_ إزاي تكدبي عليا و متعرفيش الحقيقة، إزاي ماتقوليش ليا قبل الجواز إنك مش بتخلفي؟! _ كفاية ظلم و أنا كنت هعرف منين؟! _لسه بتكدبي!! ما أكيد كنتِ عارفة يعني عايشة عمرك كله متعرفيش إن عندك مشاكل في الرحم أنتِ هتستعبطي!؟ بتستغفليني أنا!! دا أنتِ مش هيطلع عليكِ نهار _بقولك معرفش … معرفش هعرف منين حرام عليك بقا كفاية ظلم خرج من الشقة وقفل عليا الباب بالمفتاح و أخد الموبايل بتاعي! كنت مصدومة و مش مستوعبة إللي بيحصل، أنا ونوح متجوزين بقالنا سنتين ونص كنا كويسين جدًا مع بعض، كان ملاك حرفيًا معايا، خصوصًا إننا متجوزين عن حب، و لما الحمل أتأخر أهلوا أصروا علينا إن أكشف عشان نوح الإبن الكبير و منتظرين الحفيد الأول بفارغ الصبر لكن كانت الصدمة لما الدكتور قال إن عندي مشاكل في الرحم و صعب أحمل أصلًا!! يعني مش كفاية صدمتي في الخبر إللي كسر قلبي دا، لا هو كمان بيتهمني إن كنت عارفة و مخبيه عشان كدا مش عايزة أكشف!! في الوقت إللي كنت مستنة دعم أقرب حد لقلبي هو نفسه طعـ.ن قلبي!!! ماكنتش فاهمة أي إللي بيحصل ولي أخد الموبايل و سك الباب!! كنت حاسه كأني في سجن، الشقة بتضيق عليا فضلت اخبط على الباب جامد و انادي يمكن حد يسمعني … أنا عايشة في بيت عيلة أكيد يعني هيسمعوني فضلت على الحال دا لحد تاني يوم، لقيته جاي و باين على ملامحه القسوة _ أنت إزاي تحبسني في الشقة لواحدي و تاخد الموبايل أنت مجنون؟! ضربني بالقلم و كأنه ضرب قلبي وكسر كل حاجة حلوة جوايا وهو بيضرخ _اخرسي مش عايز أسمع صوتك، أعمل معاكي أي دلوقتي أعمل أي!؟ أقول لأهلي أي! أنا لازم اطلقك أنتِ مينفعش تبقي على زمتي _ أنت بتقول أي بجد أنت مدرك للي بتقوله؟! أنت إزاي قاسي كدا، أنت مستحيل تكون الشخص إللي حبيته _ أنتِ كمان بتبجحي مش كفاية إنك أرض بور! ملكيش أي لازمه دلوقتي أنتِ ولا حاجة، أنا لو سبتك على زمتي هتعيشي خدامة اصلًا، يا كدابة يا غدارة _ أنا مش كدابة حرام عليك أنت بتقول أي، أنا مش عايزة أعيش معاك أصلًا، مين قال إن هقبل أكون مع واحد قاسي زيك أنا هروح عند أهلي، أنت حتى مفكرتش تسمعني أو تطمني أو تقول إن هنروح لدكتور تاني نتأكد، أنت أول حاجة عملتها اتهمتني، أنت بجد مجنون مش طبيعي بعدها مش عارفة أي إللي حصل أنا لقيته مرة واحدة هجم عليا وضر.بني جامد، كانت قوتي الجسدية ضعيفة مقدرتش أدافع عن نفسي لحد ما الدنيا ضلمت في عيني فاجأة لما فوقت كنت لواحدي في الشقة روحت بسرعة و أنا جسمي بيتألم و كله كدمات و منهارة أجمع هدومي عشان أهرب على بيت أهلي قبل ما يرجع أنا متجوزة وحش اتغير ١٨٠ درجة لكن و أنا بجمع هدومي لقيت ورق فاجأة وقع من درفته من وسط هدومه جوا، استغربت من الورق إللي متعان في مكان غريب كدا! لكن كانت الصدمة لما لقيت إن دي تحليل بتاعته و كان …كان عقيم ؟! هو كان عقيم ؟! يعني أي؟ بدأت أجمع الصورة الدكتور أول ما كشف قال في مشاكل في الرحم وحتى معملش تحاليل معملش كشف كامل ماقالش أي المشكلة نوح تجاهل كلامي لما قلتله نروح لدكتور تاني و الدكتور دا … الدكتور دا صاحب نوح أنا شوفته في فرحي !!! عمل كل دا عشان يداري العيب منه و يحطه عليا كان عايز يكسر عيني و يطلعني أنا إللي مش بخلف عشان أهله! عشان صورته متتهزر لكن يجبها فيا و يهني و بهدلني؟! بس أنا قررت إن مش هتخلص بالشكل دا! دا كان هيمو.تني ؟! لما سمعت مفاتيح الشقة في الباب بسرعة رجعت الورق و خبيت الشنطة إللي حضرتها في دولابي وبصيت ليه بنظرة جديدة اول ما دخل، نظرة ما.تت فيها كل المشاعر كانت عين ليا مفتوحة و عين مقفوله من الضر.