حليمه

الفصل العاشر 10
رامي يا نهار اسو*د اي دول
حليمه خير يا دكتور في اي
رامي انت جايبه الاقراص دي منين
حليمه هو في حاجه يا دكتور
رامي ردي عليا جايبه منين
حليمه طب ممكن تفهمني كل حاجه وانا هفهمك كل حاجه
رامي القرص الاول يا مدام ده بيض*عف قرنيه العين والتاني ده بيد*مر القرنيه نفسها عشان كده هو ما بيتحسنش بقاله 10 سنين المفروض حالته تتحسن بعد ثلاث شهور بس انا عايزه اعرف انتي جايبه الاقراص دي منين
حليمه بصي يا دكتور انا هحكيلك كل حاجه بس انا عايزه احط ايدي في ايدك عشان اساعد عزيز وبليز يا دكتور ما تعرفوش اي حاجه هتحصل دلوقتي ممكن
رامي تمام ماشي اتفضلي اتكلمي
حليمه مرات ابو عزيز هي اللي بتديله الاقراص دي ولما رفض ياخده قرارات اني انا الي اديهوله بصفتي بقعد معاه على طول وادتني 20000 جنيه وقالتلي كل شهر هديكي زيهم بس انا مش عايزه الفلوس انا عايزه عزيز يرجع احسن من الاول
رامي يبقى هو ده الصح وانا كنت بستغرب ليه حالته مفيش تحسن ولو واحد في الميه
حليمه طب والعمل يا دكتور هنعمل اي
رامي بصي يا مدام اولا هتلغي كل البرشام ده وهكتبله على دوا ثاني ياخده بانتظام وفي نفس الوقت تفضلي مسكته رجاء هانم وتاخدي منها البرشام والفلوس على اساس انك انتي بتديله الحبوب في ميعادها وبعدين بعد ثلاث شهور ان شاء الله هنعرف النتيجه اي بس ضروري ياخد العلاج اللي انا هديهواله علشان يساعد على تحسين حالته
حليمه حاضر يا دكتور شكرا لحضرتك
رامي ده انا اللي بشكرك جدا هتساعديني اني انا اعالج الحاله الصعبه الوحيده اللي في حياتي بجد انت انسانه جميله جدا ويا بخت عزيز بيكي
حليمه شكرا حضرتك محتاج اي حاجه تانيه
رامي ايوه ممكن حضرتك كل اسبوع تجيلي زياره وتقوليلي اي اللي حصل عشان ما ينفعش اني انا اجي الفيلا عند حضرتك كلهم هيشكوا حليمه ده ممكن يكون صعب عليا لان عزيز مارضيش يخليني اخرج وخرجت النهارده بصعوبه لو عرفت اخرج هاجي لحضرتك لو ماعرفتش يبقى هكلم حضرتك في التليفون
رامي انا يسعدني اني انا اشوفك بنفسي
حليمه ان شاء الله سلام يا دكتور
رامي سلام
حليمه رجعت على الفيلا وعزيز كان مستنيه في الجنينه
حليمه عامل اي يا استاذ عزيز
عزيز انتي شرفتي يا ست هانم في تاخير نص ساعه عن الميعاد
حليمه طب انا اعمل اي الحته كانت زحمه والسواق اللي انت كنت جايبه كان بطيء انا ذنبي ايه
عزيز خلاص اسكتي اطلعي غيري هدومك يلا ونامي
حليمه ماشي هتيجي معايا ولا هتيجي لوحدك
عزيز لا انا هخلي البواب يواصلني الغرفه اتفضلي اطلعي بقى
حليمه براحتك
حليمه طلعت اوضتها غيرت هدومها كانت بتفكر في الكلام اللي قالهولها رامي وازاي مرات ابوها حابه انها تد*مر عزيز للدرجه دي بس حليمه قررت انها تساعد عزيز بس ماكانتش عارفه هتساعده ليه في حاجه بتشدها من ناحية عزيز بس كانت بتكذب نفسها بسبب اللي حصلها قبل كده كانت خايفه تخش اي تجربه
فجاه عزيز دخل عليها
حليمه انت شرفت يا استاذ
عزيز انتي لسه مانمتيش
حليمه لا مانمتش ازاي هنام من غير ما اطمن عليك
عزيز اه ناقص تقوليلي قلب الام
