودا خلي ادهم يغير غصب عنه ” ادهم بندفاع : ليه حبه كل حاجه هنا وليه مبتسمه وفرحانه كأنك في الجنه اشمعنا انتي مش في البلد كدا ؟ نهال سكتت شويه وقالت : علشان ببتسامه انا فعلا حسه هنا كأني في الجنه كل واحده شايفه بيت اهلها قصر رغم بساطه ومهما ارتاحت في بيت جوزها هتفضل مفتقده الدفا والحنان اللي في بيت اهلها نجوي جت من وراهم : يلاا يا ادهم انت ونهال الاكل جهز يا حبايبي ادهم ببتسامه : تسلم ايدك يا ست الكل كلفتي نفسك والله نهال مروقه عليا كل يوم مكرونه وبانيه وحاجه تفتح النفس يعني نهال بغيظ : علي فكره في بنات مبتعرفش تعمل المكرونه والبانيه دول ادهم قعد علي السفره : حصل يحبيبتي حصل اقعدي بقا كُلي علشان الاكله دي مش هتتقرر غير كل فين وفين اتغذي كويس ” نهال قعدت وفضلت هي وادهم ياكلو وادهم يأكل نهال في بوقها بحنان ، نجوي متابعه حنان ادهم وحبه لبنتها ابتسمت عليهم واتمنت حياه سعيده ليهم ” نهال كانت بتاكل ومستمتعه بالاكل لكن فجأه قرفت جدا : ادهم انا مش قادره بجد اكل لقمة زياده ادهم مد معلقته ليها : افتحي بوقك كُلي دي اخر لقمه ريحيني ياستي وقومي ” نهال قامت فعلا بس قامت علي الحمام وكل الاكل اللي اكلته رجعته من تاني ، ادهم اتخض عليها جدا وقام وراها هو امها ” نجوي بصت لأدهم اللي واقف قلقان : يارب احساسي يطلع صح ونقولكم مبروك يا ادهم ادهم بصلها بغباء : تقصدي انها ممكن تكون حامل ! نهال طلعت وبصتلهم بتعب : مستحيل اكون حامل انا عارفه ادهم بص لنهال بغضــ,,ـب ولنجوي بإحراج وقال : “” انتظرو القادم “” الفصل العشرون 20 ادهم بص لحما.ته وحاول يبرر كلام نهال : هي تقصد يعني انها مستحيل تكون حامل مش مصدقه نفسها يعني نهال طلعت وبصتلهم الاتنين وقالت : البط بتاعك دا زفر هو اللي قلب معدتي بشكل دا لكن انا مش حامل ولا حاجه لو حامل كنت حسيت نجوي بسخريه : حسيتي ايه اكتر من كدا هو في احساس امر من كدا بيتحس وانا معرفش نهال بصت لأدهم وبلعت ريقها : انا اكلت مسكر كتير يمكن تعبت منه لكن مش حامل اكيد انا لسه متجوزه من شهرين الا ايام يا جــ,,ـماعه نجوي بسخريه وهي بطبطب علي ضهرها : شهرين الا ايام !.. دا انا حملت فيكي في من الليله الاولي بعدين انتي مضايقه ليه هو حد طايل يكونله حتت قشطه صغيره كدا نوال قعدت علي الكنبه بضيق وقالت : يا ماما الكليه هعمل فيها ايه وادهم هيسيبني ويسافر وهبقي لوحدي وقتها هعمل ايه لوحدي مع طفل نجوي قعدت جنبها وقالت بستغراب لتفكير بنتها : وهو احنا كنا نعرف ايه عن تربية العيال ما كلنا اتجوزنا وحملنا وخلفنا وكل مرحله بتعدي كنا بنتعلم منها وبنقول هي دي الحياه بلاش دلع اعملي تحليل دم وشوفي لو حامل احمدي ربنا علي ليكي متعترضيش علي مجايب ربنا وخليكي عاقله ” ادهم بصلها وجواه زعلان جدا منها عمره ما تخيل ان مراته تبقي رافضه حملها منه بالشكل دا ، اكتفي بإنه قام قعد في البلكونه من غير ما ينطق حرف واحده ” نجوي بصت علي ادهم واتأكدت انه مش شايفها ومسكت دراع بنتها جامد وقالت بهمس غاضب : ايه اللي انتي بتعمليه دا يابت بتتكلمي بزعل انك حامل من جوزك ولا هامك زعله ولا ضيقه تحرجيه قدامي كدا نهال حست بوجع في ايدها من مسكه امها ليها وقالت بوجع واضح : سيبي دراعي بس … وبعدين هو مزعلش ولا حاجه انتي بتتكلمي بنيابه عنه ليه نجوي : يابنتي انا خايفه عليكي الراجل ليه طاقه علي افعال مراته ومهما كان بيحبها ممكن بسبب تصرفاتها يكرهاا نهال بحيره : اعمل ايه يعني يا ماما انصحيني بحاجه ؟ نجوي بهدوء : علشان علاقتك تكون ناجحه بجوزك حاولي تنظمي وقتك علي حسب وقت جوزك شوفي جوزك بيصحي امتي اصحي معاه اعملي فطار رايق كدا وروحي صحيه وافطرو سوا مع كلمتين حلوين نهال بلوية بوز : ايه المحن دا بالله بفضل جعانه علشان مكسله اقوم اعمل اكل وانتي تقوليلي اصحي بدري جهزي فطار مع كلمتين حلوين نجوي خبطتها في ايدها : ما هو المحن دا مبيحبوش قده وبعدين هو انتي بتعملي لحد غريب دا جوزك ما موكوسه حسسيه انه ملك في بيته كل شويه غيري لبسك متلبسيش حاجه واحده في اليوم جننيه العبي معاه اشوقك ولا ادوقك خليه ديما يفكر فيكي نهال بتفكير : نجوي افرض طلعت حامل هعمل ايه الكليه نجوي : عادي انتي كليتك ٣ ايام في الاسبوع روحيهم وعندك ٤ ايام ترتاحي فيهم وكدا كدا جوزك مسافر يعني هتبقي براحتك نهال : ماما انا مش مقتنعه لحد دلوقتي ان ادهم هيسيبني ويسافر قوليلي هتعامل ازاي مع اهله لوحدي ” وقالت بصوت واطي ” وبالاخص امه نجوي قرصتها بحيث تسكت وقالت بهمس : انا هقوم اعملكم كوبايتين شاي وانتي روحي صالحي جوزك قووومي اخلصي ” نهال فعلا قامت راحت علي البلكونه كان ادهم طلع سجاره وبيدخن فيها نهال فضلت تبصله كتير ” ادهم بصلها برفع حاجب : هتفضلي بصالي كتير ؟ نهال وقفت جنبه بستغراب : من امتي وانت بتدخن تقريبا دي اول مره اشوفك بتدخن فيها ادهم دخن اخر نفس في السجاره : عادي كل فتره بشرب بعض واحده كدا …. حلوه البلكونه عندكم نهال ببتسامه : في الصيف اجمل كمان كنت اقوم من النوم افتحها تدخل شمس الاوضه تحس بنشاط حتي لو انت كسلان ادهم بصلها شويه بعدين اتنهد بقوه : نهال انتي عارفه ان كل راعي هيتسأل علي الراعيه بتاعته يوم القيامه بمعني الأم هتتسأل علي اولادها لو واحد مربي شوية فراخ هيتسأل عليهم علشان كدا لازم نراعي ربنا في الحاجه اللي احنا مسؤلين بيها نهال بعدم فهم : مش فاهمه تقصد ايه بكلامك دا يا ادهم ؟ ادهم : لو ربنا كرمك بحمل راعي ربنا فيه واعملي كل اللي تقدري عليه علشان يجي الدنيا علشان هتتسألي عليه يا نهال نهال بصدمه : انت متخيل ان لو انا حامل ممكن اعمل حاجه تخليني اجهض ؟ … بجد مش مصدقه انت لدرجادي مش واثق فيا ادهم برفض : الحكايه مش حكاية ثقه رفضك لموضوع الحمل مخليني مقلق نهال هزت راسها بعدم تصديق : لالاء انت مش واثق فيا في ابسط امر امال لما تسيبني وتسافر هتعمل ايه وانا هبقا مسؤله عن بيتك وعن فلوسك وعن شرفك مفكرني هحاول اسقط نفسي وا.. روح وهي جزء مني ادهم : مين اللي وصلني لكدا هاااا مين مش انتي ؟ كل ما نجيب سيرة الحمل تتكهربي لدرجة انك بتحاولي علي قد ما تقدري مقربش منك حتي لو بتعملي دا من غير ما تحسسيني انا حاسس و.فاهم وبعدي بمزاجي لكن في جزء من الثقه فيكي مهزوز وبسببك انتي نهال دموعها نزلت من كلامه فضلت بصاله كتير بعدين مسحت دموعها : وليه تعيش مع واحده مش واثق فيها دا انا طلعت وحشه في نظرك اوي ادهم بسخريه : يلا طلعي نفسك الضحيه وطلعيني ابن ستين كلب قاسي وجاحد وغلطانلك نهال : ولا غلطانلي ولا غلطنالك يا ادهم ولا انا اول ولا اخر واحده في الدنيا غيري كتير يتمنوك يعم مش واثق فيا يبقا كل واحد يروح لجنب اللي يريحه ادهم : في واحده تقول لجوزها في غيري كتير يتمنوك اييه بتطلبي الطلاق بس بطريقه شيك ؟ نهال بزعيق : انت عايز اييييه ليه كل ما بحاول اقرب منك تعمل حاجه ترجعني لنقطة الصفر من تاني انا فعلا بكامل عقلي بقولك انا مبحبكش ولا بحب لمستك ولا نظرتك ليا ولا بحب بلدكم حقيقي انت الغلطه الوحيده اللي في حياتي يا ادهم ” ادهم من شدة صدمته فيها من كلامها مبقاش عارف ينطق فضل باصص ليها وحس ان دموعه عايزه تنزل ، هو محتاج حد يحتويه خد يحسسه انه اهم شهص في حياته ومحتاج كل دا من مراته ، لكن هو عملها ايه وحش يخليها تقوله كدا ” ادهم بهدوء : وانا من الدقيقه دي بقولك يا نهال بو روحي فيكي مش عايزك خليكي بقا في بيت اهلك اللي بتحبيه وعيشي الحياه اللي تعجبك ” وقام سايها وفتح باب شقتهم وقفه صوت نجوي ” نجوي : رايح فين يا ادهم تعالي اشرب الشاي الاول يحبيبي بعدين انزل براحتك ادهم ابتسملها : بالف هنا علي قلبك يا ست الكل همشي انا وبإذن الله مره تانيه هشرب الشاي من ايدك ” ونزل علي تحت ركب عربيته ومشي بيها ” ” نجوي استغربت هو مشي وساب نهال ليه ولا ايه اللي حصل دخلت علي بنتها البلكونه كانت قاعده علي الكرسي باصه لشارع وبس ” نهال من غير ما تبص لأمها : لو هتقولي كلمه تتعب فيا اسكتي علشان والله العظيم انا مكتفيه نجوي حطت الشاي قدامها : اتخانقتي انتي وجوزك ؟ نهال بدموع : دا حيوان معندوش احساس بيقولي انتي تعرفي ان كل راعي هيتسأل علي راعيته يوم القيامه نجوي بستغراب : طيب الراجل قال ايه غلط ؟ نهال بضيق ودموعها نازله : هو ميقصدش يعرفني كَ معلومه هو مفكر ان ممكن احاول اسقط نفسي متخيله تفكيره واصل لفين بقولي بتحاولي تتهربي مني علشان مقربش منك وانا والله العظيم ما في مره جيه يقرب مني رفضته ولو في عز تعبي دا يرضيكي نجوي سكتت معرفتش تقول ايه بعدين قالت :اللي بينك انتي وجوزك انتي اللي تعرفيه لوحدك انا مليش غير ان انصحك واقولك جوزك ابن ناس وشاريكي بلاش تضيعيه من ايدك الواحده تستحمل الهم مع جوزها ولا يتقال عليها انها مطلقه واحنا في عيله مبتغلطش الراجل يا نهال وانتي عارفه نهال بعياط : يعني ايه استحملي هم جوزك ولا يوم ياقالك مطلقه افرض جوزي مد.من ولا مبيفهمش ولا بيمد ايده عليا استحمله لحد ما امو.ت ! نجوي : انتي عماله تفرضي ليه جوزك ولا مد.من ولا بيمد ايده عليكي ليه بقا تفضلي تبني اوهام في دماغك نهال بضيق وهي بتمسح دموعها : لاء مد ايده عليا مين قالك انه ممدش شدني من شعري لحد ما البنسه اتغرزت في راسي عورتني حتي بصي ” وقلعت الطرحه وفكت شعرها توريها التعويره ” التعويره في راسي اهي شيفاها نجوي بصت في راس نهال شافت الخبطه قالت بتكشيره : ليه كدا ليه يعورك بشكل دا ؟ نهال عدلت شعرها وبصتلها : ابقي اسأليه بقا ايه اللي خلاك تضر.ب مراتك لدرجة انك تعور راسها كدا نجوي زعلت جدا من ادهم انه ضر.ب بنتها : ادخلي خدي اي قميص من عندي وغيري هدومك لما نشوف ايه حوار الضر.ب دا كمان نهال بصت لشارع : لاء مش داخله عايزه اقعد لوحدي هنا شويه وعايزه اشرب سحلب بالمكس.رات ” وخطت ايدها بصدمه وعيطت اووي ” علبة البسب.وسه بتاعتي اخدها ومشييييي نجوي بصدمه : في اييه يا بت بتعيطي علي علبة بسب.وسه ؟ نهال مسحت دموعها وقالت بشهقات : معرفش بس انا تعبانه نفسيا انا مش حابه هناك يا ماما مبحبش الشقه ولا بحب البيت تحت ولا بحب الناس ولا البلد كلها انا عايزه ارجع اوضتي تاني علشان خاطري مش عايزه ارجع هناك تاني نجوي حض.نت بنتها بقوه وقالت : بس اهدي اهدي انا معاكي اهو وانتي في شقتنا واوضتك وكل حاجه موجوده بس عيب اللي انتي بتقوليه دا عيب يا نهال نهال : محدش حاسس بيا انا منتميش لهناك والله بلد قديمه مفيش هناك سوبر ماركت مفيش مكان تتمشي فيه مفيش قهوه حتي تشمي فيها هوا الهوا كل اللي هناك اراضي وبقر وفرن قش وحياه انا عمري ما تخيلت ان اعيشها نجوي وهي بتحسس علي شعر نهال : مش هتتعودي علي هناك في يوم وليله هتفضلي شويه لحد ما تتأقلمي وتحبي هناك وبكرا اقولك تعاليلي شويه ينهال تقوليلي لاء مبرتحش غير في بيتي نهال بعدت عن امها وهي بتهز راسها : مستحيل الحياه هناك وحشه وصعبه دا كفايه الريحه اللي بتهف عليكي من الزريبه وانتي نايمه كفيله تصحيكي ترجعي علي اللي في بطنك مستحيل ارجع هناك حتي لو همو.