رواية حب حادق الحلقة الأول ىنبدأ حكايتنا…بسم الله الواحد الأحد الفرد الصمد. والصلاه والسلام على خير خلق الله محمد بن عبد الله وعلى اله وصحبه وسلم صلاه تنفك بها العقد وتنحل بها الكرب وينفتح بها ابواب الرزق❤نوفيلا حب حادق❤بقلم نسمه مالك.انا حامل!!!! حامل؟؟؟امممممم مبروك…. واه قبل ما انسى والفرحه تاخدك اوى انتى طالق!!!!!!! دا كان رد جوزى على خبر حملى… انا ندى 19سنه بنت وحيده معنديش غير بابا وماما من طبقه فقيره اوى معايا ثانويه عامه… حكايتى معقده شويه بس فيها عبره وعظه اتمنى انها تفيدكم بدأت حكايتى لما ناويت انزل اشتغل اساعد بابا على مصاريف علاج ماما اشتغلت فى مول كبير اوى شامل كافه شئ وقفت فى قسم المخلل… كان الاول الكل مستغرب ازاى واقفه ابيع مخلل مش فاهمه ايه المشكله انا رضيت وقولت الحمد لله خصوصا ان مرتبها حلو جدا بس تعب اوى بفضل واقفه 12 ساعه ممنوع اقعد خالص كل ست ساعات باخد ربع ساعه راحه اصلى واكل وارجع تانى بسرعه الدقيقه بخصم يوم كامل دخلت اوضه اللبس ولبست اليونيفورم وانا خارجه خبطت فى بنت غصب عنى. ندى:اه انا اسفه. البنت:ولا يهمك انا اللى مستعجله انتى فى قسم ايه انا اول مره اشوفك هنا.. ندى:انا لسه جديده دا اول يوم ليا. البنت:اه علشان كده انا برضو بقول انا مشوفتش القمر دا قبل كده انا سهى شغاله هنا من قريب برضو مكملتش شهر بس ماشاء الله عليكى اليونيفورم يجنن عليكى…. الله ايه دا انتى احمريتى كده ليه بتتكسفى منى وانا بنت امال هتعملى ايه فى اللى هتشوفيهم بره لا اجمدى كده دا انتى تتاكلى هنا انتى اسمك ايه و فى قسم ايه اكيد اتعينتى فى قسم المجوهرات. ندى:ههههههههه مجوهرات هو فى هنا قسم للمجوهرات كمان ماشاء الله لا انا اتعينت فى قسم المخلل الحمد لله اوى واسمى ندى. سهى:اييييييه مخلل ايه بس بحلوتك دى ماشاء الله عليكى والله يابنتى مش بحسدك بس اصل هنا بيختارو الحلوين اوى اللى زيك كده وبيعينوهم يا فى قسم المجوهرات يا فى قسم الملابس الرجالى وانا متنمناش لاى بنت تقف فى قسم الرجالى دا حاسه انو يشبه اى واحده رغم انى مشتغلتش فيه فقولت اكيد انتى هتكونى فى المجوهرات. ندى:اكيد بيحتاجو وسطه جامده علشان يوصلو لقسم بالفخامه الكبيره دى وبعدين هو قسم المخلل يعنى وحش دا الجزء اللى انا واقفه فيه مخصص للزيتون بس اكبر من بتنا كلو ههههههه ويله البسى انتى كمان فاضل 10دقايق ونخرج نستلم. سهى:اه عندك حق استنى خليكى معايا على ما البس بصى انا ارتحتلك اوى وشكلنا هنبقى اصحاب انا فى قسم لعب الاطفال ومتخفيش قسم المخلل مش بيكون زحمه ربنا بيحبك بس خلى بالك كل المكان متراقب على اعلى مستوى وصاحب المكان وولاده دايما موجودين وساعات بيمرو بنفسهم واى حد مش بيشوف شغلو بيمشوه فورا هما جد اوى اوى فى الشغل. ندى:شكرا ياسهى على نصحتك وربنا معايا ومعاكى انا هروح استلم شغلى ونتقابل فى الراحه ان شاء الله…… خرجت روحت على القسم بتاعى وسميت الله ووقفت مكانى وبدأ الشغل وقولت الحمد لله ان مبيبقاش فى زحمه اوى على القسم اللى واقفه فيه لكن فجأه بدأ المكان عندى يزدحم شويه بشويه بس قدرت انظم