ابنه المطلقه اماني عنان ١

موقع أيام نيوز

وواثق أنه لوي دراعها قالت بعد عڈاب
هيام .. انت اللي اختارت ياممدوح .. خد بالك من عيالنا بالله عليك ياشيخ عوضهم عن حناني وحبي بفلوسك وبريستيجك والعيشه الكريمة الحياة صعبة وانا حسبتها بعقلي مش هعيش والسلام ولا هدفن نفسي مع راجل مايعرفنيش غير ساعة كل اسبوع
_________ أماني_عنان ___
بنت ثلاثينية رقيقة لابسه جيبة سودا وبلوزة زرقا وطرحه زهري قاعده لوحدها علي تخته وسط مجموعه من البنات اللي بتلعب بتذاكر أو بتاكل في الفسحة المدرسية جت زميلتها مني ولمست كتفها براحه
مني .. ايه ي بنتي فينك بنادي عليكي بقالي ساعة
هيام .. ها موجوده
مني بتقعد جامبها .. مش باين خالص مش ناويه تقولي مالك بقالك ست شهور من ساعة مارجعتي الشغل وانتي ساكته وشارده
هيام .. مافيش حاجة
مني طب انتوا نقلتوا هنا جوزك ساب شغله البعيد دا واستقريتوا مع مامتك والاولاد هنا ..
فكرت هيام أنها مش قادره تتكلم لسه مش مستوعبه أنها أطلقت فعلا وجوزها مانع عنها العيال وكمان غير رقم تليفونه كل اللي معاها حساب فيس بوك بتشوف صور عيالها اول باول عليه .. ردت وهي بتقوم تدخل فصلها
هيام .. ايوا ..
أماني عنان
زينب واقفه تشوف اللي بيحصل ف اخوها وهي ساكته ومرات ابوها بتهوشه بالسکينة بس لما الولد أصر علي الشكوي لابوه قفل السكه في وشها ماحسيتش بحاجة غير بلون الډم علي السکينة برقت بذهول المغيب وبدأت تفوق الولد ..
صباح .. أحمد قوم ياحمد انا كنت بهزر معاك ..
صوت خطوات علي السلم عيونها وسعت أكتر قربت تتصنت فطلع الصوت لفوق
الحمد لله مش ممدوح
انا لازم اتصرف واحل المصېبة دي
انت يامخفي .. بتحركه برجلها زي الفرخه المېته بيتمرجح بخفه واستسلام الروح طلعت لخالقها ارحم عليها من قسۏة الناس ابوه امه مرات أبوه وأصحابه اللي كانوا بيبعدوا عنوا لما يعرفوا أنه ابن المطلقة فأكيد معقد ولا حرامي
سلوكه مش سوي زي اللي متربي وسط أهله عاهات متخلفة بتترسب وتتورث وكلنا واخدين نصيب منها ..
ممدوح في آخر لحظة قرر يشتري علبة سجائر جديدة ..
هشتري واحده هو انا ببطل شړا سجاير .. وكمل علي شغله مهندس في شركة البترول ..
زينب عملت حمام علي نفسها ووافقه بطولها اللي بيشق طريقه لبناء بنت مكتملة الانوثه تعتبر في مرحلة المراهقة ..
كملت صباح في خطتها وقررت تخفي الچثه مهما كلفها الموضوع ربطت مكان الطعڼة بطرحتين ودخلته في شوال خضار كان عندها في الخزين رفعته زي شوال بصل ونزلت تتسحب علي السلم عارفه أن الناس في المدينة مابيصحوش بدري ومع ذلك الخۏف بياكل في ملامحها ..
خرجت زينب من اوضتها وهي مړعوبه من مرات ابوها
زينب .. أحمد ماټ مش ممكن لو رجعت ولاقيتني في البيت ھټموټني زيه ..
نزلت تجري من الشقة ومش محدده هتروح فين هي بتهرب من عقدة حياتها صباح وبس خلت الشارع بالنسبة لبنت عندها عشر سنين جنة ورحمة عن بيت ابوها ..
فات النهار وخلصت ممدوح شغله رجعت قبله صباح نضفت الډم كويس ولما دورت علي زينب مالقتهاش لطمت خدها..
ياخبر اسود البت شافت كل حاجة
دخلت اوضتها لاقت شعرها مقصوصه ومرمي علي الارض فوق بنطلون البيجاما اللبني الناعمة اللي كانت لبساها اتأكدت أنها شافت كل حاجة ولو رجعت هتروح صباح في داهية أخفت كل الأثار حتي اجزاء من هدومهم ..
رجع ممدوح .. فين الولاد مالهمش صوت ليه
صباح بتتلجج .. غير بس هدومك وكلك لقمة ..
