عوف : خليتهم يفصلوها من الشغل اللى شغاله فيه هادي: بضيق : ايوه خليتهم يفصلوها هنفضل كده وراها لحد امته عوف : لحد ما اشوفها متدمره خالص ومش لاقيه تاكل وتمد ايديها تشحت من الرايح والجاى هادى : طيب وولادها زنبهم ايه عوف : ابوهم ياخدهم هادى : ده حتى مش بيزوهم ولا بيبص فى وشهم هى الوحيدة مصدر الرزق ليهم لو مقولتليش بتعمل كده ليه معاها مش هتدخل فى حاجة تانيه عوف : دى ما.تصعبش عليك دى انسانه حقيرة وخاينه هادى : شكلها مايقولش كده وبعدين لو كانت من النوع ده مكنتش دى هتبق حالتها عوف : انت مش هتعرفها اكتر منى يلا بينا وخلى حد يراقبها لو اشتغلت في اى مكان يبلغنا فورا ويدينا تحركتها حفصه: طيب ليه حضرتك عايز تمشينى انا عملت ايه او غلطت في ايه المدير : لو بايدي صدقينى هخليكى تشتغلى معايا دايما بس للاسف حفصه: للاسف ايه طالما انا معملتش حاجه غلط ليه امشى انا محتاجه الشغل ده ولادى مش هيلاقوا ياكلوا المدير : للاسف يابنتي فى واحد بيه واصل اوى اوى وجه هددنى لو مخلتكيش تمشى هيقفلى المكان حفصه بصتله وفهمت ان خلاص معدش فى كلام يتقال لان دى مش اول مره يحصلها كده وفضلت تفكر مين اللى عايز ياذيها كده هى ماذتش حد بالعكس هى اللى بتتاذى مشيت حفصه وكانت عماله تعيط وشايله هم ولادها تاكلهم ازاى ابوها وامها على اد حالهم ولما اتط.لقت من جوزها غضبوا عليها وطردوها بعيالها ولولا صاحب العمارة اللى هى ساكنه فيها شافها وهى نايمة بعيالها فى الشارع جابها وسكنها في اوضه فوق السطح بعد ماعرف حكايتها كملت حفصة مشى وهى عماله تعيط ومكنتش واخده بالها من العربية اللى ماشيه وراها وبتراقبها جت تدخل العماره قابلت صاحب العمارة فى وشها جلال : مالك يا حفصة يا بنتى بتعيطى ليه حفصه: ولادى يا جلال بيه مش عارفه ااكلهم ايه وانا كل اما اشتغل في اى وظيفة الاقى اللى جه ووصى صاحب الشغل يطردنى منه جلال: ولسه ماعرفتيش مين ده حفصه: للاسف لأ نفسى اعرف مين عايز يجوعنى انا وولادى كده مش هقول غير حسبى الله الاول طردنى من المكتب اللى كنت شغاله فيه وبقب.ض حلو وبعد كده طردنى من العياده اللى كنت شغاله فيها ودلوقتي من المطعم اعمل ايه بس انا اعمل ايه جلال: اهدى يابنتى كل حاجه ليها حل وطلع مبلغ مالى اداهلها فى اديها حفصه: لأ طبعا مش هقبل منك حاجه كفايه اللى حضرتك عملته معانا لحد دلوقتي يا جلال بيه جميلك عليا عمرى ما انساه ابدا جلال: يابنتى الشيب ده مش من فراغ وانتى زى ولادى ويمكن اصغر خدى المبلغ ده مشى حالك بيه لحد ما اشوفلك حد معرفه يشغلك حفصه: كتر خيرك مش عارفه اقولك ايه جلال: خدى ولادك من عند مرات زينهم واطلعى اعمليلهم حاجه ياكلوها يلا يا بنتى فى الجهه الاخرى عوف : مين اللي واقفه تكلمه ده يا هادى هادى: ده صاحب العمارة اللى مديها اوضه فوق السطح عنده عايشه فيها عوف : خليه يطردها هادى: افرض مارضيش عوف : ساعتها هنشوف طريقه نضغط عليه بيها جرب الاول هادى: طيب خليها يوم تانى عشان عندنا اجتماع كمان ساعتين عوف : طيب وزى ماقولتلك خلى حد يراقبها هادى : هو ليه حاسس انك رجعت من السفر عشان خاطرها عوف : دى حقيقة بقالى ٤ سنين عايش في عذاب بسببها عايز اعرف انا عملتلها ايه عشان تعمل فيا كده وقررت انى لازم اعرف انا كنت مقدملها الحلو كله اللى فى الدنيا هادى: انا بساعدك بس عشان وجعك بس حاسس انك هتندم لانى من مراقبتي ليها وانا حاسس انها مظلومه وحركوا العربيه وطلعوا على الاجتماع عند جلال نزل السوبر ماركت واشترى شنطه فيها اساسيات البيت لحفصه من زيت وسمن وسكر وشاى ولبن للاولاد ورز ومكرونه ودقيق وشويه جبن على كيلو لحمه على فرختين اشتراهم ضمن شرا مستلزما.ت البيت الخاصة بيه عشان تقدر تمشي حالها هو عارف كويس انها مبتكدبش عليه وعايز يعرف مين اللى ماشى وراها وبيحاول ياذيها بالمنظر ده لانه من ساعت ما ساكنها فى العماره من ٣ سنين وكانت لسه حامل وهى بتشتغل وعمره ما شاف عليها اى سلوك غلط يخليه يشك فيها ياترا مين محروق اوى كده منها وليه مش عايز يسبها فى حالها كلم مكتب محامى صاحبه وساله لو محتاج موظفه استقبال بمواعيد مناسبة ورد عليه المحامى انه بيكون محتاج واحده من ٦ ل ١١ عشان تستقبل العملاء في المكتب لانه بالنهار فى المحكمه وبالليل بيجي له الموكلين جلال قاله ان فى واحده ثقة وهيبعتهالوا وصل جلال العمارة وطلع شقه حفصة حفصه: جلال بيه اهلا بحضرتك اتفضل جلال: لا مافيش داعى كنت جاى اقولك انى لقيتلك شغل وهتبداى من اول بكره ومواعيده ممتازه جدا من ٦ ل ١١ يعنى تقدرى تصحى براحتك وتخلصى شغل البيت براحتك وتخلى بنت زينهم تطلع تقعد مع الولاد وتنيمهم كمان لحد مانتى تيجى حفصه: بجد يا جلال بيه جمايلك دى مش عارفه اردهالك ازاى جلال: خدى الحاجه دى وبطلى هبل وكلام مالوش لازمه قولتلك مليون مره انتى زى بنتى واداها الحاجه من على الباب ونزل عدا اليوم ووصل عوف الفيلا بتاعته عايش فيها مع ابوه وعمته وبنت عمته شهد اول ما وصل كانت شهد قاعده منتظراه وقامت جريت عليه شهد : حمد الله على السلامه عوف بإرهاق الله يسلمك شهد : تحب احضرلك العشا عوف: لا اتعشيت انا عايز انام جعان نوم تصبحى على خير وسابها وطلع شهد : ماشى يا عوف يا انا يا انت وراك وراك والزمن طويل تانى يوم صحيت حفصة وحمت اولادها وعلى مدار اليوم جهزتلهم الغدا بتاعهم وغديتهم وكلمت مريم بنت البواب مريم: خير يا ست حفصه ناديتى عليا حفصه : ازيك يا مريم بقولك ايه انا جلال بيه جابلى شغل ومعاده من ٦ ل ١١ وكنت محتاجه انك تقعدى مع الولاد فى الوقت ده بس مريم: بس كده حاضر انتى عارفه انا بحب العيال اد ايه وولادك انتى بالذات معزتهم غاليه اوى على قلبى لانهم مولودين على ادينا انا بعتبرهم عيالى حفصه: انتى لسه صغيره على انهم يبقوا ولادك دى مريم: لا صغيره ايه بس دانا متقدملى عريس انما ايه حفصه: بجد ومين بقى العريس ده مريم: عارفه حسين سواق التاكسي اللى ساكن مع امه فى العمارة اللى قدامنا حفصه: اه عارفاه مريم: اهو ده العريس وكمان قال هيبيع التاكسي ويجيب عربيه يشغلها على التليفون حفصه: ربنا يوفقك يا رب ويتمملك على خير انتوا الاتنين طيبين وانا مش بأمن على ولادى غير معاكى مريم: دول فى عيونى اطمنى انتى عليهم وأثناء حديثهم سمعت حفصة صوت زعيق جاى من عند جلال بيه نزلت جرى وطلبت من مريم تاخد بالها من ولادها جلال ماسك هادى ومش عايز يسيبه بص بقى لو مقولتليش انت مين ومين باعتك الله فى سماه ما هسيبك حفصه ريت على جلال بيه اهدى يا جلال بيه ومين ده وعملك ايه جلال : ده اللى ماشى وراكى وبيطردك من كل مكان تروحيه بصتله حفصه بغيظ وغل ليه بتعمل كده عملتلك ايه حسبي الله ونعم الوكيل فك قولى انت مين وبتعمل كده ليه هادى: مش هقولك انا مين ولا بعمل كده ليه حفصه : لا هتقول هو انت فاكر دخول الحمام زى خروجه قولى انت مين وبتعمل كده ليه وانت ورا طردى من كل الاماكن اللى كنت بشتغل فيها صح هادى بصلها ومردش وجه ينزل راحت حفصه مسكاه من هدومه حفصه : هتقولى انت مين بالذوق ولا هتقول برضه بس بعد ما اعمل معاك الص هادى : مش هقولك وسبينى بقى حفصه بقى كده حاضر وراحت فضلت تصوت تصوت وتلم العماره وهادى بقى واقف مصدوم مش عارف هى بتعمل كده ليه حفصه: الحقونى يا ناس حد يطلب البوليس الراجل ده ماشى ورايا فى كل حته وجه يتهجم عليا انا وعيالى في بيتى وجلال بيه لحقه ومريم كمان وشاهدين وبصتله بانتصار هادى فى سره يابنت ال … طلعتى مش سهله بعد فتره كلهم راحوا القسم الظابط : انا عايز اعرف اللى حصل بالتفصيل حفصه : الراجل ده ماشى ورايا فى كل حته ووصلت بيه الجرأة انه يطلع يتهجم عليا في بيتى الظابط: فى شهود على الكلام ده حفصه: اه طبعا جلال بيه وده لوا سابق ومريم بنت البواب وباقى الجيران اتلموا بعد كده على صوتى الظابط لهادى : صحيح الكلام ده هادى: لأ مش صحيح الظابط: امال هى هتتبلى عليك ليه هادى : انا عايز اعمل مكالمه تليفون محتاج اكلم المحامى بتاعى الظابط: تمام حقك تعمل مكالمة واحده هادى أتصل على عوف هادى : عوف انا فى القسم بسببك اتصرف وتعالى طلعنى من هنا عوف : فى القسم ليه ايه اللي حصل هادى : الهانم اتبلت عليا انى اتهجمت عليا في بيتها وان انا بقالى فترة براقبها وماشى وراها ومش بس كده الجيران كمان شهدوا بكده اتصرف بقى انا بسببك هدخل السج.