ت ” وقامت دخلت علي اوضتها اللي وحشتها جدا رميت جسمها علي السرير وهي مش مصدقه انها علي سريرها اللي وحشها جدا ، غصب عنها دخلت في غيبوبه من النوم وهي مش حاسه اصلا ” ……………………………………… ” ادهم قاعد في عربيته في مكان قريب من بيت نهال مضايق جدا منها لكن برضو مغلط نفسه ، هو بيحبها واتعود علي وجودها في حياته مش متخيل يروح البيت ميلاقيهاش موجوده ، تلقائي شغل عربيته وراح علي بيتها ” ” ادهم نزل من عربيته طلع علي بيتهم علطول ورن الجرس ” نجوي قامت فتحت وقالت بترحاب : تعالي يا ادهم ادخل ادهم ببتسامه : عارف ان داخل طالع كتير بس اعذريني انا عشمي فيكي زي ولدتي والله نجوي بزعل : والله عيب الكلام اللي انت بتقوله دا يا ادهم البيت بيتك يا حبيبي ادخل تعالي من البرد ادهم دخل وقفل الباب : نهال فين ؟ نجوي بتنهيده : مو.تت نفسها من العياط في البلكونه بعدين دخلت اوضتها روحت ابص عليها لقيتها غرقانه في النوم ” ادهم لسه هيدخلها اوضتها وقفه صوت نجوي ” براحه عليها يا ادهم نهال احن خلق الله هي عنيده شويه بس قلبها طيب والله ادهم ببتسامه : الطيبات لطيبين يا ام نهال وانا طيب وقلبي صافي وكنت عارف ان ربنا هيوقعني في وحده بنت حلال وطيبه زيي لكن العِند اللي فيها دا مش عارف اعمل معاها ايه نجوي ببتسامه : ربنا يهدي سركم يابني ويهديها ليك ادخلها هي في الاوضه جوا ” ادهم دخل اوضتها وهو مبتسم ولكن جواه زعلان انه زعلها ، كانت نهال نايمه بلبس الخروج ونايمه بعمق وراحه علي سريرها ، قرب من السرير وحط ايده علي خدها فقامت مفزوعه ” نهال بنوم : ايه الهزار البايخ دا يا ادهم حد يصحي حد كدا ” ورجعت شعرها لورا وقالت بإدراك ” انت جااااي تعمل ايه هااا لسه في كلام مقولتوش جاي تقوله وتمشي هااا ردد ساكت ليه ادهم حط ايده علي بوقها جامد وقال بغيظ : اكتمي طيببب واديني فرصه علشان ارد ” وبص في عينها ” انا جيت علشان مش متخيل حياتب من غيرك حقيقي لو دخلت البيت ومكنتيش فيه مش هعرف اقعد دقيقه ولما تخيلت ان هبقي لوحدي لما اروح لقيتني غصب عني جاي عندك هنا نهال شالت ايده من علي بوقها : اااه يعني انت جاي علشان انا ونس بنسبالك مش جاي علشان تصالحني مثلا ادهم بحب : اطلبي عيوني مش هتغلي عليكي هشيلها واديهالك ينهال انتي مش بس ونس انتي ونسي وونس البيت وحبيبتي اللي بحبها من كل قلبي مش بقولك الكلام دا علشان اصالحك بس انا فعلا بحبك نهال جواها اتأثر بكلامه وحست انها بدأت تميل ليه فقالت بعتاب : هتقوم تقولي ان جواك جزء فاقد الثقه فيا يا ادهم ازاي بتحبني وانت مش واثق فيا ؟ ادهم رجع شعرها لورا بحنان : انا مكنتش اقصد ان فاقد الثقه فيكي بالعكس انتي الوحيده اللي في الدنيا بثق فيها انتي مرايتي بكون قدام مش مكسوف لكن ممكن يكون خاني التعبير في كلامي يا نهال لكن عمري ما افقد ثقتي فيكي دا انا ثقتي تكبر اكتر لما الاقي جواكي حته مني ومنك نهال بعتاب : وانت تفتكر لو انا حامل ممكن افرط في اللي في بطني يا ادهم ؟ ادهم مسح دموعها وقال بحب : مستحيل افكر فيكي كدا بس انا فعلا خاني تعبيري حقك علي قلبي يا نور عيني ” وباس راسها بكل حب ” بتحبيني يا نهال جاوبي عليا لو اه هتبقي سلطانة قلبي لو لاء هيبقا اختيارك وهسيلك تعيشي الحياه اللي تريحك نهال حض.نته وعيطت اكتر : بحبك وبمو.ت فيك ومقدرش اعيش من غيرك ادهم حض.نها وفضل يطبطب عليها بحب : قومي يلا نروح بيتنا نتعاتب في اوضتنا علي سريرنا براحتنا قومي ” وقرصها من وسطها ” نهال مسك ياقة قميصه بدلع : لاء مش عايزه اروح عايزه ابات هنا عند ماما بس مش لوحدي انا وانت ” وشديته عليها من ياقته ” ادهم برفع حاجب : انا وانتي ونبات هنا في جمله واحده ؟ نهال هزت راسها : ايوا هنبات هنا ونمشي بكرا ” وقالت برجاء ” بالله عليك مترفضش علشان خاطري ادهم بإحراج : يابنتي بطلي هزار نبات هنا ازاي ومامتك قومي يا نهال الله يرضي عنك خلينا نروح يلاا نهال برفض : ابدا والله هنقضي اليوم هنا وبكرا نروح ودا قرار مفيش فيه نقاش يلاا هجيبلك حاجه تنفعك من عند ماما ادهم بدهشه : حاجه تنفعك من عند ماما انتي عبيطه يابت انتي ” ومسك ايدها ” تعالي هنا حاجة ايه اللي هتجبيها انا لو فضلت هفضل بلبسي كدا نهال ابتسمت : في الحالتين انت قمر ” وقالت بتردد ممزوج بتوتر ” ايه رأيك تنزل تشتوي اختبار حمل ونشوف ادهم جواه ابتسم اوي وفرحته دي بانت علي وشه : اللي يريحك هنزل حالا اجيبه واجي نهال بلهفه : وهات البسب.وسه معاك اوعا تنساها وهات كمان اي حاجه بطعم بالخل والملح المهم هات حاجه حامضه و هات كمان ” وقالت بتفكير ” بص استني البس الطرحه وانزل معاك ادهم برفع حاجب : هتنزلي معايا ليه قوليلي اللي انتي عيزاه وانا هجيبه السوبر ماركت في وش القهوه عندكم هنا مش حابب انا حد يشوفك نهال بغمزه : بتغير عليت يا دوووومي ؟ ادهم : ايه يابت التناحه دي مااالك كدا النهارده اسمتي انا جيباك علي ذوقي واجي ” ونزل علي تحت ” …………………………………. ” نوال فاقت من النوم وهي متعرفش نامت بالعمق دا ازاي بصت جنبها ملقتش غزل قامت بخضه وطلعت علي برا ” نوال بصوت عالي : غزل غزل فين.. ” كان امجد قاعد وغزل علي رجله بيتفرجو علي الفون ” بتعملو ايه ؟ ” امجد بص عليها كانت لابسه بجامه نوعا ما مجسمه جسمها وشعرها مقصوص ومش متظبط لكن محليها وشيك جدا عليها ” غزل بصتلها : انا وعمو امجد بنتفرج علي فونه هو جيه من شوية وانت فتحت الباب ليه وانتي كنتي نايمه نوال بإحراج : نمت من الارهاق محستش بنفسي نهائي امجد بص للأرض وقال : ولا يهمك المهم تكوني ارتاحي ولو شويه في اكل جوا في المطبخ كُلي واشبعي ” نوال هرشت في شعرها وهنا ادركت انها بالبجامه وشعرها اتمنت الارض تنشق وتبلعها بمعني الكلمه ودخلت علي الاوضه في لمح البصر ” نوال بهمس : غبيه غبيه الراجل عمال يبص في الارض والسقف علشان تفهمي وانتي بقره واقفه مش فاهمه حاجه ” ولبست اسدال وطلعت علي برا ” احم امجد بكرا بإذن الله بكرا في المدرسه .. امجد بمقاطعه : بصي خلاص انسي انك هتروحي المدرسه تاني انتي وغزل مسؤلين مني من دلوقتي نوال برفض : لاء طبعا يا امجد انا هاجي المدرسه وهشتغل وقصاد شغلي هتدينب مرتب والمرتب هتاخد منه ايجار الشقه دي يا كدا يا همشي وحياة بنتي امجد اتنرفز انها حلفت بحياة غزل : بعد كدا لو حصل بينا نقاش وحلفتي بحياة غزل والله لزعلك مني تمام نوال ابتسمت وقالت : تمام بعدين انا بحب الحضانه والاطفال بكون مستمتعه وانا معاهم امجد فضل باصص علي ملامح وشها الهاديه وركز علي النمش الخفيف اللي في وشها قال بكل تلقائيه : انا ليه مقابلتكيش من البدايه ليه تقابليه هو ؟ نوال ببتسامه : يجوز لو كنت قابلتك قبله مرتحش معاك لكن لكل شيئ اوان امجد ببتسامه : بيقولك الطيور علي اشكالها تقع بقااا نوال : الطيور علي اشكالها تقع وانا مكنتش شكله امجد : هتبقي شكلي ومحور حياتي هطلع منك برنسيسه بس الصبر المهم دلوقتي ادخلي كُلي وانا لازم امشي دلوقتي والصبح هعدي عليكم اتفقنا يا غزول ” وباس خد غزل ” غزل ببتسامه : اتفقنا هشوفك في الحضانه زي كل يوم ” امجد مشي من عندهم ونوال فضلت قاعده شويه تفكر في اللي جاي لحد ما زهقت قامت راحت علي المطبخ والجرس رن وقتها نوال اترعبت مين اللي ممكن يجي دلوقتي ” نوال حطت ايدها علي قلبها وفتحت الباب : “” انتظرو القادم “” الفصل الواحد والعشرون 21 نوال فتحت الباب وهي ملامح وشها مخضوصه فتحت واتنهدت بقوة : يا الله منك يا امجد وقفت قلبي ، امجد باستغراب : وقفت قلبك ليه ومال وشك مخطوف كدا ليه ؟ نوال تبرير وهي حطه أيدها علي قلبها : يعني من غير تحوير أنا فكرت أن حد من البلد عرف مكاني فَ خوفت مش اكتر ” وقالت بستفسار ” انت رجعت ليه ؟ امجد ابتسم : نسيت مفاتيح العربيه بعد ما نزلت ملقتهاش في جيبي بعدين مش عايزك تخافي المكان هنا امان ومحدش يعرف يقربلك طول ما أنا موجود خليكي واثقه فيا ” نوال ابتسم وهزت رأسها بموافقه وأمجد اخد مفاتيح عربيته ونزل علي تحت وهي قفلت علي نفسها كويس ” •••••••••••••••••••••••••••••••••• ” ادهم قاعد في البلكونه علي كرسي وساند رجله علي السور ونهال جنبه علي كرسي و الاتنين قاعدين بصمت تام ” نهال بقلق : ادهم يدوب اقوم اشوف الاختبار ولا استني شويه كمان ؟ ادهم بدهشه : المفروض أن نستني ١٠ دقايق عدي منهم ٣ دقايق في كل دقيقه عدت سألتي نفس السؤال اصبري ياحبيبتي اصبري نهال قامت وقفت بعدم صبر : طيب جينا قعدنا هنا ليه كنا فضلنا جنبه يا ادهم ولا انت الموضوع مش فارق معاك اصلا ادهم غمض عينه بصبر : تقلباتك المزاجيه دي مخلياني مش محتاج استني عشر دقايق علشان اتأكد انك حامل أنا كدا كدا متأكد من الحمل دا والله العظيم نهال بستغراب : مش فاهمه انت بتقول ايه صوتك واطي المهم دلوقتي قوم معايا نقعد جنب الاختبار علي ما يكمل ” ادهم اتنهد بقلة حيله وراحلها وقف جنبها ، نهال مسكت الاختبار وبصتله بتركيز ” نهال بصت لأدهم بستغراب : الاختبار خط واحد يا ادهم دا معناه أن مش حامل ؟ ادهم ابتسم بحزن داخلي : افرحي ياستي كدا مش حامل ممكن تكوني اخدني برد في معدتك وبسببها رجعتي خير انشاء الله ” وراح قعد في البلكونه بكل هدوء ” نهال بصت علي الاختبار وبصت علي ادهم بحزن اتنهدت بقوه وراحت قعدت جنبه : انت زعلت أن الاختبار طلع سلبي ؟ ادهم من غير ما يبصلها : هزعل ليه دي حاجه بتاعت ربنا مينفعش اعترض عليها نهائي وكل تأخيره وفيها خير بإذن الله نهال ابتسمت وسكتت بعدين اتكلمت : علي فكره كنت اتمني يكون فيه حمل ادهم بهدوء : احنا مش اخر الدنيا العمر قدامنا طويل ولو مفيش حمل الاجازه دي تبقي الاجازه التانيه وخير ياحبيبتي نهال قلبها اتقب.ض لما سمعت سيرة السفر : ادهم متسافرش وتسيبني أنا عيزاك تفضل معايا مش عيزاك تسافر انا فعلا مش هقدر اكمل من غيرك ادهم بابتسامه : طيب ولما افضل هنا مسافرش اعمل ايه في شغلي ومصنعي هناكل ونصرف منين بقا نهال مسكت ايده : صفي شغلك هناك وزي ما بدأت من الصفر هناك البدء هنا وانا هفضل جنبك وهدعمك بس خليك جنبي ادهم يص قدامه وقال بحيره : ينهال الموضوع مش بسيط زي ما انتي مفكره هخسر كتير لو فكرت افض الشراكه اللي بيني وبين شريكي في المصنع وكل دا هيأثر عليا في الحالتين مش هينفع نهال بضيق : يوووه ادهم من الاخر أنا مش هخليك تسافر اتصرف بقا ادهم حض.نها من كتفها وضحك : يابنتي أنا محتاج تشجيع علشان اسيبك واسافر راعي ظروفي شويه الله يكرمك العمليه اصلا مش محتاجه كسل أنا لوحدي كسلان اقسم بالله نهال نامت علي كتفه : اتخيل أن اصحي من النوم متكونش جنبي ولا حاضني زي كل يوم تخيل اطلع البلكونه اشرب نسكافيه لوحدي من غيرك بالله التخيل نفسه بيزعلني “ادهم بصلها شويه وهو مركز علي شفايفها وحركاتهم مع كلامها تلقائي قرب منها وباسها بكل رقه فضل يب.وسها شويه ، بعدين نهال بعدت بكسوف ” نهال بصت للأرض بتوتر وكسوف : احنا في البلكونه وكمان في بيت ماما مينفعش يا ادهم ادهم بضيق : مشتقالك جدا المشكله ان هنا فعلا مينفعش كان هيحصل ايه لو روحنا بيتنا ينهال حقيقي مبعرفش انام برا بيتنا نهال : يا ادهم هو يوم طول بعرض هيتقضي وخلاص تعالي ندخل جوا علشان أنا حرفيا تلجت من البرد ادهم قام وقف وهو ماسك ضهرك : الاه ياني يا ضهرك اللي وجعك يا ادهم نهال خبطت علي ضهره بمرح : سلامة ضهرك يا قرة عيني ادهم ضحك علي أسلوبها : كوباية قهوه من ايدك السكر دي بقا وتبقا كدا فل الفل معايا نهال بغمزه : مقابل كوباية القهوه دي ايه بقا ؟ ادهم بغمزه : يباشا أنا كلي ليك شاوري بس وانا شبيك لبيك نهال ضحكت اوي : استني هعملك القهوه واجي اقولك المقابل ” وراحت علي المطبخ ” ••••••••••••••••••••••••••••••••••••••••••••••• ” صلاح قاعد في الشارع بيشرب سجاره ودماغه هتتفرتك من التفكير ، لدرجة أنه محسش بأبوه اللي قعد جنبه ” سالم بهدوء : قاعد في الضلمه ماشي إنما في التلج اللي في الشارع دا يبقا انت فقدت الاحساس يعم صلاح صلاح بصله بنتباه : والله يبا الواحد فقد نفسه مش إحساسه بس عمري ما كنت اتخيل أن نوال تسيبني وتمشي عمري ما تخيلت يبا دا كانت روحها فيا سالم بابتسامه : يابني القسااا بيولد الكرهه يعني أنا علشان ضامن وجود حد وواثق أنه بيحبني ومش هيتخلي عني اقوم اعمل كل حاجه تخليه يتخلي عني بقا دا اسمه كلام يصلاح ؟ صلاح بزعل : اعمل ايه كنت فاكر أن كدا بخليها تحترمني مكنتش اعرف انها كل يوم حبها ليا بيقل وبصغر في نظرها سالم : الإهمال اكبر دليل علي انك بترفض وجود الشخص في حياتك بس بطريقه شيك يا صلاح ” صلاح بص لأبوه بعدين بص قدامه وهو حاسس ومدرك حجم الخساره اللي خسرها ” ••••••••••••••••••••••••••••••••••••• ” صباح نهار جديد بارد للغايه ، نهال كانت نايمه مكشره وشها بسبب الحموضه اللي هي حسه بيها ، صحيت بصت علي ادهم اللي نايم بعمق قامت وراحت علي الحمام فضلت ترجع بوجع ” نهال طلعت من الحمام وبصتله بضيق : ادهم اصحييي انت ناااايم ” وصوتت ” ادهم قام بفزع بصلها : بسم الله في ايه يابنتي بتصوتي علي الصبح ليه ؟ نهال وهي ماسكه بطنها : بطني وجعاني اوووي وتعبانه وانت نايم ولا همك اييه البرود اللي انت فيه دا يجدع ادهم قام وقف وراح عندها ومسح وشها وباس رأسها : مالك ياحبيبتي في ايه صاحيه بطنك بتوجعك ليه ؟ نهال رمت نفسها في حض.نه وقالت : معرفش حسه أن جسمي همدان وبطني بتوجعني والله يا ادهم حسه أن حاجه بتتحرك في بطني ادهم بحنان : طب يلا قومي البسي وخلينا نروح عند الدكتور نشوف مالك يحبيبي نهال هزت راسها : لاء مش عايزه اروح مكان عايزه انام في حض.نك وبس ” ادهم مستنهاش تكمل الجمله وشالها وراح بيها علي السرير نيمها في حض.نه بحنان وباس راسها ” نهال وهي نايمه في حض.نه : أنا عمري ما حسيت ربع احساس الأمان اللي انا فيه دا يا ادهم عندي استعداد اعيش حياتي كلها في حض.نك وبس ادهم حض.نها بقوه : صدقيني حض.نك بنسبالي دوا يا نهال ” ورفع وشها ليه ولسه هيب.وسها امها خبطت علي باب الاوضه ” نجوي : نهال لو صاحيه تعالي انتي وادهم علشان تفطرو يلا ياحبيبتي قبل ما الأكل يبرد نهال بصوت عالي : حاضر يماما جايين اهو ” وبصت لأدهم المبتسم ” ادهم : احنا هنفطر ونمشي علطول مش هنقعد اكتر من كدا اتفقنا ؟ نهال ببتسامه : حاضر والله هنفطر ونشرب الشاي ونروح علي بيتنا وحشني سريري والبطانيه بتاعتي نجوي خبطت تاني : يا بت ينهال اطلعلو افطرو الاكل هايبرد والبيض لما يبرد بيزفر نهال ضحكت وقامت : قووم يلا بس خلينا نفطر قبل ما نجوي تدخل تروقنا يلااا ” وفتحت الباب ” ايييه يا نجوي عامله دوشه علي الصبح ليه نجوي بصت لأدهم اللي واقف ورا نهال محروج : والله يا ادهم احراجك الواضح عليك دا مخليني محرجه منك اقسم بالله ادهم بابتسامه : يعني أنا بالله هتحرج من ايه والله العظيم أنا معتبر نفسي في بيتي ” نهال بصت علي البطاطس المقليه وراحت قعدت وفضلت تاكل من البطاطس بشهيه مفتوحه ” نجوي لأدهم : اختبار الحمل طلع إيجابي زي ما قولت صح ؟ ادهم : لاء للأسف طلع سلبي المشكله ان كل الاعراض اللي عندها اعراض حمل يا امي والله ” وضحك بخفه ” نجوي بستغراب : مين اللي مش حامل يا ادهم وريني الاختبار دا كدا ” ادهم راح جاب الاختبار ونجوي بصت فيه ” نجوي بصت لأدهم وقالت : ٢٢__٢٤ الفصل الثاني والعشرون 22 ” ادهم بقا كل تركيزه علي اختبار الحمل اللي من بليل لصبح أصبح خطين واضحين جدا ، نجوي ابتسمت وبصت لبنتها وبصت لجوز بنتها اللي واقف مدهوش ” نجوي بابتسامه : ربنا يكمل حملها علي خير الف مبروك يا ادهم نهال بصت لأمها واللقمه في بوقها وقالت بقلق : مبروك علي ايه ادهم هيتجوز عليا ولا ايه ؟ نجوي رفعت الاختبار قدا وشها : الاختبار إيجابي والخطين حُمر الاعمي يشوفهم اهوو “نهال مسكت الاختبار وبصت فيه بتركيز مش عارفه تاخد ردة فعل نهائي ، ادهم واقف ايده في جيبه ومركز علي ملامح نهال منتظر ردة فعلها ” نهال حطت أيدها علي بطنها وقالت بفرحه ممزوجه بعدم تصديق : يعني أنا حامل ؟ نجوي بابتسامه : ربنا يكملك علي خير ” وبصت لأدهم ” لازم يا ادهم تاخدها وتابعو مع دكتور يكون شاطر ادهم اتنهد واخيرا بعد صمت طويل نطق : بإذن الله هنروح عند دكتور علشان نطمن عليهم ونتابع معاه بس اعذريني لازم نمشي حالا نجوي بدهشه : هتمشي دلوقتي ! طب أفطر بعدين امشي ادهم بابتسامه : حقيقي اول ما تصحي مبفطرش حتي اسألي نهال ” وبص لنهال” يلا يا نهال ” نهال اضايقت أنها هتمشي من بيت اهلها هي كانت تتمني تفضل فتره اطول من كدا عمرها ما تخيلت أنها تيجي البيت هنا وتبقي ضيفه اصلا ، ادهم فاهم تفكيرها كأنه في دماغها ” ادهم لبس الجاكت بتاعه : هستناكي في العربيه تحت ” ونزل من غير ولا كلمه ” نجوي بصت لنهال بستغراب : جوزك ماله لما عرف انك حامل اتغير كدا ليه ؟ ليكون مش عايز عيال ؟ نهال بلوية بوز : مين اللي مش عايز عيال ؟ ادهم جوزي ؟ طب اسكتي والنبي دا من اول يوم جواز وهو بيكلمني في الحمل ” ودخلت اوضتها وبدأت تلبس وهي بتتكلم مع امها ” نهال لفت الطرحه وبصت لأمها : يلا هنزل أنا بدل ما اتأخر عليه وأن شاء الله هيجيلك تاني ” وحض.نت امها ونزلت علي تحت قابلت احمد ابن عمها ” احمد سلم عليها بابتسامه : وانا اقول دكرنس منوره ليه اتاري نهال موجوده فيها نهال بضحك : اوعاا بقا علي الاشعار يا ابو عموو عامل ايه يلاا احمد بصلها بقرق : يعني أنا عمال اقولك منوره وملعلعه وانتي تقولي يلاا تصدقي بالله الكلمه الطيبه خساره فيكي ” ادهم مركز عليهم وهو جواهر نا.ر وغيره من وقفتها معاه وضحكها وزمر بقوووه وشاورلها تيجي ” نهال بصت علي عربيته : يلا سلام يا ابو حميد سلملي علي امك يلاا ” وراحت ركبت جنب ادهم اللي واضح من شكله أنه هيفرقع ” نهال في سرها : يا ساتر في ايه ؟ ادهم ساق العربيه وهو مضايق جدا : اربطي ام الحزام ولا مستنيه حد يربطهولك ؟ ” نهال ربطت الحزام ومتكلمتش ودا عصبه جداا ، وساق العربيه اسرع شويه علشان تخاف لكن مخافتش ولا نطقت كلمه اضايق اكتر ” ادهم بغيره واضحه : انتي كنتي واقفه مع الواد دا بتتكلمو في ايه وضحكتك جايبه اخر الشارع كدا ؟ نهال بستغراب : واد مين ؟ احمد ابن عمي ؟ هتكلم معاه في ايه كان بيسلم عليا مش اكتر ادهم بضيق : ايوا يسلم عليكي بتاع ايه يعنييي فهميني نهال بدهشه : ابن عمي وزي اخويا في ايه مالك غريب ليه علي الصبح كدا حتي لما سمعت أن حامل اتغيرت فجأه حتي ماما اخدت بالها ادهم بصلها برفع حاجب : وانتي شايفه أن أنا هضايق لما اعرف انك حامل بالعكس فرحان جدا ومبسوط ” وقال بنغازي وهو باصص لطريق ” اتمني ميكنش حد تاني هو اللي زعلان نهال غمضت عينها تحاول تهدي وقالت بهدوء : اطمن يا ادهم أنا مش زعلانه واكيد مش هكرهه رزق زي دا ربنا بعته ليا فَ ريح بالك كدا ” ادهم بصلها شويه ومتكلمش وهي كمان سكتت ومتكلمتش رجعت رأسها علي الكرسي وبصت من الشباك علي الطريق ومش عارفه ماله أو ايه غيره بالشكل دا كانو بليل كويسين ” ادهم مبقاش قادر يسكت اكتر من كدا فقال بغيره : طيب انتي بتسلمي عليه واقفه تضحكي معاه ليه نهال ابتسمت وهي لسه علي وضعها بعدين بصتله : ادهم انت غيران أن وقفت مع احمد ؟ ادهم التوتر بعدين يصلها وقال : اه غيران مش عايزك تتكلمي مع حد ولا تضحكي مع حد انتي مراتي يعني ليا لوحدي وانا طماع في الحاجه اللي من حقي بصراحه ” نهال ابتسمت وجواها جزء فرحان من غيرة ادهم عليها ، في الغيره مفيش حاجه اسمها انت بتقيدني في احترام لمشاعره معرفتش تقول ايه ” نهال بابتسامه : احمد متربي معايا يا ادهم أحنا اخوات فعلا ماما مرضعانا احنا الاتنين ادهم : مليش فيه أن بضايق لما تهزري معاه مفيهاش حاجه لو ريحتيني وقولتي حاضر اللي يزعلك مش هعمله نهال ابتسمت : حاضر اللي يزعلك مش هعمله يحبيبي ” ادهم يصلها وتلقتئي ابتسم ونسي زعله وضيقه ، كلمة حبيبي منها ليها مذاق خاص ادهم حسها بمعني الكلمه ، مسك أيدها وقربها لشفايفه وباسها بكل رقه ” ” نهال حست برعشه في جسمها من ب.وسة ادهم لإيدها و استغربت أنها محتاجه قرب ادهم دلوقتي ليه ، وتلقائي قربت منه وباست خده وهو سايق وشمت ريحة برفانه الممزوج بريحته الرجوليه ” نهال بهمس : ريحتك تجنن يا ادهم ” وباست خده ب.وسات متتاليه ونازله لرقابته ، رغم استمتاع ادهم وفرحته لكن شاف أنه مبقاش مركز في الطريق منها فَ بعدها برقه ” ادهم بحب : اوعدك لما اروح هدلعك احلي دلع بس حاليا مش عارف تركز في الطريق مشتته انتباهي كله ” نهال رجعت لعقلها واتكسفت جدا لكن هو واحشها اكتر قعدت مكانها وحاولت تنفض الفكره من رأسها وادهم سرع بحيث يوصل اسرع ” …………………………………………. ” في العزبه من صباحية ربنا سلوي قاعده قدام الفرن القش في جنب من الشارع بتخبز عيش بلدي ومعاها لمياء اختها وجميله بنتها ” سلوي وهي بتخبز علي الطبليه : ونوال المياه اخدت بنتها ومشت منعرفش عنها حاجه وجوزها مسبش مكان اللي أما دور عليها فيه والمسائل حالها التانيه علي رجلها نقش الحنه مبتقومش من النوم ولا بتعرف تطبخ ولا بتعرف تعمل حاجه في الدنيا لمياء قاعده قدام الفرن تسوي العيش : اهي التانيه هنقول عروسه لسه وبتدلع إنما نوال تاخد بنتها وتمشي ازاي يعني محدش مالي عينها ولا ايه ؟ سلوي بلوية بوز : هنفضل نقول عروسه أحد أمتي يا اختي ما كلنا اتحوزنا ومن تالت يوم شوفنا مصالحنا إنما ازاي لو حد نطق كلمه معاها ادهم ياكله اكل جميله بهزار : عارفه يا خالتي أنا لو من صلاح اروح اتجوز علي نوال أحر.قها سلوي : قولتله الكلام دا هروح اشوفلك واخده من عيله ونسب قالي لاء أنا عايز مراتي وبنتي وأبوه الموكوس يقوله امك السبب وهم من كل ناحيه لمياء : يادي الهم دا كل بيت فيه اللي مكفيه الواحد مبقاش عارف يروح فين علشان ميسمعش كلام والله يا اختي ” وسط كلامهم كان صلاح جاب علبة الجبنه وقعد وسطهم وفضل يعمل سندوتشات وياكل وسط الزرع ونسمه الهوا البارده وإشاعة الشمس الخفيفه وجو يروق البال فعلا ” ………………………………………… ” نوال فاقت من النوم لكن مبتسمه غير عن اي يوم بصت لقت بنتها في حض.نها ، سر ابتسامتها حلمت انها رجعت لجوزها وحياتها استقرت زي ما بتتمني ” نوال ابتسامتها راحت لما افتكرت امجد : حقيقي الممنوع مرغوب انا عايزه حد مش عايزني وحد عايزني أنا مش عايزاه غزل فتحت عيونها وقامت بصت لأمها : ماما أنا جعانه عايزه لبن وسندونش بيض بالقشطه نوال باست رأسها : قومي نشوف في ايه في المطبخ نعمله ونفطر ” واخدتها وراحت علي المطبخ قاعدتها علي الرخامه ” غزل بحيره : ماما دلوقتي انتي بتكلمي عمو امجد طيب لو بابا عرف مش هيزعل منك ؟ ” نوال انتبهت لسؤال بنتها ومعرفتش ترد سواحلها بريئ لكن خلي نوال تعمل الف حساب لأفعالها حست أن بنتها كبرت وبدأت تسأل اسأله كبيره ” غزل بحيره اكبر : او مثلا انتي دلوقتي بتحبي عمو امجد ولا بابا ؟ نوال بكل تلقائيه : بحب بابا بس بابا مزعل ماما وديما بيخليها تعيط في الحاله دي ماما تعمل ايه ؟ غزل ببساطه : هي بتحبه يعني هتسامحه وبابا اكيد مش هيعمل كدا تاني في الكرتون الغزاله لما هربت من صاحبها اللي بيضر.بها قابلها ديب اكلها وندمت أنها سألت صاحبها ومشيت نوال بتوهان : الغزاله لما هربت من صاحبها اللي كان بيضر.بها قابلها الديب وأكلها وندمت أنها مشيت هل أنا غلط هل لازم ارجع واستحمل واعيش والسلام ؟ ” وقالت برفض ” المو.ت عندي اهون من أن أعيش مزلوله أو تحت رحمة حد ……………………………………….. ” امجد قاعد في مكتبه في الحضانه مرجع ضهره لورا وبيفكر هيعمل ايه مع نوال هو بيحبها وبيحب تفاصيلها البسيطه كل حاجه فيها بتخطفه بس ليه ديما حاسس بفتور من نحيتها .. هل لأن علاقتهم لسه مش رسمي ؟ ولا نوال في الطبيعي عندها برود ناحية أي شعور ؟ طب هل هو صح ولا غلط ؟ من كتر التفكير حاسس ان دماغه هتتفرتك ” …………………………………………. ” ادهم وصل بمراته قدام البيت ونزلوا وشافو العيله بيخبزو قدام الفرن ” ادهم بص لنهال وابتسم : تعالي نقعد معاهم شويه بعدين نطلع فوق ” وسألها وراح قعد جنب أمه يأكل عيش وجبنه ، ونهال قعدت جنبه ” سلوي بصت لنهال : ايه ينهال كل دي قاعده عند امك ؟ نهال : كل بنت بتحب بيت اهلها يا طنط وبتعبره قصر حتي لو هو عشه بعدين ادهم متخلنيش لحقت اقعد اصلا ” ادهم لسه هيتكلم فونه رن اول ما بص في الاسم ابتسم اوي ” ادهم بابتسامه : تصدق وتأمن بالله انت كنت في بالي لسه امبارح امجد بابتسامه : حبيب قلبي يا ادهووم والله بقولك ايه ما تيجي المنصوره يعم عايز اشوفك ضروري ادهم : بإذن الله هيجيلك والله في حاجه ولا ايه ؟ امجد بتنهيده : لما تجيبي نتكلم يا ادهم ” ونوال رنت عليه ” طيب هكلمك تاني يا صاحبي وهستناك تجيلي مطنش ” وقفل ” ” ادهم قفل وسسرح بتفكيره شويه بدون سبب ، نهال اخدت بالها من سرحانه واستغربت جدا هو ماله النهارده ” ” جميله راحت قعدت جنب ادهم ومسك ايده وفضلت تحكي علي حجات تافهه بس قريبه من ادهم وقربها دا مخلي نهال بتغلي من جواها ” نهال وقفت فجأه وقالت : ابعدي عن جوزي يجميله الفصل الثالث والعشرون 23 ” الكل اتفاجئ بجملة نهال واولهم كان ادهم اللي جواه فرحان من غيرتها ” سلوي بغضــ,,ـب : دا ادهم اللي مربي جميله علي ايده زي العيله الصغيره عيب منك كدا نهال بغيره واندفاع : ولما انتي عارفه أن ادهم اللي مربيها علي ايده وزي العيله الصغيره كنتي عايزه تجوزهالو ليه ؟ سلوي بصت لأدهم اللي متابع الحوار بحذر وعينه علي نهال : أنا مش هرد عليكي احتراما لجوزك اللي شايف ردك وقلة ادبك وساكت نهال بغضــ,,ـب : وانا مش هرد عليكي علشان أنا عارفه تربيتي ازاي… ادهم بنبره محذره لنهال : اطلعي شقتك ومش عايز كلمه تانيه علشان متصرفش تصرف يزعلك مني ” نهال فضلت واقفه بعند فَ ادهم زعق ” يلااااا انجزييي ” نهال اتخضت من صوته وبصتله بزعل وقامت طلعت علي شقتها ودموعها سبقاها ” ادهم قام وقف وبعد عن جميله وقال لأمه : انتي امي علي عيني وراسي واللي يغلط فيكي اشقه نصين لكن مراتي خط احمر يما وانتي فاهمه قصدي كويس ” وسألها ومشي ” سلوي بتريقه : خط احمر ولا اصفر يولااا يااا جوز السنيووره يا خيبتك في عيالك يا سلووي ” في شقة ادهم ” ” نهال دخلت شقتها ورزعت الباب وراها بقوه وفكت الطرحه بخنقه رميتها علي الارض وقلعت الكوتش رميت كل فرده في مكان بكل إهمال ودخلت علي الاوضه رميت نفسها علي السرير ” نهال بغيظ : امال لو شكلك زي اسمك كنتي عملتي ايه يا خلة السنان انتي قال جميلة قال اكيد اللي سماها كان اعمي ” وقامت قلعت هدومها في اللحظه دي دخل ادهم ” نهال شقهت بخجل وحاولت تداري جسمها وقال بغضــ,,ـب : ايه قلة الذووق دي مش تخبط أو تعمل اي حركه انك داخل ادهم شد هدومها منها ورفع حاجبه وقال بكل برود : تخبط وانا داخل علي مراتي في اوضة نومي ؟ نهال حاولت تشد منه هدومها بغيظ وهي بترجع لورا : اه تخبط دا من الذوق ملهاش دعوه انت داخل فين وعلي مين وهات هدومي الجو برد عايزه ألبس ادهم باستنكار وقرب منها اكتر لدرجة أنها اتوترت : أنا قلعتك ولا جيت لقيتك قالعه ؟ بعدين لما انتي بردانه قلعتي ليه ؟ نهال بغيظ وتوتر : قلعت علشان هلبس بجامتي معرفش انك طالع ورايا ” وحاولت تبعده عنها ” ابعد متقربش ادهم قرب لشفايفها ولمسهم وقال بهمس : ابعد ليه مش كنتي هتمو.تي عليا في العربيه ولا رجعتي في كلامك ؟ ” نهال بصتله وهي متأثره بقربه وحطت أيدها علي رقابته وباسته هي بحب واشتياق ، وادهم كان اكتر من مرحب بيها ” ………………………………………. ” نوال واقفه في المطبخ بتقطع كبده وهي سرحانه جدا وبنتها بتلعب جنبها ” نوال في نفسها : احيانا راحتنا بتكون مع اكتر ناس تاعبه قلوبنا صعب الواحد ينسي اول حب في حياته اول لهفه اول اشتياق اول كل حاجه حجات مبتتكررش ولو حصل واتكررت بتكون لذتها راحت وانتهت ” فاقت من سرحانها علي صوت غزل ” غزل بشقه : ماما صبااعك في دم كتيرر نوال انتبهت لصباعها اللي قطعته بدون ما تحس وراحت غسلت أيدها وابتسمت لبنتها : دي تعويره صغيره يغزول متخافيش روحي كملي لعب علي ما اخلص الكبده وابعدي عن النا.ر ” نوال بدأت تخلص الكبده بسرعه وتوتر وحسه أن حد بيراقبها بعدين أدركت أنها لوحدها سلوي مش هتزعقلها تاني لما الغدا يتأخر وقتها دموعها نزلت غصب عنها علي كم الأذي اللي كانت عايشه فيه ” نوال بتريقه : وانا اللي براجع نفسي علي قراري دا انا محتاجه اتعالج نفسيا بسببهم ” بعد ما كانت علي وشك الرجوع في قرارها رجعت تاني قست قلبها واختارت نفسها ” ………………………………………. ” نهال وافقه في المطبخ لابسه هودي طويل شويه فقط واقفه قدام مكنة القهوه تعمل فنجان قهوه ” نهال افتكرت موقف جميله اتغاظت جدا : مفكره نفسها هتقدر عليا مفكراني نوال … بالله لربيكي بس افوقلك بس يا معزه ادهم دخل المطبخ جاب ازازة مايه شرب وقال : مين المعزه اللي هتفوقيلها دي ؟ نهال بصتله بغضــ,,ـب وغيره : ملكش فيه متدخلش ” وبصتله وايدها في وسطها وقالت بتريقه ” ولا حضرتك خايف لتكون جميله ادهم اخد موزه وقشرها وأكل منها وهو مبتسم بخب.ث علي غيرتها : وانا هخاف علي جميله بتاع ايه أنا ؟ نهال بصتله من فوق لتحت بقرف ودورت وشها كملت عمايل فنجان القهوه وقالت ببرطمه : عيله مايعه وملزقه ادهم استني لحد مخلصت عمايل القهوه واخد الفنجان وباس خدها : تسلم ايدك يحبيبتي في وقتها والله العظيم ” وداقها وقال بنبهار ” ومظبوطه جدا نهال بضيق : ادهم لو سمحت القهوه دي بتاعتي لو عايز قهوه كيس البن اهو والمكنه اهي ادهم وهو بيشرب فيها : اولا انتي حامل والحامل غلط عليها القهوه اشربي لبن مفيد لصحه ” ودور وشه وابتسم علشان ضايقها ” نهال راحت وراه بغيظ : ملكش دعوه صحتي وانا حره فيها هات الق هوه بتاعتي ؟ ادهم قعد علي الصالون وحط رجل علي رجل : صحتك وانتي حره فيها طبعا بس اوعا تنسي أن انتي دلوقتي حامل في ابني أو بنتي ودول صحتهم تهمني فَ اشربي لبن مفيد لصحة ولادي ” وشرب من الفنجان قدامها بكل استفزاز ” نهال راحت قعدت جنبه وحطت رجل علي رجل وربعت ايده وفضلت تهز في رجلها : اقلب القناه دي وحشه ادهم برفع حاجب : القناه عجباني وانا قاعد قبلك يعني اللي اجيبه تتفرجي عليه بهدوء ومن غير دوشه نهال قعدت جنبه وحست بدوخه بسيطه رجعت رأسها لورا وغمضت عينها وقالت : يخربيت كدا ادهم بصلها وحس أنها تعبانه فقال بقلق : مالك دايخه ولا ايه ؟ نهال هزت راسها بموافقه : بتجيلي دوخه بحس أن كل حاجه حواليا بتلف وبعدها بقا يجيلي صداع ادهم اخدها في حض.نه وباس رأسها وقال بحنان : طب قومي البسي نروح عند دكتور نشوف الوضع ونطمن عليكي وعلي الحمل نهال حض.نته بقوه وقالت برفض : بكرا نروح حقيقي مش قادره اتحرك من مكاني ادهم حرك ايده علي رأسها بحب : اللي يريحك بكرا نروح نكشف ونشوف الوضع وبإذن الله خير يحبيبي قومي يلا خديلك شور يفوقك كدا ” نهال هزت راسها بموافقه وقامت طلعت هدوم ودخلت تاخد شور ، وادهم خرج البلكونه يشرب سجاره وبيفكر هيسافر ازاي ويسيب نهال تواجهه كل اللي هنا لوحدها ومش هينفع ياخدها معاه ومش هينفع يفضل هنا غمض عينه بإرهاق من كتر التفكير ورمي السيجاره وفضل واقف في البلكونه ” نهال كانت بتاخد الشور بمايه دافيه فجأه المايه بردت جدا وجسمها اترعش : ادهم…ادهم انت فين ؟ ادهم فتح الباب وكانت نهال ورا ستارة البانيو وقال بمرح : لاء اوعي تقولي انك عايزاني اليفلك ضهرك ؟ نهال طلعت رأسها من ورا الستاره وقالت بغيظ : المايه تلجت فجأه وجسمي متلج شوف فين المشكله عايزه أشيل الشامبو من شعري ادهم بص علي السخان وقال : يبقا الكهربا فصلت عن السخان غسلي واطلعي علشان اعرف اصلحه نهال : يا ادهم المايه تلج حرفيا اغسل ازاي ؟ ” ادهم شد الستاره من عليها ونهال صوتت وشدتها تاني ودا خلي ادهم يستغرب ” ادهم بضيق : بتصوتي ليه انتي الوقتي افتحي الستاره خليني اشوف السخان في ايه ! نهال بخجل ممزوج بغضــ,,ـب : بلاش استظراف هااات البورنص من ورا الباب خليني البسه ادهم جاب البورنص وهو بيتمتم بستغراب : هتخبي ايه ما أنا عارفها حته حته عليا النعمه نسوان غريبه ” وتناولها البورنص وقال بسخريه ” اتفضلي يا هانم اتغطي من جوزك نهال بصتله بغيظ وشدت البورنص لبسته وطلعت من البانيو بصتله : هتصلح السخان دا ازاي بقا ؟ ادهم دخل البانيو وبص علي السخان المتعلق وحاول وفضل يصلح فيه شويه وبعدين يصلها : افتحي الحنفيه السخنه بتاعت الحوض كدا نهال فتحتها واشتغل قالت بابتسامه : الله ينور بمعلم ادهم يجي منك طب ما هي محلوله اهي سيب المصنع واشتغل سباك يعم ادهم طلع من البانيو ونشف ايده في الفوطه : سباك ايه بس دا البتاع اتصلح معايا بالحظ ادخلي كملي الشور بتاعتك واطلعي يلا ليفصل تاني ” وصلت من الحمام ونهال كملت الشور بتاعها ” ………………………………………………… ” نوال طلعت وقفت في البلكونه شويه بعد ما اكلت بنتها ونيمتها ، بصت علي الشارع اللي زحمه من العربيات والناس دوشة المدينه مقارنه بهدوء الريف ” نوال بسخريه : طبعا هدوء الريف ودي محتاجه مقارنه أو تفكير ” قطع تفكيرها دخول امجد اللي وقف جنبها وبص عليها ” امجد بتنهيده : هدوء الريف ولا صلاح وبيته يا نوال ؟ نوال اندهشت من كلامه ومن وجوده وقالت بتوتر : قصدك ايه ؟ امجد بصلها : انتي بتحبيه لسه….مجرد سؤال علي فكره ليه التوتر دا كله نوال بصت قدامها وافتكرت إهماله وعدم شخصيته وأفعاله قالت بكل ثقه : لاء حبه في قلبي انتهي أو يمكن مكنش حب من الأساس يمكن علشان مشوفتش غيره فكرت نفسي حبيته امجد بأمل : طب وانا يا نوال بنسبالك ايه ؟ ” ومسك أيدها ” نوال شدت ايدها منه : ينفع مردش علي الاقل دلوقتي أنا لسه مش متأكده من مشاعري لما اكون متأكده هاجي اقول لوحدي ” وحاولت تتوه في الكلام ” المهم تشرب قهوه ولا شاي امجد حاول يبتسم : قهوه…ساده يا نوال لو سمحتي نوال لفت وشها ليه وقالت بستغراب : مش كانت مظبوطه ؟ امجد : عايزها مُره المرادي ” نوال راحت علي المطبخ واخيرا اتنفست بقوه بتحس أن في وجود امجد أنها مبتعرفش تتنفس كويس ، بدأت تعمل القهوه وهي متوتره لسبب هي نفسها مش عرفاه ” ……………………………………………. ” نهال نايمه في حض.