كريم وملك

شعر يوسف بإحساس غريب لا يعرف ماهو ولكنه شعر بالاحراج ثم ابعد يده قائلا. ربنا يباركلكم فيه اهم حاجه لو جه صبي تسموه يوسف

تحدثت ملك بخيبة أمل. لا

دلف كريم قائلا بمكر. هو ايه اللي لا وانا عندي اغلي من يوسف

تحدث يوسف. تسلم يا كريم وع العموم انا بهزر ياملك ياريت متكونيش زعلتي مني

اقترب كريم منها يحاوطها بيده قائلا بخبث. لا طبعا ملك حبيبتي متعرفش تزعل من حد انت عارف طيبه قلبها

نظرت ليده بغضب قائله بصوت منخفض. شيل ايدك بدل ما اك*سرهالك

دلفت والدة يوسف ثم نظرت له بغضب قائله. كرررريم

ابتعد كريم بتوتر قائلا. نعم

رقمته بنظره غاضبه قائله. . ممكن اطلب من طلب انا عارفه انا في مقام والدتك ومش هتكسفني

تحدث كريم. اكيد طبعا بس طلب ايه

اقتربت والدة يوسف من ملك قائله. ملك تيجي تقعد معايا عشان شكلها تعبانه من الحمل قولت اخد بالي منها قولت ايه يا يوسف

استغرب يوسف قائلا. اكيد ياماما اللي تشوفيه بس مش فاهم حاجه انتي امتي اتعرفتي ع ملك

تحدثت والدته بارتباك. في ايه يايوسف انت ناسي بقالك كتير في الغيبوبه وملك وقفتي معايا ومسبتنيش خالص قولت اقف انا كمان معاها عشان انت عارف والدة كريم مبتكلمهاش ولا بتهتم بيها

تحدث يوسف بابتسامة. عندك حق يا ماما انت احلي واطيب ام ربنا يخليكي ليا

نظر لها كريم بغضب قائلا. اللي تشوفيه انتي برضوا والدتي

شعرت بالسعادة ثم حضـ,,ــــنت والدة يوسف قائله بصوت منخفض. شكرا ياماما بجد مكنتش عارفه هعمل ايه من غيرك

ثم دلف الشرطي قائلا. ممكن يجمـ,,ــــاعه برا ثواني

شعر كريم بالارتباك ليتعرق وجهه بخوف ثم ذهب برفقتهم

تحدث الشرطي. ممكن تحكيلي كل اللي حصل وياريت توضحلي اكتر كانت مجرد حادـ,,ــــث ولا كان قاصد

تحدث يوسف بحزن. للأسف انا مش فاكر حاجه ولا فاكر ايه اللي حصلي غير فتحت عيني ولقيت نفسي هنا

ثم ذهب الشرطي بغير معلومه مفيده.

في يوما جديد

رجع يوسف بيته بعد ما اتعافه تمام

دلف غرفته برفقته والدته التي تسنده

تحدث يوسف. ياماما قولتلك انا كويس واقدر امشي لوحدي متخافيش عليا

تحدثت والدته. وان مكنتش اخاف عليك اخاف ع مين وانا ليا غيرك المهم ارتاح ومتقوليش تاني خروج غير بعد اسبوع لما تتحسن اكتر

تحدث يوسف بابتسامة. طب اعمل ايه عشان تصدقي اني كويس

دلفت ملك تنظر له بابتسامة قائله. يوسف حضرتلك اكل خفيف وممنوع تقول لا

تحدث يوسف باستغراب. هو في ايه ياجمـ,,ــــاعه انتوا بتعاملوني كدا ليه

اقتربت ملك ثم وضعت الاكل ع الطاوله قائله. عشان خايفين عليك طبعا

نظرت لهم بحب ثم تركتهم وذهبت

تحدث يوسف. شكرا ليكي يا ملك بس انا كدا هتعبك معايا

تحدثت ملك بحزن. متقولش كدا احنا بقينا عيله واحده

تحدث يوسف بابتسامة. اكيد طبعا وانا بعتبرك اختي

نظرت له بوجع حاولت تمنع دموعها قائله. المهم متاخدنيش بالكلام عشان تنسيني الاكل ثم أمسكت ملعقه طعام قائله. يالا

