قصه جديده ١
قصه جديده ١
وانا معنديش مشكله في كل اللي قلته, مكانش في داعي تقوله اصلا لان كده كده انا مش ناويه اعمل مشاكل ما بينا, واي حاجة هتسبب مشكله هبعدها.
كتم غيظه جواه بعد ما فشلت آخر محاولة له في انه يخليها تتراجع عن قرارها:
تمام… تمام…
وبعد يومين كان قدر ياخد اجازه من شغله لمدة اسبوعين ويرجع تاني على الأقصر, عشان يتم الجواز ما بينهم وزي ما ابوه قاله ان ما ينفعش بعد الجواز بيوم ولا اتنين يرجع القاهره, فمضطر انه يقعد اسبوعين كاملين على ما يقدر يتحرر من السجن اللي هيكون فيه.
وتم الجواز واتكتب كتب الكتاب وكان متفق ان الفرح هيكون مع كتب الكتاب كقاعده مش حاضرها غير القرايب والعيله وطبعا معروف في البلد كلها ان النهارده فرح يونس ابن العمده وهالة بنت عمه.
كانت نظراتها ليه طول كتب الكتاب وطول الفرح مش نظرات طبيعيه, شككته انها تكون في مشاعر جواها له, واتاكد اكتر لما سمع صاحبتها اللي بتسلم عليها وبتبارك لها وهي بتهمس لها:
يا ريت يكون قلبك ارتاح.
عشان يسمع همسها بعده وهي بتقول لها:
طبعا ارتاح, ما خلاص حبيبه بقى جوزي!
عشان يسمع همسها بعده وهي بتقول لها:
طبعا ارتاح, ما خلاص حبيبه بقى جوزي!
ورفعت لها صابعها اللي فيه بصمة كتب الكتاب وضحكوا هم الاتنين من غير ما ياخدوا بالهم انه منتبه لكلامهم.
خِلص الفرح… ومن اول ما دخلوا شقتهم واللي كانت عبارة عن دور كامل في بيت العيله او في بيت العمدة, كان كلامه واضح ليها لما قال
” احنا اتجوزنا قدام الناس, لكن انا مش قادر دلوقتي اتقبل جوازنا, سيبينا فترة نستوعب اللي حصل, واللي ربنا عاوزه هيكون”
عشان ترد عليه:
قصدك يعني اننا هنتعامل كأننا مش متجوزين؟
يتبع…#ت❤️❤️❤️
قصدك يعني اننا هنتعامل كأننا مش متجوزين؟
بصي يا هالة, انا مش قادر اضايقك ولا اجرحك, بس حقيقي انا مش مستوعب اللي انا فيه دلوقتي, فالاكيد يعني انا مش هقدر اعاملك خالص كزوجة وانا لسه مش مستوعب اصلا انك بقيتي مراتي, فيا ريت تسيبيني على راحتي اتعامل بالطريقه اللي احسها واي حاجه تانيه تيجي بعدين.
ورغم ان وشها بان عليه الزعل اوي, ورغم ان كان باين انها منتظره حاجه غير كده خالص, لكن ردت بابتسامه:
وانا مش فارق معايا اي حاجه تانيه, كفايه ان احنا الاتنين بقينا في بيت واحد.
وجملتها دي أكدت شكوكه ناحيتها, ويمكن هو ما قدرش وقتها يمنع فضوله لما قال:
