املكها 3 الاخير

رضوي: كنت عايزه…

سليم: هتطولي طيب؟!

رضوي: شكلك عايز تنام خليها بكره

سليم: مقولتش عايز أنام… انتي الي بتتهربي

رضوي بتردد: كنت عايزه أعرف هتطلقني بجد ولا لا؟

سليم: مش عارف… دماغي مش راسيه علي قرار

رضوي بزعل داخلي: لو هتطلقني فدا حقك.. انت تستاهل وحده أحسن مني تصونك وتحافظ علي إسمك

سليم بصلها بنظره وهو عارف الي جواها: يعني انتي عايزه تطلقي؟

رضوي بۏجع:مش مهم الي انا عايزاه عشان كدا كدا مش هيفرق

سليم اتكئ علي الكنبه ساندا بيده عليها: من غير لف ودوران انتي عايزه ايه؟

رضوي اڼفجرت بالدموع: عايزه فرصه اصلح فيها كل الي عملته… نفسي تسامحني وتعتبرني مراتك بجد، نفسي اشوف في عينك النظره بتعت زمان

سليم فضل باصصلها وهو ساكت ثم وضع يده علي رأسه بتعب، ورضوي قعدت علي ركبتها قدامه مباشرة، ايديها علي رجله: سليم رد عليا متسكتش كدا، لو هتطلقني، طلقني دلوقتي وكفايه تخليني اتعلق بيك اكتر من كدا… ولو هتديني فرصه اوعدك اني عمري مهفكر اخزلك

سليم:…….

رضوي بدموع: الي عملته مكانش سهل بس انا اتعلمت ونفسي تسامحني ياسليم

سليم بعد ايده عن دماغه وبصلها ونظرته كانت مليانه عتاب: خلقتي حاجز مبينا انا مش قادر اكسره… مش بإيدي

رضوي بدموع: يعني خلاص كدا… حكايتنا خلصت من قبل متبتدي

سليم بنبره ثقيله: انتي الي نهتيها بإيدك… متجيش تلوميني أنا

رضوي: يعني هتطلقني؟

سليم: لو عايزه تفضلي عايشه معايا تمام… بس اني ارجع احبك دي مش بإيدي

رضوي: طيب ايه الي ممكن اعمله عشان تسامحني؟

سليم بصلها وركز في دموعها، حس بالندم الي جواها، نبره صوتها كانت كلها كسره، مسك ايديها وقومها من الارض وقعدها جنبه

رضوي بدموع: متقولش انك مبتحبنيش ياسليم انا متأكده انك بتحبني، وانا مستعده أم*وت نفسي بس انت تبقي راضي وفجأه مسكت السکينه الي علي الترابيزه ووجهتها ناحيه شراينها، بس سليم اخدها بسرعه ورماها وبزعيق: انتيييييي مجــ . ــنونه؟ عقلك خلاص مبقاش فيكي

رضوي بدموع: ولازمتها اية اعيش وانا متعذبه كدا، انت مش حاسس بيا، محدش حاسس بيا، الم*وت أحسن من الي انا فيه ده

سليم سحبها من دراعها ليه: اياكي الي عملتيه دا يتكرر تاني ثم سحبها لحضــ,,ـنه وهو بيمسح علي شعرها وسايبها ټنهار في حضــ,,ـنه