عامله قلبها علي الراجل اللي
لسه قاتله ابنه الوحيد ومشرده بنته ولاول مره قلبه حس بعياله وقرر يخش اواضهم ..
ابنة_المطلقة
ح الثالثة
بعد مانضفت صباح مكان الډم ورشت الشقة معطر لسه ريحة القټل في ايدهاشامه زفارة الډم الدافئ وهو بينساب علي الارض بتكابر وتكمل في طريق مظلم معروفه نهايته بس هي مصممه تكمل في الكدب ممدوح فتح باب اوضة زينب لاقاها مترتبه ونضيفه سأل بتعجب
ممدوح فين زينب
صباح ساكته ومافيش في دماغها كدبه جاهزة ..
ممدوح .. الولاد فين انطقي يااحمد
صباح وقفت قدامه وهو رايح اوضة احمد وقالت
انا حامل
ممدوح .. مبروك دا ايه علاقته بالعيال
صباح .. بصراحه كدا جدتهم جت وعيطت وقالت امهم مش قادره تعيش من غيرهم فصعبت عليا
ممدوح بدأ يرتاح .. ازاي تديهم لها من غير اذني
صباح .. وانت يعني كنت هترفض ..! دي امهم ياحبيبي ولها حق عليهم وعليك ..
كلامها من كتر ماهو منطقي وعطوف نسي ممدوح أن دي ضرة والضرة عمرها ماتحب الخير لطليقة جوزها مهما حاولت تتقمص الخير ..
قلع جاكت البدله وقال تمام خليهم عندها فترة كدا كدا المدارس قريبة منها الولاد نفسيتهم تعبانه ..
بتسمع وتسكت مش بترد وتعافر زي الاول كانت بتبان أنها مهنيه الولاد وهما بيتعبوها وفي الحقيقة كانت بتقعد وهما يخدموها ..
صباح دخلت المطبخ تجهز الغدا مش محضره حاجة دخل ممدوح وراها بمشاعر حب وغرام في نيته البيت خلاص فضي لهم اول ماحست بيه وراها صړخت ..
صباح .. اه ه ه
ممدوح مسكت دراعها وطمنها
مالك مالك انا جوزك
صباح بالله ريقها وتتمالك نفسها المبعثرة بعد جريمتها وتكمل بثبات
صباح .. انا بصراحه كنت تعبانه فماعملتش اكل
ممدوح .. ولا يهمك تعالي نتغدا بره بس بفكر اتصل بهيام اسال علي الولاد ..
حطت أيدها في وسطها وهي مړعوبه اكتر منها غيرانه وقالت
صباح .. نعم نعم ايه انت هتستغل الموقف وترجع حبك القديم ولا ايه ..
تأليفي اماني عنان … ممدوح بضحك ابدا انا وهيام انفصلنا وانتهينا بدليل اني اتجوزتك بعد طلاقها باسبوع
صباح في سرها وانا كامرأة هصدق بسهوله انك نسيت بالعكس جوازك السريع اكبر دليل علي تسرعك وعندك ليها ..
ممدوح حط الفون من أيده وقال لها يالا ياستي البسي بسرعة عشان ننزل هما مع جدتهم يعني امان ..
______ أماني_عنان _____
بعد انتهاء هيام من يومها الدراسي اللي كانت يتصارع فيه نفسها وكدبتها علي الجميع بأنها انتقلت مع زوجها واولادها لمكان المدرسة وعند مامتها دخلت اوضتها ماكنتش امها في البيت ..
هيام .. ماما انتي فين
ماحدش رد توقعت انها بتلف بالجبنة علي الزبائن اللي بتتعامل معاهم حطت شنطتها بنفس طويل وهي بتهمس لنفسها
هيام .. لو كان الفقر رجلا لاحرقته وانتظرت رماده ثم نثرته ..
بدلت هدومها ومسكت التليفون بتجرب ترن علي رقم ممدوح للمرة الألف ..
الهاتف المطلوب خارج نطاق الخدمة ..
هيام .. اوووف نفذ تهديده وغير رقمه واتجوز وعاش حياته اعمل ايه بس ياربي اروح له تاني ويطردني قدامها زي اخر مره ولا اعمل ايه
ردت أفكارها .. انا لازم ارفع عليه قضية حضانة لأولادي ونفقة
وطت رأسها وبكت بحړقة وهي بتقوم تتسند من قلة حيلتها ..
منين هرفع قضية منيييين ..!
اتلهي باهيام واخرسي اقبلي الإهانة والظلم واخرك حسبني لا مال ولا سند ..رجعت امها من بره بتحط الحلة الالمونيوم ويدوب توصل بصحتها الباقيه لاول كنبه ..
الام .. ياساتر يارب هلكت من كتر اللاف ..
هيام .. انتي جيتي ياماماغ
الام .. ايوا ياحبيبتي عملتي ايه النهاردة
هيام بنص ابتسامة .. ياماما انا مدرسة في المدرسة مش لسه تلميذة هتطمني عليها.
