شيماء 2
شيماء 2
مصدق ان ابنه يفكر كده
عبد العزيز: وفاء يا وفاء
وفاء: في ايه يا حبيبي مالك بتزعق وصوتك عالي؟
عبد العزيز: تعرفي ايه عن البنت اللي ادهم بيحبها؟قالك ايه عنها؟
وفاء: ماقالش حاجه عنها..رفض يتكلم عنها خالص..ليه؟
عبد العزيز: لا من غير ليه؟؟بس بحاول اتخيل شكلها
وفاء: انت عارف ابنك…ما تخافش ادهم طول عمره اختياراته صح؟
عبد العزيز: اتمني كده
تاني يوم عبد العزيز طلب المحامي الخاص بتاعه
عبدالعزيز: تعال ادخل يا حسين
حسين: افندم.في ايه؟
عبد العزيز: طبعا انت قبل ما تكون المحامي بتاعي انت صديقي المقرب
حسين: طبعا في ايه اتكلم قلقتني
عبدالعزيز: سمعت ان ادهم بيحب بنت مش مناسبه..وعايزك
تتأكدلي من الموضوع ده..
حسين: ادهم ابن حضرتك طول عمره عاقل ..ولو حب هيكون حد
مناسب جدا من امتي بتقلق من اختياراته ..انت ناسي لما كان عنده
8 سنين وقالك عايز ابقي ظابط ..من صغره بيعرف يحدد طريقه
عبد العزيز: عارف وده اللي بحاول اقنع نفسي بيه؟؟بس مش
هنخسر حاجه لما نتأكد..انا قلقان وعايز اتطمن
حسين: يعني انت عايزني اعمل ايه ؟اسافرله واكلمه
عبد العزيز: لا طبعا..عايزك تشوف حد من شركات المخبرين
محلات الثقه وتكلف حد يراقبه ويصورلي البنت دي ويجيبلي
معلومات عنها
حسين: انت عايز تجسس علي ابنك
عبد العزيز: عايز اتطمن مش اكتر
حسين: ولو كانت بنت علي قد حالها
عبد العزيز: وانا من امتي بحكم علي الناس بمستواهم المادي؟؟؟
حسين: طيب توعدني لو البنت كويسه ما تتدخلش في علاقته بيها
عبد العزيز: انا اكتر واحد في الدنيا بدعي من قلبي ان البنت تبقي
كويسه..انا طول عمري بحلم باللحظه اللي اجوزه فيها وافرح بيه
واشوف احفادي منه..انت عارف ان ادهم البكري بتاعي وديما
ابنك البكري بيكون ليه معزه خاصه كده في قلبك
حسين: خلاص اديني يومين كده اكون جبتلك قرار الموضوع ده
عدي يومين وادهم مشغول جدا ومش عارف يقابل ليلي خالص
واحمد بيهرب من ادهم كل ما يجي يكلمه..
وفي يوم رأفت كان عنده شغل بره فعطاهم باقي اليوم اجازه
ادهم اتفق مع ليلي انه يقابلها..وفعلا راح الفندق وحجز اوضه فيه
احمد طبعا كان مراقب ادهم واستغرب قوي انه حجز اوضه
وحس ان دي فرصته انه يمسك علي ادهم غلطه ملموسه مش
مجرد كلام وبكده يبقي عنده دليل علي كلامه لو عبد العزيز اصر
ما يصدقش حاجه علي ابنه.وعلشان كده حط كاميرا مراقبه لادهم