ن ادهم لكن صاحيه ، ادهم ضاممها وصاحب هو كمان ” ” ادهم بعد وطلع علبة السجائر اخد منها واحده وولعها ونفخ دخانها لفوق ” نهال لفت المفرش حواليها واتعدلت وبصتله : دا بقت عاده بقا ؟ ادهم بعدم فهم وهو بيرجع خصلة شعرها ورا وبيب.وس كتفها : هي ايه يا سكر اللي بقت عاده نهال شدت السيجاره من بين شفايفه ورميتها جنبها علي الكومود وقربت من ادهم اوي وقالت بهمس : بدل ما شفايفك تلمس حاجه مضره جرب تلمسني مثلا ” وباست شفايفه برقه ” ادهم بغمزه : وانتي مش مضره ؟ نهال برفع حاجب وهي باصه لشفايفه : انت ادري بقا أن كنت مضره ولا …لاء ادهم شدها وباسها : حتي لو مضره أنا راجل عاشق ضررك ” ولسه هيقرب اكتر جرس شقتهم ضر.ب ” نهال بستغراب : مين اللي هيجيلنا يا تري ؟ ادهم قام : خليكي هشوف مين واجيلك ” وراح يفتح الباب وشاف اكتر حد متمناش أنه يشوفه ” ” انتظروا القادم ” الفصل الرابع والعشرون 24 ادهم كان غرقان في حض.ن مراته ، سامع جرس الباب اللي عمال يرن لكن تجاهل بمزاجه مش عايز يقوم ويسيبها ، نهال حاولت تبعده عنها لكن اضايق بمحاولتها ومسك فيها اكتر ” نهال بهمس : ادهم الجرس هيتحر.ق من كتر الرن قوم شوف مين أنا مش هطير ادهم رفع وشه من رقابتها وقرب لشفايفها واتكلم بهمس : دلوقتي اللي علي الباب هيمشي بس ممكن تخليكي معايا انتي بنفسك قولتي بدل ما شفايفي تلمس حاجه مضره اجرب المسك وانا بصراحه عجبني العرض دا جدااا ” نهال ضحكت و حض.نته وغمضت عيونها وبادلته جنونه وحبه وهي اصلا مش عايزه تبعد عنه ولا تسيبه ، لكن اللي علي الباب مش مبطل رن ودا عصب ادهم جدا ” ادهم بعد عن نهال وهو في قمة ضيقه : يلعن ابوكو لما الواحد مش عارف ياخد راحته مع مراته في بيته هياخد راحته فين ” ورايح يفتح الباب وقفه صوت نهال المخضوض ” نهال دورت علي التيشيرت بتاعه وناولته ليه : انت خارج كدا ازاي انت اتجننت يا ادهم ..امسك البس هدومك واعدل نفسك الاول ادهم وهو خارج : مش لابس حاجه واه هفتح الباب كدا يمكن يحسو علي دمهم شويه ” وفتح الباب بصـ,,ـدره العريان وشكله اللي مفهوم هو بيعمل ايه اصلا وشاف اخر شخص كان يتمني يشوفه ” سلوي بصتله من فوق لتحت برفع حاجب : انت كنت بتعمل ايه ؟ ادهم مكنش متفاجئ من سؤال أمه خصوصا أنه هو عارفها ف رد بكل هدوء عكس الضيق اللي جواه : كنت في حض.ن مراتي يما لو عايزه توضيح اكتر معنديش مانع سلوي بستنكار : اللي اختشو ما.تو صحيح وازاي تفتح بمنظرك دا افرض اللي كانت طالعه جميله وشافتك كدا ردة فعلك هتكون ايه ادهم مسح وشه وقال بتنهيده : اماااااا اماااااا انجزي في ايه سلوي : في واحد اسمه امجد تحت بيسأل عليك وابوك وصلاح قابلوه ومستنيك في البرنده ادهم بإيجاز : تمام قوليلو نازلك حالا ” وفضل فاتح الباب لحد ما أمه نزلت وبعدين قفله ودخل لمراته اللي كانت في الحمام ونايمه في البانيو ابتسم ودخل علي الحمام ” نهال كانت نايمه مسترخيه جدا في البانيو اول ما دخل ابتسمت وبصت ليه : واقف كدا ليه ؟ ادهم ساند بكافه علي باب الحمام وقال بإعجاب : بتفرج عليكي عندك مانع نهال مدت أيدها ليه بإغراء : عندك انت مانع لو تشاركني الشاور ادهم مسك أيدها وباسها وقال : في الطبيعي معنديش اي مانع نهائي لكن للأسف عندي ضيوف تحت ومضطر انزل ” وقال بمغزي” بس عادي يعني نعيد ام الشاور لما ارجع نهال بصتله بتركيز : هتخرج معاهم يعني ولا هتفضل هنا في البيت ؟ ادهم بستغراب : بصي أنا لسه مش عارف هعمل ايه بس اشمعنا يعني هيفرق في ايه سواء فضلت في البيت أو خرجت نهال عايزه تخرج من البانيو بس مش عارفه علشان ادهم واقف مش راضي يخرج وهي مكسوفه تقف قدامه : يعني عايزه اروح اجيب الحجات اللي تحتاجها في الكليه بكرا اول يوم في الترم وعندي اول محاضره الساعه ٨ ف كنت بقول لو هتخرج اكتبلك اللي هحتاجه تجيبه ادهم قرب منها وهي في البانيو وباس خدها واتكلم بهمس : هخلص كدا معاهم تحت وهرنلك تلبسي نروح نجيب اللي انتي عايزاه نهال تاهت مع همسه واتكلمت بدون وعي : هو لازم تنزل يعني أنا عايزه افضل في حض.نك ادهم بهمس وأيده بتمشي علي خدها بحنان : تعطل الدنيا كلها علشان خاطر عيونك نهال قامت وقفت ولفت نفسها بفوطه وحاوطت رقبة ادهم بصت في عيونه وقالت بغيره : ادهم هو لو كانت جميله مكاني كنت تعيش معاها حياة زوجيه طبيعيه ؟ ادهم بعد عنها وبيحاول يستوعب كلامها وهو مصدوم : يشيخه يلعن فصلانك…ابعدي خليني انزل مش ناقص هبل نهال مسكت ايده وقالت بغيره واضحه : رد علي سؤالي بعدين انزل ادهم يصلها وهو لسه مصدوم : بجد انتي محتاجه اجابه ولا بتهزري ! نهال بتأكيد : لاء مش بهزر أنا بسألك لو كنت اتجوزت جميله كنت هتعيش معاها حياة زوجيه طبيعيه زي ما انت بتعمل معايا ولا كنت هتعمل ايه ؟ ادهم اضايق منها جدا وقال : وانتي تفرقي ايه عن جميله يا نهال أنا شايف انها بنت اي راجل يتمناها هنقول في الشكل هي مش وحشه في الجسم برضو مش وحشه في العقليه بنسبالي كويسه ايه مصـ,,ـدر سؤالك عايزه توصلي لإيه نهال بسخريه : عايزه اوصلك انك بنسبالك عايز اي واحده تقضي معاها وقتك وخلاص ميهمكش أن كنت بتحبها أو غيره المهم واحده وخلاص اظن فاهم قصدي ادهم اتصدم من كلامها وقال : دا انا حيوان بنسبالك بقااا بصي يابنت الناس صدقيني رغم استفزازك ليا ورغم قلة ادبك أنا بحاول علي قد ما اقدر اتقي ربنا فيكي واحترمك لكن كل شيئ مبادك حلو الاحترام وقلة الادب علي نقيض بعض ودا مينفعش ف بعد كدا هتعامل معاكي بإسلوبك مدام اسلوبي مش عاجبك ومخليكي تقلي مني بشكل دا نهال بصتله : انت زعلان ليه مش دي الحقيقه بس رغم كدا أنا متأكده انك لو كنت اتجوزت جميله مكنتش هتقربلها ادهم بعدم فهم واستفزاز : ليه اشمعنا مع أن أنا شايف انك زي جميله بنسبالي أنا مبحبهاش ” وبص في عين نهال وقال ” ومبحبكيش برضو واه يا نهال لو كنت اتجوزت جميله كنت قربت منها عادي وكنت هعاملها زيك عادي برضو ” نهال فضلت ساكته ولكن ملامح وشها كله مصدومه متخيلتش أنه يجرـ,ـحه بالشكل دا ، هي مكنتش منتظره الرد دا منه كانت منتظره يقولها أنها الوحيده اللي في قلبه ومحدش يملي مكانها لكن متخيلتش يجـ,ـرحها كدا ” ادهم لبس هدومه ورش برفانه النفاز بلا مبالاه بوجودها وبصلها وهو خارج : اللي هتحتاجيه للكليه ابعتيه علي الواتس ” ورزع باب الشقه ونزل علي تحت وريحته سبقاه ” جميله شمت ريحته قابلته علي السلم وهي ملهوفه تشوفه وقالت بنبره متوتره : ازيك يا ادهم الضيوف بتاعتك قاعده في البرنده وانا عملتهم عصير وطلعته شرفتك يعني ادهم من غير ما يبصلها : متشكر يجميله تعبتي نفسك يا عسل جميله بابتسامه : تعبك راحه أنا لقيت نهال منزلتش تقدم حاجه استغربت وعملت مكانها يمكن مبتعرفش تعمل العصير كمان مرضتش احرجها ادهم وقف وبصلها بستغراب : مين اللي قالك أن نهال مبتعرفش تعمل عصير بالعكس نهال بتعرف تعمل كل حاجه هي بس اللي رقيقه وبتتكسف مبتعرفش تتعامل مع حد علي العموم شكرا يجميله ” واستغفر في سره وطلع علي برا ” امجد اول ما شافه ابتسم وقام وقف : لالالا اتغيرت اوووي عن اخر مره شوفتك فيها ادهم حض.نها وقال بابتسامه : السن ليه حق علينا برضو يا مجود نورت البلد كلها يا عم الناس امجد قعد معاه وبصله : الله الوكيل واحشني يابن عمي سالم ادهم ضحك : الله الوكيل واحشني اكتر يجدع يخربيت ام الغربه اللي تعمل فينا كدا امجد ضحك بخفه : لقمة العيش صعبه يابن عمي سالم قام وقف بابتسامه : بما أن ادهم جالك اقوم أنا أشوف ورايا ايه وانت في بيتك يا امجد يابني امجد بحب : عارف والله مش محتاج تقول ” سالم مشي وأمجد بص لأدهم اللي ساكت ودي مش عادته معاه ” امجد : مالك يعم ادهم انت كمان اخوك عنده اكتئاب سلم عليا ونزل مشفتوش تاني وانت مصـ,,ـدر الوش الخشب جري ايه يجدع ادهم ابتسم بخفه : الإنسان مش عارف يعمل ايه في الحياه سافرنا علشان نكون ام مستقبلنا وطلع دينه في الغربه وكل ما الدنيا تيجي عليه يقول يارب عوضني خير في مراتي بس الظاهر أن الواحد مكتوب عليه البهدله في كله يعم امجد امجد بدهشه : ليه بس كدا دا انا سامع من ابوك انك طاير بمراتك والدنيا رايقه معاك ومنسياك الكل ادهم طلع سيجاره ودخانها : هي دي بقا العين اللي بيقولو عليها المهم دا مش موضوعنا انت ايه الدنيا معاك امجد بتنهيده : حقيقي محدش مرتاح أنا متمرمط في حوار خايف اجازف فيه واخد خطوه تدمرني مش عارف اعمل ايه ادهم بتركيز : احكي أنا سامعك حوار ايه دا اللي شاغلك كدا ” امجد اتنهد وحكي حواره مع نوال من اول ما راحت المدرسه عنده لحد اخر حوار بينهم ” ادهم مع كل كلمه امجد بيحكيها شكه بيزيد اكتر أن البنت اللي امجد بيحكي عنها دي نوال مرات صلاح لكن لسه متأكدش من صدق شكه ” امجد بص علي ادهم السرحان : لاء أنا بحكيلك تديني حل مش تسرح مع نفسك يباااا ادهم بهدوء : اسمها ايه الست دي وبنتها اسمها ايه ؟ امجد باستغراب : اسمها نوال وبنتها غزل ادهم غمض عينه بضيق وبص لأمجد اللي مستني رد منه ادهم اتنهد وقال : كنت اتمني شكي يطلع غلط لكن الست اللي عندك دي مرات صلاح اخويا وبنته امجد بعدم فهم : لاء مش فاهم معلش…مراته وبنته ازاي نوال سابت جوزهااا…. ادهم بنرفزه : سابته ومشيت منعرفش عنها حاجه وجوزها قالب الدنيا عليها من يوم ما مشيت ولا بينام ولا بيتكلم ولا عارف يعيش اصلا وسيادتها شافت حياتها بدري اووي طب استني تطلق حتي امجد قدر موقف ادهم ومبقاش عارف يقول ايه فضل ساكت مش قادر يستوعب اصلا أن مرات اخو صاحب عمره عنده في شقته والانيل من كل دا أن جواه مشاعر ليها ” ادهم وقف وقال لأمجد بنرفزه واضحه : قووم خليني اتكلم معاها امجد بصله : تتكلم معاها ازاي يا ادهم الست مطمنه وهي قاعده معايا ازاي أنا اللي طمنتها اروح بنفسي اسلمها لأخو جوزها ادهم بعصبية: يجدع انت مصمم تخليني ازعلك هوو ايه اللي مطمنه معايااا ؟ وايه اللي اسلمها لأخو جوزها ؟ هو احنا في حرب أنا عايز اتكلم معاها وافهم دماغها فيها ايه عايزه تطلق علي عيني وراسي عايزه ترجع هترجع معززه مكرمه تلفوني فين ” خط ايده في جيبه ملقهوش ” هطلع اجيبه من الشقه واجيلك متتحركش من هنا ” وطلع علي الشقه جري” ” في الشقه ” نهال قاعده في اوضة النوم وبتتكلم بعصبيه مع امها : أنا مبقتش عارفه اعمل ايه ولا أنا عارفه أفهمه ولا هو عارف يفهمني قوليلي اعمل ايه نجوي : يعبيطه قولتلك اضحكي عليه بالكلام ادلعي عليه جننيه الراجل هيعوز ايه غير كدا خليه يكون قاعد برا وباله وتفكيره معاكي انتي نهال بتعب : يا ماما الكلام اللي انتي بتقوليه دا لما يكونو الطرفين بيحبو بعض لكن هو مش متقبلني اصلا يماما ” وقالت بزعل ” مبيحبنيش نجوي بشهقه : ميحبكيش ليه جميله ورقيقه ودمك شربات بس مستفزه ولسانك طويل وعناديه والراجل ميكرهش قد قلة الأدب والعند احتويه يا نهال نهال لسه هترد شافته دخل الأوضه قالت بلا مبالاه : تمام يا ماما هكلمك تاني ” وقفلت وعملت نفسها مشغوله في الفون ” ادهم دور في كل مكان علي فونه لحد ما زهق فقال : مشوفتيش فوني ؟ نهال بقتضاب : لاء…مشفتوش دور عليه ومتسألنيش علي حاجه ادهم بصلهاا بغضــ,,ـب من ردها : أمال اسأل مين يا محترمه نهال بصتله بضيق : متسألش حد اعمل طلباتك بنفسك وروق دماغك ادهم رفع حاجبه وقرب عليها وهي نايمه علي السرير وقال : معلش بس مبحبش ارزق دماغي بمووووت في وجع الدماغ وخصوصاً لما دماغي توجعني بسببك ” ومد ايده تحت المخده جاب الفون وبعد ” لو اتأخرت ناميةمتستننيش ” نهال بصتله وهتمو.ت وتسأله هيتأخر ليه لكن كبريائها منعها ، وادهم مستني يسمع منها جمله هتتأخر ليه لكن نهال فجأته ” نهال عملته باي بلا مبالاه : علي اقل من مهلك أنا كدا كدا هنام مش هستناك ” ادهم بصلها بضيق وسألها ونزل علي تحت وهو مضايق جدا ، بس ابتسم لما سمعها بتقول لأمها أنه مبيحبهاش مقالتش أنها مبتحبوش هي كمان ” ادهم بابتسامه : ربنا يعيني عليكي بقااا يا نوله الايام الجايااا ” ونزل لأمجد ” يلا يا صاحبي امجد شرب اخر شويه في كوباية العصير وقام وقف : يلا يقلبي هنعمل ايه هتركب معايا ولا هنعمل ايه ادهم : لاء انت خليك قدامي بعربيتك وانا وراك بعربيتي يلاا ” وركب عربيته ” نهال واقفه في البلكونه بتاعها وعلي كتفها شال وفي أيدها طبق فراوله بتأمل فيه وقالت بغيظ : طبعا خرج مع صاحبه ولا همه زعلك ماااااشي يا ادهم ” وحطت أيدها علي بطنها وابتسمت ” رغم أنه قاهر قلبي بس انا اضمنلك اب حنين يا فروله . “” انتظروا القادم “” ٢٥__٢٧ الفصل الخامس والعشرون 25 ” سلوي كانت واقفه في المطبخ بتغسل الرز وجواها متغاظ جدا ، وجميله جنبها بتغسل المواعين ” سلوي بغيظ : بدل ما الشملوله تنزل تنضف البيت وتعمل الغدا زيها زي اي واحده من النسوان المسؤوله لااااء قاعده فووق مستنيه الخدامه اللي تحت تعملهاا جميله بسخريه : اوعي تنسي قبل كدا كانت عروسه ومينفعش تعمل ودلوقتي حامل ومتقدرش تعمل سلوي بغيظ : روحي اطلعي نادي عليها قوليها انزلي لخالتي تيجي تعمل معايا حتي تتعلم حاجه تنفعها جميله بتوتر : خالتي أنا معرفش اروح انادي عليها اتحرج انتي نادي عليها سلوي غسلت أيدها وراحت وقفت علي السلم ونادت علي نهال بصوت عالي : نهاااااااال….عامله مش سمعاااني دا انا ببقا علي السطح وسامعه دبة النمل تحت نهال فتحت باب شقتها وقالت بضيق من طريقة كلامها : لاء سمعت وقولت نعم ولو كنتي بتسمعي دبة النمله وانتي علي السطح كنتي اكيد سمعتيني وانا بقولك نعم سلوي : لو انتي شاطره في شغل البيت زي ما انتي شاطره في الكلام كدا مكنش بقت دا حالك نهال بقتضاب : حالي عجبني والحمدلله سلوي بلوية بوز : ما هو لازم يعجبك نايمه علي ضهرك ليل ونهار بتنزيل تلاقي الفطار علي اجمل شكل والغذاء علي اجمل شكل هتغوزي ايه تاني نهال بغضــ,,ـب : لو بتنادي عليا علشان تقوليلي كدا ف أنا بوفر عليكي صوتك وبقولك أنا عارفه سلوي بغضــ,,ـب : طب انزلي يا عسل الكنسي البيت والبرنده الخدامه تعبانه النهارده والشغل عليها كتير نهال بلا مبالاه : طيب ماشي نازله ” وقفلت باب شقتها ونزلت وهي لابسه بجامعه وعامله شعرها ضفيره ” فين المكنسه ؟ سلوي بصت لها من فوق لتحت وقالت بهمس : نازله شعرك مبلول ليه ولا لازم الكل يعرف اللي حصل بينك انتي وجوزك ؟ نهال اتصدمت من كلامها وقالت : بعد اذن حضرتك انتي ليكي كل الاحترام لكن ملكيش انك تقوليلي كدا وملكيش انك تمشي عليا انزل ازاي شعري مبلول شعري ناقش انا حره…انتي ازاي تقوليلي كدا اصلااا ” وسابتها ومشيت اخدت المكنسه من المطبخ من غير ما تبص لجميله وبدأت تكنس في البيت ” سلوي بصتلها : شيلي السجاده واكنسي تحتها وهاتي الجردل و الشرشوبه من الحمام وامسحي بعد ما تكتسي نهال غمضت عينها واتنفست وبدأت تشيل السجاد وتطلع تنفضه في البرنده وبدأت تكنس واتصدمت من كتر التراب : ايييه التراب دا كله عمرهم ما كنسو البيت دا ولا ايه دااا ” وبدأت تنضف البيت ” …………………………………………..… ادهم نزل من عربيته تحت العماره اللي امجد نزل عندها وبصله بستغراب : هي ساكنه هنا ؟ ” امجد ضميره مأنبه علشان جاب ادهم هنا بيفكر هل نوال هتقدر موقفه ولا هتحس بخذلان من ناحيته ” ادهم حس بالحرب اللي جوا امجد فقال : اسمع يعم امجد تعالي ننسي ان اللي عندك دي مرات اخويا وتعالي نتكلم صاحب لصاحبه دلوقتي دي واحده متجوزه يعني ياريتها حتي مطلقه هنقول مقبوله إنما دي علي ذمة راجل لسه ودي هربانه من جوزها بسبب شوية مشاكل ملهاش تلاتين لازمه ليه تورط نفسك في الموال دا ” امجد فكر في كلام ادهم هو عارف ومدرك أن معاه حق بس مش عارف برضو ياخد قرار ” ادهم استني منه رد لكن مردش ف اتنهد وقال : الشقه الدور الكام يا امجد انجز الله يسترها معاك امجد اتنفس بصوت عالي وقال بهدوء : الشقه الدور التالت بس اسف معرفش اجي معاك اطلع انت رن الجرس وهي هتفتح علطول ” وسأله وركب عربيته ومشي بيها بسرعه ” ” ادهم فضل باصص عليه لحد ما غاب عن نظره بعدين بص علي العماره واتنهد وطلع علي السلم لحد ما وقف قدام الشقه ورن الجرس واستني شويه لحد ما الباب اتفتح وطلعت بنت في عمر ١٧ سنه ” البنت بستغراب : اتفضل محتاج مين ؟ ادهم اتفاجئ بالبنت بس اتكلم بهدوء : الشقه دي الدور التالت صح ؟ ابوها من جوا : مين يا سما اللي علي الباب البنت دخلت رأسها لأبوها : ثواني يا بابا ” وبصت لأدهم ” دا شقة استاذ وائل المحامي الدور التالت في العماره حضرتك شكلك متلخبط في العنوان ادهم بدهشه : متلخبط ازاي الشقه دي المفروض ساكن فيها مدام اسمها نوال ومعاها بنت صغيره البنت بستغراب : لاء يا استاذ العنوان غلط ” ادهم شكرها ونزل علي تحت وهو بيحاول يرن علي امجد لكن فون امجد بيديله مغلق ” ادهم بغضــ,,ـب : أنا كدا فهمت اللعبه كامله الكلب دا هيكون راح فين ادهيه” وفتح باب عربيته وركب بعصبيه وهو مش عارف يروح فين ولا يدور عليه فين ” ………………………………………. ” امجد نزل من عربيته بسرعه وطلع علي العماره اللي فيها نوال فعلا وطلع جري علي السلم وهو بينهج جامد ورن الجرس كذا رنه ورا بعض خلي نوال تفتح بسرعه وهي مرعوبه ” امجد وهو بياخد نفسه بالعافيه : للأسف مفيش وقت افهمك هاتي غزل ويلاااا علشان ادهم تقريبا هيدور عليا ف خلينا نمشي قبل يلحقني نوال عقلها مش قادر يستوعب الكلام اللي بيقوله فقالت برعب : ووو وادهم عرف مكاني ازاي وانت تعرف ادهم ازاي ؟ امجد بعصبيه : بقولك انجزي مفيش وقت افهمك ادخلي هاتي غزل والبسي اي عبايه وانجزي يلااا نوال دموعها نزلت علي خدها وراحت قعدت علي الكنبه بكل هدوء : أنا مش رايحه في أي مكان ولا ههرب ولا هستخبي امجد بعدم فهم : مش فاهمك بصراحه يعني ايه كلامك دا ؟ نوال بغضــ,,ـب : أنا عشت كل حياتي متمرمطه وطالع عيني مش عايزه اعيش باقي حياتي هربانه أو مستخبيه أنا مش خايفه من ادهم يلاقيني عادي هقوله بكل بساطه أنا مش عايزه ارجع لأخوك انا عايزه اطلق امجد مسح وشه وقال بعصبية: انتي مفكره الموضوع بالبساطة دي ؟ نوال بهجوم : الاه بالبساطة دي أنا مش عيله علشان هيجبروني اعيش مع حد مش عايزاه أنا عارفه أنا بعمل ايه ” وسكتت بعدين قالت بستغراب” انت تعرف ادهم منين وازاي ادهم عرف أن معاك ؟ امجد بصلها شويه وبعدين قال : ادهم صاحبي من زمان كنت في بيته النهارده وكنت بتكلم معاه عادي صاحب لصاحبه والكلام جاب بعضه ف حكيتله حكايتك معايا كأني باخد رأيه ومن كلامي عرفك خصوصا أن اللي اسمه صلاح دا قالب الدنيا عليكي نوال بتسمعه وهي حسه أنها هتمو.ت من الصدمه وقفت قدامه وقالت بغضــ,,ـب : اطلع برا يا امجد مش عايزه اشوف وشك تاني امجد حاول يمسك أيدها ويتكلم لكن نوال صوتت : برااااااا يا امجد مس عايزه اشوف وشك مره تانيه يخسااارة الثقه اللي ثقتها فيك بجد دا برااااااا ” امجد بصلها شويه وسألها وخرج وهي رزعت الباب في وشه وقعدت علي الارض تعيط بنهيار ” نوال مسكت رأسها بنهيار: اعمل ايه اروح فين غزل جت جنب نوال وحض.نتها وهي خايفه : ماما تعالي نروح لبابا وانا هخليه مش يعيطك ابدا تاني نوال حض.نت بنتها بقوه وعيطت اكتر وقالت بقهر : مليش مكان غير هناك يا غزل بس احض.نيني اووي حسسيني بأي امان ……………………………………………. ” نهال من كتر التنضيف مبقتش قادره تقف علي رجليها ف راحت رميت نفسها علي الكنبه اللي في الصاله جنب سلوي ” نهال بتعب : انتي عمرك نضفتي البيت دا قبل كدا ؟ سلوي : كل يوم بيتكنس ويتمسح والشبابيك تتفتح علشان يتهوي نهال بصتلها بطرف عينها : يا شيخه صلي علي النبي تلاته بالله العظيم من يوم ما اتجوزت ما شوفتك ماسكه حتت قماشه بتنفضي بيها حتي سلوي بغضــ,,ـب : يعني أنا كدابه وانتي الصادقه ؟ سالم دخل البيت وسمع دوشتهم : ااااه عاملين دوشه ليييه الواحد جاي من الغيط مش قادر يتكلم حتي عايز جوو هادي الله يصلح حالكم سلوي بصتله : نورت يا اخويا تعالي هغرفلك الاكل علي ما تدخل تستحمي ” سالم دخل اوضته جاب هدوم ودخل علي الحمام من غير كلام ” سلوي بصت لنوال : قومي اغرفي طبق رز كبير وطبق شوربه وطبق بسله وهاتي اللحمه بتاعته وهاتيهم علي صنيه وتعالي نهال قامت وقفت بتعب : انتي اللي قولتي هغرفلك علي ما تستحمي قومي اغرفيلو بقا وانا هطلت البرنده هكلم ماما ” وطلعت البرنده قعدت علي الكنبه تقلب في الفون بملل شديد ” سلوي قامت وقفت : البت بقت بترد عليا عادي كدا الوقتي يومين كمان وهتضر.بني ” في البرنده ” نهال سانده علي السور ووشها لشارع وماسكه الفون في ايدها بتصور تيك توك ، ادهم وصل قدام البيت بالعربيه وهو عفريت الدنيا قدامه ومتغاظ أن معرفش يوصل لنوال او لأمجد شاف منظر مراته وهي واقفه بشعرها وماسكه الفون بتعمل حركات بوشها اتعصب اكتر ” ادهم طلع وقال بعصبية : ما هو لو فرحانه بشعرك احلقلك ميتين أهله واقفههههه كدااا ليه برا فين طرحتك نهال اتخضت لكن حاولت متبينش وقالت بضيق : الطرحه جوا في اييييه ادهم بغضــ,,ـب : والطرحه جوااا بتعمل ايييه طلعتي البرنده تبقي طرحتك علي راسك بعد كدا علشان مزعلكيش ” وبص علي هدومها وقال بدهشه ” انتي نازله بالبجامه من الشقه ؟؟ نهال خافت من جواها من طريقته لكن اتكلمت بكل بجمود : مامتك نادت عليا انضف البيت ومكنش في حد ف نزلت عادي ايه اللي حصل يعني ادهم مسك دراعها وضغط عليه وقال بغضــ,,ـب : بعد كدا لو خطبتي باب شقتك من غير إسدال أو حاجه محترمه وديني لعجنك في بعضك فووووقي من شغل الهبل اللي انتي فيه دا علشان مفوقكيش نهال شدت دراعها بغضــ,,ـب منه : انت انسان همجي ادهم بغضــ,,ـب : أنا قولت اللي عندي ووريني بقا اللي عندك ولو لسانك طول هقطعهولك نهال بصتله وقالت بغضــ,,ـب : انت متعرفش تعملي اي حاجه ولا تقدر حتي تمشي كلامك عليا انت فاااهم انا مش عبده عندك أناا حره ” وطلعت علي شقتها جري قبل ما يرد عليها ” ادهم بصلها وهي بتحري وقال يتوعد : لما اطلعلك ابقا اشوف حوار حره دا ونشوف كلام مين هيمشي علي مين ” ودخل جوا البيت ” صلاااح سلوي ردت من المطبخ : صالح مولع خشب وقاعد في الدوار يا ادهم ” ادهم نزل علي الدار شاف اخوه قاعد قدام الولعه سرحان في ملكوت لوحده حتي محسش بأدهم اللي راح وقعد جنبه ومد ايده يظفي في النا.ر ” ادهم : اهو دا الوحش في الوحده بقا يا ابو غزل كل واحد اتنحر كان بسبب الوحده كل واحد مكتئب برضو كان بسبب الوحده قاعد لوحدك ليه يا عم الناس صلاح ابتسم وهو باصص لنا.ر : وحدة ايه بس يعم متكبرش الموضوع الواحد قاعد بيستجمع نفسه مش اكتر ادهم بهدوء : مراتك وبنتك مبجوش في بالك يا صلاح ؟ صلاح ضحك بخفه وقال : وانا هيبقي في بالي ايه غيرهم يا ادهم….مكنتش اعرف انهم بيكملوني الحياه من غيرهم ملهاش طعم ولا معني حاسس ان وحيد….وحشوني وقاعد علي أمل أن هلاقي حاجه تدلني عليهم بس الظاهر كدا أن انتظاري هيطول شويه ادهم بتنهيده : هيرجعولك والله وهترجعو عيله تاني وكل حاجه هتبقي زي العسل بس اصبر انت وكله هيتعدل صلاح بصبر : أن شاء الله خير المهم قوم نطلع ناكل لقمه الواحد هنا من بدري ” وقام وقف وشد ادهم والاتين طلعو علي البيت ، صلاح بيفكر في مراته وبنته اللي مبعرفش عنهم حاجه ومستبش مكان الا لما دور فيه ، وادهم بيفكر في حياته مع مراته اللي مش عارف يتعامل معاها ولا عارف يعيش في هدوء معاها وبيفكر ازاي هيسافر ويسيبها هنا وبيفكر في مرات اخوه اللي نوعا ما مسك طرف الخيط اللي هيوصلهم ليه ” سلوي جهزت العشا وجابت الصنيه وقدمتها قدامهم : يلا يا ادهم انزل يبا اتعشاا ادهم قام وقف : لاء أنا طالع انام مش جعان ومش قادر اكل حتي سلوي بصتله : اظبط مراتك يا ادهم لسانها طويل وقليلة الادب ومبتعبرش حد بترد الكلمه بخمستلاف كلمه وانا مردتش اكلمها احتراما ليك وبس ادهم اتنهد بقوه وقال : معلش يما حقك علي دماغي انا بس بالله عليكم ما تدخلوني في حوارات النسوان بتاعتكم دي انتو حرين مع بعض أنا ولا فيا دماغ ولا فيا قلب افضل اناهد واتكلم يلاا تصبحو علي خير ” وطلع علي شقته ” نهال كانت واقفه في المطبخ بتجهيز عشاا لما حست بالجوع الشديد ومتقمسه دور الطباخه : وطبعا هنحط معلقة توم بودر وهنخلط البيض مع الطماطم والفلفل كويس جدا تمام واحده هتقول ليه مثلا منشوحش الطماطم مع الفلفل بعدين نحط البيض هقولك علشان انا عايزه البيض يكون نص سوي ادهم بدهشه : انتي بتكلمي مين ؟ وواحدة مين اللي هتسألك ؟ نهال بصت وراها بخضه واحراج: بسم الله الرحمن الرحيم انت واقف هنا من أمتي ادهم لسه الدهشه مسيطره عليه : من اول معلقة توم بودر بس انتي واقفه تكلمي في مين ؟ نهال بغيظ : يعم بكلم نفسي بكلم الجن الازرق انت مالك اتكلم براحتي ادهم قرب عليها وقال وهو بيضغط علي سنانه : يابت تصدقي بالله أنا احيانا بيجي عليا وقت من كتر استفزازك ليا بكون عايز اعجنك في بعضك المشكله انك مش هتاخدي في أيدي غلوه اخرك قلم اقسم بالله نهال وقفت قصاده بعند : انت بوق علي الفاضي ولا تعرف تعملي حاجه هات اخرك ” ادهم من كتر الغيظ اللي جواهر منها مسك كف أيدها ورجعها لورا ف نهال صرخت بوجع ” نهال مسكت كف أيدها بوجع وصدمه : انت مجنووون كس.رت ايدي ادهم بلا مبالاه : بلااش تستفزيني علشان هتلاقي تصرف مش هيعجبك ومتمثليش ايدك متكس.رتش احمرت بس نهال بوجع : ايدي بتوجعني وتقولي متكس.رتش ” وفضلت تحرك فيها يمين وشمال ” ادهم يصلها برفع حاجب وربع ايده وسند ضهره علي الحوض : لو ايدك مكسوره مستحيل تحركيها شمال ويمين كدا نهال بصتله بغيظ : طيب لو سمحت ممكن تسيبني بقااا في حالي علشان عايزه اكمل الاكل ادهم وهو ماشي : اوك براحتك المهم اعمليلي معاكي علي ما اغير هدومي واجي ” ودخل علي اوضة النوم ونادي عليها بصوت عالي ” انتي ياااابت نهال راحت عنده وبصتله بضيق : يا نعم في ايه صوتك عالي لييييه ادهم بص علي شكل الاوضه الهدوم مرميه في كل مكان والسرير مليان هدوم يصلها بصدمه وقال : ايه منظر الاوضه دي شكله عامل كدا ليه نهال بصت علي شكل الاوضه و قالت : كنت بختار هلبس ايه بكرا ادهم مسح وشه وغمض عينه : استغفر الله العظيم طيب انتي اختارتي وخلصتي مدخلتيش الهدوم الدولاب ليه نهال : مقدرتش ادخلهم أنا تحت من اول ما صحيت بيتكم معفن فضلت انضف فيه لحد ما روحي طلعت وبعدين طلعت اعمل اكل ايييه مفيش رحمه ادهم : في ظرف ثواني الاوضه تكون بتلمع مش عايز المح اي هدوم علي السرير وشيلي المناديل اللي في الأرض دي ورتبي السراحه دي نهال بعند : رتب معايا الأوضاع دي بتاعتك زي ما هي بتاعتي ادهم بسخريه : قولي كلام غير دا بالله قال بتاعتي قال الدولاااب وليا فيه رف واحد السياحه وليا ازازه برفان حزينه ومشط وجل الشعر وبصلاه علي النبي حضرتك مستوليه علي الاوضه بالي فيها من الاخر انتي اللي هتنضفي الاوضه ولوحدك يلااا انجزي نهال وقفت قصائده بعند وقالت : وانا مش منضفه حاجه الاوضه كدا عجباني وهنام فيها عادي لو مضايق نضفها انت “” انتظروا القادم “” الفصل السادس والعشرون 26 ” ادهم بعد مناهده معاها أنها ترتب الاوضه وهي عندت أنها مش هتعملها واتحججت أنها تعبانه هو معرفش ينام والفوضي ماليه المكان كدا ف رتب هو الاوضه ، ادهم واقف قدام الدولاب بيطبق الهدوم وهو جواه غضــ,,ـب وغيظ يحر.قو نهال نفسها ، ونهال نايمه علي السرير بتمثل ان بطنها بتوجعها ” ادهم مسك تيشيرت ابيض ليه في دولابها بصلها بعدم فهم : سؤال معلش يا دكتوره نهال هي هدومي بتعمل ايه في دولابك ؟ نهال بصت علي التيشيرت اللي في ايده : معنديش تيشيرت ابيض البسه تحت الجاكت ف اخدت بتاعك ادهم بدهشه : ف اخدت بتاعك ؟ عادي كدا مش تيشيرت بلسبه دا وسألتك عليه خمستلاف مره وقولتي معرفش نهال قامت من علي السرير وهي ماسكه بطنها بتمثيل ووقفت قدامه واخدت التيشيرت من ايده وقالت بتحدي : اقلع الشراب بتاعي هاته وخد التيشيرت بتاعك ” ادهم مسك راسه وقعد علي السرير بتعب من كتر المناهده والتحدي والعند اللي هي فيه ” ادهم رفع وشه وبصلها وقال : نهال خدي بالك أنا خلقي ضيق جدا معنديش طاقه افضل اناهد وافضل ابرر أنا ساكتلك لسبب واحد بقول عيله ومع الوقت هتفهم أن العند والرجوليه اللي بتتعامل بيهم دي حجات مفيش راجل بيستحملها لكن أنا شايف انك بتزيدي مبتعقليش نهال اتصدمت من كلامه وقالت : انت شايفني مسترجله ؟ ادهم بهدوء : لما تردي عليا الكلمه بعشره يبقي اه مسترجله ولما لسانك يطول عليا يبقي اه مسترجله ودا مينفعش خاالص وخصوصا معايا نهال زعلت من كلامه جدا وقالت بإندفاع : ولما أنا في نظرك مسترجله ايه اللي مخليك مكمل معايا يا ادهم باشا ؟ ادهم اتنهد بقوه وقال : لأن الطلاق مش حاجه سهله ولا حاجه هينه دي مصيبه دلوقتي احنا في مركب واحده انتي بتشوفي سلبياتي وايجابياتي وانا كذالك بشوف سلبياتك وايجابياتك ومفيش انسان كامل كلنا عيوب لكن احنا بنحاول نتغير علشان الحياه تمشي وتكون حياه ناجحه وانا يشهد عليا ربنا انك من يوم ما دخلتي بيتي وانا بعاملك بما يرضي الله لكن أنا شايف أن أنا الوحيد اللي بقدم يا نهال انتي مبتقدمقش حاجه غير عِند واستفزاز ليا ” استني منها رد لكن كان ساكته ومواقفه تسمعله وبس فقال ” انا هعرض عليكي حاجه نهال بستفسار وهدوء : ايه الحاجه دي ؟ ادهم بهدوء : لو عايزه ندي علاقتنا فرصه اخيره علشان خاطر اللي في بطنك علي الاقل أنا هبقا اكتر من مُرحب وشاري…ولو مش عايزه اوعدك أن زي ما دخلتي البيت دا معززه مكرمه هتخرجي منه معززه مكرمه برضو خدي وقتك في التفكير ولما تحسي انك جاهزه ردي عليا ” وسابلها الاوضه وخرج البلكونه يشرب سيجاره اللي مؤخراً بقا مد.من عليها ” ” نهال قعدت علي السرير وحطت أيدها علي وشها ونزلت راسها وعيطت وشعرها كله نزل علي وشها ، صوت عياطها وصل لأدهم اللي اخد اخر نفس في السيجاره بغيظ وهو مضايق أنها بتعيط رمي السيجاره ودخل ليها ” نهال رفعت عيونها وبصت ليه وهي بتعيط وراحت وقفت قدامه ورفعت اديها لرقابته وحض.نته وعيطت اكتر : علي فكره مش هبطل عند وعلي فكره مش هبطل ازعلك انت جوزي وانا حره فيك اعمل اللي يعجبني ادهم ابتسم بغلب وحض.نها : طب اعمل ايه اكس.ر دماغك الحلوه دي واخلص منك نهال بعدت عنه ومسكت دموعها وقالت بشهقات : انت عايز تطلقني ؟ ادهم مسك أيدها ومسح دموعها بحب : مش عايز اطلعك من حض.ني عايز اخبيكي عن العالم كله مش عايز من الدنيا غيرك نهال قلبها فرح بكلامه بس رجعت كشرت وقالت : امبارح قولتلي مبحبكيش ادهم عض شفايفه وقال بعتاب : يعني بالله عليكي كان دا سؤال يتسأل يعني قبلها بدقائق كنتي في حض.ني وهمو.ت عليكي ومكنتش راضي افتح الباب من البدايه وتيجي تقوليلي جميله معرفش ايه نهال بتردد : كنت عايزاك تقولي لاء يا نهال انا مقدرش المس حد غيرك وانتي متتشبهيش بحد كنت عايزاك تعرفني أن عندك في مكانه محدش يقدر يوصلها يا ادهم ادهم حط ايده علي وسطها وشدها عليه وقال : طب ما انا فعلا مقدرش المس حد غيرك ومش متخيل أن واحده غيرك تكون مراتي ” وباس رأسها بحب ” نهال ابتسمت اوووي علي كلامه ورفعت وشه ليه وقالت : دقنك طولت ” ومشت أيدها علي دقنه برقه وقربت شفايفها من دقنه وباسته ” ادهم رفع دقنها ليه وبص علي شفايفها : أنا ليه بحبك كدا وليه مشدود ليكي كدا وليه ضعيف قدامك بشكل دا كدا ” وباس شفايفها ولسه هيندمج معاها سمع صوت أمه من تحت ” ادهم بعد عنها بضيق : لا اله الا الله اكيد هي مبترقبناش مبتناديش عليا الا لو احنا في حض.ن بعض مستحيل تكون صدفه نهال ضحكت وقالت : بصراحه يا ادهم اشك انها تكون بتراقبنا عادي ادهم ابتسم وشدها عليه وأيده بترجع شعرها لورا : بقولك ايه اللي ينادي ينادي ان شالله يكس.رو الباب نهال ضحكت وحض.نته : عايزه اعيش باقي حياتي هنا ” وشاورت علي حض.نه ” ادهم مسك أيدها وحطها علي قلبها : بس انتي موجوده هنا يا نهال ” وسمعة صوت دوشه تحت مصاحبه بصويت جامد ” في أيه انا سامع صويت نهال بقلق : تعالي ننزل نشوف في ايه دا صوت مامتك تعالي ليكون ابوك بيضر.بها ” وجابت عبايه ولبستها ونزلت وراه ” ادهم بزعيق وهو نازل من علي السلم : فيييي ايه صوتكم عاااالي ليه ” واتفاجئ بغزل اللي جربت عليه تحض.نه تلقائي رفع عينه وبص لنوال اللي واقفه علي باب البيت وفي أيدها شنطه ومنزله وشها للأرض ” سلوي بغضــ,,ـب : ليكي عين تيجي هنا تاني تهربي من جوزك اللي لمك وسترك ووو ادهم بضيق : اماااااا لو سمحتي اسكتي لو هتقولي كلمه حلوه قولي لو مش بتقولي بلاش تتكلمي ادخلي يا ام غزل نورتي بيتك نوال دخلت وهي متردده قعدت علي أول كنبه قابلتها وقالت : فين صلاح ؟ سلوي بعصبيه : صلااااح ؟؟ انتي مصدقه نفسك هربتي من جوزك بعد ما اهلك طردوكي والله اعلم قاعده بقالك شهرين فين ادهيه وجايا تقولي فين صلاااح نوال بصت لها وقالت بكل غضــ,,ـب : صدقيني السبب الأساسي اللي خلاني اسيب البيت وامشي هو انتي كفااايه بقا هتدمري عيالك اكتر ما انتي دمرتيهم بتدخلك في حياتهم ادهم : ام غزل ملوش لازمه الغلط أنا مليش اقولك ادخلي البيت أو اخرجي منه ولا حد فينا ليه حُكم عليكي جوزك هو المسؤول عايزك تفضلي هتفضلي غصب عن الكل عايزك تمشي هتمشي غصب عن الكل برضو صلاح دخل البيت واتفاجئ بمراته وبنته والكل متجمع حواليهم بص عليها بكل تركيز وقال بهدوء : اهلا وسهلا يا نوال نورتي نوال رفعت عيونها ليه واتقابلت عيونهم في نظره طويله ، دقنه طولت وشعره طول جسمه رفع اكتر ، هي لسه زي ما هي عيونها الواسعه جسمها زي ما هو متغيرش لكن دبلانه ” نوال بصوت مبحوح : اهلا بيك سلوي بصتله بغضــ,,ـب : اهلا وسهلا بيها فين انت هترجعها عادي كدا واحده هدت بعضها ومشيت ومنعرفش راحت فين ولا مع مين وانت عادي كداااا صلاح بص لأمه وقال لاول مره في حياته : اماااا مراتي خط احمر ارجعها أطلقها أنا حرر متدخليش في حياتي ولا في قراراتي ” نوال جواها فرح بكلامه ونهال كمان اتفاجئت من كلامه بس ابتسمت علي فرحة نوال الواضحه ، أما سلوي سكتت بصدمه وزعل كبير جواها ” صلاح مد ايده لنوال : بعد اذنكم هطلع شقتي عايز اتكلم معاها لوحدي ” وشال شنطتها واخد بنته وطلع شقته وهي في ايده ” نهال بهمس لادهم : وفي آخر المسلسل انتصر الخير علي الشر وعاشو الابطال في تبات ونبات ” ادهم وكزها في كتفها أنها تسكت وهي ضحكت بخفوت ، سلوي بصت علي ادهم بغضــ,,ـب ودخلت علي اوضتنا وقفلت الباب ” نهال بصت لادهم : ادهم أنا طالعه الشقه هتيجي معايا ولا هتعمل ايه ادهم اتنهد وقال : اسبقيني وانا جاي وراكي علطول نهال مسكت ايده بدلع وقالت : هتتأخر عليا ؟ ادهم اتفاجئ من دلعها واتفاجئ من سؤالها وقال : طالع وراكي علطول ” نهال سألته وطلعت علي شقتها وهي فرحانه جدا دخلت اوضة نومها وهي في بالها لازم تفاجئ جوزها ، فتحت الدولاب وفتحت رف لبسها الخاص وفضل تدور بينهم ولأول مره تكتشف أنهم حلوين بالشكل دا ، لفت نظرها فستان ستان نبيتي طويل بحمالات مفتوح من تحت لحد بعد الركبه ابتسمت اووي ” نهال مسكت القميص في ايدها بابتسامه : هوو دا ” وبصت في المرايا وهي حطه القميص عليه وسابته علي السرير وراحت اخدت شور وبعد شويه طلعت لبست القميص وعملت استشوار لشعرها وميكب بسيط ” نهال اتنفست بتوتر : في ايييه متوتره ليه عاااادي اهدي ” والجرس رن ، طلعت جري تفتح والدم هرب من جسمها من الصدمه ” ” ادهم واقف بيبصلها بصدمه واحراج وسلوي واقفه جنبه رافعه حواجبها الاتنين بدهشه ” “” انتظرو القااااادم “” الفصل السابع والعشرون 27 ” نهال من شده الاحراج طلعت تجري علي اوضة النوم وقفلت الباب ووقفت وراه ولسه تحت تأثير الصدمه ” سلوي لأول مره تتحرج من ابنها فقالت : بقولك ايه ابوك بينادي عليا أنا هنزله الصبح اشوفك ادهم مسك ايديها وقال : أنا قولتلك هنتعشي سوا يعني هنتعشي سوا ابويا زمانه قال النهار طلع يلا ادخلي سلوي شدة أيدها وقالت برفض قاطع : تلاته بالله العظيم ما داخله ادخل انت والله يعينك ابعد سيب ايدي ” ونزلت جري علي السلم ” ” ادهم دخل شفته وقفل الباب وشكل نهال مجننه دخل علي الاوضه وهو خايف لتكون قلعت ، لكن نهال من شدة صدمتها فضلا واقفه ورا الباب متتحركش ” ادهم بص عليها من فوق لتحت بإعجاب رهيب وقال : ايه الجمال دا انا مراتي جميله كدا ومخبيه عليا جمالها دا كله ! نهال مسكت ايده وقالت بتوتر : ادهم أنا كنت عايزه اعملك مفاجأه معرفش أن مامتك جايه معاك زمانها قالت عليا ايييه أنا مش هعرف اوريها وشي تاني ادهم رفع وشها لفوق وباس شفايفها بكل رقه : هشش أنا مش عايز دماغك دي تفكر في اي حاجه دلوقتي عايز كل تركيزك معايا وبس ” وضمها لصـ,,ـدره وقال بهمس ” جننتيتي يا نهال نهال ضميته وغمضت عيونها وبعدين عن ادهم وقالت بتوتر : ادهم مامتك زمانها قالت عليا ايه بس قوول بجد ادهم رجع شعرها لورا ونزل حمالة القميص وباس كتفها وقال بهمس : زمانها قالت نهال مرات ابني مدلعه ابني لدرجة أنه ناسي الدنيا وبما فيها دايب في حض.نها ” ورفع وشها ليه وقال ” تسمحيلي بقاا ادوب في حض.نك بجد نهال بصتله وابتسمت وضميته من رقابته وقالت بهمس : انت ليه اصلا مش دايب في حض.ني وعمال ترغي يا ادهم ……………………………………… ” في شقة صلاح ” نوال غيرت لبنتها اللي نامت بسرعه من شدة الارهاق فضلت جنبها شويه تبصلها وهي مبتسمه وقالت بهمس : مستعده استحملت علشان اللي مفيش حد يستحمله يا غزل ” وباست خدها وقامت طلع برا الاوضه ” ” كان صلاح قاعد علي السرير فارد ضهره وبيقلب في فونه شافها داخله الاوضه معبرهاش ” نوال راحت وقفت قدامه بتردد : صلاح انت مبتتكلمش معايا ليه ؟ صلاح قفل الفون واتنهد : هتكلم معاكي في ايه يا نوال ” نزلت راسها في الأرض وسكتت ” كنتي فين طول الشهرين اللي فاتو ؟ نوال بتردد كبير : كنت قاعده عند واحده صحبتي بريح بالي شويه ولما حسيت أن كويسه رجعت البيت تاني صلاح ابتسم بسخــ,,ـرية : صحبتك مين اللي كنتي قاعده عندها يا نوال اسمها ايه صحبتك دي وتعرفيها منين نوال بصتله وقالت : اعرفها من علي النت يا صلاح صلاح قام وقف قدامها وقال : طول الشهرين وانا عامل شبهه المجنوون لا بنام ولا باكل ولا مركز في حاجه في الدنيا معرفش عنك حاجه وقلبت الدنيا عليكي وانتي فص ملح وداب… انااا كنت بقعد اعيط من قلة الحيله اللي انا فيهاا ” وعيونه دمعت ” نوال بصتله ودموعها نزلت : وانت اللي عملته فيا مكنش قليل يا صلاح كنت عايشه معاك ومتجوزاك بس امك هي اللي تقول ايه ينفع وايه مينفعش عايشه معاك ومفيش قرار واحد اخدته في حياتنا من دماغك كل قراراتك كانت بدماغ امك وانا تعبت من كلامها ومن معاملتها ومن أسلوبها معايا أنا معملتش حاجه وحشه بحد فيكم بالعكس أنا شيلتكم علي راسي صلاح مسح عينه و شدها لحض.نه وبدون اي كلام : أنا آسف حقك عليا بس ارجوكي متسبنيش تاني أنا من غيرك ميت يا نوال نوال بادلته الحض.ن وهي مش مصدقه أن دا صلاح اللي بيقولوا الكلام دا وقالت بعدم تصديق : انت بتقولي الكلام دا بجدد صلاح مسح دموعها وبص في عيونها : مكنتش اعرف ان بحبك اوي كدا مكنتش اعرف ان من غيرك هبقى تايهه ووحيد كدا أنا يتيم من غيرك يومي مكنش بيخلص كل دقيقه كانت بتعدي عليا كنت بمو.ت فيها الف مره ” مسك أيدها وباسها ” اوعدك أن اللي هيدوسلك علي طرف بعد كدا هدوسلك علي دماغه نفسها نوال حض.نته وعيطت في حض.نه : كنت مستنيه كلامك دا من زمااااان اووي يا صلاح كنت محتاجه احس أن ليا سند وضهر وحد يحامي عني ارجوووك أنت متتغيرش تاني صلاح وهو بيمشي ايده علي ضهرها : كل اللي فات هعوضك فيه خير اوعدك يا نوال.. …………………………….…..…………. ” نهال نايمه في حض.ن ادهم بتمشي أيدها علي دقنه شدت مفرش السرير عليها كويس وبصت لأدهم اللي يصلها بتركيز ” نهال : ادهم انت لمست حد غيري قبل كدا…يعني كان ليك علاقات سابقه مثلا ؟ ادهم اتعدل وصلها ورجع شرها لورا : لاء مليش علاقات سابقه انتي اول بنت لمستها واول بنت ب.وستها انت الاول في كل حاجه في نهال نهال : مكنش ليك تجارب سابقه ليه ؟ ادهم بدهشه : لاء مش فاهمك يعني مثلا كنتي هتفرحي لو ليا تجارب قبلك نهال بلوية بوز : يا ادهم اكيد لاء بس يعني ديما بسمع ان الرجاله بتكون ليها علاقات بستات قبل الجواز ادهم بدهشه : الا من رحم ربي طبعا بعدين أنا ليه يبقي ليا علاقه في الحرام بعدين اللي فهمك كدا انسان غبي لأن زي ما البنت المحترمه مبتتشبهش بالبنت اللي مش محترمه الراجل برضو نفس المعادله في راجل بيحترم نفسه وفي برضو راجل الله يسهله ” وجاب علبة السجاير يشرب واحده ” نهال اخدتها منه وباست شفايفه برقه : كل ما تحس أنك عايز تشرب سيجاره قولي وانا هديك قصادها ب.وسه بس ارجوووك بلاش سجاير مضره ليك وليا وللي في بطني ادهم شدها من رقابتها وباسها اووي وحط ايده علي بطنها : بتحسي بيه ؟ نهال بابتسامه : لسه مش دلوقتي علشان هو يدووب نقطه لما يكبر شويه ويبدء يتحرك في بطني هحس بيه ادهم بتركيز : طيب ايه مثلا اللي متغير فيكي من وقت ما حملتي ؟ نهال بتفكير : يعني مثلا نفسي مفتوحه لأغلب الاكل اللي كنت مبحبوش وبكون عايزه اكله زي الكوارع اسمها نفسه قبل الحمل كان بيقرفني دلوقتي هموووت عليها ادهم برفع حاجب : كوارع ؟ بتهزري ولا بتتكلمي جد نهال بضحك : والله بتكلم جد عايزه اكل كوارع وأكل سمين ودهون وحجات من دي ادهم ضحك وباس خدها : بكرا لما ترجعي من الكليه هعزمك علي احلي واجمل أكلة كوارع أنا عيوني لنهال واللي في بطن نهال نهال بصدمه : الكليه دا انا نسييييت أن عندي اول يوم بكرا ادهم هو انا هروح ازاي ؟ ادهم بأس شفايفها برومانسيه : هوصلك الصبح ولما تخلصي هاجي اخدك مش عايز دماغك الحلوه دي تنشغل بحاجه ولا تشيلي هم حاجه طول ما أنا موجود نهال حض.نته وهي حسه براحه وفرحه : هو ينفع نفضل كدا منقومش ابدا ادهم ابتسم وشد البطانيه عليهم الاتنين وحض.نها كويس : ينفع اوووي اهبل مين اللي يفكر يسيب الدفاا اللي في حض.نك ويمشي نهال اتكلمت وهي في حض.نه : ادهم هو لو انت مكنتش شوقتني كنت ممكن تتجوز تغريد بنت عمي ؟ ادهم مغمض عينه ثرثها في جنبها : نامي يا نهال بدل ما اقوم اطلقك نامي يحبيبتي ربنا يهديكي نامي ” نهال غمضت عيونها وهي حسه بإرهاق ، لكن جواها سعاده كبيره نوعا ما الحياه اخيرااا بدأت تتعدل معاها ” ………………………………………. ” صباح يوم جديد واحداث جديده المنبه بتاع فون نهال مش مبطل رن وهي نايمه في سابع نومه ، ادهم قام علي صوت المنبه المزعج بص علي نهال ” ادهم بنوم : نهال قومي الساعه ٨ الا تلت قومي البسي هتروحي الجامعه أمتي….نهال ” وهزها علشان تفوق ” نهال بنوم : في ايه بتصحيني ليه ادهم اتنهد بنوم : الكليه….هتتأخري قووومي يلاا نهال شدت الغطاء عليها كويس وقال بلا مبالاه : اول اسبوع في الكليه ملوش لازمه نام هروح من اول بكرا ادهم شد البنطايه من عليها وقال : يلااا يابت قومي البسي علي ما اعملك تفطري اخلصي ” وقام وهو كله نوم دخل المطبخ وبدء يعمل فطار وهو مفكر أن نهال بتلبس ، ونهال عدلت الغطاء عليها ونامت بكل هدوء وعمق ” ادهم دخل ومعاه كوبايتين شاي وسندوتشات بص علي نهال النائمه بدهشه : نهاااااال نهال قامت وبصتله بكسل : ايييه يا ادهم مش مهميني بشوية النوم ليييه ادهم : يعني أنا داخل اعملك الفطار علشان تلبسي ومنتأخرش وانتي اصلا مقومتيش من السرير نهال نزلت من علي السرير ودخلت الحمام غسلت وشها وطلعت : صحيت اهوو وهلبس في ثواني متقلقش ” واخدت كوباية شاي وسندوتش وبدأت تاكل ” دا سندوتش بطاطس علي ايه ؟ ادهم وهو بياكل: بطاطس وسيحت عليها جبنه عامله طعم خطــ,,ـير نهال : كل حتت سندوتش واشرب معاها شاي كدا هتحس بطعم اخطر ادهم : هتفضل نجرب في ام الطعم وننسي ام الكليه قومي يا نهال البسي يلا ” نهال قامت وطلعت الطقم اللي هي هتلبسه وكان عباره عن بنطالون جلد اسود وفوقه جاكت فرو بيج وطرحه بيج وجزمه سودا ” نهال وقفت قدام ادهم : هاا ايه رأيك الطقم ماشي مع بعضه ادهم اتفحصها كويس وقال : هو ماشي مع بعضه بس مش ماشي معايا أنا مبحبش البناطيل الجلد بعدين الجاكت دا قصير لو عندك جاكت بيج اطول هيبقي مقبول شويه نهال بصتله : بس انا عايزه دا الجاكت البيج اللي عندي بالطو مش هينفع علي البنطالون ادهم : طب البسيه ونشوف أن كان هينفع أو لاء ويلاااا انجزي علشان علي ما نوصل المنصوره فيها ساعه الا تلت نهال دخلت جابت الجاكت ولبسته وطلعت : هااا ايه رأيك ادهم بإعجاب : اااه شوفي الجمال والاحترام حلو ازاي جميل ومخليكي شيك ” وقام وقف واخد محفظته وشرب اخر شوية شاي في الكوبايه ومسك أيدها ” يلااا نهال وقفته وبصت علي شكلها في المرايا : مكياجي حلو ؟ ادهم بتنهيده : جميل تحفهه مشوفتش في جماله قبل كدا يلااا بقاا ” ونزلو الاتنين علي تحت ” نهال افتكرت أن حما.تها شافتها امبارح وقفت علي السلم وقالت بهمس : ادهم أنا مكسوفه ابص لمامتك ادهم ضحك : لاء متتكسفيش ويلااا علشان والله لسه قدامنا ساعه في الطريق ” ونزلو علي تحت كانت سلوي قاعده علي الكنبه قدام التلفزيون ” سلوي بصت عليهم وقالت بمغزي : “” انتظروا القادم “”

مقالات ذات صلة

القلب ١

مريم وقفت عند باب الاوضه

الحب للجميلات فقط ج الاخير

لغز الرحله 513

القلب ٣

ساره الحلفاوي

اترك تعليقاً إلغاء الرد