الام بتحاول تغير في المواضيع وهي عارفه أن مافيش حاجة في الدنيا ممكن تلهي ام وتنسيها ضناها علي طرف لسانها تبكتها وتقول لها ليه ماستحملتيش عشانهم وبترجع تسكت بنتها مش محتاجة ۏجع ومع الوقت اكيد هتعيش حياتها واتجوز تاني وتخلف ..
هيام .. انا اللي هجهز الغدا النهاردة خليكي انتي مرتاحه
_______ أماني_عنان ___
نزلت زينب بلبس البيت ترنك ازرق مرسوم عليه ميكي ماوس وشعرها مقصوص بهمجيه ومنحول مش باين لها نوع هي بنت ولا ولد ساكته ومابتتكلمش طول النهار ماشيه علي رجلها وأول ماحست بالجوع راحت عند فرن عيش ووقفت قدامه تبص علي الاكل .
الفينو المنين المعجنات بالشوكولاته
زينب .. لو مديت أيدي من غير ماحدش يقولي تبقي سرقه وماما ماعلمتنيش كدا …
شافها صاحب المحل وهو بيعد أراد اليوم شاور لواحد شغال معاه واداله كيس فيه من كل نوع واحده .
خد للولد اللي واقف هناك دا ..
الصبي .. بس دا باين عليه ابن ناس يامعلم دا لابس ترنج انضف مني ..
المعلم .. يالا يابني انت هتستكتر الصدقه .
الصبي .. حاشا لله
وجري اداها الكيس من ساكت وقام مطبطب علي كتفها رجعت لورا خاېفه من لمست شاب لها ولما سمعته بيقول ..
خد ياشاطر كل
زينب .. شاطر يعني انا شكلي ولد
يالا يابني انت مش جعان ولا ايه
خطفت الكيس وجريت بعد الاكل قامت تشحت لحد ماجمعت خمسين جنيه قررت تركب اي ميكروباص من غير ماتهتم هو رايح فين أو مع مين المهم تمشي من هنا . عايزا تهرب من ذكريات هي اصلا جوا روحها اعتبرت ابوها ومرات ابوها صفحة واتحرقت مش بس اتقلبت ..
نزلت حي شعبي بعد معاملة أنها صبي وشكل صنايعي كمان قابلها عيال المنطقة ..
بتعمل ايه هنا ياض وزقها من ضهرها
زينب ضعيفه وهشه وقعت علي وشها في رمل الشارع ودخل في عيونها التراب بتحاول تجمد لسه في الشارع هوايل اكبر
جه ولد تاني .. مابراحه يابني دا جديد شكله ومالوش في العڼف
الولد الاول .. قوم ووريني جمالك بتشتغل ايه ياض اوعي تكون شحات
وقفت وهي ساكته وبتبص عليهم من غير ولا كلمة دخلت المراهق التالت وهو بيشرب عقب سېجارة صغير وقال
ابرز بالفلوس اللي لمتها وانجز
زينب .. صمت تام وهدوء
الولد الثاني .. دا باينه أخرس ياجدعان
الاول .. علي نفسه .. وبدأ يشاور بعصبية علي جيبة ويعمل شكل الفلوس وبرضو مافيش استجابة ..
الولد التالت شد الكيس من أيدها وقال .. دا اللي فيه الخميرة
ايه دا بقسماط وكحك …!
التاني .. يالا بينا دا شكله اخرس وغلبان
مشي الولد الاول والتاني وفضل اخر واحد صاحب
السېجارة العصبي وقال الترنج دا يلزمني اقلع ياض اهو يبقي اسمنا قلبناك في حاجة
وهنا عيطت زينببينت أنها فاهمه كل حاجة حضنت نفسها وفضلت ترجع لورا والولد يقرب منها وفي أيده المطوة
ابنة_المطلقة
ح الرابعة
وقف الشاب التالت وقال وهو بيرفع المطوة في وشها
اقلع الترنك دا يلزمني .. البنت حضنت نفسها وخاڤت جداغمضت عيونها وافتكرت امها ايام ماكانت بتدلعها وتلعب معاها كانت شايفه كل حاجة كأنها واقع واللي بيحصل دا كابوس وهتصحي منه بتبتسم بهدوء وفي خيالها صورة امها لما كانت بتصحيها تشرب كوباية لبن وتقول لها
صباح الخير ي زوزو
زينب .. امممم
هيام .. اصحي ي آنسة زينب بطلي دلع ..
تقوم زينب تتمط وتسند ضهرها وتشرب اللبن بنص عين مفتوحه ومامتها شغاله كلام وكأنها إذاعة واتفتحت
الام … يالا اصحي عشان تفطروا وتروقي اوضتك عشان هنخرج نشم هوا النهاردة ..