حليمه ما انت بتهزر وظريف اهو
عزيز بصي انا لما بكون زعلان من حد مابكونش عايزه اتكلم معه نامي عشان انا مش عايزه اتكلم معاكي
حليمه مش عايز تتكلم معايا انا وانا زعلتك في اي بقى انشالله
عزيز انتي اتاخرتي عليا اوي وانتي عارفه اني انا مابعرفش اعمل اي حاجه من غيرك ومع ذلك سبتيني ومشيتي
حليمه قربت منه ومسكت ايده
حليمه خلاص اول واخر مره هخرج واسيبك تاني بس اهم حاجه مـ,,ــاتكونش زعلان مني
عزيز مره واحده شدها من وسطها لحضـ,,ــــنه
عزيز خلاص صالحيني
حليمه انت قصدك اي بقى
عزيز بقولك صالحيني
عزيز كان بيقرب شـ,ـفايفه من شـ,ـفايف حليمه وهي كانت بتبعد عنه
حليمه اي اللي انت بتعمله ده يا عزيز ما ينفعش اللي انت بتعمله ده
عزيز مره واحده فاق من اللي هو فيه وبعد عنه

عزيز صحيح افتكرت ان جوازنا مش حقيقي وانك واخده قرشين عشان خاطر تخلي بالك مني بس الحقيقه انك مش عايزاني وعايزه فلوسي وبس عشان كده مش عايزاني اقرب منك وانا عذرك في واحده زيك تحب واحد او تتجوز واحد اعمى زيي خلاص يا حليمه انا اسف على اللي عملته ادخلي نامي
عزيز كان مخنو*ق قوي من الحاله اللي هو فيه
حليمه بدات تقرب منه تاني
حليمه ما هو انت طول ما انت كده عمرك ما هتتحسن قافل على نفسك الفيلا ولا بتخرج ولا بتاخد علاج ولا حتى بتحس بطعم وحلاوه الدنيا العامل النفسي ليه اساس كبير اوي في اي حاجه ومين قالك اني انا اتجوزتك عشان خاطر قرشين وخلاص انت ما تعرفش ظروفي اي واللي انا مريت بيه اللي انا شفته في حياتي يخليني اخاف من اي حد في الدنيا كلها الوحيد اللي ماخفتش منه حسيت معاه بالامان هو انت
عزيز امان وانا اعمى
حليمه الامان مابيجيش بالنظر ياما ناس كتير بتشوف بس قلوبها سو*داء ما بتشو*فش وما عندها*ش رحمه لكن انت من جواك نضيف وقلبك جميل عشان كده انا ماخفتش منك ابدا وبعدت عنك دلوقتي علشان ما تندمش انك عملت حاجه زي دي مع واحده جايه من الشارع زيي انا عايزه نقضي الفتره بتاعتنا واحنا زي ما احنا كده عشان لما نبعد عن بعض ما حدش فينا يندم على حاجه عملها مع التاني
عزيز انتي حقيقي هتسيبيني بعد ست شهور
حليمه للاسف يا عزيز ايوه هو ده كان اتفاقي معاه راشد بيه وانا انشالله هخليك ترجع احسن من الاول مش محتاج اي حد خالص ولا انا ولا غيري بس لو سمعت كلامي
حليمه راحت جابت الدواء وكبايه الميه
حليمه علشان خاطري يا عزيز انتظم على العلاج بتاعك عشان تبقى كويس انا عايزاك احسن واحد في الدنيا كلها لو ليا خاطر عندك فعلا
عزيز ضعف قدام كلام حليمه وفعلا خد العلاج منها
عند اصحاب حازم
محمد انا مخنوق اوي من اللي احنا عملنه في اخت صاحبنا حازم الله يرحمه من سعته لا باكل ولا بخرج ولا بنام ولا عارف اعمل اي حاجه في حياتي وحاسس بالذنب
كريم يا عم انت معقدها ليه صاحبي وصاحبك وخلاص مـ,,ــات واخته يتولاها ربنا خلاص بقى فك كده وعيش حياتك
محمد انا ما كنتش عايز اعمل حاجه زي دي انتم اللي ضغطو عليا بس احنا لازم نعمل حاجه لصاحبنا حازم عشان يرتاح في تربته
كريم هنعمل ايه بقى ان شاء الله