لا ادري كيف احببتها

_احم اقصد مين ده ؟
فاروق حط ايدو على كتف فاطمه وقال:ده تبقا حفيدته جدك جابر
_مكنتش اعرف أن جدو جابر عندو حفيده حلوه كده
فاطمه بصت في الأرض والخجل كان عنوانها
فاروق ابتسم وقال:يعنى موافق
آدم ضم حواجبه وقال:موافق على اي ؟
_بص بقااا انا جبتك هنا عشان اوريك فاطمه ولاحظت من كلامك أن البنت عجبتك
آدم مكنش فاهم قصده لحد دلوقتى
_جابر انا قررت اجوز فاطمه وآدم
آدم بصدمه:اي؟؟
جابر فرح اوى وقال:طبعا طبعا اي رايك في فاطمه ؟
فاطمه كانت رايحه تتكلم ولكن صوت آدم قاطعها وقال:جواز اي انتوا بتهزروا صح ؟
كانت رد فعل آدم صادمه لجابر وفاروق بل فاطمه نفسها
_جدو انت بتتكلم جد
فاروق راح عند آدم وقال:ايوه بتكلم جد وبعدين البت عجبتك من كلامك اللى قولته من شويه
_بس انا مش بفكر في الجواز دلوقتى
_انت لسه هتفكر قوله يا جابر على زمنا كنا بنتجوز على كام
_زمنا كنا بنتجوز على ** ومكنش حد بيشوف العروسه زيكم كده والله كانت ايام البركه فعلا
_فعلااا
آدم كان واقف وحاسس أن الدنيا بتلف بيا
_الف مبروك يا جابر
جابر حضن فاروق وآدم كان في حاله صدمه وقال في سره:دول اتفقوا خلاص روحت فيها يا آدم
فاطمه كانت بصه في الأرض ومكسوفه اوى
_انا حابب الفرح يكون على شهر اي رايك يا جابر
جابر بص لفاطمه وقال بابتسامه:اللى تشوفه يا فاروق اهم حاجه فرحه الولاد
آدم كاد أن يغمى عليااا من الصدمه وقال في سره:دول حددوا الفرح كماان هو اي اللى بيحصل
بااااك ✨
فاطمه ابتسمت وقالت:صحيح كان يوم حلو اوى ولكن من اليوم ده حياتى اتحولت إلى جح”يم
فاطمه خدت نفس عميق وقالت:انا داخله انام يا ماما بحبك اوى
جابر كان واقف على جنب وقال بحزن:وانا كنت مفكر ان آدم هو اللى هيكون سندها وقت وجعها اتري هو اللى هيبقا سبب وجعها
في صباح اليوم التالى ✨
_فاطمه فاطمه
فاطمه مسكت المخده وحطتها على وشها وقالت بكسل:انا عايزه انام يا جدو
_جدك فاروق برا وعايزك
فاطمه قامت عالطول لأنها بتحب فاروق اوى وقالت:فين ؟
_قاعد براا
_معااا حد ؟
_آدم مش معاا
فاطمه زعلت اوى وقالت:مش هتفرق معاا خالص
_طب قومى اغسلى وشك عشان هتقوليلى اي اللى حصل
فاطمه قامت فعلاا ودخلت الحمام وغسلت وشها وطلعت
_صباح الخير
_صباح النور
_تعالى يا فاطمه
فاطمه قعدت وفاروق قال:تعالى جنبي
فاطمه راحت فعلا وقعدت جنبه وفجاه ضر”ب فاطمه على رأسها
_اعااااااا في اي يا جدو
_بقا ده اتفاقنا يا فاطمه
_غصب عنى والله يا جدو
_آدم عمل أي ؟
فاطمه بصت في الأرض وقالت:والله ما عارفه اقولها ازاى بس عمل شي وحش اوى يا جدو
_انا عرفت كل حاجه
_قالك صح
فاروق مرداش يقول لفاطمه أنه شاف آدم وآنيا امبارح
_ايوه قالى وندمان اوى وهيجى كمان شويه عشان ياخدك
فاطمه قامت والدموع نزلت من عينها وقالت:وانا مش راجعه معا يا جدو انا ليا كرامه
فاروق قام وحط ايدو على كتف فاطمه وقال:وكرامتك فوق دماغى ودماغه بس مينفعش كده يا بنتى أوعك تنسي انتى قولتيلى اي
فاطمه بتفتكر
فلاش باك ✨
_انتى عارفه انا بحبك قد اي يا فاطمه
فاطمه بابتسامه:عارفه يا جدو
_بصي يا بنتى ادم بتاع سهر وبا”ر ولامواخذه بنات
_عارفه !!