ن عوف : مش انا قلتلك دى مش سهله من الاول طيب اهدى وانا جاى بعد شويه وصل عوف للقسم ومعاه محامى واول مادخل لقى حفصة فى وشه هى بصتله وهو بصلها وكل واحد نظرات الكره فى عنيه من ناحية التانى بس مجرد ما حفصة شافته كان رد فعلها عدائى اكتر من ناحيته حفصه: ايوه ايوه كده انا فهمت انت بقى اللى ورا الليله دى كلها عوف : اه انا اللى ورا طردك من كل شغل بتروحيه وهفضل وراكى لحد ما اسففك التراب واخليكى تشحتى في الشارع حفصه : صحيح البجاحه ليها ناسها انا مشفتش كده فى حياتى عوف : وانتى ليكى عين كمان تتكلمى ده انتى بجحه اوى حفصه: انا اللى بجحه صحيح اللى اختشوا ما.توا بس هقول ايه على واحد زيك عديم الكرامه وبجح كمان عوف : ليه كنت بضحك عليكى وواهمك بالحب وطلعت مدورها بعد كده وفى الاخر رحت اتجوزت حفصه : لا انا اللى هربت من اللى عملته وجريت سافرت عشان ما.تحملش نتيجه افعالى عوف : لا انا سبتلك البلد بعد ماعرفت و سا ختك حفصه راحت عشان تضر.به لكن جلال ومريم حاشوها هنا الظابط اتدخل وهى اتنازلت عن المحضر وخرجوا كلهم من القسم قدام باب القسم بص عوف على ولاد حفصة وشاف شبهه كبير بينه وبينهم وخصوصاً الولد كانه ابنه بالظبط بس الشبه ده جه ازاى اكيد مش محض الصدفة وفضل فتره معلق عينه عليهم حفصه : بصلهم اوى بص لنتيجة افعالك عوف : افعال مين يا مجنونه انتى انتى عايزة تلبسينى تهمه مش زنبى إن ابوهم رماهم حفصه: وياترى بقى انت تعرف مين ابوهم عوف: ايوه المغفل ابن خالتك اللى روحتى اتجوزتيه عشان تدارى على غلطتك حفصه: انت تخرس خالص ابن خالتى ده ضفره برقبه عشرة زيك هنا عوف ماملكش نفسه وكان رايح يض.ربها لكن هادى مسكه لان هادى من ساعت ما شاف العيال وهو حاسس إن فى حاجة غلط وكره حفصه الباين في عنيها لعوف بياكد احساسه هادى : مدام حفصه العيال دول عيال مين هنا رد جلال جلال : ولا اللى واقف جمبك اللى بعدما ا..بها اخد بعضه وهرب من البلد وما.تحملش نتيجه تصرفاته هنا عوف اتجنن وبقى على اخره انتوا مجانين اه انتوا اكيد مجانين ولا ده الكلام اللى هى مفهماه ليكوا ام انا ا..بتها وهربت انا هربت لانى اكتشفت انها مش بنت كشفت عليها واتاكدت انها مش بنت انما انا ملمستهاش ولا جيت جمبها اصلا انتى يتتبلى عليا هنا حفصه مبقتش مستحمله وجريت عليه وفضلت تضر.به اه يا واطى يا ناقص عايز تشوه صورتى وانا انضف من عيلتك كلها يا واطى طيب يا عوف وراحت شدت خصله من شعر كل عيل فى عيالها اتفضل خد دى خصل من شعرهم روح اى معمل تبعك واعرف النتيجه وقدامهم كلهم ده الفيصل في كلامنا مين الصادق ومين الكداب والخاين عوف : خلاص انا موافق عشان اعرفهم حقيقتك بس لو طلع ان عندى حق خلى اللوا جلال يطردك من البيت اللى انتى عايشه في حفصه: ولو طلع الحق عندى عوف : هكتب لكل عيل فيهم شركه حفصه: أنا مش عايزه حاجه منك بس يكفينى لما تعرف ان عندك عيال وتكون بالنسبالهم م.يت وتشوفهم زى دلوقتي ومتبقاش قادر تلمسهم او تحض.نهم ، ساعتها بس اكون طفيت جزء من النا.ر اللى جوايا وسابته وركبت هى ومريم وولادها العربيه مع جلال وهما في الطريق جلال: انا حاسس ان فى ملعوب كبير اوى ورا الموضوع ده الطريقه اللى بيتعامل وبيتكلم بيها تقول ده واحد مجروح مش جارح حفصه : انت صدقته جلال: انا متأكد من كلامك بس انا واثق إن فى ملعوب معمول عليكوا او حد كان عايز. يفرقكم حفصه: ايا كان اللى هما عايزينه هو بعملته معايا نجحهم في اللى عايزين يوصلوله ومش بس كده لا ده كمان بيتهمنى فى شرفى شفت جبروت كده جلال: بكره الحقيقة تبان وكل واحد ياخد حقه ما.تقلقيش انا واثق ان حقك هيجيلك عند هادى وعوف هادى : عوف انا حاسس ان فى حاجة غلط وانك ظالم حفصه عوف : لأ انا متأكد انى انا صح وكل اللى هى عملته ده شو عشان تصعب عليكوا هادى : لأ نظره الكره والحقد اللى فى عنيها ايك بتقول انها مجروحه منك جامد عوف : يابنى انا ملمستهاش مجتش جمبها اصلا انا وافقت على كلامها بس عشان ااكد قدام الكل انها كدابه هادى: طيب افرض طلعوا ولادك عوف : مافرضش هادى : يا عم افرض افرض عوف : مش عارف هادى : لأ ساعتها هتبقى ظل.متها ولازم تعرف ازاى ده حصل انت واثق انك ملمستهاش وهى بتقسم انكك ا..بتها فلو فعلا طلعوا ولادك وده انا حاسس انه حقيقة وانها مش بتتبلى عليك ساعتها انت لازم تعوضها عن اللى عملته فيها وتراجع نفسك وتحاول تفتكر الفتره دى مين اللي كان ليه مصلحه يوقع بينكم انا فاكر انك قولتى ان ابوك ماكنش معترض ابدا على ارتباطك بيها يبقى مين اللى ليه مصلحه عوف : هادى انا هطلع دلوقتي اهو على معمل تحاليل كبير ونشوف النتيجة هتظهر امته وهاكدلك ان دول مش عيالى وانها كدابه هادى: تمام وصل عوف المعمل وبلغوه انها بتاخد وقت وان اقل مده ممكن تظهر فيها النتيجة اسبوع هادى : من هنا لحد ما الاسبوع ده يخلص سيبها فى حالها عوف : حاضر بس لو طلعت انا صح صدقنى مش هرحمها وعقابى ليها هيكون اكبر هادى : وانا هكون معاك في اى حاجه خلاص عوف اتفقنا خلال الأسبوع ده نزلت حفصه الشغل في مكتب المحامى ده ولما عرف ظروفها خلى قب.ضها كل اسبوع بدل كل شهر ومريم كانت بتقعد بعيالها لحد ما تيجى من شغلها وكانت بتعامل مريم كاختها فعلا لانها كانت دايما بتساعدها وصل هادى وعوف المعمل وفتحوا نتيجة الاختبار وطلع فعلاً الولاد ولاده هادى : كنت متأكد عوف : ازاى ازاى انا هتجنن هادى : عوف اهدى بس وتعالى احكيلى كل حاجه من الاول احكى اللى انت مخبيه يمكن اقدر اساعدك عوف : من ٧ سنين كنت انا فى تالته كليه وكانت حفصه فى سنه اولى لسه بريئه داخله الكليه ومتعرفش حد وعماله تسأل هنا وهنا عن المدرج بالصدفة طلعت نفس القسم بتاع شهد هادى: شهد بنت عمتك عوف : اه المهم شفتها وساعدتها وبقت هى وشهد صحاب وانا كنت بوصلهم واقعد معاهم وبقيت واخد شهد حجه عشان اقابل حفصه بقيت اعزمهم على الغداء واصر على شهد انها تعزم حفصه وفعلا العلاقه اتطورت بينا واعترفت لحفصه اني بحبها كنا مخبيين عن الناس كلها ما عدا بابا ووعدني اني اول ما اتخرج واشتغل معاه في الشركه هنروح نتقدملها ونطلب ايديها في سنه رابعه في اخر سنه ليا فى الكلية عرفنا الناس كلها اننا ارتبطنا حتى شهد ماكنتش تعرف لاننا كنا حريصين جدا ان محدش يعرف حاجه صحبنا فرحولنا وباركولنا بس شهد زعلت إن انا خبيت عليها بس رضيناها انا وحفصه بعد كده هادى : طيب لحد هنا كويس عوف : بعدها بقيت اشوف غيره غير مبرره من حفصه اتجاه شهد يعنى من زمان شهد بتتعامل معايا زى اخوها ممكن تحض.نى تب.وسنى من خدى لو جبتلها هديه كده يعنى هادى : وده مكنش بيحصل من البداية قدام حفصه هادى: اكيد شهد مش هتعمل كده قدام الكليه لكن فى حفل التخرج بتاعى شهد جابتلى هديه وطبيعي بالنسبالها انها تقرب منى وهى بتدهانى وحض.