حب اعمي ج الاخير
حب اعمي ج الاخير
اومأت برأسها ليمد يده ويمسك بيدها لتترك يدها مستسلمة له وهو يأخذها ويتجهان الى خارج المستشفى تتبعهما عينا شهاب الذى قال:
يارب ..كفاية خسارة ووجع قلب..ريح قلوبنا على حبايبنا يارب
************
قالت أريج بعصبية:
يعنى ايه لسة مرجعوش؟راحو فين يعنى؟
قال محدثها:
قلتلك ياهانم ..سافروا ولسة مرجعوش
قالت فى توجس:
متأكد انهم سافروا ولا هاجروا؟
قال محدثها فى نفى:
لأ ياهانم ..سافروا..أنا صاحبت البواب وقالى ان شهاب بيه بيتصل بيه بنفسه يوميا يطمن على أحوال البيت
أمسكت جسر أنفها وهى تغمض عينيها قائلة:
خلاص خليك مع البواب وأى جديد بلغنى بيه..مفهوم؟
قال محدثها:
مفهوم ياهانم
لتغلق هاتفها وهى ترجع بظهرها الى الوراء..تستند برأسها الى الكرسى قائلة:
هتروحوا منى فين؟انت لية ياشهاب مهما حصل..انت وفلوسك لية أنا وبس
لتطلق ضحكة شيطانية..تليق بشيطانة مثلها
****************
كان لقاء بدور بصديقتيها لقاءا عاصفا..امتزجت فيه الدموع..تحتضنها كل منهما وهما لا تصدقان بأنها قد عادت اليهم سالمة…أمسكتها ضحى من يدها وأجلستها قائلة:
تعالى احكيلى الزفت ده عمل فيكى ايه ياقلبى؟
قالت بدور من وسط دموعها:
خلاص ياضحى مبقاش يجوز عليه غير الرحمة..نزار مات
اتسعت عينا ضحى بصدمة لتقول نوران بحزن:
لا حول ولا قوة الا بالله..الله يرحمه
قالت ضحى فى حزن:
ربنا يسامحه على كل اللى عمله
أومأت بدور برأسها قائلة فى ألم:
الله يرحمه ويغفر له
لتقول نوران موجهة حديثها الى زين الذى كان يتابع مايحدث فى صمت حزين:
سليم فين يازين؟
لم يدرى كيف يخبرها بان سليم يخضع الآن لعملية خطيرة..صمته أقلق نوران وضحى لتقول ضحى بقلق:
شهاب وسليم راحوا فين يازين؟
كاد ان يقول شيئا ولكن بدور سبقته قائلة فى حزن:
سليم وقع على راسه يانوران وهو دلوقتى بيعمل عملية وشهاب فى المستشفى ياضحى..فضل معاه
نظرت نوران الى بدور فى صدمة بينما وضعت ضحى يدها على فمها..رفعت نوران وجهها الى زين تترجاه أن ينفى كلمات بدور..ليخفض نظراته ألما لتصرخ نوران فى لوعة قائلة:
سليييم
*************
كان الجميع يقفون خارج حجرة العمليات..تلتف الفتاتان حول نوران يواسونها بينما وقف كل من زين وشهاب يشعران بالقلق فعملية سليم استغرقت وقتا طويلا..جميعهم ينتظرون خروج الطبيب بلهفة وخوف..ليخرج اليهم الطبيب بالفعل ويسرعون اليه..ليقول بهدوء وبلهجة عملية:
العملية نجحت والحمد لله..بس أحب أنبهكم ان عصب البصر كان مضرر بشكل خطير ..احنا عملنا اللى علينا والباقى على الله..عن اذنكم
