لقاء الحياه ج الاخير
لقاء الحياه ج الاخير
احتدت ملامح “خالد” عاقدًا حاجبيه وهو يلتف نحو “كريم” ثُمّ سأله بغضب.
– حوار وهيتنسي… وسمعتها يا دكتور يا محترم…
ثُمّ أردف بنبرة حادة.
– ابعد من قدامي يا “كريم”.
…
انتفضت بفزع من غفوتها التي سقطت بها بعد بكاء متواصل.
وجدت “ريناد” تقف جوار فراشها تعقد ساعديها وترمقها بنظرة قاتمة.
– دلوقتي عرفت سبب إهتمامه بيكِ ليلة راس السنة…
ثُمّ استطردت بحقد احتل قلبها منذ أن علمت بما فعله “خالد” اليوم.
– ما هو مش معقول هيقلب الدنيا عشان حتت موظفه عاديه.. ده غير لهفته عليكِ ساعتها.
– “ريناد” أنتِ بتقولي إيه…أوعي تقولي إنك صدقتي
الصور والكلام اللي بيتقال عليا.. ده أنتِ كنتِ معايا وعارفه كل حاجه.
لم تتحمل “ريناد” سماع ما تُخبرها به وأخذت تتحرك حولها بغيظ.
– “خالد العزيزي” وقف قدام موظفينه يدافع عنك.
الغصة اِحتلت حلقها عندما أعلن أنه وشقيقتها كانوا على وشك إعلان خطبتهم بعد إحتفال ليلة رأس العام.
– لا وكمان قالهم إنك بإعتبار ما سيكون هتكوني “خديجة العزيزي”
حدقت بها “خديجة”، فهي لا تفهم شىء ولا تستوعب.
– استعدي لخطوبتك من “خالد العزيزي” يا عروسة.
…
– مش معقول “خالد” يعمل كده.
قالتها “نورسين” بعدما علمت بالأمر من “كريم”..، فهي مازالت لا تستوعب أن شقيقها أعلن خِطبته من موظفه لديهم فجأة والسبب ما نُشر عن تلك الفتاة وعنه .
– صدقي يا “نور” لأن أخوكِ شكله كان واخد قراره من بدري.
– قصدك إيه يا “كريم”.
تساءَلت “نورسين” وقد أشارت لسكرتيرتها أن تُغادر مكتبها لحين أن تنتهي من مكالمتها.
– “خالد” شكله معجب بيها رغم إنه بينكر ده.
احتدت عينيّ “نورسين” ثُمّ حدقت بتلك الصورة المعلقة على الجدار.
– أنا هنزل مصر حالاً يا “كريم” عشان أوقف المهزله ديه.
…
– أنا مش فاهمه حاجه يا “خديجة”… مال صوتك.
هتفت بها “سارة” بقلق على صديقتها ثُمّ أردفت.
– “خديجة” كفايه عياط وفهميني فضيحه إيه وعريس إيه اللي متقدم ليكِ.
– خلينا نتقابل يا “سارة”… انا هحاول أخرج من البيت واقابلك.
قالتها “خديجة” وهي تمسح دموعها.
بعد وقت
كانت “خديجة” تدلف للمقهى الذي يملكه “مازن” خطيب “سارة”.
طالعتها “سارة” بنظرة مصدومة من هيئتها.
فتحت “سارة” فمها بدهشة وهي تستمع لكل ما تخبرها به “خديجة”.
– هو ده سيناريو مسلسل كوري يا “خديجة”.