نتى وباستنى من خدى وقتها حفصه شدتنى وقالتلى ماينفعش كده قولتلها عادى شهد زى اختى ومتربيه معايا مره تانيه كان عيد ميلاد شهد وجبتلها سلسلة هديه مكتوب عليها شهد طبيعي طبعا انى البسهالها واقولها كل سنه وانتى طيبه هادى : وطبعا شهد قدام حفصه اتعاملت بطبيعتها عوف : بعدها شهد صممت انى ار.قص معاها سلو واثناء الر.قصة جت حفصه شدتنى واتخا.نقت معايا وقالتلى كده مايصحش وعيب قلتلها دى اختى قالتلى مش اختك اتعصبت عليها وقولتلها لا اختى وانتى اللى بتغيرى منها عندها حق شهد لما قالتلى انك بتغيرى منها ماهى شهد قدامى لو عايز اقرب منها كنت قربت وقتها بصتلى بدموع وقالتلى تمام وسابت العيد ميلاد وجت تمشى لكن جاسم صاحبى وقفها واصر انه يوصلها بنفسه وكانت اخته معاه وهى وافقت هادى بصله بطرف عينه بصه معناها ايه القرف ده كمل عوف : بعد اليوم ده حاولت اصالحها كتير لكن هى واخده موقف جامد اوى وقالتلى انها عمرها ما هتاخد اى خطوه طول منا علاقتى بشهد هتفضل كده وان انا لازم اجبلها شقه بعيد عن الفيلا هادى: أبوك كان رايه ايه عوف : بابا كان مسافر شغل كان بيحضر افتتاح المقر بتاعنا اللى بره مصر اللى انا بعد كده سافرت وكملت شغل فيه وفضلنا سنه كامله فى المشاكل دى هى مش قادره تصفالى وتلين ولا انا قادر اسمع كلامها وابعد عن شهد لانى فعلا شايفها اختى المهم بابا جه من السفر وحكيتله وهو كان رأيه زى رأى حفصه وده اللى انا استغربته المهم كلمت شهد وجاسم وعرفتهم ان انا ناوى اخطب حفصه رسمى بعديها بيومين جالى جاسم وقالى ان حفصه مش بنت وانه شافها فى المستشفى عنده بتتكلم مع الدكتورة انها تعمل عمليه عشان انت فاهم بقى طبعا ماصدقتش واتخانقت معاه فى الوقت ده كانت المشاكل بينى انا وحفصه وصلت لقمتها خلاص ففضلت كام يوم مكلمهاش وكان طبيعى انى مش هكلمها عشان اقولها تعالى اكشف عليكى هادى : امال عملت ايه عوف : خليت حد يرشلها مخدر وهى ماشيه وبعد كده ودتها المستشفى اللى جاسم شغال فيها وكذا دكتوره كشفت عليها وقالت انها زى مانت فاهم بقى وقتها طبعا اتصدمت وسبت البلد كلها وسافرت هادى : وموجهتهاش مش يمكن جاسم متفق مع الدكتورة تقول كده عوف : لا انا متاكد انى كنت فى الاوضه معاها بنفسى ولما اول دكتوره قالت كده رحت بنفسى جبت دكتوره تانيه وخلتها تكشف عليها هادى: يعنى انت متاكد انك بعد اخر خناقه بينكم قبل ما ابوك يجيى من السفر ويكلمه انت ماشوفتهاش عوف : ايوه طبعا متأكد هادى : طيب إزاى دول ولادك عوف : انا هتجنن انت عارف فضلت مسافر ٣ شهور ولما رجعت عشان اواجهها لقيت فرحها على ابن عمها حسام هادى : بس لو حسبناها يبقى هى كانت حامل قبل جوازها من حسام مش بعده معنى كده ان حسام اتجوزها عشان يساعدها عوف : انا مش عارف اعمل ايه وازاى دول ولادى هادى : نظره عنيها ليك بتقول ان عندها حق وانها موجوعه منك وانك عملت حاجه كبيره اوى فى حقها ومن كلامك دلوقتي انا اتاكدت انها على حق وعلى فكره هى كانت بتتكلم صح فى علاقتك بشهد طالما مش من نفس البطن او راضعين على بعض تبقى مش اختك ومافيش حاجه اسمها زى اختى بص يا عوف انتا محتاج تتكلم معاها وتعرف منها الحلقة المفقودة دى عبارة عن ايه وبإذن الله توصل للحقيقة عوف عندك حق هادى : دلوقتي الوقت اتاخر انا رأيي اننا نروحلها بكره بدرى قبل معاد شغلها وبالمره تجيب لولادك لبس واكل وتعوضهم عن الفقر اللى عاشوا فيه المره اللى فاتت بسببك عوف: اكيد ولادى بعيد عن اى مشاكل بينى وبينها تانى يوم عند حفصه قامت الصبح وضبت شقتها كالعادة وحضرت الغدا وغدت ولادها وشويه ولقت الباب بيخبط فتحت لقت جلال قدامها خرجت قاعدت معاه بره الاوضه فى السطح جلال: هادى صاحب عوف كلمنى وقال ان نتيجة التحاليل ظهرت والولاد فعلا ولاده حفصه: تمام يبقى ينفذ كلامه بقى وماشوفش وشه تانى جلال: لأ هو جاى وعايز يعرف منك ازاى ده حصل حفصه: ضر.بته على ايده واخدته غصب عنه انا مش عايزه اشوفه نهائى قوله يبعد عنى جلال: حفصه انتى عارفه انى بعتبرك زى بنتى صح حفصه: صح جلال: هو كلمنى وزمانه جاى انا هخدك انتى والولاد وتنزلوا تقعدوا عندى فى الشقه وانا كلمت مريم هتطلع تقعد معاهم عندى على مانخلص كلام وواجهيه بالحقيقة كلها حفصه: الحقيقة مش هتغير حاجه من اللى حصل معايا ولا هتغير بهدلتى ورميتى في الشارع جلال : انا عارف ده طيب مش يمكن لو حكتيلوا اللى حصل تبقى بكده اخدتى حقك منه وعايشتيه بتانيب ضمير هو لو مش كويس مكنش فضل يحاول يعرف الحقيقة ولو مكنش حبك مكنش هيفضل السنين دى كلها يطاردك كده اسمعى كلامى ويلا زمانهم وصلوا بالفعل حفصه لبست الولاد ولبست ونزلت لقته قاعد مع هادى وجلال دخلت مريم بالاولاد غرفه الاطفال في شقه جلال وهما قاعدوا بره يتكلموا عوف : أنا عايز اعرف اللى حصل ده حصل ازاى ودول ولادى ازاى وانا مقربتش منك حفصه: متأكد انك مقربتش فى عيد ميلاد جاسم قبل رجوع ابوك من السفر لما كنت عامله فى الفيلا عندك عوف : بس انتى ماجتيش وانا اصلا ماعذمتكيش حفصه : لأ يا عوف انت جلال: الأول اقعدى يا حفصه واهدى كده وقولى كل اللى انتى عايزاه حفصه اخدت نفس كبير وبعدين خرجته ببطئ وحاولت تهدى نفسها وما.تنفعلش حفصه: من بعد عيد ميلاد شهد وعلاقتنا اصبحت شبهه معدومه مكنش فى غير جاسم اللى كان بيسأل دايما عليا Flash back جاسم : الو ازيك يا حفصه عامله ايه حفصه : بخير الحمدلله انت عامل ايه جاسم: انا بخير يا حفصه بقولك ايه كنت عزمك على عيد ميلادى ولازم تيجى حفصه : أولا كل سنه وانت طيب وعقبال مليون سنه لكن للأسف انا مش هقدر اجى جاسم: على فكره العيد ميلاد فى فيلا عوف لان شقتى بغيرلها الديكور فعوف عرض عليا اعمل عيد الميلاد عنده ونعزم كل صحابنا عشان حفصه: كمل عشان ايه جاسم : انا هقولك عشان ماسبكيش مخدوعه اكتر من كده عوف اعترف بحبه لشهد وقرر انه هيقول للكل يوم عيد ميلادى عشان كده هنعمل عيد الميلاد عنده وبصراحه يا حفصه انا عايزك تيجى وتشوفى بعينك عشان ما.تتخدعيش فيه حفصه: انت بتهزر صح جاسم: لأ تعالى شوفى بنفسك انا مقبلش انك تفضلى مخدوعه اكتر من كده وفعلا قفلت معاه وتانى يوم روحت عيد الميلاد ولقيت فعلا عوف ماسك ايد شهد وماشى بيها وسط الحضور لفيت عشان امشى جاسم وقفنى وقالى انى لازم اواجهه رفضت وقتها وقررت امشى لقيت بعدها شهد جت عليا وقالتلى ان عوف منتظرنى جوه وعايز يكلمنى فى موضوع ضرورى دخلت الفيلا لقيت شهد وصلتنى لحد الاوضه اللى فيها عوف دخلت الاوضه لقيت عوف شدنى وقالى ايه اللى جابت حفصه : جايه اشوفك وانت بتخطب اختك عوف : لأ انتى جايه هنا عشان بتحبينى وبعدها سبته وحاولت اخرج لقيت الباب مقفول او اعصابى كانت سايبه انى اقدر اشد الباب مش فاكره غير ان عوف اتحول بقى شخص تانى كنت بصوت عشان حد يلحقنى لكن صوت الاغانى مغطى على صوتى وبعدها حصل اللى حصل كانت بتتكلم بعياط وشهقه راح جمبها جلال وضمها جلال: كملى كملى يا حفصه وخلاص اللى بتحكيه ده عدى اهدى وكملى حفصه: محستش بنفسى غير بعديها بساعتين وعمت عوف وشهد داخلوا الاوضه وشافوا منظرى كده زقتها شهد طلعت كل حقدها عليه شهد : ايوه بقى يعنى انتى جايه هنا عشان تدبسيه فيكى بس هو من البداية بيلعب بيكى وعمره ما هيبص لواحده زيك اديكى دخلتى وشفتى بعينك كان ماسكنى وماشى بيا وفرحان بيا ازاى فخور بيا وسط صحابه مش زيك بيتكسف يخرج معاكى انتى ايه مافيش من الاحمر خالص عندك ام شهد : انتى لسه هتتكلمى مع الاشكال دى وراحت شدتنى من شعرى وطردتنى بره الفيلا قالتلى مش عايزه اشوف وشك تانى عشان وقتها هفض حك واعرف الناس كلها حقيقتك خرجت من الفيلا وانا عماله اعيط مش عارفه اعمل ايه فضلت حابسه نفسي فى الشقه لمده شهر لحد ما حسيت بأعراض غريبه رحت كشفت وقتها عرفت انى حامل اتصلت بحسام ابن خالتى عشان استنجد بيه وحكتله كل اللى حصلى وفعلا جه واتجوزنا خلال شهرين بعدها بشهرين تانى اط.