ياسين ٣

قالها عدي بتوتر ليبتسم يحيى ويقول:
-الحمدلله يا عدي اتكتبله عمر جديد …الرصاصة الحمدلله مجتش في مكان حيوي وقدرنا. نطلعها …شوية كده وهندخله اوضة عادية وتقدر تيجي تزوره الصبح ..وعلي حسب حالته هنقرر يخرج أمتي …
زفر عدي براحة وهو يضع كفه علي قلبه ويتمتم:
-الحمدلله …الحمدلله …شكرا اووي يا يحيى …شكرا اووي..
ابتسم له يحيى وقال:
-العفو ده واجبي …ربنا يتم شفاه علي خير يارب …عن اذنك …
ثم تركه وغادر ليتنهد عدي براحة ويذهب الي ليان ليطمئنها …هي كانت قلقة عليه للغاية فهي لم تكن لتسامح نفسها لو كان حدث له شئ
…………….
-أنا بحبك اووي يا طنط ورد .
قالتها ياسمين فجأة وهي متسطحة علي فراشها تحا.رب النوم كي لا يتمكن منها ولكنها تغلق عينيها بنعاس ثم تفتحهم مرة آخري ..وضعت ورد كفها علي قلبها بتأثر وقالت:
-يا حبيبة قلبي وأنا كمان بحبك…بحبك أووي يا ياسمينتي ..
ثم انحنت وقبلتها علي رأسها …
أغمضت ياسمين عينيها لتنام وهمهمت بنبرة خافتة :

-ياريتك أنتِ كنتِ ماما …ياريتك ..ماما مكانتش بتحبني …كانت بت…..
قطعت كلماتها وهي تغرق بنوم عميق …نظرت إليها ورد وهي تشعر بالشفقة على حال تلك المسكــ,,ـــــينة …هي متأكدة أن والدتها قد أذ.تها بطريقة ما …حاولت أن تستفسر من ياسين عما فعلته ولكنها تراجعت في آخر لحظة …فهي لا تريد إفساد كل شئ …..هي حقاً أصبحت تهتم به …
أغمضت عينيها وهي تتذكر حديثها مع والدتها بنهار اليوم …
……
-لسه بتحبيه يا بنتي …لسه بتحبي علي لسه بتفكري فيه ؟!
تنهدت ورد وقالت:
-صدقيني برضه مش عارفة يا ماما ..ومش عايزة أفكر في الموضوع ده انا بقالي حياتي وخلاص …وعلي بقاله حياة وخلاص …والمهم أني من وقت من اتجوزت ياسين وانا شيلته من بالي وده أهم حاجة بالنسبالي …
تنهدت والدتها براحة وقالت :
-مدام شيلتيه من بالك يبقي خلاص بطلتي تحبيه وبتحبي جوزك.
أطرقت ورد برأسها ثم هزت كتفها وقالت: