روايه رومانسيه ٢

الحلقه الرابعة عشر

أحلام هو حمزه ماقالكيش انه ف يوم م الأيام كان عايز يتجوزنى فهمتى بئه الفرق الى بكلمك عليه….

[[system-code:ad:autoads]]قالت أحلام جملتها ومشت من أمام رنا وتركتها لنظراتها المصدومه

عادت ديما ووجدت رنا جالسه لاتتحرك ودموعها تترقرق فى عيونها وضعت ديما يديها على يد رنا وقالت رنا فى حاجه

رفعت رنا رأسها وقالت بصوت منخفض مفيش

سحبت رنا نفسا وقالت رنا بصى مش عايزه أعرف العقربه الى أسمها أحلام قالت لك ايه ضايقك بس لازم تعرفى انها وزعتنى عن قصد وسييف مش عايزنى ولا حاجه وده معناه حاجه واحده اوى انها كانت عايزه تقولك حاجه مش عايزانى اسمعها وده مش لانه سر ده لانها عارفه انى مش هسكتلها وهديها فوق دماغها

نظرت لها رنا ولم ترد

ديما رنا ماتخليهاش تعكنن علييكى الى عرفته انكم لسه عرسان جداد ودى أحلى ايام ف الجواز قبل الخلفه وشيل المسئوليه وقبل ما ربنا يرزقك بولد يطلع عينك زى أدهم أبنى كده

أبتسمت رنا أبتسامه صغيره بينما ديما بدأت فى الحديث عن أبنها الصغير ومواقفه الطفوليه المضحكه ورنا تحاول ان تشاركها الضحك رغم الغصه التى تشعر بها فى قلبها

بعدها بقليل قالت ديما دنيا جايه علينا

أقتربت دنيا وسلمت على ديما مدام ديما أزيك

سلمت عليها ديما وقالت أزيك يا دنيا انا قلت انك مش جايه

دنيا لأ أزاى سيف مأكد عليه آجى والا كان هيزعل

وضعت ديما ساق فوق الأخرى وقالت بكل ثقه والله طب كويس هروح أناديهولك عشان تسلمى عليه

أستأذنت منهم ديما وقامت كانت رنا تنظر لها وكأنها المرأه الخارقه فكيف لها ان تكون بهذه الثقه بنفسها وكيف لم يضايقها كلمات وتلميحات دنيا ولكن سرعان ما نهرت نفسها على أفكارها فكيف لمرأه بجمال ديما ونظرات العشق التى يرمقها بها سيف زوجها ان تغير من أيا كان حتى لو كانت مرأه جميله وجريئه كدنيا

انتبهت دنيا انها سحبت بأفكارها بعيد ودنيا تحدثها رنا انتى سمعانى

رنا بأرتباك اه معلش سرحت كنتى بتقولى ايه

دنيا پغضب بقولك ايه الى انتى عامله ده

رنا عملت ايه

دنيا انا قلت لحمزه يديكى التليفون امبارح عشان اوضب معاكى هتلبسى ايه مناسبه زى دى كان لازم تلبسى الفستان الأسود مش ده ده مش فرح دى حفل أفتتتاح

نظرت رنا الى فستانها وقبل ان ترد قالت دنيا وبعديين طرحتك دى مش نافعه خالص مع الموضوع انا قلت لك نتفق مع بسمه الديزاينر تصمملك طرح او حتى تنقيهالك وانتى قلتى انك هتتصرفى وادى النتيجه قماش الطرحه ماينفعش خالص لفستان سهره وبعدين فين الميكب بتاعك