مستحيل اعيش مع حماتي منال علي 1

الجزء الأول "أنا مستحيل أعيش مع حماتي في شقة واحدة!".. جوزي خبط بإيده على السفرة لدرجة إني اتخضيت! 😳😳 "أنا مستحيل أعيش مع حماتي في شقة واحدة!" كريم قالها وهو خبط بإيده على ترابيزة السفرة، لدرجة إن كباية الشاي اتهزت، والمعلقة خبطت فيها بصوت عالي، وحتى القطة "لوزة" اللي كانت نايمة فوق الشباك فزت وجريت. حكايات منــال عـلـي أنا كنت قاعدة قدامه، دماغي هتنفجر من الصداع بعد يوم شغل طويل في الحضانة، فقلت له بهدوء: — وطي صوتك يا كريم... إحنا داخلين على نص الليل، والجيران هيسمعونا. لف ناحيتي بعصبية وقال: حكايات منــال عـلـي — جيران إيه بس! هو إنتِ سامعة نفسك؟! إنتِ عايزة تجيبي مامتك تعيش معانا في الشقة؟! شقة أوضتين يا منى... أوضة لينا، وأوضة لعمر اللي عنده 16 سنة، والواد أصلًا بقى محتاج خصوصيته. هنحط أمك فين؟ في البلكونة؟! قلت له وأنا بحاول ألاقي أي حل: — ممكن تنام في الريسبشن... وإحنا ندبر نفسنا. ما ادانيش فرصة أكمل. — ندبر نفسنا إزاي؟! أنام أنا وإنتِ وعمر في أوضة واحدة؟! أنا بقف في الورشة 12 ساعة وسط الزيوت والحديد، وبرجع مهدود عشان أرتاح... مش عشان كل يوم أسمع تعليق على أكلي، أو طريقة تربيتي لابني، أو حتى إني مسكت الس/كينة غلط! سكت... لأني بصراحة كنت فاهمة هو بيتكلم كده ليه. كريم عمره ما كان راجل وحش. بالعكس... راجل جدع، بيصرف على البيت، وعمره ما قصر معانا، ولا عمره رجع البيت سكران، وكل همه يريحنا. بس المشكلة الوحيدة اللي عمرها ما اتحلت... كانت أمي. من أول يوم اتجوزنا، الاتنين مش طايقين بعض. أمي، الحاجة فاطمة، ست شخصيتها قوية جدًا، ومتعودة إن رأيها هو اللي يمشي. كانت زمان رئيسة حسابات في شركة كبيرة، وبعد ما طلعت معاش، وبعد وفاة بابا، رجعت تعيش في بيتها القديم في قرية جنب بنها. حصري على صفحه روايات واقتباسات كانت مرتاحة... زرعها حواليها... وفرختين وبطتين... وجيران تعرفهم من سنين. لكن الأسبوع اللي فات حصل اللي عمره ما جه على بالي. أمي كانت نازلة تسقي الزرع قدام البيت، فجالها دوخة جامدة، وقعت على السلم، واتكسرت رجلها كسرة صعبة. دخلت المستشفى، وعملت عملية. والدكتور قاللي بمنتهى الوضوح: — مينفعش ترجع تعيش لوحدها... لازم حد معاها طول الوقت، والبيت بتاعها بعيد، ومفيهوش أي وسيلة تساعدها تتحرك. وأنا... حكايات منــال عـلـي أنا بنتها الوحيدة. طلعت من عند الدكتور وأنا تايهة. كنت عارفة إن مفيش حل غير إنها تيجي تعيش معايا. بس كنت برضه عارفة إن كريم مستحيل يوافق. ولما حكيتله... كانت دي أول مرة أشوفه منفعل بالشكل ده. بصيت له وقلت وأنا دموعي نازلة: — دي أمي يا كريم... مستحيل أسيبها لوحدها، ولا أوديها دار مسنين. الست دي ربتني وشقيت عشاني بعد وفاة أبويا. فضل واقف ساكت شوية، باصص من الشباك. وبعدين خد نفس طويل وقال: — خلاص... هتيجي. بس اسمعيني كويس... لو بدأت تمشي البيت على مزاجها، أو تتدخل في كل صغيرة وكبيرة... أنا ساعتها مش هسكت. وقتها قلبي ارتاح... بس في نفس اللحظة، حسيت إن الأيام اللي جاية مش هتبقى سهلة أبدًا. لأن كل واحد في البيت كان داخل على حرب من نوع تاني... وأنا كنت في النص... مش عارفة هقدر أحافظ على بيتي... ولا هخسر حد منهم. وووو يتبع

مقالات ذات صلة

قصه جديده روعه ج الاخير

حدائق ابليس ٢ والاخير

كنت لا أصلي قبل الثلاثين عام والآن أصبحت ملتزم بالصلاة هل المفروض قضـ،،ـاء ما فاتني أم اتوب واستغفر

الداغر1

روايه رومانسيه 1

لحد امته

اترك تعليقاً إلغاء الرد