رحاب وبحر

وقالت…. ما انا عارفه انت هتقو لي
بحر قال …اه صحيح انا جاتلى رساله من الشركه الى عملت معاها المقابله وقالو انى اتقبلت وانى هاشتغل معاهم
رحاب قالت بفرحه ….بجد يابحر بحر شالها وبقى يلف بيها وقال …بجد ياقلب بحر شةفى انتى وش الخير عليا دخلتى حياتى عدلتيها ميه وتمنين درجه
رحاب قالت…علشان انت سعيت انك تعدلها ويلا بقى علشان هنتعشى سوا النهارده
بحر قال… ا اه صحيح انا وانت وبس بابا قال لي انه رايحه هووماما عند خالتي بقول لك ايه اخدو عادل معاهم رحاب قالت اه اخدوه
بحر ابتسم بفرحه قال…..ياه جبل ونشال من على صدرى اه والله بقول لك ايه تيجي نتعشى فوق
رحاب قالت… اغرب كلمه اسمعها انا اسمع ما تيجي نتعشى بره انما نتعشى فوق لا دي جديده بصراحه
بحر قال. احنا بتوع الجديد كله بس على فكره العشا فوق احلى بكثير قوي من العشا اللي بره اه والله انت بس لو يهديك ربنا وتيجي تجربي معايا مش هتتعشي غير فوق يا بنتي ده متجرب بصي اقول لك ايه
رحاب قالت…..اه و انت اكثر واحد مجرب طبعا اكيد ومين بقى الى اتعشى معاك فوق زوزو
بحر قال….. لا زوزو مين دى مش تخصص عشى بقول لك ايه ما تاجى نتعشى وسيبك من زوزو
رحاب قالت….طب اطلع خد شاور وتعالى انا مستنياك
بحــر . ــقال… ماشي هروح على طول اهو لو غيرت رايك تعالي ها
رحاب قالت …لا مش هغير روح يلا و تعال مستنياك بعد شويه نزل بحروكان قاعد جنبها
وقال …بقولك ايه يا رحاب ما تاكليني بايدك رحاب كانت بتاكل بصيت له بطرف عينها
وقالت…. ليه ايدك راحت فين اتشلت ما تبقى تتشل هبقى اكلك
بحر قال … يا ساتر يا رب ايه يا بنتي ده عندك نقص في هرمون الرومانسيه نقص ايه ده منعدم يا ماما انتى كده تبردي انت كده تلاجه
رحاب قالت …الجو ده مش بتاعنا مش لينا
بحر قال …. ليه مش بتاعنا ليه مش لينا يعني مش فاهم
رحاب قالت ….علشان ده بتاع الناس اللي بيحبوا بعض
بحر قال …..طب ما انا بحبك وانت بتحبيني
رحاب قالت…. انت بتحبني ماشي انما انا بحبك لا دي لسه فاضله علياهاكتير
بحر قال ….مش مهم براحتها المهم انها جايه في السكه انا مستعد استناها هنا وعمري كله لو عشت ستين سنه قاعد مستنيها لا ستين ايه ميه لا قليلين عليك الميه انت قليل عليك العمر كله
رحاب ابتسمت وقالت بكسوف ….كفايه بقى الكلام ده
بحر قال….طب خلاص قوليلي بقى هو سؤال يعني العريس الاخير ده اللي عجبك عز ده انت كنتى هتتجوزيه علشان من عيله يعني وعنده فلوس وكده ولاانت عاجبك وحبيتيه وبتاع يعني
رحاب بصت له وشافت ا الحزن في عيونه قالت….. لا عادي عريس يعني زيه زي غيره بحر ابتسم بافرحه وقال يعني انت مش بتحبيه ولااللي قبله
رحاب قالت…. انا هاحب كل واحد من الى طفشتهم ليه هحب بالجمله ده انت انت مطفش لي تسعه
بحر قال ….سامحيني مش بايدي وقرب منها بس بعد وعن بعض بخضه لما الباب اتكسر ودخل عز وكان مع خمسه من رجالته وبص لبحر بغل
وقاله… مساء الخير كنت ادتلنا حاجه كده وجايين نرجعها لك طبعا عرفتها يا بحر العلقه اللي ادتها لي يوم فرحي صحيح انا تاخرت عليك شويه بس ناوي اخدها الضعف هديلك العلقه اللي اديتهالي وهاخد العروسه اللي اخذتها وقرب من رحاب بس بحر واقف في النص
وقال…. خد رجالتك دول وامشي من هنا احسنلك لو عايز تفضل عايش يعنى ده لمصلحتك
عز ابتسم و وقال…. اول مره أشوف الخوف في عينك يا بحر والله وبقيلك نقطه ضعف زى باقي البشر وشاور للرجاله اللي معاه والشباب اتلموا على بحر هو أشتبك معاهم وبقى يضر*ب بس كانوا اكثر منه
رحاباتقدمت على عز وقالت بخوف.. خلي رجالتك يبطلواا ض*رب فيه مشيهم انا جيت بمزاجي هو ما عملش حاجه سيبه هو بقى جوزي خلاص خلاص ياعز ده نصيب
عز ضحك وقال…. انتي فاكره انى بعمل كده علشانك انا بعمل كده علشان منظري عشان العلقه الى ادهالي و الناس ما يقولوش ان ده علم عليا انا
رحاب بقت تحاول تبعد هم عنو وتصرخ وتزعق معاهم بس بس مسكها جامد وزقها بعيد عنهم بحر زق واحد من اللي ماسـ . ــكينه ومسك عز وبقى يخنق فيه ويقول له انت بتض*ربها بتض*ربها يا واطي وبقى يضر*ب في عز والرجاله مسكوه وبقو ويضر*بوا فيه و الجيران اتلمت على الصوت بس ما حدش كان عايز يتدخل علشان عز كانوا خايفين من والده اتصلوا بوالد بحر وقالولو اللي حصل وابو بحر جه وجاب معاه رجاله وطبعا البوليس اخد الكل في القسم كان بحر مضروب شويه والرجاله كمان كانوا مضروبين شويه والضابط
واقف وقال… انت بتتهجم على الناس في بيوتها ياعز
عز قال … حضرتك دي كانت عروستي وهو اخدها مني يوم الفرح وض*ربني وقدام الناس وهو اتجوزها غصب علي فكره حتى أسئلها مش كده يا رحاب وبص لرحاب بس
رحاب قالت…. لا ده جوزي انا اتجوزته عز هو الى اتهجم علينا وض*رب جوزي وكان عايز ياخدني معاه بالعافيه وبحر بس كان بيدافع عن نفسه وعنى ووالد عز هو ووالد بحر اتفقوا وتنازله عن المحضر بعد ما اكد له انه عز مش هايتعرض لابنه تاني بعد شويه بحر رجع البيت وكان مضروب شويه وكانت رحاب قاعده. جمبه وبتعقملو جروحو
قالت بدموع ….انا اسفه الجروح دي كلها بسببي