اللى واقفين وبدات امشى بالدور بعد ما وقفتهم فى طابور عدت الايام علاقتى بسهى بقت اقوى خصوصا انها تقريبا نفس سنى وكمان تعتبر نفس ظروفى لكن هى معاها دبلوم وباباها متوفى وعايشه مع مامتها واخوتها بنتين لسه فى اعدادى وابتدائى وهى اللى بتصرف عليهم وبقينا نروح ونيجى مع بعض بس الغريبه ان كل يوم بقى على القسم بتاعى زحمه اوى اوى لدرجه كل اللى فى المول مستغربها حتى سهى!!! سهى:ندى خلى بالك كل اللى فى المول واخد باله من الزحمه اللى بقت على القسم عندك وخصوصا ان الزحمه كلها رجاله ومعظمهم شباب لا وايه كمان فى منهم بياخد المخلل ويقف فى الطابور تانى!!! ندى:انا عارفه ان الزحمه بتزيد بس اول مره اعرف ان فى حد بياخد ويقف ياخد تانى انا مش ببص فى وشوش الناس اصلا باخد الورقه من ايديهم وبعبى اللى مكتوب وبديهلهم وبس وبعدين مش الزحمه دى حاجه كويسه والمشرفه قالتلى برافو عليكى انتى شايفه شغلك تمام يبقى اخلى بالى من ايه ياسهى واللى واخد باله دا واخد باله من ايه فسرى كلامك؟؟؟ سهى:حبيبتى والله مااقصد ازعلك انا بس بنبهك ان العين بقت عليكى فخلى بالك لان اللى بيرجع تانى دا اكيد عايز يعاكس او يتعرف عليكى فأوعى حد من اللى بيشترى يديكى رقمه او يحاول يكلمك دى فيها رفد خلى بالك من نفسك وبس دا كل قصدى. ندى:ماشى ياسهى يله خلينا نستلم شغلنا…… خرجت على القسم بتاعى اللى فعلا اول مره اخد بالى ان كل الزحمه اللى عليه معظمهم رجاله واتفجأت اكتر لما قالتلى البنت اللى بستلم منها بنبره تريقه. هند:امممم انتى جيتى اخيرا محدش عايز ياخد من ايدى المخلل عايزينه من ايدك انتى يا هه يا نددددى؟؟؟مشيت من قدامى وانا رفعت عينى لاول مره ابص فى وشوش الزباين اللى قدامى وكأن مسوره رجاله طفحت فى المكان عينى مجبتش اخر الطابور اللى واقف صف واحد وراسهم كلهم فى ناحيه واحده بيبصو عليا ببتسامه عبيطه اوى فتحين بوقهم كأنهم بيصدادو دبان ايييخييييه ايه الاشكال دى على الصبح ياربى!!! بدات اشوف شغلى واندمجت فى الشغل وبعد فتره لقيت الزحمه بتزيد وتزيد وفعلا خت بالى ان اللى اشترى مره بيجى يقف تانى ويشترى تانى شويه والمشرفه جت من ورايا وقالتلى خلى بالك اصحاب المكان بيمرو بصراحه مهتمتش اهتم ازاى وانا ملخومه لشوشتى فى الزحمه اللى قدامى فضلت مركزه فى اكياسى وزيتونى اللى بعبيه وميزانى لحد ما وقفنى صوت غريب وهو بيقولى سيبى اللى فى ايدك وتعالى كلمى المهندس رفعت عينى لقيت؟؟؟سلات هدايا يتبع…. 😍😍😍😍😍😍😍 رواية حب حادق الحلقة الثانية رفعت عينى لقيت واحد ضخم اوى شكلو ولبسو بيقول انو بيشتغل حارس بصتلو وقولتلو. ندى:اجى معاك ازاى مافيش حد مكانى؟؟؟؟شاور بأيده لواحد جه فى ثوانى وقف مكانى وقالى هو بلهجه شديده خوفتنى شويه. الحارس:قدامى…. مشيت قدامه كتير لا كتيييير اوى المكان كبير جدا جدا وصلنا قدام اسانسير ودخل هو وانا وقفت مكانى متحركتش بصلى بستغراب وقلع نظارته احححم ايه دا ياخربيتك قمر كتك الارف فى حلوتك استغفر الله العظيم ايه اللى بقوله دا نزلت عينى فى الارض لقيته قالى بقرف!!!! الحارس:ما تدخلى يا ماما مستنيه ايه انجزى فى يومك دا؟؟؟؟؟ صحيح الحلو ميكملش الكمال لله وحده كنت عايزه اقوله كده واسكعه كف على وشه الامور دا واقوله اتكلم بزوق شويه بس لقتنى برد بخوف ورعب معرفش سببه ايه!!؟؟؟ ندى:انا مش هركب هنا معاك لوحدنا عيب قصدى ميصحش احححم وحرام كمان اتفضل حضرتك وانا هطلع وراك….. بلحظه كان قرب عليا شدنى من ايدى بكل قوته لدرجه انى بقيت فى خضنه بعدت عنه بسرعه شدنى تانى و دخلنى الاسانسير وضغط على الدور المقصود وهو بيقولى بكل غضب…. الحارس:انتى مجنونه يابت انتى ايه التهريج دا قال اطلع وانا اطلع وراك هنلعب مع بعض ولا ايه؟؟؟؟ وبكل قوتى لقتنى بضر...ب فيه بأيدى ورجلى وانا بصرخ ندى:انت اللى اتجننت لما فكرت تمسك ايدى ياحيوان انت….. وقبل ما اكمل كان كلنى قلم على وشى راسى اتخبطت فى المرايه اللى فى الاسانسير ومحستش بحاجه بعد كده ودى كانت اول مره يغمى عليا فى حياتى بس للاسف مش هتكون الاخيره!!؟؟؟ ////////////////// بالطابق الخامس بالمول بمكتب رئيس مجلس الأداره يجلس مالك المول وهو ايضا يملك اكثر من مول اخر انه؟؟؟ المهندس:شهاب الدين الفيومى رجل ذو مكانه مرموقه من اشهر رجال الاعمال يتكلم مع عبد الرحيم محاميه الخاص وصديق عمره ايضا؟؟؟ شهاب:ها يا عبد الرحيم عملت اللى قولتلك عليه… عبد الرحيم:كله تمام يا شهاب تذكره السفر جاهزه بس خلى بالك اللى انت بتعمله دا خطر وهتعمل شرخ اكبر بعلقتك بأبنك…. بلاش تسافرلها تانى اصبر شويه وفكر فى كلامى ويمكن هى ترجعلك ؟؟انا خايف عليك ياصحبى…. شهاب:عندك حق هصبر شويه لان الولد فعلا بقى صعب اوى انت مش شايف عميله قدامك دا ناوى يجلطنى ولا يشلنى مش عايز يتجوز ومقضيها لعب ببنات الناس عايزه يشيل مسؤليه الشغل معايا انا كبرت يا عبد الرحيم ونفسى يشيل عنى شويه بقى كفايه بعد اخواته عنى؟؟لا وايه ابن الكلب مسمى نفسه اسم تانى قال عمر الشهاوى قال. مش عايز حد يعرف انه ابنى عيشلى فى دور لن اعيش فى جلباب ابى؟؟ ليعم الصمت قليلا وينظرو الاصدقاء لبعضهم البعض وينفجرو فى الضحك سويا حتى ادمعت اعينهم….. بطل ضحك عارف انو طالعلى فى كل حاجه بس انا مكنتش مفكر انى قارف ابويا اوى كده الله يرحمك يا والدى قسيت معايا كتير وادينى اهو ابنى بيعمل فيا نفس اللى عملته فيك… عبدالرحيم:روق ياشهاب ابنك راجل لابوه وانت عارف انه هيبقى اشطر منك كمان يبقى سيبه براحته وهو هيعيد حسابته وهيرجع لحضنك زى ماانت عملت مع ابوك متستعجلش عليه وكفايه قرصه الودن اللى انت هتعملها معاه وهو فين صحيح انتو مش جاين مع بعض؟؟؟ شهاب: اه اخيرا حن ووافق يجى معايا بعد ما حلفت عليه!!!!وكمان بقالى فتره شايف زحمه جامده اوى على قسم معين فى دور الاغذيه وعرفت ان فى موظفه جديده شاطره فى شغلها قولت اجبها واشوف لو تنفع تقف فى قسم الفضيات حاسس ان الفضه سوقها قل اليومين دول وابنى ماشى ورايا زى البودى جارد علشان محدش يعرف انه ابنى!!!روحت عاملته على انه فعلا مش ابنى وبعته بنفسه يجبلى البنت ههههههههه ماشى بينفخ ومش طايق نفسه….. عبد الرحيم:هههههههه ياعينى على البونيه ليطلع غيظه فيها ياشهاب وقبل ما يكملو كلامهم كان الباب اتفتح واللى فتحه رزعه برجله ودخل؟؟؟ شهاب:ايييييه اللى بيحصل دا!!!؟؟؟؟وقف مصدوم ومزهول لما شاف ابنه داخل شايل واحده مغمى عليها وواضح ان دماغها بتجيب دم فاق على صوت ابنه وهو بيقوله عمر:هى دى البنت اللى انت عيزها؟؟؟؟ 😍😍😍😍😍😍😍😍😍😍😍😍😍😍 رواية البريئة الجزء الثالث الفصل الثاني 2 بقلم Lehcen Tetouani القائمة بحث عن الرئيسية/روايات روايات رواية حب حادق الفصل الثالث 3 بقلم نسمة مالك CaMoيونيو 16, 2024 0 4 دقائق رواية حب حادق الفصل الثالث 3 بقلم نسمة مالك رواية حب حادق الجزء الثالث رواية حب حادق البارت الثالث حب حادق رواية حب حادق الحلقة الثالثة انا اضر...بت ؟؟؟انا عمرى ما حد ضر...بنى… بابا وماما عمرهم ما ضر...بونى… يضر...بونى ازاى وانا بنتهم الوحيده؟؟؟ولما تبقى بنتهم المطي فلعه الهاديه اللى الكل يشهد بأدبها واخلاقها يبقى يضر؟..بوها ازاى؟؟؟بس انهارده ولأول مره اضر...بت من واحد معرفوش ولسبب برضو معرفوش!!! انا كنت بدافع عن نفسى ازاى يلمسنى ويمسكنى بالشكل دا وانا محرمه عليه؟؟؟بس برضو انا غلطت كنت هستنى ايه يعنى من واحد باين عليه الغرور والتكبر دا كله !!؟؟ دا يعلمنى انى مقفش قدام راجل بعد كده واحكم عقلى كويس ومتسرعش علشان مندمش فى الأخر…. انا دلوقتى مش عارفه هتعامل ازاى مع نفسى وكرمتى اللى بتوجعنى دى….. /////////// صدمه وزهول لشهاب وعبد الرحيم وهما شايفين عمر بيتحرك بالبنت اللى مغمى عليها وبيحطها على كنبه انتريه وبيتكلم بكل برود اعصاب وهدوء مستفز.. عمر:ها يا بشمهندس عايزنى اجبلك حد تانى ..؟؟ شهاب:سند على عكازه وبيتحرك نحيه البنت … هتمو...تنى .. لا هتجلطنى وتشلنى وبعدين تمو.....تنى …. انت عملت فييييييها اييييييييه؟؟؟؟؟جرى عليه عبد الرحيم ومسك من ايده العكاز اللى كان عايز يضر....ب بيه ابنه…. عبد الرحيم:اهدى يا شهاب مش كده اهدى خلينا نفهم بالعقل ونفوق البنت اللى دماغها بتجيب دم دى……انا هطلب العياده تبعتلنا دكتور حالا…. عمر:مافيش داعى لدكتور جرحها سطحى وانا هفوقها….. قرب عليها وراح لطشها قلم تانى بس خفيف شويه… قومى يابت !!؟؟ شهاب:ابعد عنى يا عبد الرحيم سبنى عليه مش عايز ازقك…. وبلحظه كان قرب منه مسكه من ياقه قميصه…. انت ايه ياواد انت… معمول من ايه ومن امتى وانت بتمد ايدك على اى بنت ؟؟؟؟؟ فين اخلاقك وقيمك …بتعاند نفسك ولا بتعاندنى … ازاى تضر...ب بنت بالشكل دا….. فاكر نفسك فين هنا…. انا اللى هقفلك وهجيب حق البنت دى منك….. عمر:مسك ايد شهاب من على قميصه بهدوء…. اهدى ياوالدى …هى اللى استفزتنى وتستاهل الضر..ب وبعدين ما انا بفوقها اهو.. شهاب:بتضر؟؟بها تانى وتقولى بفوقها!!!!؟؟؟؟ بعد عنه خطوتين وبص لصحبه…. اتصل يا عبد الرحيم هات دكتور… وفعلا فى خلال دقايق كانت جت دكتوره وبدأت تكشف على ندى…. قلعتها حجابها وظهر شعرها الناعم جدا جدا رغم جمالها بالحجاب ليها حق تدارى كل الجمال دا…. شهاب وعبد الرحيم واقفين مع الدكتوره اثناء الكشف… اما عمر؟؟ واه من عمر… جلس على احدى الكراسى بالمكتب بعيد عنهم لا ينظر لهم حتى منشغل بالتليفونه…. الدكتوره:الحمد لله الجرح سطحى بس واضح ان حد ضر..