شيماء 2
شيماء 2
ادهم كان بيتكلم بعصبيه وصوت عالي وكمل كلامه
ادهم: وبعدين في حاجه كمان هيا ايه اختي
ليلي: ايه؟؟؟وهيا دخلها ايه؟
ادهم: لو ايه اختي حبت في يوم من الايام مش هرضي ابدا انها
تسلم نفسها لحبيبها مهما تكون بتحبه…ولو عرفت انها عملت
حاجه زي دي ممكن اق*لها….واللي مبرضهوش لاختي مش هرضاه ليكي ..فهمتي؟
ليلي:حتي لو كان هو كمان بيحبها؟
ادهم: اللي بيحب واحده يا ليلي ما يغلطش معاها ابدا..ميحطهاش في موقف لو اتعرف يشيلها العار عمرها كله….انا بحبك وضامن
نفسي ..لكن مش ضامن الظروف
ليلي: اوعي تقولي تاني ان انا ممكن اغير رأيي ..طيب اهوه ده
كان هيكون اكبر ضمان ليك
ادهم: مش عايزو…مش عايزك تفضلي معايا علشان انتي غلطتي معايا في يوم من الايام…عايز اكون اختيارك واختيار
قلبك….وبغض النظر عن الظروف دي ..نفترض ان انا جرالي اي حاجه
ليلي: ما تكملش
ادهم: لا يا ليلي اكمل ..انا شغلي بيعرضني للخطر كل يوم وده
شيئ لازم تتقبليه وتتعلمي تتعايشي معاه لو جرالي حاجه قبل ما
اتجوزك واصلح غلطي ده هتواجهي الدنيا ازاي؟؟؟؟هاه
ليلي: انت ليه بتفكر كده؟
ادهم: لاني اتعودت احسبها صح؟ وما اتعودتش اسيب حاجه
للظروف..ولاني بحبك ….انا عايزك تسلميلي نفسك ..بس عايز ده
يحصل قدام الكل ..عايز اخد ايدك من ايد ابوكي وعايزك تلبسي
الفستان الابيض وعايز اعملك فرح ما اتعملش لحد قبل كده
وساعتها بس هسمحلك تسلميلي نفسك..بس في النور وقدام
الكل..مش بالشكل ده ابدا..فهمتي يا اغلي من روحي
ليلي: فهمت..يالا علشان تروحني
احمد فرح جدا بالفيديو اللي معاه اخيرا بقي ماسك غلطه علي صاحبه المثالي……
تاني يوم وادهم في التدريب رأفت نادي علي ادهم
رأفت: ادهم..انت اجازه باقي اليوم
ادهم: ليه؟؟؟
رأفت: والدك طلبك وقال ان في موضوع مهم عايزك فيه وانك لازم تسافرله النهارده
احمد قلبه كان بيدق بسرعه ومستني يعرف ايه اللي هيحصل
ادهم: حد في عيلتي تعبان؟
رأفت: علي حد علمي لأ…هو قالي بس ان في موضوع مهم عايزك فيه وان الكل كويس
ادهم: خلاص اخر النهار هسافره
رأفت: خلاص ماشي براحتك
راح ادهم لليلي علشان يشوفها قبل ما يسافر
ادهم: انا هسافر النهارده
ليلي: ايه هتسافر ليه؟؟؟
ادهم: والدي عايزني ..يوم بالكتير وجاي متخافيش
ليلي: بجد يوم بس؟ مش هتغيب؟
ادهم: اوعدك يا ليلي اني مهما غبت هرجع متخافيش..سبق وقلتلك ديما هرجع ……….وانتي هتفضلي تحبيني؟؟