فاروق باستغراب:وعرفتي منين ؟
فاطمه بكسوف:الصراحه انا بحب ادم من زمان اوى وعارفه عنه كل حاجه
_يعنى موافقه عليا وهو كده
فاطمه رفعت راسها لفوق وقالت:آدم هيتغير يا جدو صدقنى
فاروق فرح اوى وقال:يعنى هتغيري آدم
فاطمه بابتسامه:أن شاء الله
_يا رب يا بنتى !!
فاروق خد فاطمه في حضنه وقال:بس خليكى عارفه انك هتعانى اوى
_مش مهم يا جدو صدقنى هعمل المستحيل عشان اغير آدم
فاروق باسها على رأسها وقال:وانا واثق من كده
فاطمه ابتسمت وفاروق كذلك
باااك ✨
فاطمه بعياط:مكنتش اعرف ان آدم هيوصل لكده
_انا قولتلك اي ؟ ردي
_قولتلى أن آدم بتاع بنات وقولتلى هتعانى اوى
_ما انتى فاكره اهو
_بس توصل بيا لكده يا جدو ده اهانه ليا
_وبعدين انتى زعلانه ليه أوعك تنسي انى حجزت تذكرتين لفرنسا عشان تنبسطوا شويه واهو البومه تبعد عنكم شويه
_بس آدم رفض أنه يسافر
_ميقدرش طبعااا المهم آدم اكيدا على وصول لازم ترجعى معا عشان خاطري وبوعدك اللى حصل مش هيتكرر تانى
فاطمه هزت راسها وقالت:حاضر يا جدو
_يلا ادخلى غيري هدومك واجهزي
_لا يا جدو في ده لا لما هو اللى يطلب الاول
فاروق خد نفس عميق وقال:طيب يلا يا جابر
فاطمه باستغراب:يلا فين ؟
_انا وجدك رايحين مشوار كده مش هنتاخر
_طب وآدم اللى على وصول ده
_لازم تكونوا لوحدكم يا فاطمه عشان تقدروا تاخدوا راحتكم
_بس ؟
_افهمى يا فاطمه انتى وآدم لما تكونوا لوحدكم احسن هتعرفوا تتكلموا
فاطمه هزت رأسها وقالت:ماشي يا جدو
بالفعل فاروق وجابر مشوا وفاطمه قعدت على الكنبه وقالت:والله ما عارفه جدو فاروق ناوي على اي ؟
بعد مرور اكتر من ربع ساعه آدم مجاش وفاطمه قالت بعصبية:كنت عارفه أنه مش هيجى
فاطمه كانت طالعه وآدم كان داخل وفجاه دخلوا في بعض
_اعاااااا انت حما”ر
آدم بعصبية:انتى اللى حما”ره
فاطمه حطت أيدها على جبنها وقالت:غبي
آدم مسك أعصابه بالعافيه فهو هنا عشان يصلح اللى عمله امبارح مش عشان يخربها اكتر ما هي خربانه
_هتفضلى واقفه على الباب كده
فاطمه دخلت وآدم دخل وقال:امال فين جدو جابر
فاطمه في سرها: ينهار اسو”د على برودك ياخى مش مكسوف خالص من اللى عملتوا امبارح
آدم قعد وقال:مردتيش فين جدو جابر
_طلع هو وجدو فاروق من ربع ساعه
آدم في سره:اكيدا كل ده تخطيط جدو فاروق بس ماشي
فاطمه كانت واقفه وبتبص على آدم ومستغربه تصرفاته أوى
_اقعدي عشان اقدر اتكلم
_ما تتكلم
آدم قبض ايدو وقال:مش هعرف اتكلم من خيالك ده
فاطمه قعدت فعلاا وقالت:اقول اللى عندك
آدم راح قعد جنبها وفاطمه ارتبكت اوى وقالت:في اي ؟
آدم مسك أيدها وقال:انا اسف
فاطمه في سرها:فاطمه اهدي مش من أولها استسلام اجمدي كده
_انا عارف اللى عملتوا غلط واهانه لكرامتك بس بوعدك اللى حصل مش هيتكرر تانى
_اتمنى
آدم في سره:وربنا لوريكى يا بت الانواري بسببك اخدت قلم وتهز”يق امبارح
فاطمه سحبت أيدها وقالت:تشرب اي ؟
_ممكن خ”مره
فاطمه ضمت حواجبها وقالت:نعم
آدم قعد يضحك وقال بهمس:اي اللى بقولوا ده ؟
فاطمه بجمود: تشرب اي
_عندك اي
_عندي حش”يش وسجا”ير وخ”مره وكل اللى انت عايزو
آدم بسعاده: يا ريت
_قهوه حلو
آدم ابتسم وقال:تمااام
فاطمه دخلت وكانت متعصبه اوى
وفجاه تليفون ادم رن
_اي يا بيبي