روايه رائعه جديده ٥
روايه رائعه جديده ٥
شوفي اسمعي كلامي أنت محتاجة ترتاحي تعبت السنين دي كلها شغل ليل ونهار وشغل البيت والعيال وأخواتك وتنزلي عندنا هنا تخدمينا
ارتاحي وريحي ولادك طلاق هو مش حايطلق هو دا باين
لو كان عايز يطلقك كان طلقك من سنين
الراجل باين عليه محترم و واصل أنت مش سامعه كلام ستات الحارة
هو عايز يعيش مع أولاد يعوضهم ومن حقو
زي ما أنت من حقك تختاري بس روحي معاه أوعى تسيبي ولادك دول صغار حايقولو آمنا سابتنا
ولادك في حضنك أوعى تغلطي الغلط دا وتسيبيهم مهما حصل إيه التعب كله دا وتسيبيهم
أنت أم حاوطي علي
ولادك
ماتخليهمش حايرين بينك وبينو هما مش ذنبهم
في اللي حصلك
مليكة يا أمي القصر دا صعب عمتو دي شيطان ماشي على الأرض وبعدين هو متجوز
صباح قولي كده من الأول أنت مش عايزة تبقى ضره بس لعلمك هي اللي ضرتك انتي مراتو أولى اللي ما عرفش ينساها
مليكه أنا أعرفك طيبة أوعى تظلمي حد زي ما أنت مراتو هي كمان مراتو وأم بنتو أوعي تقوليلو يطلقها
مليكه أنا عايزاه يطلقني ويعيش حياتو براحتو
صباح ماتليفيش وتدوري عليا لو كنت عايزة تطلقي كنت رفعت عليه دعوة في المحكمة ثبوت الزوجية ونسب بس أنت كنت بتهربي منو عارفة ليه علشان حبتيه وكنت خاېفه يكون عايز ينتقم منك
مافيش فايدة في الكلام معاكي دماغك ناشفة
أقوم أنا أجهز الغدا لا الراجل يقول علينا بخلا ولا حاجه
مليكه أنا كنت عايزة أكلم ياسين
صباح بلاش خليه لما يهدأ اطلعي غيري هدومك
هنا جا عم محمد
عم محمد يلا يا بنتي جوزك حايبعث عربية علشان نروح المحكمة وهو حايقابلنا هناك وعرفت أني أولاد حايجو علي هنا
اطلعي جهزي نفسك وربنا معانا
طلعت مليكه فوق
وراحت دولاب سها تشوف حاجه كويسه تلبسها
واستغربت نفسها ليه عايزة تلبس حاجه شيك وعايزه تهتم بنفسها بعدت كل أفكار السلبية من رأسها
وأخدت طقم عبارة
عن بنطلون أسود مع بلوزة في ابيض وبليزر اسود
دخلت عملت دوش بسرعة ولبست وأخدت جزمة جديدة من عند سها بكعب عالي وحطت بارفان
آه البرفان دا حكايتو حكاية
دا كان جابو ليها أدهم اول مرة كان غالي اوي
وفضلت كثير تجمع فلوسو لحد ما جابت الحجم الصغير وكانت مبسوطة وفين و فين لما بتحطو
بصت على نفسها في المرايا وكانت مبسوطة
ياه يا مليكة بقالك زمان ما لبستيش كده وأخدت بالك من نفسك
ونزلت تحت عند عم محمد