بها بالقلم جامد اوى صوابعه معلمه خالص على خدها وهتسيب اثر واضح هى بدأت تفوق اطمن بس ان عينها متأثرتش بالضر...به والخبطه اللى خدتهم….. …حاولت افتح عينى بس مش قادره حاسه بصداع فظيع؟؟؟؟ بدات افوق شويه بشويه وافتكرت اللى حصلى…. وانفجرت فى العياط من غير ما افتح عينى … بس سامعه صوت ناس حواليا بيحاولو يهدونى .. شهاب:اهدى يابنتى كفايه عياط انا هجبلك حقك .. ها يادكتوره طمنينا. الدكتوره:انا طهرت ليها الجرح وهى كويسه دلوقتى ممكن بس تحس بصداع ودوخه خفيفه كده الاحسن متقومش على طول وتفضل مرتاحه شويه لحد ما تستعيد توازنها… عبد الرحيم:تمام اتفضلى انتى على شغلك يا دكتوره وخليكى جنب التليفون لو فى حاجه تانيه هنكلمك.. .. بدأت افتح عينى وابص حواليا .. اه دماغى بتوجعنى اوى كل دا من قلم واحد !! امال لو كلت علقه هعمل ايه ؟؟ بس دا كان قلم جبار ومفترى … قومت براحه وقعدت مكانى لقيت اتنين رجاله كبار فى السن وقفين قدامى ….حاولت اقوم اقف بسرعه بس واحد منهم منعنى بكلامه… شهاب:خليكى يابنتى متقوميش على طول علشان مدخيش تانى …ها عامله ايه دلوقتى … ندى:دموعى غرقت وشى … الحمد لله انا كويسه … شهاب:طيب كفايه عياط وانا هجبلك حقك بس قوليلى ايه اللى حصل…انتى عارفه انا مين الاول ؟؟؟حركت راسى بمعنى لا … انا المهندس شهاب الدين صاحب المول … قوليلى اللى حصل وانا اوعدك انى اجبلك حقك…. ندى:بعياط هستيرى ح حضرتك تقدر تشوف اللى حصل اكيد الكاميرات صورته… فضلت مكانى وخت نفس وقولت لنفسى كفايه عياط كفايا ضعف وبدأت اهدى… مشيو من قدامى وراحو وقفو قدام شاشه كمبيوتر على المكتب يشوفو اللى حصل وانا عينى عليهم بعد ما مسحت دموعى واتفجأت بشعرى نازل على وشى فضلت اتلفت على طرحتى حوليا لحد ما لقتها جنبى وبصيت عليهم لقتهم مركزين فى الشاشه فكيت مشبك شعرى ولميته كله على بعضه ولفيته كحه بسرعه وانا عينى عليهم لحد يشوفنى ولفيت طرحتى .. بس اتفزعت من صوت المهندس لما زعق مره واحده وقرب بسرعه غريبه عليا وهو بيسند على عكازه انا خوفت بصراحه ورجعت بضهرى لأخر الكنبه اللى قعده عليها بس لقيته عدانى ومشى لأخر المكتب رفعت عينى اشوفه رايح فين واتصدمت لما لقيت اللى ضر....بنى قاعد عينه عليا بنظره غريبه مقدرتش افسرها ؟؟ يعنى هو قاعد من ساعه ما فوقت يانهار الوان عليا وعلى كسفتى وشاف شعرى لما فكيته يا الله ايه اليوم دا ؟؟؟ عبد الرحيم:اهدى ياشهاب هو هيعتذرلها قوم يابنى اعتذرلها البنت مغلطتش فيك كانت بدافع عن نفسها ميصحش تمسكها بالطريقه دى هى مش عايزه تدخل معاك الاسانسير وقالتلك هطلع وراك كنت اطلع انت وقولها تحصلك على انهى دور وخلص الكلام ليه تشدها كده وتمسك ايدها ولما تدافع عن نفسها ودا حقها تضر....بها ميصحش ابدا يابنى احنا مش فى غابه. شهاب:قوله ياعبد الرحيم قوله خليه يفوق لنفسه واد انت تعتذرلها حالا… قام بكل برود وقرب منى وقف قدامى …انا كنت هفضل قاعده بس مش عارفه ليه قومت وقفت ومبصتلوش خالص.. لحد ما هو اخيرا نطق!! عمر:بصيلى؟؟؟ ابصله !!! قولت لنفسى ايه البجاحه دى والله ما انا بصالك ها بس مبصتلوش خالص وبصيت للمهندس شهاب اللى قرب ومسك دراعه وقاله… شهاب:تبصلك بتاع ايه… اعتذرلها واطلع بره من قدامى يله… عمر:حاضر هعتذرلها وبلحظه لقتنى مرفوعه من وسطى بأيد واحده بقيت فى حضنه وايده التانيه ثبتت وشى وشفايف عريضه باستنى على خدى بالقوه الصدمه لوحدها كانت كفيله تشلنى وتسببلى اغماء مره تانيه بس انا تنحت وسهمت وكأنى فعلا اتشليت وفوقت لما بعد بشافيفه وقالى بصوت هامس ونفسه سخن على خدى ؟؟ عمر:بعتذرلك يا ندى….نزلنى بهدوء وخرج بسرعه من قدام المهندس المزهول وعمو التانى المصدوم هو كمان وبدأو يبصو لبعض ويبصولى وحاله من الزهول والصمت احتلت المكان بعد خروجه من المكتب…. لحد ما انا قطعت الصمت دا واتكلمت بزهول وكأنه خدرنى مش باسنى !!!! ندى:شلنى وباسنى فى خدى ياعمو !!؟؟؟؟شكلى لوحدو كان كفيل يخليهم يفطسو على نفسهم من الضحك واخيرا سيطرو على ضحكهم وقالى المهندس.. شهاب:ندى تقدرى تروحى على شغلك لو حاسه انك تعبانه ممكن تاخدى انهارده اجازه وانا ليا تصرف تانى مع اللى عمله عمر اتفضلى يابنتى.. ندى:اتفضل!!!كنت هقوله انا هتفضل بس مش على الشغل هتفضل مستقيله ..لكن حاجه منعتنى مش همشى من هنا غير وانا واخده حقى من المتكبر القذر وادفعه تمن القلم وال ال احححم البوسه اللى خدها منى على خونها .. لقتنى رديت عليه وقولتله ..حاضر هتفضل ..ومشيت على مكان شغلى ووقفت ابيع المخلل الحادق ومعرفش ان قرارى دا هيخلينى اقع بكل اراتى فى قصه حب بس للاسف هيكون 🌶حب حادق🌶 الحلقه ٤رواية حب حادق الحلقة الرابعة اتأخرتى ليه ياندى قلقتينى عليكى يابنتى؟ دى ناديه امى حبيبه قلبى احن ست فى الدنيا…قربت منها وبوست ايدها وراسها وطبعا شافت خدى اللى بدا لونه يزرق مكان القلم ..وبعد شاهقه جامده وخبطت ايديها على صدرها ومسكه وشى بين ايدها بتشوفه كويس وبتتكلم بدموع…. ناديه:قلب امك يابنتى مين اللى عمل فيكى كده ياضنايا؟؟ ندى:اهدى ياامى انا كويسه بطلى عياط وانا احكيلك كل حاجه..مديت ايدى ومسحت دموعها اللى غرقت وشها وقعدت فى حضنها الله ياامى على حضنك الدافى دا ربنا ميحرمنيش منك ابدا… حكيتلها كل حاجه مخبتش عليها اى حاجه حتى كمان وصفتلها شكل اللى ضر...بنى…. ندى:بس تعرفى ياامى انا مش عارفه بعتلى ليه ولا كانو عايزين ايه مش هكدب عليكى ياامى انا زعلانه اوى وحاسه باهانه فظيعه رغم ان المهندس صاحب الشغل قالى انا هجبلك حقك لكن حق ايه اللى هيجبهولى من المتكبر المغرور اللى مختشاش على دمه ومسكنى بالطريقه دى ادامهم انا كنت هسيب الشغل بس قولت مش همشى غير لما اخد حقى ايه ياامى انتى ساكته ليه انا غلطت فى حاجه من اللى حكتهالك..ضمتنى لحضنها اكتر واتكلمت بكل حزم .. ناديه:اسمعينى ياضنايا انتى مش هتروحى الشغل دا تانى قلبى مقبوض وخلاص كفايه اللى حصل لحد كده … ندى:ياامى ليه بس وبعدين انتى عارفه اننا محتاجين المرتب على الاقل افضل الكام يوم دول لحد ما اقبض الشهر وبعدين اقعد.. ناديه:ولا تفضلى كام يوم ولا كام ساعه خلاص ياندى خلص الكلام انا مش مستغنيه عنك قومى شوفى وشك من قلم واحد بقى شكله عامل ازاى ولو ابوكى شافه مش هيسكت ابدا احنا اه ناس غلابه لكن الا كرمتنا ولا حد يمد ايده على حد من حرمنا.. وقبل ماتكمل كان بابا دخل وسمع اخر جمله ماما قالتها … عادل:فى ايه ياام ندى ؟؟؟