لقنا عشان لو جه معاد الولاده كلهم هيعرفوا انى حامل قبل ما.تجوز ب ٣ شهور على الاقل حتى مش خعرف اقول انى ولدت ابن سبعه واهلى بعدها اتخانقوا معايا وقالولى كلام صعب انى اكيد انا وحسام حصل بينا حاجه وهو كان بيصلح غلطته وانهم غضبانين عليا وطردونى خرجت فى الشارع فضلت اعيط مش عارفه اروح فين واجى منين وتليفونى ومحفظتى اتسر.قوا منى بعدها قابلت جلال بيه وجابنى هنا ونزلت اشتغلت وخلفت ولادى دول ومريم كانت دايما بتساعدنى لما كنت بخرج كنت بسيبهم ليها وجلال بيه كتر خيره قدر يطلعلى على كل الورق اللى ضاع منى تانى رفت راسها لعوف : هى دى كل الحكايه End flash back هادى بقى باصص لها وعينه كلها دموع ان صاحبه لا رحمها زمان ولا رحمها دلوقتي حفصه : ها يا عوف بيه خلاص عرفت كل اللى انت عايزه اتفضل بقى امشى من غير مطرود انت وصاحبك وافتكر كلامى ليك انت ملكش اى ولاد عندى روح كمل حياتك واعرف حاجه واحده وخليك واثق منها انى لا سمحتك على اللى عملته فيا ولا هسامحك ابدا حتى لو خروجى من النا.ر ودخولى الجنه على انى اسامحك لا هدخل النا.ر ولا انى اسامحك على اللى عملته معايا عوف ساب اللعب والحاجة اللى جابها وقام من غير ولا كلمه ومش وهادى بصلها باسف وقالها انا اسف وسابها ومشى جرى ورا عوف هادى : إيه لسه عندك شك عوف : انا مش فاهم ولا عارف ده حصل امته وازاى هادى : تعالى نطلع شقتى نتكلم براحتنا وصل فعلا هادى وعوف الشقه عند هادى دخلوا الشقه وكانت حالة عوف غريبه حاله من السرحان والتوهان والتشتت هادى: هو جاسم ده دكتور ايه عوف : دكتور تخدير هادى : وانت فعلا عملت عيد ميلاد جاسم فى الفيلا عندك وفعلا كنت ماسك ايد شهد فى العيد ميلاد وكنت ناوى تخطبها عوف : كان قاعد وحاطت راسه بين ايده وبيكلم هادى ايوه فعلا عملته عندى ومعزمتهاش و لأ طبعا مكنتش ناوى اخطب شهد انا بقولك كنت قايل لبابا انى عايز اخطب حفصه وكنت عايز اعملها لها مفاجأة يمكن ده يخف المشاكل اللى كانت بينا وفعلا شهد اليوم ده كانت فعلا ماشيه ورايا زى ضلى وانا فعلا اليوم ده انا فاكر انى جالى صداع جامد وسط الحفله ودخلت عشان اريح شويه وماصحتش غير تانى يوم هادى : ومعزمتهاش ليه فى عيد ميلاد جاسم وحاولت تحل مشاكلك معاها عوف : محبتش اعزمها وتحصل مشاكل بينها وبين شهد وبينى زى كل مره قلت لما نتخطب هادى : عارف يا عوف حفصه عندها حق تبعد عنك لانك انسان سلبى وانانى وهى مكنتش اول اختياراتك انت دايما اول اختياراتك كانت صحابك وشهد كمل بقى معاهم وابعد عن حفصه نهائى عشان المره الجايه انا اللى هقفلك مش هى عوف : قصدك ايه وانت فاكر بعد اللى عرفته ممكن اسبها هادى : غصب عنك مش بمزاجك هتسيبها انا كنت معاك لما كنت بتقولى انها خاينه وانك مجروح منها انما دلوقتي بعد الكلام اللى سمعته منها ومنك انت مالكش امان انت ماقدرتش تحافظ على واحده اديتك اسمها حتى عياالك كنت عايز تجوعهم وتخلى امهم تشحت يعنى انت ظالم واهلك ظالمين ومكتفتش بكده بتدور على كل الوسائل عشان تقهرها عوف قام وقف عندك حق انا مش هينفع اشوفها تانى غير لما على الاقل اخد حقها واعرف منهم ليه هما عملوا معانا كده ليه فرقوا بينا بالشكل ده واخد بعضه ومشى من عند هادى وراح لجاسم البيت جاسم : ايه ده عوف اتفضل دخل عوف وبص لجاسم جامد ليه يا جاسم ليه تعمل كده جاسم : عملت ايه عوف : ليه وقعت بينى وبين حفصه ليه وهمتنى انها مش بنت ليه عملت كده وبعدتنى عنها وانت عارف انى بحبها جاسم: بصراحه مش فاهم بتقول ايه مش انت بنفسك رحت كشفت عليها واتاكدت بنفسك يبقى انا وهمتك ازاى عوف : انت هتستعبط مانت عارف انى ا..بتها يوم عيد ميلادك جاسم ببرود : ايه ده هو انت اللى عملت فيها كده تؤتؤ اخص عليك عوف : جاسم انا لحد دلوقتي ماسك اعصابى عليك عشان عايز اعرف ليه عملت كده ليه كلمتها وقولتلها انى ناوى اخطب شهد وانت عارف انى كنت ناوى اعملها مفاجأة واخطبها هى ليه عملت كده عايز اعرف انت شربتنى ايه يوم عيد ميلادك خلانى ابقى مش فى وعيى جاسم: هههههههههههه حاجه بسيطه اوى اتعاملت معاك زى ما بتعامل مع الستات اللى بولدها من غير بنج كده بديها هلاوس عوف مسكه من هدومه وضر.به بالبوكس وجاسم ردهالها بنفس القوة وفضلوا وقت طويل يضر.بوا فى بعض لحد ماعوف اتمكن منه قولى ليه عملتلك ايه عشان تعمل معايا كده انت ازاى بتفكر تفكير الشيطان ده قولى ايه عملت معاك ايه فقير مثلا وبتحقد لأ بالعكس انت اغنى منى وعندم مستشفى خاص وليك كاريير ودكتور في الجامعة شكل ووسامه انت تفوقنى فى الشكل فى ايه يخليك تحقد عليا كده وتخلينى ابعد عن البنت اللى بحبها وتبعدها هى كمان عنى وتكر هنا فى بعض بالشكل ده ليه ليه يا اخى عملتلك ايه كان عوف بيتكلم بانهيار ودموع جاسم: كنت عارف ان هيجي اليوم وتعرف فيه كنت عايزك تحس بنفس الاحساس اللى انا حسيت بيه لما كنت السبب انى اسيب البنت اللى حبيتها عوف: بنت مين جاسم: هاجر ايه نستها انت كنت عارف انى بحبها ورغم كده كنت مصمم انك تخليها تفتكر انى بخ ونها وبكلم بنات غيرها لحد مافى مره سابتنى وقت.لتلى انها مش هقدر تكمل معايا عشان انا خا ين وبتاع بنات حاولت اقولها انه محصلش لكن هى رفضت تسمعنى اصلا ليه يا عوف ليه عملتلك انا ايه وقتها دانا كنت بعتبرك اخويا الصغير عوف : ليه مواجهتنيش ليه ماقولتليش وقتها بس تصدق ان انا اللى غلطان عشان كنت خايف عليك ومش عايز اجرحك بس اسمع بقى يا فلته هاجر مكنتش بتحبك كانت مخطوبه لابن خالها أصلا من قبل ما.ترتبط بيك اللى هى سابتك بعد ماصرفت عليها وراحت اتجوزته وكانت دايما تقول لاصحابنا وأنت مش موجود إن مافيش واحده ممكن تستحملك او تستحمل غيرتك فانا كنت بدافع عنك قدامها وكنت دايما بقولها جاسم اللى بيجروا وراه بعدد شعر راسه ودايما كنت حريص فى غيابك انى اطلعت بصوره تانيه غير اللى هى بتوصلهالهم بس انا غلطان فعلا يا يا صاحبى بس صدقني حق حر.قه قلبى دى وحركانى من عيالى وحق وجع حفصه اللى محبتش في حياتى غيرها لهردهالك جاسم : أنت كداب كداب انت بتبرر عملتك عوف بضحكه جانبيه وفيها سخريه : طيب يا حلو ابقى روح مكان مكانت وأسأل على اسم جوزها او مجرد ما.تقول أم فلان هتلاقى الشارع بيحكيلك قصت حياتها وسابه ومشى خرج عوف وفضل يلف بالعربيه وراح مكان المكتب اللى بتشتغل فيه حفصه وفضل مستنيها تنزل وبقى يراقبها من بعيد والندم بينهشه من جواه انه عمل فيها كده وانه مداش فرصه يسمعها واصدر الحكم عليها حتى لو راح واكتشف انها مش بنت كان يسمعها ويعرف منها ليه كده مايمكن كان غصب عنها وهو فعلا كان غصب عنها وكان هو اللى سلبها الحق ده وصل الفيلا وطلع الاوضه بتاعته وبيفكر ازاى يقدر ياخد حقها وحقه من اللى ظل.موهم . صحى الصبح بدرى وقرر إنه لازم يقرب منه ولاده ويعوضهم قابل عمته وشهد كانوا قاعدين بيفطروا وباباه معاهم عوف: صباح الخير كلهم: صباح النور عمته : شايفاك قايم رايق النهارده عوف : اصل يا عمتو قررت ارمى الماضي بكل مافيه وأبدأ حياتى بقى وبصراحه عايز استقر واتجوز عمته : وياترا عرفت تنقى المره دى عوف بص لشهد وهو بيكلم عمته : طبعا يا عمتوا وانا واثق إن المره دى اختيارى هيعجلك مش عارف ازاى انا كنت أعمى دايما كده الواحد تبقى في ايده الحاجه الحلوه ويدور عليها بره شهد بصت لمامتها ان أخيراً اللى بيخططولوا هيتم وامها بدلتها النظره بنظره انتصار وده معداش من تحت عين عوف اللى مراقبهم بعنين تشبهه الصقر عوف : بقولك ايه يا عمتى بعد الشغل كنت عايز اخرج مع شهد كنت عايز اشترى بدله وانا عارف ان زوقها حلو فى اللبس فبستاذنك تخرج معايا ونتغدى بره عمته : طبعا يا حبيبي دانت الغالى وابن الغالى لو مكنتش تنقيلك انت أمال تنقى لمين عوف : عندك حق يا عمتى استاذن انا بقى عشان متاخرش خرج عوف وراح الشركه وقابل هادى اللى قابله ببرود وكان كلامه معاه على اد السؤال عوف : مالك يا هادى قالب عليا ليه انت ناسى ان انا ضحية زيها هادى : لأ مش ضحيه زيها ابدا ومتقارنش نفسك بيها عوف : بس انا اتخدعت زيها هادى : لأ انت اللى سمحت باللى يحصل ده انه يحصل من الاول استهتارك بيها وبمشاعرها هو اللى وصلك لكده إذا كان انت وانت بتحكى كنت غلطان مبالك بقى لو سمعت منها هى البنت دى قاست كتير واتظل.