نظر لها باحراج قائلا. لا مش لدرجادي انا اقدر اكل لوحدي شكرا ليكي

تحدثت ملك بألم. العفو عن إذنك ثم خرجت من الغرفه وضعت يدها على بطنها المنتفخه قائله بدموع. شوفت ياحبيبي بابا بيعاملني زي أخته مش عارفه هيفضل كدا لي امتي بجد وحشني اوي

ثم خرجت تفاجئت بوجود كريم تغيرت ملامح وجهها بغضب قائله بضيق. يوسف نايم تقدر تيجي في وقت تاني تشوفه

تحدث كريم بمكر. ماعني كنت عايز اطمن عليه بس انا جاي عشان مراتي

تحدثت ملك بانفعال. انت صدقت نفسك بجد لا وبتستغل صاحبك المريض عشان توصل لهدفك

تحدث كريم بنفاذ صبر. ايه اللي بتقوليه دا انا بعمل كل دا عشان يوسف واكيد هيفضل يسال انا مجتش معاكي ليه

تحدثت ملك بحزن. وانا مستحيل اوافق تفضل هنا

دلفت والدة يوسف قائله. في ايه يا ملك

تحدثت ملك بغضب. تعالي يا ماما شوفي البيه جاي وعايز يقعد معانا

تحدثت والدة يوسف بحزن. أهدي بس يا ملك واسمعيني انا اللي كلمت كريم يجي من كتر اسألة يوسف مستغرب من قعدتك معانا من غير كريم

تحدثت ملك بانفعال. وانا مش موافقه ياماما وانا ممكن امشي من هنا ولا اقعد مع البني ادم دا

تحدثت والدة يوسف. تمشي ازاي ياملك انا مش هسمحلك بكدا

تحدث كريم ببرود.مش قادره تمثلي انك مراتي ماعنك كنت مراتي في يوم من الايام

تحدثت ملك بانفعال. عشان متستاهلش اكون مراتك

تحدث كريم بغضب. ملك انا ماسك نفسي عنك بالعافيه

تحدثت والدة يوسف بنفاذ صبر. ممكن تهدو انتوا الاتنين عشان يوسف ممكن يسمعكم

ارتمت ملك علي الأرض قائله بدموع. انا تعبت بجد ليه دايما فرحتنا مابتكملش كان نفسي اشوف فرحه يوسف بابننا

ثم دلف يوسف بعلامـ,,ـــات الصدمه ع وجهه قائلا. انتي بتقولي ايه

نظرو له بصدمه نهضت ملك التي مازالت تبكي تنظر له بخوف

تحدثت والدته بارتباك. مافيش يابني دا كريم وملك بيتخانقوا مع بعض

اقترب من ملك بهدوء قائلًا. كنتي تقصدي ايه بكلامك

نظرت له باعين مليئة بالوجع والدموع ثم نظرت للأرض لم تنطق بكلمة

تحدث كريم سريعا. ملك كانت تقصد تشوفك فرحان بابننا انا وهي معلش احنا ازعجناكم معانا بمشاكلنا

تحدث يوسف بعدم فهم. مفيش ازعاج ولا حاجه ثم نظر ثانيه لملك لا يعرف لماذا شعر بأنها كانت تقصد شئ اخر

تحدثت ملك بخيبة أمل. انا هروح بيت اهلي مبقاش ينفع افضل هنا عن اذنكم

تحدثت والدة يوسف بحزن. استني بس ياملك

تحدثت ملك بحزن. ارجوكي يا ماما انا هكون كدا مرتاحه ثم اقتربت من يوسف تنظر له بحزن قائله. يوسف حاول تتذكر حاجه ارجوك ثم ذهبت بالفعل

وذهب ايضا كريم بغضب

نظر لها يوسف بحزن وهي ترحل لايعرف بماذا يتذكر ثم تحدث. انا حاسس في حاجه ياماما افعال ملك مش طبيعيه

تنهدت والدته بحزن قائله. مفيش حاجه هي الست الحامل كدا بتبقي متعصبه جدا المهم انت اطلع اوضتك وارتاح.

