رانيا ٢

قال سليم معاتباً : ليه بتقولى كده ؟

أخفضت عينيها كى تهرب من نظراته وقالت بحزن : أنا تعبتك كتير آوى معايا واتبهدلت فى المراكز وفى المستشفيات وانت ملكش ذنب فى كل ده فأنا دلوقت بعفيك من وعدك لآدم وأول مخرج ولاقى مكان وشغل ،هخرج من حياتك نهائى

هتف بها سليم بإنفعال : ايه الكلام الفارغ ده وعد إيه وخروج أيه ؟

البيت ده خلاص بقى بيتك ، ومفيش خروج منه، وان كنتِ شايفه نفسك حمل تقيل زى مبتقولى ، فأنا بقولك لأ انتى عمرك ماكنتى حمل تقيل عليا

وان كنتى شايفه إنى مش أد الامانه اللى سبهالى صاحبى ، وقتها يبقى من حقك إنك تخرجى منها

ازداد شعورها بالامان معه أكثر ، وارتسمت ابتسامه صافيه على ثغرها

لكنها لن تطمع بكرمه أكثر من ذلك فعادت تقول : لأ معلش كفايه مشاكل بسببى لحد كده

مسح على وجهه ، وعاداً نفسه الا يصرخ او يغضب عليها لعلمه بحساسية الموقف فقال لها بهدوء : ليلى أرجوكى أنا مش عايز كلام تانى فى الموضوع ده ، انتى خلاص بقيتى مراتى ودى بقت حياتنا اللى لازم نعيشها ونشوف الايام اللى جايه شيلنا أيه

لاحت ابتسامه خفيفه على محياها وقالت له بإمتنان : أنا لو عشت عمرى كله أشكرك على وقفتك جامبى مش هيكفى

بادلها الابتسامه على وجهه وقال : متقوليش كده أى حد مكانى كان هيعمل أكتر من كده

ردت عليه قائله: طيب ممكن بقى تسيبنى أحضر الفطار

أومأ برأسه وخرج من المطبخ

لكنه عاد ثانيه يقول بمزاح : حمد لله على السلامه

وخرج بعدها عائداً لغرفته

وبعد ولوجه أنتبه لصوت الهاتف الذى وضعه على الاريكه فنظر اليه فوجده سالم أخيها ، تناول هاتفه ورد عليه بترحاب شديد قائلا : أهلا ياسالم عامل أيه ؟

أجابه سالم من الطرف الاخر : الحمد لله كيفك وكيفها ليلى ؟

جلس سليم على الاريكه ورد عليه وهو ينظر لها وهى تعد الطعام : لاا أحسن بكتير ، أيه رأيك بقى أنها وواقفه فى المطبخ دلوقت بتحضر الفطار

سعد سالم كثيراً بهذا الخبر وقال بفرحه شديده : الحمد لله إنه شفاها وعفاها كنت جلجان جوى عليها بس نحمد ربنا إنها فاجت بس اتكلمت ولا لسه ؟

جلس سليم على الاريكه الموضوعه فى الصاله ناظراً اليها بسعاده غامره : اه ياسيدى اتكلمت كمان

ازدادت سعادته بهذا الخبر وقال : بس كنت حابب أكلمها

تردد سليم كثيراً قبل أن يناولها الهاتف خوفاً من ان يحدث لها إنتكاسه تضيع كل شئ فقال له : أيه رأيك نأجل المكالمه دى شويه لانى مش عايز اى حاجه تفكرها بالحادثه