مت كتير اوى اتجوزت واط.لقت واهلها اتخلوا عنها حملت وولدت لوحدها لولا ربنا بعتلها اللى يساعدها كان زمنها الله اعلم بحالها البنت دى ا..بت واتهانت واتمرمطت في الشغل وكانت ست وراجل لعيالها فمتقلش احنا الاتنين اتظل.منا هى بس اللى اتظل.مت فى الليلة دى كلها عوف بنظره شك : وانت بتدافع عنها اوى كده ليه هادى : انا انسان وطبيعى اقف فى صف المظلوم عوف : حقها انا كفيل اجيبه ليها وعارف هجيبه ازاى لوحدى هادى : اتمنى انك تقدر تعمل كده خلص عوف الشغل وعدا على شهد وخرجوا سوا وعملوا شوبنج وجابلها كل اللى هى عايزاه شهد : بس انت متغير معايا اوى يا عوف بقالك فتره طويله كنت بعيد عنى عوف : أصلى عرفت حقايق كتير ظهرت قدامى وارتحت عشان كده قررت مابصش لورا تانى وافتكرت ايامى انا وانتى زمان وازاى كنا عايشين الحياة بالطول والعرض شهد : فعلا لولا حفصه هانم اللى دخلتها بينا انا وانت كان زمانا دلوقتي مبعدناش ابدا عن بعض عوف : كل حاجه في وقتها حلوه مايمكن ده حصل عشان اعرف بعد كده مين المخلص اللى فضل مستحملنى ومين الخاين والحمد لله انى فوقت من الغفلة اللى كنت فيها وعايز ندى نفسنا فرصه انا وانتى شهد : بجد يا عوف بجد عوف: طبعا يا شهد وربنا يقدرنى واقدر اعوض كل اللى فات عند هادى خرج من الشركه وراح عند بيت حفصه واستناها لما نزلت من العماره وحفصه شافته وتجاهلته ومشيت وهو وقفها هادى: استاذه حفصه استاذه حفصه لو سمحت اسمعيني حفصه: نعم فى حاجة تانية صاحبك باعتك تقولهالى اظن انا شرطى كان واضح ورافضه اى كلام هادى: أبدا والله انا جاى اعتذرلك عن اللى صدر منى اتجاهك حقيقى انا اسف جدا وندمان حفصه: ندمان على ايه انك كنت بتساعده يظل.م واحده انت ما.تعرفش اذا كان صادق ولا لا تظل.م واحده من غير ما.تسمع منها هادى: انتى عندك حق بس كلامه ووجعه اللى كان بيحكهولى كان مخلينى اصدق انه هو على حق لكن انا ندمت فعلا وعرفت غلطتى وجاى اتاسفلك وعايزك تقبلى اعتذارى حفصه: خلاص يا استاذ هادى انا مسمحاك بس بعد كده قبل ما.تقف في صف اى حد لازم تسمع من الطرفين هادى كان عايز يطلب منها رقمها بس خايف تحرجه قرر انه يمشى ويجيلها وقت تانى هادى : تمام يا مدام حفصه عموما انا حابب انك تعتبرينى زى اخوكى او احتاجتى اى حاجة ياريت تكلمينى حفصه: شكرا ليك عن اذن حضرتك وسابته ومشيت وهو فضل واقف يبص عليها لحد ما اختفت من قدامه وبعدين روح عند جاسم راح فعلا المكان اللى موجوده فيه هاجر وابتدا يسأل الناس وعرف ان هاجر وابن عمتها كانوا ساكنين فى نفس البيت من زمان واتجوزوا وسكنوا مع اهلهم فى نفس البيت مشى جاسم وبقى يكلم نفسه معقول معقول عوف طلع عنده حق وانا ظل.مته وظل.مت حفصه طيب هى ذنبها ايه انا ايه اللى عملته ده الانتقام كان مخلينى معمى مشفتش انى هظل.م انسانه ملهاش ذنب ياريت كنت صارحته من زمان قبل ماعمل كل اللى انا عملته ده وحفصه لازم اوصلها واخليها تسامحنى على اللى عملته فيها بس اجيبها ابدأ منين اكيد عوف عوف اكيد يعرف مكانها بس هو هيرفض يتكلم معايا وانا عارف انه مش هيسكت غير لما يردلى اللى عملته معاه بعت الغالى ببلاش للاسف ركب عربيته ومشى وقرر انه يبعت خد يراقب عوف وصاحبه عشان يقدر يوصل لحفصه وفى نفس الوقت يعرف عوف هيضر.به من انهى اتجاه اتصل جاسم بعيونه اللى زرعها في شركه عوف وحطله اجهزت تنصت داخل مكتبه مهما كان اللى هتعمله يا عوف انا هتقبله لانى عارف انك موجوع منى وعندك حق بليل وصل عوف وشهد الفيلا واتعاشوا وكل واحد طلع الغرفة بتاعته والده شهد : ها طمنينى شهد : ما.تقلقيش خلاص عوف بقى فى جيبنا والده شهد : شاطره يا شوشو بس ياترا ايه اللى غير عوف مره واحده كده ورجعه عوف القديم شهد : ماعرفش بس لما سالته قالى عرفت حاجات فتحت عينى مش عارفه بصراحه والده شهد : لازم نعرف طبعا عشان نفضل مسيطرين عليه شهد : عندك حق انا عايزه اقرب منه اكتر والزق له فى كل حته وبفكر انزل الشركه معاه واشتغل معاه عشان ماخليش اى حد يقدر يقرب منه والده شهد : ايوه كده تعجبينى من بكره الصبح البسى وجهزى نفسك وانزلى معاه عند حفصه خلصت شغلها ورجعت البيت وكانت مريم نايمه هى والاولاد ومرضيتش حفصه تصحيها راحت غيرت هدومها ونامت على الكنبه اللى فى الاوضه صحيت الصبح على صوت لعب اولادها وقامت وحضرت الفطار ليها ولمريم وللاولاد مريم : صباح الخير يا ابله حفصه حفصه: صباح الخير يا مريومه مريم: ماصحتنيش ليه امبارح حفصه: قولت اكيد الولاد تعبوكى فسبتك نايمه عشان ترتاحى المهم خدى دول خليهم معاكى مريم : ايه ده يا ابله حفصه لأ طبعا مايصحش عيب حفصه: يابت انتى اختى عشان خاطرى خليهم معاكى مريم: قصدك ايه بقى بتدينى مرتب على قاعدتى مع ولادك والله عيب حفصه: ابدا يا مريم ربنا عالم ازاى بحبك وبعتبرك زى اختى مريم :: يبقى ما.تعمليش كده تانى معايا ورجعى فلوسك او هاتى بيها حاجات حلوه للعيال الحلوه دى حفصه حض.نت مريم والله يا مريم انتى أكتر من اختى لو ليا اخت مش هتقف جمبى زيك كده مرين : وانا كمان بعتبرك اخت طول عمري نفسى فى اختك لكن الحظ بقى عندى اتنين اشحطه بيتكلموا باديهم مش بلسانهم حفصه : هما بيحبوكى وبيهزروا معاكى مريم: نفسى يفهموا انى بنت مش ولد مش عايزه هزارهم ده انا تانى يوم صحى عوف ولبس ونزل اتفاجئ بشهد وعمته قاعدين على الفطار وشهد لبسه لبس خروج عوف : صباح الخير انتى خارجه ولا ايه يا شهد شهد : بصراحه كده يا ابن عمى انا عايزه انزل اشتغل عوف : من امته الكلام ده وانتى فى حاجة نقصاكى شهد : لأ طبعا بس انا عندى وقت فراغ كبير انا لا متجوزه ولا مخلفه ولا ورايا أى مسئوليات فليه ماشغلش وقتى فى حاجة مفيده عوف : عندك حق يا شهد خلاص تعالى معايا وندورلك على حاجه تشتغليها تناسبك خرج عوف وشهد ووصلوا الشركه وطلب عوف من شهد انها تستناه فى مكتبه ودخل هو مكتب هادى وصل هادى الشركه وكان عوف موجود ووشه لا يبشر بخير هادى : صباح الخير عوف : ايه اللى وداك امبارح عن حفصه هادى : انت لسه مراقبها بقى عوف : وانت مالك خليك في حالك هادى: انت عايز منها ايه تانى بعد كل اللى عملته فيها اوعى تكون فاكر انها ممكن تسامحك في يوم يبقى بتحلم وعموما عشان دماغك ما.تروحش بعيد انا روحتلها عشان اعتذرلها عن اللى انت خلتنى اعمله فيها عوف: طيب يا هادى مش روحت واعتذرت وخلاص ابعد عنها بقى ومالكش دعوه بيها هادى : مش انت اللى تقولى اعمل ايه ومعملش ايه عوف : معنى كلامك ده ايه هادى : افهمه زى ما تفهمه عن ازنك يا يا شريك وسابه ومشى عوف ضر.