دفن وانتقام

بنسخة من مستندات مهمة في مكان آمن وإن فيه احتمال إن كريم كان فاكر إن النسخة موجودة في البيت
افتكرت المفتاح الصغير اللي كان في الظرف
رجعت البيت وبدأت أدور على المكان اللي ممكن يكون بيفتحه
جربته في درج المكتب وفي خزنة صغيرة وفي باب المخزن لكن ما فتحش حاجة
لحد ما افتكرت إن محمود كان عنده مكتبة خشب قديمة في أوضة المكتب وكان دايما بيقفل الجزء السفلي منها
دخلت الأوضة وبدأت أفحص المكتبة لحد ما لقيت فتحة مفتاح صغيرة مستخبية ورا قطعة خشب
حطيت المفتاح ولفيته
الباب الصغير اتفتح
جواه كان فيه صندوق معدني صغير
فتحته ولقيت مجموعة مستندات أصلية وفلاشة تانية وخطاب مكتوب بخط محمود
قعدت على الأرض وفتحت الخطاب
سارة حبيبتي لو وصلتي للمكان ده يبقى إنتي عرفتي إن الموضوع أكبر من مجرد خلاف في الشغل أنا عارف إنك هتتوجعي لما تعرفي إن فيه ناس من عيلتك متورطين لكن الحقيقة مش ذنبك ومش مطلوب منك تحمي حد على حساب نفسك
أنا مش عايزك تكرهي الدنيا ولا تفضلي عايشة عشان ټنتقمي أنا عايزك تعيشي لأنك تستاهلي تعيشي بسلام
الأدلة اللي في الصندوق دي لازم توصل للمحامي وما تتسلمش لأي حد تاني
حضنت الخطاب لصدري وعيطت للمرة الأولى من يوم الحاډثة عياط حسيت فيه إني مش لوحدي تماما
محمود كان سايب لي طريق أمشي فيه حتى وهو مش موجود
سلمت المستندات للمحامي واتعملت مراجعة رسمية للحسابات والعقود والتحويلات المالية
وبعد فترة بدأت الحقيقة تظهر واحدة واحدة
اتضح إن فيه شبهة تلاعب مالي وتزوير في مستندات الشركة وإن كريم كان طرفا في بعض المعاملات المشپوهة وإن اسم أبويا ظهر في تحويلات ومعاملات محتاجة تحقيق
أما بخصوص حاډث محمود فقد أعيد فحص الملف بسبب التناقضات اللي ظهرت في بعض البيانات لكن ما كانش فيه دليل كافي وقتها يثبت إن الحاډث مدبر أو يربط أي شخص بيه بشكل قاطع
أنا ما كنتش عايزة أتهم حد لمجرد إني مچروحة
كنت عايزة الحقيقة تظهر حتى لو طلعت مختلفة عن اللي في خيالي
بعدها بأيام وصلني اتصال من أمي
صوتها كان مختلف المرة دي
قالت
سارة يا بنتي إحنا محتاجين نتكلم معاكي
قلت لها
اتفضلي
قالت
إحنا سمعنا إن فيه مشاكل في شركة كريم وإن اسم باباكي اتذكر في الموضوع
قلت لها
اللي عنده حاجة يروح يقولها للجهات المختصة وأنا ماليش دعوة بحد
صوتها بدأ يرتعش
إنتي مش هتساعدي أختك
سألتها
ساعدها في إيه يا أمي أخبي دليل ولا أقول كلام مش حقيقي
قالت بسرعة
إحنا مش بنطلب منك كده
قلت لها
أمال بتطلبوا مني إيه بالضبط
سكتت شوية وبعدين قالت
إحنا غلطنا يوم الچنازة
كانت أول مرة أسمع منها اعتراف واضح
لكن الغريب إني ما حسيتش بالراحة اللي كنت متخيلاها
قلت لها
إنتوا ما غلطتوش يوم الچنازة بس يا أمي إنتوا جيتوا بعد أسبوعين تطلبوا بيتي وأنا لسه مش عارفة أنام من غير ما أصحى مڤزوعة
قالت وهي بټعيط
أنا عارفة يا بنتي
رديت عليها
لا يا أمي إنتي مش عارفة لأنك لو كنتي عارفة ما كنتيش سيبتيني أدفن ولادي لوحدي
قفلت المكالمة وأنا موجوعة لكن لأول مرة ما حسيتش إني مضطرة أرجع أفتح الباب لمجرد إن اللي وراه أمي
بعدها بأسبوعين كريم حاول يتصل بيا أكتر من مرة لكني ما رديتش
وبعدين جه البيت بنفسه
فتحت الباب ووقفت عند العتبة
قال
أنا عايز أتكلم معاكي
قلت له
قول اللي عندك
قال
إنتي فاهمة الموضوع غلط وكل اللي حصل كان بسبب مشاكل في الشغل
قلت له
يبقى روح وضح ده للمحققين
وشه اتغير وقال
إنتي هتخربي بيت أختك
بصيت له وقلت
أنا ما خربتش بيت حد يا كريم أنا بس ما بقيتش مستعدة أخبي أخطاء الناس عشان أحافظ على