خطايا برئيه ٣

-يااااه أد ايه كنت مخدوعه فيك وشيفاك حاجة كبيرة اوي بس دلوقتي انا خلاص الغشاوة اللي على عيني اتشالت وبقى عندي الجرأة إني أقولك بعلو صوتي انا مش عايزة أكمل معاك …طلقني يا “حسن”

قالت آخر جملة بصوت جهوري وبإصرار عجيب أجفله و جعل الدماء تغلي برأسه

لينقض على ذراعيها يرفعها لمستواه قائلًا برفض قاطع وبنبرة هستيرية:

-طلاق انا مش هطلق وميهمنيش أنتِ شيفاني ازاي وغصب عنك لازم تتقبلي الوضع الجديد لأن

مش من حقك تعترضي أنا راجل يعني اتجوز مرة واتنين وتلاتة كمان؛ ده حقي وشرع ربنا.

رغم كل الأعاصير التي تضرب بكيانها من تبريره للأمر إلا أنها صرخت في عناد و بشراسة لم تكن ابدًا من طباعها:

– مش هيحصل و هتطلقني غصب عنك

صدر من فمه صوت ساخر مستخف ثم قال بعد أن هيأ له شيطانه ضرورة تذكيرها بسُلطته ومدى ضعفها و قلة حيلتها أمامه ولذلك تعمد أن يرهبها كي لا تجرأ على التفوه بتلك الترهات مرة آخرى:

-خليكِ عاقلة يا “رهف” وحافظي على بيتك وعلى عيالك ومتخلنيش أعمل حاجات توجعك

استشعرت التهديد بنبرته مما جعلها تنظر له بعيون أبية ترفض أن تذرف الدمعات هدرًا من أجله، وعقبت على حديثه بترقب:

-قصدك إيه؟؟

أبتسم منتشيًا ونفضها عنه و أجابها بتهديد مقيت بعدما أزاحها من أمامه وتوجه للفراش يتمدد عليه بكل اريحية غير عابئ بأنين قلبها:

-مفيش طلاق وإياك تنطقي بيها مرة تانية ده لو عايزة تحافظي على ولادك في حضنك

أصابها حديثه بمقتل فقد تفهمت إلى ماذا يرمي فهو يستغل غريزتها كأم ويتحامل عليها كي يرهبها و تتقبل خطيئته بحقها فكانت شاحبة، متسمرة، مشدوهة تتساءل من ذلك الشخص الذي يقبع أمامها، فلأول مرة تشعر انه غريب عنها ولم تعرفه قط، وحينها اسعفها عقلها أن لا تشعره بوطأة حديثه في نفسها كي لا يستغل الأمر أكثر وما إن كادت تستعيد رباط جأشها كي ترد عليه صدر من فمه صوت ساخر مرة أخرى وهو يظن أنه أصاب هدفه ولذلك استأنف متجبرتًا:

-خليكِ عاقلة احسنلك يا أم الولاد…وياريت تسبيني أنام علشان بكرة يوم طويل ومحتاج ابقى فايق

حانت منها بسمة متألمة لأبعد حد ثم تمسكت بإطار الباب كي يدعم وقفتها وقالت بتماسك وبإصرار عجيب للصمود استغربه هو كثيرًا:

-لو فاكر انك بتلوي دراعي بالولاد فأنت غلطان، متنساش أنك ابوهم يعني هتخاف عليهم زي بالظبط وعلى فكرة أنت اللي هتضطرني اعمل حاجات توجعك