ب بايده المكتب ماشى يا هادى انا غلطان انى دخلتك من الاول انا الغلطان حاول يهدى نفسه ودخل لمكتبه وقابل شهد قاعده على مكتبه عوف : عجبك المكتب شهد : اه زوقه حلو أوى انا مجتش من ساعت ما عملت فيه تجديدات كنت بعاد اوى عن بعض يا عوف من ساعت ماسفرت عوف : شهد انتى مش عارفه انا سافرت ليه شهد تصنعت عدم الفهم لأ طبعا انا عارفه انك سبت حفصه وبعدها سافرت عوف : انتى عارفه انا سبت حفصه ليه شهد : تصنعت عدم الفهم : لأ ليه عوف : مابحبش البنت السهل ه وهى كانت سهله اوى معايا عشان كده بعدت عنها اصل اللى تعمله معايا تعمله مع غيرى صح ولا ايه شهد : طبعا صح وعندك حق في كل حاجه عوف : بس فى مشكله صغيره كده اكتشفتها وعايزك تساعدينى فيها عشان نقدر نتجوز شهد : مشكله ايه عوف : عارفه انا اكتشفت انى مخلف من حفصه ولدين وطبعا هى كانت مخبيه عنى فانا عايز اخد ولادى اربيهم بنفسى انا ماضمنش تربيتها وعايزك انتى تبقى امهم شهد : وانت عرفت مكانها من امته عوف : بالصدفة المهم هاتساعدينى شهد بتوتر : هى حاكتلك حاجه عوف : اه حاكتلى لما لقتونا مع بعض وانتى ومامتك طردتوها شهد حبت برر لكن عوف مادهاش فرصه تبرر وكمل كلامه انا بصراحه اتكسفت جدا من اللى عملته والموقف اللى شوفتونى فيه عشان كده بصراحه بعدت شهد : لأ طبعا يا عوف إحنا عارفين اخلاقك وان عمرك ماكنت كده وقولنا اكيد هى اللى اديتك حاجه وعملت كده عشان تدبسك ورفضنا نتكلم بعدها عشان مانحرجكش عوف: وانا قدرت موقفكم جدا يا شهد يعنى لو انا طلبتك للجواز تفتكرى عمتو هتعترض شهد : لأ طبعا عوف : تمام عشان كده قبل ما اخد خطوه الجواز لازم الاول اخد الولاد فى حضانتى عشان كده عايزك تساعدينى اخدهم حضانتى ونتجوز على طول ها موافقه شهد : طبعا طبعا موافقه انا مايهمنيش غير راحتك يا عوف عوف : وانا كنت واثق من كده وعارف ان اختيارى ليكى هو الصح يا شهد زوجه اصيله بتقف جمب جوزها عند هادى قرر انه يستغل قرب شهد من عوف ويحاول يقرب من حفصه تانى يوم وصل هادى الشركه وتجاهل عوف نهائيا وكمان عوف تجاهله قرر هادى انه يروح لحفصه بعد الشغل وينبهها ان عوف مازال بيراقبها وعوف قرر انه بعد الشغل يروح ليها ويحاول يتكلم معاها وانه عايز يغير الاولاد بإسمه ويصرف عليهم واثناء تفكيره دخلت شهد على عوف المكتب شهد : بتفكر في ايه عوف : بفكر في ولادى ازاى ارجعهم ليا شهد : بالمحاكم عوف: المحاكم حبالها طويلة وبتاخد وقت وانا مش هستنى كل ده انا هروحلها انهارده واحاول معاها شهد : طيب اجى معاك عوف : لأ عشان ما.تعندش اكتر سبينى انا هتصرف شهد : انا عندى فكره هتسهلك الأمور عوف : فكره ايه شهد : اخطفهم منها فتره ومتعرفهاش انهم معاك لحد ما.تخلص إجراءات الحضانه ووقتها كمان هتثبت ان هى غير امينه عليهم بدليل انهم تاهوا منها عوف : عندك حق بس أتكلم معاها الاول يمكن تيجى بالحسنى وماضطرش اعمل كده شهد : عموما شوف هتعمل ايه وانا معاك في اى حاجه خرجت شهد من عند عوف خلال اليومين الى عدوا عوف كان بيدور على جاسوس فى مكتب جاسم وبالفعل قدر يوصل للسكرتيره بتاعته (رحيل ) عوف : ازيك يا رحيل عامله ايه رحيل : أهلا بحضرتك يا عوف بيه عوف : على كلمنى وقالى انك تقدرى تساعديني رحيل: انا كده كده هسيب الشغل قريب هنا فى الشركه بس قلت لنفسي استفاد من مكانتى قبل ما امشى واسيب الشغل عوف : وانتى هتسيبيه ليه وليه وافقتى تسلمينى جاسم رحيل : أولا جاسم ضرنى كتير جدا معنويا لو هو من البداية اتعامل معايا على اساس انى انسانه عمرى ماكنت هعمل كده بس هو مغرور جداً وعصبى جدا ومافيش حاجه بتعجبه ومش بس كده ده بينتقد الناس اللى قدامه كاشخاص مش بس فى شغلهم عوف : مامشتيش من زمان ليه رحيل: كنت همشى وكتبت استقالتى كذا مره بس هو كان ممضينى على عقد انى ماسبش الشركه قبل سنه يعنى قعادى فى الشركه عنده غصب عنى او ادفع شرط جزائي نص مليون جنيه وانا اصلا لو معايا المبلغ ده عمرى ماهشتغل عوف : تمام يا رحيل ساعدينى اخسره المناقصه دى وانا هديكى اللى انتى عايزاه ومش بس كده هجبلك شغل بمرتب محترم كمان رحيل : تمام اتفقنا يا عوف بيه اخر اليوم انهارده هيوصلك ملف الصفقه اللى هو داخلها هصوره وابعتهولك عوف: وانا هستناكى وهديكى نص المبلغ بعد ما تبعتى الصور والنص التاني لما يخسر الصفقه رحيل : يبقى اتفقنا عوف لنفسه ماشى يا جاسر ودى لا هتبقى اول ولا اخر خساره اصبر عليا عند جاسم رحيل: استاذ جاسر عوف بيه كلمنى وقلتله زى ما حضرتك بلغتنى جاسم : تمام اتفضلى بقى صورى الورق ده وابعتيهولوا رحيل: بس ده فعلا ورق الصفقه اللى حضرتك مقدمه جاسم : منا هخسرها فعلا ومش هيرسى العطا عليا هيرسى على شركه (…..) رحيل : طيب يبقى ليه حضرتك تخسر صفقه زى دى مكسبها ١٠٠٪ وتسيبها لشركه (….) جاسم : هههههههههههه ماهو يا استاذه رحيل الشركه دى تبقى من ضمن شركاتى بس منفصله ومحدش يعرف مين صاحبها غير اللى بيتعاملوا معايا فقط رحيل: انا مش فاهمه حاجه جاسم : هوف انا اذيته جامد وهو عايز ياخد حقه منى انا سايبه ياخد حقه ويعتقد انه انتصر عليا رحيل : طيب اذيته فى ايه وليه عايزه يحس بالانتصار عليك جاسم : ده موضوع طويل بس لو خسارتى هتريحه خليه يستريح ما.تشغليش بالك كل حاجه بوقتها حلوه المهم اتفقتى معاه على كام رحيل : لسه محدتش مبلغ بس هو قالى النص بعد الصور والنص التانى لما تخسر جاسم : اطلبى منه ٥٠.٠٠٠ هيديكى ٢٥.٠٠٠ وبعدين لما اخسر فعلا ابقى خدى الباقى واه على فكره حلال عليكى رحيل: لأ طبعا شكرا لحضرتك الفلوس دى مش من حقى جاسم: ده حقك على فكره وانتى عارفه انى مش برجع فى كلمه قلتها فبلاش نجادل كتير رحيل : أنا اسفه برضو مش هاخده جاسم: هنشوف كلام مين اللى هيمشى خلص اليوم وخرج هادى وانتظر حفصه على باب العمارة وحفصه شافته وهى رايحه الشغل حفصه: خير يا استاذ هادى فى حاجة هادى: اه يا مدام حفصه انا جاى احذرك من عوف حفصه: وهو ماله ومالى هادى : عوف لسه بيراقبك والله اعلم ناوى على ايه لانه جه انهارده وهددنى انى اكلمك تانى حفصه: وهو ماله وبيراقبنى ليه اصلا مش قافلنا على الموضوع ده هادى: أنا مش عارف هو رجع قرب من شهد تانى وشغلها معانا في الشركه وبيخطتوا لحاجة انا مش عارفها صدقينى انا والله خايف عليكى وعشان مضايقكيش ادينى رقمك ولو عرفت اى حاجه هكلمك انبهك فعلا حفصه قلقت على ولادها وادت رقمها لهادى وبعدها لقت عوف واقف وراه عوف : خير يا هادي خير واضح انك مش بتفهم الكلام هادى: انت ملكش علاقة بيها ولا حاجه ربطاك بيها عشان تقولى اكلمها او مكلمهاش وكفايه اللى انت عملته فيها عوف بعصبيه : وانت يا ملاك مانت كنت بتنفذ كلامى حتى من غير ما تتأكد اذا كنت انا صح ولا غلط هادى: بعصبيه كنت فاكرك عندك ضمير ومحترم وانها فعلا ظل.متك وقهرتك زى ما كنت بتقولى وانا ندمان فعلا انى فكرت اساعدك فى يوم حفصه بكره : انت مالك جاى هنا ليه ومالك انت يكلمنى ولا لأ ايه اللى دخلك اصلا عوف : فى إنك ام اولادى وانا رفعت قضيه ضم وهاخدهم يا حفصه حفصه: باماره ايه عوف : انى ابوهم حفصه: اه ابوهم اللى هرب من عملته وجريمته لأ انا اسفه مالكش عندى ولاد ومافيش اى قوه فى الارض هتمنعهم عنى عوف : هتشوفى يا حفصه هتشوفى اذا كنت هقدر اضمهم ليه ولا لأ ووقتها عايزاهم تيجى تعيشى معاهم حفصه: بتحلم انت بتحلم عوف : وانتى اكتر واحده عارفه انى بحقق احلامى حفصه: بس مش معايا يا عوف فاهم مش معايا كل ده وهادى واقف بيتفرج عليهم وعلى وشه ابتسامه نصر سابتهم حفصه واقفين ومشيت عوف : لاخر مره بحذرك حفصه خط احمر يا هادى سامعنى حفصه خط احمر هادى: وانا قلتلك مابتهددش عوف سابه ومشى وبيفكر فى طريقه يرجع بيها حفصه والولاد لحض.نه مره تانيه وقرر انه يديها فرصة ويكلمها مره تانيه ولو موافقتش وقتها هيخطف العيال ويجبرها تعيش معاهم ويبقوا قدام عيونه عند شهد ومامتها (منى ) منى : وهو قالك انه لو جاب ولاده لحض.