امل جديد ج الاخير

-عايز ايه يا رائد ؟!!بتمشي ورايا في كل حتة …مش عايز تنساني ولا مخليني انساك …انت فاكر أنك بالشكل ده هرجعلك مثلا ؟!!هنسي الاهانة والذل اللي شوفتهم علي ايدك …انت شايفني رخيصة للدرجادي يا رائد ..
نظر إليها بحزن وحاول ان يقترب منها …يطيب خاطرها يطلب السماح ولكنها صرخت به :
-وقف …قولتلك اوعي تقرب مني فاهم ….
تجمد مكانه ….نظرت إليه بكره … رائد وهو ينظر إليها وقال:
-مش ناوية تسامحيني …حرام يا دعاء أنا بقالي أربع شهور بجري وراكي في كل مكان …
-اسامحك ؟!!
صرخت بها وهي تدفعه بعنف ثم اكملت:
-اسامحك علي ايه ولا ايه انطق يا رائد ….اسامحك أنك اتهمتني بالخيانة قبل ما تتأكد …ولا اسامحك أنك عاملتني معاملة الكلاب ….ولا اسامحك أنك طلقتني ورمتني رمية الكلاب …
امسك رائد ذراعيها ثم ضمها إليه بقوة وهو يقول بندم :
-اسف…آسف …سامحيني ابوس ايديكي ..
ولكن دعاء دفعته بقوة وقالت :
-مستحيل اسامحك يا رائد. ..أنا بكرهك وهفضل اكرهك طول حياتي …هدعي ان ربنا يكسرك زي ما كسرتني …
امسك رائد كفها وقال بتوسل بينما ابتلت عينه بالدموع :
-انا آسف …اديني فرصة واحدة ابوس ايديكي …فرصة اصحح غلطي معاكي …والله يا دعاء بحبك …ابوس ايديكي فرصة واحدة …واحدة بس …أنا هطيب قلبك …هعمل المستحيل عشان اعوضك …
مسحت دعاء دموعها وابعدته عنها وقالت:
-روح عالج نفسك يا رائد انت مريض …وانساني لاني مستحيل ارجعلك فاهم …!!!
…………
في السجن …ركض السجان للضابط وصرخ
-الحق يا فندم المسجونة سميرة هربت !
يتبع

سولييه نصار

الخاتمة (في الحب دائما فرص اخري)
هي فتاة وردية ساذجة عشقت بجنون تركت لجام العقل وتمسكت بلجام القلب والنتيجة كان شرخ في قلبها قد يدوم للابد …بينما هو يتوسل السماح طالبا فرصة اخري جل ما كانت تشعر به هو الشفقة علي حالهما …لماذا حدث هذا لهما …لماذا لم يكن الأمر افضل …هذا خطأ من …هل خطأ رائد الذي رفض أن يسمعها أو يثق بها أو أنها تتحمل جزء من الخطأ كما تقول منال عندما تزوجت برجل يعاني من ظلام روحه …رجل واجه أسوأ أنواع الخيانة نتجت عنها عقد لا تنتهي ….هل كانت محقة أن تحب رجلا كهذا ….أم أن زواجها به كان أكبر خطأ ارتكبته …اسئلة كثيرة تدور بعقلها لا تجد لها إجابة ….ولكن ما تعرفه أنها فقدت القدرة علي الغفران لأن الجرح الذي سببه رائد في قلبها لن يندمل ابدا …مسحت الدموع التي انسابت من عينيها وهي تنظر لرائد قست قلبها وهي تقول بنبرة جامدة لا أثر للعاطفة فيها :
-انا مستحيل ارجعلك يا رائد ….خلاص انت طلعت برة حياتي للابد …أنا اكتفيت منك ومن هوسك وشكك ومرضك …