قرب منى وبص فى وشى …ايه اللى فى وشك دا يابنتى مين اللى عمل فيكى كده !! ندى:اهدى يا بابا وانا هحكيلك .. وحكيت لبابا كل حاجه انا صريحه معاهم وعمرى ما كدبت عليهم ابدا …. عادل:لفى طرحتك وتعالى معايا يله.. ندى:على فين بس يابابا.. عادل:يله ياندى تعالى معايا من سكات مش انا اللى اسيب حق بنتى لو على رقبتى…. ناديه:لفى طرحتك وروحى مع ابوكى يا ندى انتى معاكى الحق وصاحب الحق عينه قويه….لفيت طرحتى ونزلت انا وبابا وركبنا مكروباص ووصلنا لمكان شغلى وقبل ماندخل شوفت المهندس صاحب المول خارج ورايح ناحيه عربيته شاورت لبابا عليه .. ندى:بابا دا المهندس صاحب الشغل اللى قولت لحضرتك عليه.. عادل:هو الراجل اللى هيركب العربيه دا . حركت دماغى بأيوه …طيب تعالى …خدنى من ايدى وقربنا منه وبابا بينادى عليه علشان يلحقه قبل مايركب..يابشمهندس لحظه من فضلك..وفعلا وقف واول ما شافنى مع بابا غمض عينه بأحراج وبص لعمو اللى كان معانا وشاف اللى حصل وقاله حاجه.. شهاب:مش قولتلك يا عبد الرحيم البنت شكلها بنت ناس ومحترمه.. عبد الرحيم:شكله والدها اللى جاى معاها دا …قربنا ووقفنا قدامه وهو ابتسم واتكلم بكل زوق… شهاب:لحظه واحده ساعه لو تحب… عادل:تشكر يابشمهندس انا والد ندى .. شدنى لحضنه وكمل كلامه بنبره زعل وحزن شديده… انا عايز اعرف بنتى عملت ليكو ايه علشان ترجعلى مضروبه بالشكل دا ؟؟؟؟ وكمان اللى ضر,,,بها وهو بيعتذرلها يحضنها ويبوسها ؟؟؟؟لو بنتك دى يابشمهندس واكيد انت اب كنت هتعمل ايه لو رجعتلك كده… شهاب:كنت قـ,ـتلت اللى عمل فيها كده.. عادل:انا بقى مش هقتـ,ـله بس بعد اذنك ندى قالتلى ان كل اللى حصل اتصور فانا هعمل محضر فى اللى اذى بنتى ومش هسيب حقها وكل اللى طلبه من حضرتك تشهد شهاده حق وتقولنا اسم اللى عمل كده فى بنتى … احنا اه ناس غلابه وعلى اد حالنا لكن عمرنا مانسمح ان حد يمد ايده على حرمنا…. شهاب:اهدى ياراجل ياطيب وحق بنتك انا جبته وطرت الولد اللى عمل كده من الشغل ومش هيلاقى مكان يشتغل فيه تانى بسبب قله ادبه وانا بعتذرلك بنفسى وانتى كمان يابنتى حقك عليا… ندى:يا فندم بعد اذن حضرتك انا عايزه اعرف هو ليه جه قالى كلمى البشمهندس علشان يضر....بنى ويحصل اللى حصل دا. شهاب:لا يابنتى فعلا انا اللى كنت عيزاك علشان شوفت شاطرتك ونظامك فى القسم اللى انتى واقفه فيه وكنت هنقلك لقسم تانى بس اللى حصل نسانى انا كنت بعتلك ليه.. عادل:لا خلاص لحد كده لقسم تانى ولا تالت بنتى مش هتشتغل تانى وعلشان حضرتك اعتذرتلها بنفسك وخت حقها من اللى عمل فيها كده انا بشكرك ربنا مايوجع قلبك على غالى عن اذنك.. لسه هنمشى انا وبابا كان وقفنا المهندس وقالنا.. شهاب:استنى لوسمحت انت راجل حقانى وبتقول انى اعتذرتلها يبقى ليه تمنعها تيجى شغلها لو على اللى حصل انا بوعدك مش هيتكرر… وانتى يا ندى يابنتى لو مش حابه تتنقلى خلاص خليكى مكانك ها قولت ايه يا عم عادل.. عادل:ماشاء الله يابشمهندس حضرتك عارف اسمى كمان.. شهاب:كل اللى شغالين عندى عارف اساميهم وخصوصا اللى بيكونوا ممتزين فى شغلهم زى ندى كده… ندى:شكرا يا بشمهندس ..