نته يتجوزك بعدها شهد : اه عشان لو اتجوزنا وقتها الحضانه رسمى هتكون لامهم منى : أنا خايفه يحن ليها شهد : لأ الموضوع ده جه فى صالحنا حتى لو حن ليها هو مش هينسى انها سلمته نفسها منى: عندك حق خلينا بقى نساعده انه يرجع ولاده عشان تتجوزوا بسرعه قبل ما يرجع يحنلها تانى شهد : عندك حق انا قلتله لو رفضت وعاندت اخطفهم منى : ووقتها بقى سيبى الشغل واهتمى بالولاد اوى حسسيه انك هتبقى امهم فعلا شهد : عندك حق يا ماما عدى نهار جديد على جميع ابطالنا وكان اجازه على الجميع صحى عوف ولبس وقرر انه ينزل يروح لولاده ويقضى معاهم اليوم لبس كاجوال زى ما كانت حفصه بتحبه واهتم بنفسه وجهز ونزل من غير ما حد يشوفه وراح اشترى لعب ولبس وهدايا للاولاد وتابليت لكل طفل وتليفزيون وفلاشه عليها اغانى اطفال خلص شرا وراح بعد كده عند بيت حفصه اثناء صعوده شافه جلال بس قرر انه يصبر ويسيبه ويعرف منه هو ناوى على ايه وانه دايما هيكون في ضهر حفصه مش هيدى فرصه لحد ياذيها بس هيسيبلها المساحة انها تقدر تتحرك وتقرر هى عايزه ايه ويساندها فيه طلع عوف السطح وشاف المكان اللى هما عايشين فيه على الحقيقة وقرر انه لازم فى اقرب وقت ياخذهم يعيشوا معاه حتى لو غصب عن حفصه كل شئ متاح فى للحرب وهو هيفضل يحارب لحد مايرجعها هى واولاده وهو عارف انها عنيده بس هو اعند منها خبط الباب وفتحتله حفصه ولما شافته جت تقفل الباب فى وشه بس هو كان اسرع منها وحط رجله على عتبه الباب وزقها ودخل وهى كانت بتقاومه بس مقومتها ضعيفه بالنسباله حفصه: أنت جاى ليه عايز ايه عوف : عايز اشوف ولادى حفصه : اتكلمت بصوت واطى عشان ولادها مايخافوش . ولاد ايه يابو ولاد ملكش عندى حاجه واظن انا قلتلك كده من الاول عوف : طيب ممكن تسمعينى الأول وتعرفى اللى حصلى حفصه: لأ مش عايزه اسمع حاجه روح للى شبهك وشهد شبهك روحلها يلا وسبنى فى حالى وملكش دعوه بيا او بولادى عوف : انا رفعت عليكى قضيه نسب وهكسبها ما.تخلينيش ارفع كمان قضيه حضانه بعديها ووقتها هكسبها هى كمان عشان واضعى والمستوى اللى هعيش فى الاولاد حفصه: انت جاى تهددنى عوف: انا جاى اكلمك وانتى اللى رافضه تسمعينى فهتخلينى اعمل حاجات مش حاببها حفصه: انا مش عايزه اسمعك واعلى مافى خيلك اعمله عوف: حاضر هعمله اللى انا عايزه واعتبر ده موافقه على اللى هعمله وزقها براحه ودخل لولاده الاول كانوا الاولاد كاشين منه لكن هو بدا يطلع الحلويات اللى هو جايبهالهم والالعاب وقتها بدأوا يتفاعلوا معاه ومايخافوش منه وطلع التابليت بتاع كل واحد واداه ليه حفصه : ايه اللى انت بتعمله ده حايبلهم تابلت انت عايز تبوظهم عوف: وفيها ايه ما الاطفال كلها ماسكاه حفصه: الاطفال بيمسكوا موبايلات اهاليهم شويه صغيره ويرجعوا يسبوها تانى عشان القاعدة الكتير عليه غلط بتجيب توحد وتخليهم بعد كده انطوائيين ومايتفاعلوش مع غيرهم دانا بشغلهم التليفزيون وبقول ربنا يستر تروح انت تجيب لكل واحد تابليت عوف: خلاص قوليلى هما عايزين ايه وانا اجيبه ليهم انا انا جايبلهم تليفزيون بس فى العربيه وفيه فلاشه فيها برنامج اطفال تعليميه هتبقى مفيده ليهم حفصه: هو انت ليه مش عايز تفهم انى مش عايزه منك حاجه ولا متقبله منك حاجه عوف : هو انا جايبلك انتى على فكره لو مش واخده بالك انا جايب لولادى مش ليكى ولا انتى زعلانه عشان مجبتلكيش زيهم عموما تقدرى تاخدى تابلت من بتوع الولاد حفصه: تصدق انك مستفز جدا مش خلاص خلصت اتفضل امشى بقى عوف : لأ لسه ما خلصتش اصبرى شويه وانا همشى راح عوف قعد مع الاولاد وفضل يلعب معاهم ويوعدهم بحاجات تانيه هيجبها ليهم وهما اتعلقوا بيه جدا وهو اتعلق بيهم ولعن نفسه ألف مره انه طول الفتره اللى فاتت محاولش يعرف الحقيقة عوف عرف ولاده انهم يبقوا اولادهم وطلب منهم يقولولوا يا بابا وهما فرحوا اوى وهو كمان فرح بكلمه بابا كانت حفصه قاعده بعيد عنهم شويه ومدياله مساحه مع اولاده هى نفسها إن اولادها يعيشوا حياة طبيعية ويتصرف عليهم بشكل جميل وتجبلهم كل اللى هما عايزينه وعوف يقدر يعمل كده بسهوله وخصوصاً انه حنين وواضح انه هيبقى اب حنون ومراعى إذا كان من قاعدة واحده قدر يقرب من ولاده ويخليهم يحبوا كده امال لو قعد معاهم اكتر من كده هيعمل ايه هنا دق ناقوس الخطر مره واحده فى دماغها انه لو اتعلق بيهم اكتر ممكن ياخدهم وهما ممكن يرفضوا بعد كده يعيشوا معاها ويبقول عايزينه هو لانه هيحققلهم كل اللى عايزينه ووقتها هى هتخسر كل حاجه حتى ولادها قامت حفصه مره واحده أظن كفايه كده اتفضل بقى مع السلامه عوف بصلهم وكان نفسه ياخدهم معاه بس هو عارف ان مستحيل ده يحصل في الوقت الحالي اكتفى عوف بالقاعدة مع الولاد وحض.نهم ووعدهم انه هيجيلهم تانى ويجيبلهم حاجات احلى وعرف من ولاده الحاجات اللي بيحبوها وقرر انه هيجيبهالهم عشان يقرب منهم اثناء خروجه همس لحفصه حاضر يا حفصه ادينى همشى اهه وهسمع كلامك بس اعملى حسابك انى هاجى تانى اشوفهم والمره الجايه لازم تسمعينى انتى فاهمه وسابها ومشى بدون ولا كلمه حفصه قفلت الباب وراه وقعدت فى الارض حاطه وشها بين رجليها وضامه نفسها وبتعيط هى مش مسمحاه ومش قادرة تسامحه على اللى عملوا معاها ومحتاره تعمل ايه مش عارفه تفكر بس اللى هى متاكده منه انها مش هتسامحه على اللى عمله معاها هى محتاجه تفكر اكتر فى مصلحة الاطفال واللى هى عايزاه وهى عايزاه يبعد عنها اثناء نزوله قابل جلال قدامه جلال خلاه يدخل الشقه عنده عشان يتكلموا براحتهم جلال: ممكن اعرف انت عايز ايه من حفصه بعد اللى عملته فيها عوف : انا عايزها هى وولادى عايز اعوضها اللى حصل زمان واللى عملته فيها جلال: واللى انت عملته فيها مش قليل عشان تنساه انت ضيعتها ود مرتها انت خليت الناس كلها تتخلى عنها عوف مطأطأ راسه عارف وقبل ما ارجعلها هاخدلها حقلها من اللى اتسببوا في كده انا هحكيلك الحقيقة اللى عرفتها كلها المره اللى فاتت بعد اللى سمعته من حفصه روحت وواجهت جاسم وهو قالى الحقيقه ان ده كان فخ هما عملوه لينا وانا وهى وقعنا ضحايا فيه حكاله عوف كل اللى حصل بينه وبين جاسم جلال: انت حكيت لحفصه كل ده عوف : لأ هى رافضه تسمعنى وانا مش هضغط عليها دلوقتي انا عارفها عنيده وعارف هتعامل معاها ازاى جلال: بص يا عوف انا مش هساعدك بس هسيبك تحارب عشان ترجعها هى وولادك لح.ضنك من غير ماقف قدامك استغل الفرصة دى عوف : صدقنى انا فعلا هحارب العالم عشانهم قبل ما ارجعها عشان لما ارجعها اكون واخدلها حقها من اللى ظل.مونا واقدر وقتها اكلمها وانا عينى فى عنيها واطلب منها السماح جلال: ربنا معاك وخد بالك من اللى بيحوموا حواليها اظن انت اخدت بالك والحق خدلها حقها قبل ما غيرك يلحق ويقربلها وياخدها عوف : انا عمرى ماهسمح بده ابدا وانا هعرف اوقفه عند حقه حفصه دى حب عمرى اللى عمرى ما.تخلى عنها ابدا انا غلطت عشان ماسمعتهاش وانا اتعلمت من الغلط ده بس برضه حط نفسك مكانى حد يقولك البنت اللى بتحبها مش بنت وانت تتاكد من كده رد فعلك هيكون ايه ولما اغيب شهرين تلاته ارجع الاقيها بتتجوز كانها بتاكدلى اللى حصل انا بحبها ومش قادر انساها عشان كده كنت بحاول انتقم منها جلال بص يا عوف انا بعد ما سمعت منها ومنك دلوقتي أتأكدت ان فى حد عمل ملعوب عليكم وللأسف انتوا الاتنين كنتوا ضحاېا المعوب ده عوف دى حقيقة وانا قبل ما ارجعها تانى حالف اجبلها حقها تحت من اللى ظل.