الروايه الرحمه ٣

قاسم. ملاك انجزي واجهزي الناس مستنينا برا

ملاك بدموع وتفكير. وانا موافقه لكن بشرط

قاسم پغضب. ايه

ملاك. جوازنا هيكون على الورق بس وكلها كم شهر وتطلقني وتنساني خالص لاني مش طايقك يا قاسم وانت كد كدا متجوز

قاسم بخبث. وانا موافق وانا اصلا بحب ناهي

ملاك بدموع وصدمه. بتحبها! تمام اوي ومفيش رجوع في الاتفاق اللي بينا ومحدش يعرفه

قاسم بخبث وابتسامه ساخره. موافق

ولنفسه

دي بتحلم دي ولا ايه بس ماشي يا لوكه هنلعب القط والفار سوا

قاسم. خالص بطلي عياط بقى وامسحي الكحل اللي بهدل وشك دا

ملاك. وانت اخرج ياله

قاسم بغمزه. ماشي يا لوكه

بعد شويه خرجوا و كتبوا الكتاب وملاك كانت فعلا مبسوطه من جواها لكن زعلانه عشان كلمته انه بيحب ناهي

… …

عند حور

شروق. بس جوزك دا طيب وابن حلال وبجد انتي محظوظه بيه

حور. ليه بتقولي كده

شروق. بصي البت نواره مسكوها في بيت مشپوه من بيوت الدعاره و كان معها هروين وشكلها كدا هتقضي نص عمرها في السچن وحتى لو خرجت هتعيش بعار اللي عملته. والعميد بتاع الكليه اللي حاول يعتدي عليكي اترفد من الكليه بفيحه انه سرب امتحانات و كمان في طلاب قالوا انه كان بيستغلهم في حاجات مش كويسه والا هيسقطوا ودلوقتي متجرجر

—

في أقسام البوليس

حور. وايه علاقه دياب بدا كله

شروق. بصراحه انا الفضول اخذني اعرف عشان كدا روحت قسم البوليس للبت نواره اصلي كنتي مغلوله منها وروحت اشمت فيها الصراحه تستاهل وانا ماشيه سمعت محامي بيكلم واحد اسمه دياب الرشيدي وبيقوله انه كله تمام وانت نواره والعميد بتاع الكليه مش هيخرجوا منها

حور بتفكير. معقول

شروق بخبث. شكله بيحبك

حور بحزن. حتى لو فعلا عمل كدا هو كسرني يا شروق انا خسړت عيلتي بسببه

شروق. لو فعلا بيحبك هيصلح كل اللي كسره بس المهم لو عمل كدا انتي هتسامحيه وتحبيه

حور. معرفش يا شروق

… …

عند رحمه

واقفه أدام المرايه وهي لابسه فستان ازرق طويل ضيق من الصدر ونازل واسع مع لمسات بسيطه من المكياج وتسريحه شعرها الجذابه كانت جميله جدا

عاصي واقف وراها وهو مبتسم. شكلك جميله اوي

رحمه بابتسامه جميله. شكرا بس احنا هنروح فين

عاصي بغمزه. مفاجأه

وراح ناحيه اوضه الايس واخد بدله سوداء شيك ولابسها وحط برفان مميز و سرح شعره وكان وسيم جدا

عاصي. ياله بينا

رحمه. ياله