راى حضرتك ايه يا بابا هجى الشغل تانى.. عادل:هقول ايه يابنتى البشمهندس حرجنى بزوقه هتيجى ياندى ان شاء الله…ومشيت انا وبابا وانا حاسه ان اتردلى ولو جزء بسيط من كرمتى على الاقل اقدر اشتغل فى المكان تانى من غير ماتكون نفسى مكسوره..فعلا الاب سند وضهر ربنا يحفظك ليا يابابا انت وماما يارب.. ///////////// شهاب:شوفت يا عبد الرحيم الراجل كان عايز يعمل محضر حقه طبعا.. لما يشوف بنته مضروبه بالشكل دا..شوفت وش البنت بقى لونه ازرق ازاى من شده القلم اللى خدته والله لو مكانه لامو....ت اللى عمل فى بنتى كده…احنا قربنا نوصل لو ملقنهوش فى البيت اتصلى بيه خليه يجيلى حالا.. عبد الرحيم:والله ما عارف اقولك ايه ياشهاب ربنا يهديه ادعيلو واصبر عليه ياصحبى..هتصلك بيه حاضر بس ارجوك بلاش عصبيه علشان صحتك وكل حاجه وليها حل..عربيته هنا يبقى هو جوه.. شهاب:بصوت عالى جدا…انت يا زفت يا اخره صبرى ياللى بتمد ايدك على بنات الناس.. عمر:بكل برود وحاطط ايده فى جيبه..امممم مش هنخلص من الموال دا… خير يابابا مش حضرتك قولتلى اعتذرلها واعتذرت فى ايه تانى.. شهاب:فى انك بجح وقليل الادب وتستحق فعلا المحضر اللى كان هيعملو فيك والد البنت اللى ضر....بتها وانا غلطان انى حوشتهم عنك علشان ميبقاش شكلك زى الزفت فى شغلك وسط زميلك لكن انت عديم الاحساس ومتستهلش اللى بعملو علشانك.. عمر:بغضب واستغراب..محضر عايزه تعمل فيا محضر وحضرتك قولتلها ايه علشان متعملوش..اوعى تكون قولت انى ابنك.. شهاب:بضحكه وجع شوفت يا عبد الرحيم مش قولتلك ..لا اطمن مقولتش انك ابنى قولتلها انك شغال عندى و انى رفدك ومشيتك ومش هتشتغل عندى ولا عند غيرى علشان اجبر بخاطرها هى وابوها.. عمر:يبتسم بخبث امممم تمام تسلم يا والدى.. ومتزعلش منى انا اسف ويقترب منه ويتحدث بهدوء.. انا ابن ابويا يا ابو عمر ويجرى سريعا قبل ما يطوله ضر...به قويه من عكاز والده…بقى عايزه تعمليلى محضر وماله جيتيلى فى وقتك انا كنت بدور على حاجه تسلينى..وهتبقى انتى تسليتى يا ندى؟؟؟؟؟ //////////////////// عدى كام يوم وانا مركزه فى شغلى ورغم الزحمه اللى بتزيد الا ان ربنا بيقدرنى وبعرف انظم شغلى من غير مشاكل .. وعلى اد ما انا ملخومه اوى فى الشغل وبروح تعبانه جدا ومابصدق اترمى على السرير ..الا ان الموقف اللى حصلى والقلم وال اححم البوسه اللى ختهم مش قادره انساهم ولا يطلعو من بالى مجرد ما انام احلم بيهم وبصاحبهم كمان ودى حاجه مضيقانى جدا لحد مافى يوم مروحه انا وسهى لقيته واقف قدامى.. مش هنكر واقول انى مخوفتش..لا انا خو.فت واوى كمان وسرعت خطوتى وانا بشد سهى اكتر.. سهى:فى ايه ياندى هتمو....تينا واحنا بنعدى الطريق بتجرى كده ليه… ندى:امشى بسرعه بس ياسهى وانا افهمك ومجرد ما عدينا الطريق لقينا عربيه وقفت قدمنا ونزل منها اتنين رجاله ضخمين اوى وشالونى انا وسهى رمونا فى العربيه وقبل ما نصوت كانو رشو فى وشنا مخدر محسناش بأى حاجه بعد كده…. 😍😍😍😍😍😍😍😍😍😍😍