ذهبت ملك بيت اهلها

تحدثت والدتها بحزن. يابختك الاسود يابنتي

تحدث والدها بغضب. متقوليش كدا وتخلي البنت تتعقد اكتر كلها مسألة وقت وترجع بيت جوزها تاني

تحدثت ملك بتعب. عن اذنكم هدخل اوضتي ارتاح

دلفت غرفتها ترتمي ع السرير بحزن قائله. يارب انت عالم بحالي ياريت يوسف يحس بيا أو يتذكر حاجه ع الاقل

لم اعد ارغب بشئ من الحياة غيرك

لم اعد ارغب بشئ يسعدني من غيرك

لن اعد اتحمل غيابك اكثر.

دلف يوسف غرفته زفر بضيق شديد لا يعرف لماذا يشعر بشيء ينقصه

ثم اغمض عيناه حاول يتذكر شيء ولكنه لم يرى غير صوره ملك في خياله

نهض من مكانه بتوتر قائلا لنفسه. ايه اللي انا بعمله دا واشمعنا ملك اللي دايما بشوفها شعر بالضيق من نفسه. ثم غرق في النوم

حبيبي هتقوم والا انت عارف هعمل ايه

نهض بابتسامة عريضة قائلا. هتعملي ايه

اقتربت منه بحب قائله. هقرصك في انفك كالعاده

حاوطها بيده لحضـ,,ــــنه قائلا بحب. طب واهون عليكي

ابتسمت بحب قائله. تؤ تؤ متهونش بس انا زعلانه منك

نظر لها بمكر قائلا. اممممم زعلانه ليه بقى

نظرت بحزن والدموع تملأ عينيها قائله. عشان بعدت عني وسبتني ثم نهضت وتركته لتختفي من امامه

نهض سريعا يلتفت إليها في كل مكان.

فاق من نومه بفزع يلتفت حوله باستغراب قائلا. ايه الحلم الغريب دا.

في بيت اهل ملك

خرجت من غرفتها قائله. صباح الخير

تحدثت والدته. صباح النور يابنتي انتي لابسه كدا ورايحه فين

تحدثت ملك. هروح للدكتوره معاد الكشف النهارده

تحدث والدها. طب تعالي افطري الاول

تحدثت ملك. مليش نفس يا بابا عن اذنكم ثم ذهبت

تحدثت والدتها بحزن. ربنا يتمم حملك على خير يا بنتي.

في فيلا كريم

يجلسون ع مائدة الطعام

يتذكر ملك ليسرح بماذا يفعل لا يريد يأذي صديقه ثانيه ولكنه مازال يريدها ثم قطع أفكاره صوت والدته قائله. كريم لا انت مش معانا خالص ايه اللي شاغل بالك

تحدث كريم بتأفف. مفيش حاجه ياماما

تحدثت والدته. يوسف صاحبك عامل ايه دلوقتي

تحدث كريم. كويس بتسالي ليه

تحدثت والدته. عادي بطمن عليه انا كنت سمعت أنه اتجوز بس مش عارفه ليه مش عزمونا ع الفرح الا قولي هو بسلامته اتجوز مين

تحدث كريم بغضب. احسنلك مـ,,ـــاتعرفيش

تحدثت بانفعال. متقول بقي اتجوز مين

تحدث كريم بنفاذ صبر. اتجوز ملك ها ارتحتي

تحدثت والدته بصدمه. معقول طب ليه اشمعنا ملك انت لازم تفهمني كل حاجه

تحدث كريم بزهق. افهمك ايه عايزه تعرفي اني واحد غبي لما سمعت كلامك. جوزت حبيبتي لصديق عمري وبعدين حبوا بعض وحملت منه ها ارتحتي كل دا بسببك انتي ثم نهض بغضب وذهب.

في فيلا يوسف

دلفت ملك تنظر في كل اتجاه تبحث عنه

ثم رأتها والدة يوسف قائله بفرح. ملك كنتي عارفه هترجعي

تحدثت ملك بابتسامة. بصراحه انا لسه جايه من عند الدكتورة قولت اجي اشوفكم

تحدثت والدة يوسف. وقالتلك ايه الجنين كويس

تحدثت ملك. اه الحمد لله كويس هو يوسف فين مش شيفاه

تحدثت والدة يوسف. يوسف في الشغل

تغيرت ملامح وجهها بحزن. ليه ياماما خلتيه يخرج دا لسه تعبان

تحدثت والده يوسف بابتسامه. متاخفيش انا سمحتله يخرج بس شرطت عليه يرجع بدري هو زمانه ع وصول

جلست ملك قائله بمرح. طيب هستناه منا لازم اشوفه

وبعد مرور ساعات