احمد فاضل واقف مكانه

أحمد فضل واقف في مكانه الورق واقع على الأرض وصوته مبحوح وهو بيقول انتي كنتي بتعملي ايه بالفلوس دي يا منى منى ما ردتش فورًا قربت خطوة منه وعيونها فيها حاجة بين الخوف والراحة كأنها مستنيا اللحظة دي من سنين قالت بصوت واطي افتحه للاخر يا احمد أحمد نزل على الأرض لمّ الورق بإيد بترتعش وبدأ يقلب صفحة صفحة وكل سطر بيخبط فيه زي طلقة قرض باسم أحمد السيوفي مبلغ مستحق على الشركة في قض..ية تعويض تحويلات شهرية باسم منى لصالح بنك التنمية الصناعية أحمد وقف فجأة وقال ايه الكلام ده انا ماليش قروض منى قعدت على الكرسي وقالت بصوت مكسور لأ يا أحمد ليك سكتت ثواني وبعدين كملت فاكر يوم الحادثة في المصنع من خمس سنين أحمد بص لها باستغراب وقال حادثة ايه ساعتها صوت منى بدأ يهتز يوم ما الماكينة وقعت واتنين من العمال اتصابوا وإنت كنت مسؤول الوردية أحمد شد نفسه وقال أنا مكنتش مسؤول عن حاجة ده كان خطأ الشركة منى هزت راسها وقالت الشركة كانت هتلبسك القض..ية أحمد اتنفض وقال وانا مالي انا منى وقفت وقالت انت كنت مضيت على ورق وانت مش واخد بالك لأنك كنت مرهق وبيهددوك بالفصل أحمد حس الدنيا بتلف بيه وقال انتي بتقولي ايه منى كملت بصوت عالي لأول مرة قعدوا يضغطوا عليك يخلّوك تمضي على تعويضات غرامة كبيرة باسمك ولو مكنتش اتسكت كان زمانك في السجن أحمد سكت فجأة منى بصت له وقالت وانا كنت وقتها حامل في كريم ابننا الجملة دي نزلت عليه زي حجر قال بصوت واطي ابننا منى دمعت وقالت اه ابننا اللي انت مش عارف عنه حاجة أحمد رجع خطوة وقال انتي بتقولي ايه انتي بتخبي عليا ايه منى قامت وقفت قصاده وقالت مش بخبي عليك انا بحميك سكتت لحظة وكملت القرض اللي في اسمك ده من خمس سنين الشركة حولت عليك تعويضات غرامة ٣٠٠ ألف جنيه أحمد شد شعره وقال مستحيل منى صرخت لأول مرة مش مستحيل يا أحمد انت مضيت وانت مش واعي وأنا كنت اللي بلف في البنوك من ساعتها بدفع كل قسط من غير ما تعرف عشان اسمك ما يتسجلش كمديون ومتحبسش أحمد قعد على الكرسي فجأة كأنه فقد رجله بص لها وقال انتي كنتي بتدفعي كل ده منين منى سكتت ثواني وبعدين قالت من مرتبي ومن شغل إضافي كنت بعمله في البيوت ومن أي حاجة كنت اقدر أستغنى عنها أحمد بص حواليه وقال بصوت مكسور يعني كل السنين دي وأنا فاكر نفسي راجل البيت وإنتي اللي شايلة كل حاجة منى ردت بسرعة أنا مكنتش عايزة منك حاجة غير إنك تعيش طبيعي من غير ما تدخل السجن أحمد قام مرة واحدة بغضب وقال بس انا كان لازم اعرف منى قالت وهي بتعيط كنت هتعرف تعمل ايه ساعتها كنت هتنهار ومكنتش هتقدر تكمل شغل ولا حتى نص ساعة ووقتها كانوا هيحبسوك فعلا سكتوا الاتنين شوية والبيت كله بقى تقيل أحمد بص للكشكول الأزرق اللي كان دايمًا بيكرهه وقال يعني كل يوم كنت بقول عليكي بخيلة وانتي بتدفعي مصيبة كاملة عن ضهري منى قالت بخفوت أنا عمري ما كنت بخيلة يا أحمد أنا كنت بدفع تمن ستر بيتنا أحمد مسك دماغه وقال أنا كنت ظالمك منى ردت بسرعة بصوت مخنوق وانت كنت مرهق ومخنوق ومش شايف الحقيقة أحمد قرب منها وقال طب والسبعين جنيه منى ابتسمت ابتسامة حزينة وقالت السبعين جنيه دول اللي كانوا بيكملوا آخر يوم في الشهر لما الفلوس بتخلص خالص عشان ما نفضلش من غير أكل سكت وفجأة الباب اتخبط بقوة صوت خشن من بره افتح يا أحمد السيوفي إحنا من البنك أحمد اتجمد منى بصت له وقالت بهدوء جه الوقت أحمد بص لها وقال وقت ايه الباب اتخبط تاني أقوى وواحد من بره قال القسط متأخر ومفيش سداد كامل ولو ما اتفتحش هنضطر ناخد إجراء قانوني أحمد بص للورق اللي في إيده ووشه اتغير وقال انتي كنتي بتدفعتي لحد امتى منى ردت بصوت واطي لحد الشهر اللي فات أحمد قال طب ليه وقفتي منى بصت له وقالت عشان مقدرتش أكمل سكتت لحظة وبعدين قالت الشغل الإضافي وقف ووالدتك تعبت والدوا غلي أحمد حس الأرض بتسحب منه وقال يعني احنا في آخر مرحلة منى هزت راسها وفجأة أحمد قام وفتح الباب بعصبية اتنين رجال واقفين ومعاهم أوراق واحد قال لازم تجي معانا البنك دلوقتي الموضوع كبير أحمد بص لهم وبعدين بص لمنى اللي كانت واقفة ورا الباب وساعتها قال جملة خلت كل حاجة تسكت خدوني بس سيبوا مراتي بره الموضوع دي ملهاش ذنب في حاجة الراجل بص للورق وقال الذنب على الورق يا أستاذ أحمد مش على الكلام منى مدت إيدها لمسة على كتفه وقالت بصوت واطي أنا كنت عارفة إن اليوم ده هييجي أحمد بص لها وقال انتي كنتي مستنية اليوم ده ليه منى ابتسمت ابتسامة غريبة وقالت عشان في حاجة تانية لازم تعرفها قبل ما تخرج من هنا أحمد قال ايه تاني منى بصت ناحية غرفة النوم وقالت ابنك كريم مش بس ابنك اللي اتولدت ومشفتوش هو دلوقتي محتاج عملية خطيرة ومش هتتلحق غير لو انت عرفت الحقيقة كاملة أحمد اتجمد ومبقاش عارف يقف ولا يتكلم والباب لسه مفتوح والناس مستنية القرار ومنى بتبص له وكأنها بتسلمه سر أخطر من كل اللي فات وفي اللحظة دي أحمد حس إن حياته كلها كانت كذبة كبيرة بس الحقيقة اللي جاية كانت أخطر بكتير من إنه يقدر يتحملها لوحده

مقالات ذات صلة

روايه رائعه 2

كلمه هدت بيت لسه جديد منال علي 1

مع وقف التنفيذ 2

اشتريت نفسي 4

فستان الفرح 1

نور الاخير

اترك تعليقاً إلغاء الرد