الجزء الاول 👇🏼 عمري ما كنت أتخيل إن كلمة تطلع من عيل غير مسؤول ممكن تقلب حياتي وتغير نظرتي للبيت كله. اليوم ده كان عادي جدًا.. الشمس طالعة، وأنا واقفة في المطبخ بين الحلة والطاسة، بجهز الغدا اللي بياخد مني مجهود ساعات. جوزي كان في شغله، وابن جوزي "أحمد" - عنده 16 سنة - قاعد في أوضته جوه مع أصحابه وصوت ضحكهم مالي الشقة. من أول يوم دخلت فيه البيت ده بعد ۏفاة أمه الله يرحمها، وأنا حاطة ربنا بين عينيا. قلت يا بت دا يتيم، واحتوائه لله. كنت بساعده في دروسه لما يقف معاه سؤال، أفتكر مواعيد التمارين بتاعته، وأعمله الأكلة اللي بيحبها أول ما ألمح إنه متضايق. كم مرة وقفت في وش أبوه عشان أهدي اللعب بينهم وأخليه يحس إن ليه ضهر؟ حكايات منــال عـلـي لكن واضح إن العطاء الزايد ب يرخص صاحبه. بالنسبة لـ "أحمد"، أنا ما كنتش أكتر من واحدة جابها أبوه عشان تخدمه وتلم وراه. متوفره على روايات واقتباسات وأنا بغسل المواعين، وصوت المية شغال، سمعت صوته طالع من الأوضة، بيتكلم بفخر وتبجح قدام صحابه: ـ "يا عم أبويا عمره ما هيخليني أعمل شغل البيت ولا أمد إيدي في حاجة.. إيه الفشل ده؟ شغل البيت ده بتاع الفاشلين اللي مالهمش قيمة!" قلبي اتخلع من مكانه. وقفت الحنفية بالراحة، وثبت في مكاني. قلت يمكن أكون فهمت غلط؟ يمكن بيهزر؟ بس واحد من صحابه رد عليه بضحكة: ـ "إيه يا عم؟ هي مرات أبوك بتخليك تمسح وتكنس وتغسل أطباقك ولا إيه؟" رد أحمد بصوت عالي وضحكة استهزاء هزت كياني: ـ "تخليني إيه يا عم! هي فاكرة نفسها عشان عايشة معانا ومسكة البيت يبقى ليها كلمة عليا ولا تتأمر؟ أبويا عمره ما يسمح لحد يعاملني كده، دي آخرها تخدمنا وبس!" في اللحظة دي، الدنيا سكتت حواليا. لا عيطت، ولا صړخت، ولا دخلت كسرت الأوضة فوق دماغهم. لأني اتعلمت إن العتاب لما يتقال لحد شايفك ولا حاجة، بيبقى قلّة قيمة ونقص عقل. كملت غسيل المواعين بهدوء يحسدني عليه الصخر. حطيت الأكل على السفرة، وناديت عليهم بصوت طبيعي جدًا: "الأكل جاهز يا أحمد انت وصحابك". قعدوا أكلوا وشربوا ومشيوا، وأنا متماسكة. بس من جوايا؟ القرار كان خلاص اتبصم عليه پالدم. بالليل، بعد ما البيت كله نام وغرق في النوم.. قمت تلفيت الشقة حتة حتة. بصيت للصالون اللي باكل نفسي تنضيف فيه كل يوم.. المطبخ اللي رجليا بتتأكل فيه من الوقفة.. والأنكى من ده كله، الفواتير والمصاريف! أنا كنت بشتغل من البيت وبصرف من مرتبي على العجز اللي بيحصل في البيت من غير ما أردد ولا أقول "دي فلوسي". سألت نفسي بصوت واطي: "هو إمتى الجدعنة والمساعدة بقت فرض وعافية؟ وإمتى الاهتمام بيخلي الناس تدوس عليك؟" حكايات منــال عـلـي طلعت شنطة السفر الصغيرة. حطيت فيها هدومي، أوراقي الشخصية، وكل حاجة تخصني. حطيت مفاتيح الشقة على الترابيزة في الصالون، وجنبها ورقة صغيرة كتبت فيها: "أنا ماشية.. عشان اتأكدت إن مكاني هنا مش أكتر من خدامة بفلوسها وراحتها. من النهارده، كل واحد مسؤول عن نفسه ومصاريفه وأكله. وأتمنى تعرفوا قيمة اللي كان بيتعملكم قبل ما تضيعوه بقلة التقدير." نزلت السلم بهدوء في ضلمة الفجر.. من غير ما أخبط باب ولا أعمل دوشة. مشيت ووووو يتبع