فتحت بسرعة بجد هنخرج ياماما
وقف الزمن وايد الاسطي شعبان بتهز فيها بوشه المدور وشنبه الطويل ..
شعبان. خلاص ياحبيبي مشيوا جربوا اول ماشافوني ..
زينب مش عايزا تفتح نفسها تفضل هناك عند بيتها وسط دفئ امها وأبوها وشقوة أخوها ..
الاسطي شعبان انت اخرس يابني
زينب فتحت وعجبها اوووي أحكام الناس المسبقة اللي بتخليها تلاقي مبررات لهروبها وسكاتها قالت في نفسها خلاص من النهاردة انا ولد واخرس وهمشي ورا العطف والايد اللي تطبطب عليا مش الايد اللي تعرفني .. !
بيضرب شعبان كف بكف وياخد زينب ويمشي .. يتحول الله يارب تعالي يابني زمانك جعان لحد مانشوف فين اهلك
الاسطي شعبان نجار عايش لوحده اتجوزمرتين وكل مره يطلق والحد مراته اللي وراه واللي قدامه عنده عقدة من الستات نجار له ورشته وبيت بسيط دورين ..
بقلم أماني_عنان
____________________
ممدوح بيفسح مراته وډخلها مطعم بيقول لها
تأكلي ايه ياصباح
صباح ساكته ومسهمه
ممدوح .. وبعدين بقي انا مش خارج مع كرسي
صباح .. معاك والله بس نفسي غامه عليا وحاسه أني مش قادره اقعد …
ممدوح .. ها تأكلي ايه !
صباح .. مسكت ورقة المطعم ممكن نص فرخة مشوية وسندوتش برجر
ممدوح عقد حواجبه وقال .. الاتنين
صباح .. انت مستكتر عليا اللقمة
مخرجني تذلني شكلك بخيل ونقاق
سكت ممدوح ثواني وبدأ يحس بالفرق صعب اي انسان سواء راجل ولا ست يدخل تجربتين ومايقارنش مابينهم ودائما بيبص للناقصه ومفقود في الطرف الموجود ..
رد بهدوء .. وطي صوتك اكيد ماقصدش بس معروف أن الفراخ واجبه والبرجر واجبة تانية خالص ..
صباح بدلال .. انا عايزا فراخ وابنك طالب برجر
ابتسم بسذاجة وقال حاضر ياستي هما الحوامل كدا لهم طلبات غريبة لكن قوليلي انتي عرفتي منين انك حامل
صباح سابت الورقة من أيدها وقالت .. ها
ممدوح .. سمعتي ولا اعيد السؤال
صباح .. ايوا بعد تفكير لحظات اشتريت أختار من الصيدلية
ممدوح .. مش كفاية بعد بكره اوديكي لدكتورة نسا عشان تتابعي معاها…
صباح بتبلع ريقها وتقول .. مافيش مشكلة
هي ولا عملت اختبار ولا تعرف اصلا هي فعلا حامل ولا لا ولكنها كدبة سهله للضحك علي اي راجل ..
_______________
في المدرسة مني قاعده مع هيام بيتغدوا سندوتشات طعمية وفول خبطت ام سمر جارت هيام ودخلت بزيارة مفاجئة ماكنتش متوقعه خالص
ام سمر .. جبتلك عريس ي أستاذة هيام انما ايه لقطة ..
هيام وقفت اللقمة في بوقها ومني سالت وهي ماسكه السندوتش عريس ايه ي حجه هيام متجوزة
ام سمر .. كانت خلينا في المهم هو مستني قدام المدرسة ايه رايك تشوفيه هنا ولا في البيت … وغمزت بعينها
بلعت هيام الأكل وقالت .. روحي يام سمر
ام سمر .. يووه هو في ايه حد لاقي عرسان اليومين دول دا ارمل وعنده عمارة ومحلين عيبه الوحيد عنده تلت عيال بس مش مشكلة كله يهون في سبيل الستره ..
اتعصبت هيام اللي بتدور علي الحرية والراحة ماتخيلتش أن دا هيكون مصيرها زوجة لارمل عنده ربع دستة عيال وينتهي بيها الحال منقبه ومحپوسة في أربع حيطان بعيد عن فلذة كبدها زينب وأحمد …
هيام .. طيب روحي دلوقتي وبعد المدرسة هعدي عليكي ..
مابتحبش تحرج حد وحبت تلم الدور ام سمر شرشوحه ولو حست أن هيام بتستعر منها هتعلي. صوتها وتجرسها في المدرسة كلها ..
ام سمر .. ماشي .. هستناكي
ونزلت تطرقع بشبشبها العالي علي السلم لابسه عبايه سودا وطرحة حمرا ..
مني بتبص لهيام باستغراب