ب لكن العين دي كانت بتحكي ألف قصة للإ.نتقام…. سابني ودخل الحمام و من هنا قررت اتحرك … _عطيته قلبي وحياتي و آمنته على نفسي، وهو غد.ر بيا! و الغد.ر عقوبته…..اي؟ قررت إن هفضل أصل قرار إن أبقى أرمله أحسن ما أبقى مطلقة كان شاغل دماغي كنت مغلولة منه، بفتكر كلام أهله وهما بيقولوا كل شوية اكشفوا اكشفوا و أفتكر أنه كان بيقول لا إحنا مبسوطين كنت فاكرة دفاعًا عني بس طلع دفاع عن نفسه _فكرت هرجع مش هشوف وشك، بس هقول أي لا خلفة ولا كرامة ضحكت ببرود و أنا بتوجع من جوايا، إزاي قادر يكذب و يصدق نفسه!؟ _ أنتِ بتضحكي! _ آه أصل غريب إنقلاب الحال، كنا من يومين بنمُ*وت في بعض، دلوقتي بنمَ*وت بعض _لو ماكنتيش كذبتي عليا، كان ممكن اسامحك _ أنت مصدق نفسك! _ آه أصل مش بحب الكذب ولا بسامح فيه _كويس إنك عارف _تقصدي أي؟ أنتِ بجحة أوي تعملي العاملة و عينك قد كدا، أنا ندمان إن اتجوزت واحدة زيك، هقول لأهلي أي، مراتي إللي كنت بحبها طلعت أرض بور، منك لله هتدمري حياتي _ دي حقيقة أنا هدمر حياتك فعلًا _ غوري من وشي مش طايق أشوفك _ عارف يا نوح، الحب دا غريب، كنت فاكرة إن مفيش حاجة تقدر تهزه، قوي و متين، بس في يوم حبي في قلبك اختفى، زي ما حبك في قلبي اختفى، مشوفتش أحقر منك زقني بس تماسكت عشان منهارش أنا أصلًا كان جسمي بيوجعني لواحده، بس خزنت كل دا في طاقة الغضب إللي جوا، هدمت احلامنا سوا و بنيت سور من نار ا.نتقام هو مش بس خذلني، لا دا دمرني في يومين عدى كام يوم و قال لأهله فعلًا إن أنا إللي مش بخلف، نظرات الاستحقار إللي كانوا بيبصوا عليا بيها كانت بتضحكني، مش مصدقة إن الكذبة محبوكة كدا، و إنه صدقها، إزاي قادر يكمل فيها والله بس صبرت، مش جلد مني لا دا يخزن كل دا عشان الوقت المناسب أتحرك، ما حرقة قلبي مش هتهدى بقاعدة صلح ولا طلاق مش هنهيهى بالشكل دا _ يلا يا عقيمة اعملي لينا أكل، و لأهلي كلهم عشان قولتلهم يجول النهاردة يأكلوا معانا دا الوقت المناسب…. استنيت اللحظة دي بقالي خمس شهور، خمس شهور بسمع إهانات من ناقصة إللي بيطلعه عليا، خمس شهور بسمع أهله بيشتموني و يعيروني بحاجة مش عندي أصلًا بس الأشرار مش بيتولدوا دول بيتصنعوا من معاشرتهم للمرضى إللي عايشين معاهم قفلت شبابيك الشقة و سكيت الأوض كلها احتياطي كنت عارفة إن أخوه بيشرب سجاير، أكيد هيجي لحظة ويولع سيجارة استنيت كلهم وصلوا، و أنا متأكدة محدش هيدخل المطبخ ويقولي بتعملي أي، ففتحت عيون الغاز كلها و خرجت أقول ليه _ أنا نسيت الكوسة عايزة كوسة _روحي هاتيها و أنتِ صغيرة! وطيت راسي و أنا برسم الغلب و خرجت من البيت سكيت الباب من برا وحطيت المفتاح في الباب عشان محدش يعرف يفتح و نزلت .. خرجت للحرية مش مهم سايبة أي ورايا روحت اشتريت فعلًا كوسة وقلبي كان بيدق جامد، كنت عايزة أظهر للناس كلها إن فعلًا راحة اشتري حاجة عادي و اتاخرت شوية، لحد ما سمعت صريخ الناس جاي من على أول الشارع جريت بشنطة الكوسة على البيت و أنا بصوت بخوف مزيف زي إللي قدر يعمله مش هو لواحده الشاطر في التمثيل و بصيت على الشقة إللي بتو.لع و الناس إللي بتجري و صوت و جريت معاهم لكن من جوايا كنت ببتسم، و بضحك، و بتنطط _ إلحقوني يا جماعة جوزي…جوزي بيو.لع جوزي… متحاولش تكـ.سر قلب… الكسر دا هيعو.رك.. أو يقتـ.لك الله أعلم أي رأيكوا في تفكير مريم، تفتكروا نوح يستاهل إللي حصله على إللي عمله، ولا كان المفروض تطلق و بس؟! مستنية رأيكوا، و على فكرة نص احداث الإسكريبت دا يعتبر حقيقة، و أي رأيكوا في النوع دا من الاسكريبتات حساه حماسي اكتر صح؟