مونا تحت رجليها زى ماقولتلك قبل كده ومش هسيبهم في حالهم خرج عوف من عند جلال واشترى هديه لشهد دخل الفيلا كانوا قاعدين بيتغدوا شهد كنت فين يا عوف وقافل موبايلك ليه عوف ابدا يا حبيبتي كنت عاملك مفاجأة وطلع العلبه اللى فيها الخاتم الدهب ها ايه رايك عجبتك شهد الله حلوه اوى وزوقك جميل وقامت عشان توريها لمامتها بصى يا ماما عوف جابلى ايه منى حلوه اوي اوي طول عمرك يا عوف زوقك عالى عقبال مافرح بيكوا كده وانت بتلبسها الشبكه عوف قريب اوى يا عمتو والد عوف الظاهر كده انى بقيت أخر من يعلم فى البيت عوف ابدا يا بابا بعد الغدا هنقعد انا وانت فى المكتب ونشرب القهوه واحكيلك كل اللى فاتك دخل عوف ووالده غرفه المكتب وحكاله كل اللى حصل جميل والد عوف جميل معقول دماغهم سم للدرجه دى وهيستفادوا ايه لما يعملوا كده عوف جاسر كان عايز ينتقم منى وكان فاكر انى السبب ان البنت اللى بيحبها تضيع منه وتسيبه وعمن وبنتها طمعانين عايزنى وعايزين يكوشوا على كل حاجه وجوازى من بنتها هيقويها اكتى ويثبت وضعها اكتر فى البيت جميل وانت ناوى على ايه عوف ناوى اخد حقى عشان لما اطلب من حفصه ترجع يبقالى عين اطلب منها طلب زى ده هى لسه ما.تعرفش أى حاجة وانا محكتلهاش حاجه لأنها مش مديانى فرصه اتكلم جميل خير كل شيء هينحل قريب ولادك شبهه مين شبهك ولا شبهه امهم عوف طالعين شبهى اتصورت معاهم لما رحت شفتهم جميل ما شاء الله تبارك الله ربنا يحميهم ويحفظهم بقولك ايه حل مشاكلك اوام اوام انا عايز اشيل احفادى في ايدى وعايزهم يعرفوا انى جدهم عوف حاضر يا بابا ادعيلى ربنا يحنن قلبها عليا جميل إن شاء الله وأنا معاك في اى حاجه اثناء حديثهم دخلت عليهم منى منى شفت القاعدة طولت قولت ادخل اشوفكم محتاجين حاجه عوف لا يا عمتى شكرا انا بكلم بابا بخصوصى انا وشهد وبطلبها منه منى بصت لاخوها طبعا يا حبيبي ده يوم المنى لاهى هتلاقى احسن منك ولا انت هتلاقى احسن منها جميل عموما يا عوف انت كبير كفايه وعارف اللى انسبلك وانا مش هلاقى اعز من عمتك وبنتها اللى دايما خايفين على مصلحتك ويهمهم مستقبلك ومش طمعانين فيك وبيضحكوا عليك زى ناس منى بابتسامه انتصار طبعا طبعا ده عوف ابنى انا اللى مربياه ومكانته عندى زى شهد الله يجازى سبب اللى خلاهم يبعدوا عن بعض الفتره اللى فاتت دى كلها عوف عموما يا عمتو ادينا بنتعلم من أخطاء الماضي عشان منكررهاش تانى فى المستقبل جميل طالما انت هتستقر هنا انا هسافر وامسك الشركه بتاعت دبى بقى عشان الشغل هناك مايوقعش لحد ملاقى حد امين امسكهاله عوف اللى تشوفه يا بابا وعن ازنكم محتاج اطلع اريح شويه تانى يوم كالعادة عند حفصه صحيت ورتبت البيت وكلمت مريم طلعت قاعدت معاهم عشان تاخد بالها من نزلت حفصه قابلت جاسم قدامها تجاهلته ومشيت لكن هو وقفها جاسم حفصه حفصه لو سمحت انا لازم اتكلم معاكى حفصه يا ترا صاحبك اللى باعتك المره دى كمان ولا حد تانى جاسم ليكى حق في كل كلمه قولتيها وهتقوليها بس انا محتاج اقعد معاكى نص ساعه بس ووقتها هفهمك كل حفصه انا ولا عايزه اقعد معاكم ولا عايزه اتكلم مع حد عايزاكوا تسيبونى في حالى بقى جاسم طيب اسمعينى ووعد مش هحاول اضايقك تانى حفصه مشيت مع جاسم وراحوا قاعدوا فى كافيه قربب من شغلها جاسم بصى يا حفصه أولا انا آسف على كل اللى حصلك بسببى بس لازم أعرفك الحقيقة وتسمعيها منى ايام الكليه انتى عارفه انى بشتغل معيد حبيت بنت اوى او تقدرى تقولى لقيت بنت مخالفه فاتعلقت بيها وعوف وقتها كان طالب وكان صاحبى فى نفس الوقت لاننا كنا جيران عوف كان يعرف ان البنت دى مش كويسه ورفض انه يقولى عشان مايجرحنيش بس ياريته كان قالى ومكنش خبى عنى حاجه مكنش ده هيبقى الحال المهم البنت دى لما سابتنى حملت الذنب كله لعوف وقررت انى انتقم منه في الانسانه اللى بيحبها وابعده عنها زى ما كنت متخيل انه عمل معايا قبل طبعا ماعرف الحقيقة قربت منه ومن شهد بنت عمته واتفقنا اننا نشككه فيكى ونشكك فيه عوف دايما كان شايف شهد اخته الصغيره وهى استغلت ده وبقت قدامك تدلع عليه بزيادة لحد ما قدرت فعلا تشكك فيه اخد نفس وكمل فاكره اليوم بتاع عيد ميلادى اللى كنت عامله عند عوف اليوم ده كان متدبر فى كل حاجه عوف معزمكيش عشان كان عايز يعملك مفاجأة ويجيلك هو وباباه يخطبوكى واحتا لما هرفنا كده قررنا نلعب لعبتنا يوم عيد ميلادى حطيتله برشام هلاوس على نسبه قليله جدا من المخدر ولما ا… بك. هو مكنش دريان بأى حاجه اصلا كل اللى فاكره لحد دلوقتي ان كان عنده صداع وطلع ينام وصحى تانى يوم انما فعلا هو مكنش فاكر اى حاجه تانى يوم رحت لعوف وقلتله انى شفتك عندى فى المستشفى وانك عايزه تعملى عمليه ترجعى بنت وقتها اټخانق معايا وقالى مستحيل لكن قلتله هخليتك تتاكد فاكره لما صحيتى فى المستشفى وسالتي ايه جابك هنا وقولنالك ضغطك وطى وانتى صدقتى لا وقتها خليت حد يرش مخدر فى وشك ونقلنامى المستشفى ووقتها عوف جاب كذا دكتوره وقالتله انك مش بنت فى الوقت ده عوف انهار وسافر مره واحده ولما هدى ورجع تانى عشان يسألك وفضل يحطلك اعذار ان ممكن يكون حد خطڤك وخوفتى تحكى او حد اغ تصبك رجع لاقاكى بتتجوزى وقتها قولتله ان ممكن يكون الشخص ده اللى انتى حبتيه وغلطتى معاه رجع سافر تانى وكان متدمر وانا كنت مبسوط بمنظره ده و.فاكر ان انا كده انتقمت لنفسى لحد ما جه ولقيته اټهجم عليا وقتها وجهنا بعض بكل حاجه وبعدها عرفت الحقيقة وهو كمان عرف منى الحقيقة انا اسف انتوا الاتنين اتظل.متوا بسببى وانا استاهل اى شئ تعملوا فيا واستحق اللى عوف بيحاول يعملوا فيا عوف دلوقتي بيوقعلى شركاتى وبياخد منى صفقات عشان اخسرها بس انا عازره وسايبه ينت قم منى براحته وجيت عشان اعرفك كل حاجه واسيبلك الخيار ولو حبيتى انتى كمان تن تقمى منى انا مش هدافع عن نفسي حتى لانى استحق اى حاجه تحصل فيا حفصه بدموع وقهره ليه يا جاسم تعمل فيا كده ليه، تعرف انت انتقمت منى انا اكتر منه انا اللى اټدمرت والعيال دى اللى طلعت من غير اب وعايشين مغلوبين على امرنا وبنقضى اليوم بيومه ومبنبقاش عارفين دول ذنبهم ايه طيب انا ذنبى ايه اتعرض لاپشع حاجه على ايد الشخص اللى بحبه واتوصم وصمه عار ليه على حاجه انا ماليش ذنب فيها ذنبى ايه انى ابعد عن اهلى ويتبروا منى عشان اتط.لقت وهما مايعرفوش اصلا سبب جوازى انه كان تصليح غلط امشى يا جاسم انا مش هتتقم منك ولا هعمل حاجه غير انى ادعى عليك حسبى الله ونعم الوكيل وشويه ودخل عوف عليهم وشاف جاسم قاعد وحفصه قاعده قدامه بټعيط عوف قرب من جاسم وضر به بالبونيه ومسكه من الياقه عملتلها ايه وايه اللى وصلك ليها اصلا حفصه سيبه يا عوف سيبه عوف قالك ايه قالك حاجه ضايقتك حفصه لا اهدى وسيبه واقعد بقى خلاص جاسم جه وكان بيحكيلى على اللى عملوا هو وشهد حكالى كل حاجه وعايزنى اسامحه عوف بص لجاسم وضحك بسخريه لا يا راجل ٤ سنين عايشين في عذاب وفى قهر وجاى دلوقتي بمنتهى البساطة تقول سامحيني جاسم واقف مش عارف يرد لان غلطه كان كبير اوى فعلا واتسبب في اذى ليهم عوف كمل كلامه طيب لو انت شايف ان انا ظل.متك وكنت السبب ان حبيبتك تسيبك كنت انتقم منى انا فى شخصى فى نفسى ان شاء الله تمو تنى لكن ليه دخلت واحده مالهاش اى ذنب لعبتك ليه عملت كده ليه تخليها تكهرنى وتفضل تعانى لوحدها وانا جيت كملت عليها انا فاكر انى عايش موجوع ومظلوم لوحدى وعمال افكر واخطط اخد حقى ازاى منها على قهرت قلبى بسببها وفى الاخر تطلع هى اللى مظلومه وانا الظالم انت عارف انا بقيت اكره نفسي ازاى بسببك عارف انا حاولت اعمل فيها ايه قبل ماعرف الحقيقة هى وولادى كنت عايز اعمل فيهم ايه جاسم بص لعوف انا جيت عشان احكيلها الحقيقة كاملة وعرفتها انك انت كمان كان معمول عليك لعبه زيها انا اسف ليكوا انتوا الاتنين مظلومين وانا السبب انا مش هدافع عن نفسي ولا هغلط اى حد فيكوا لانكم مغلطوش واتمنى تدوا نفسكم فرصه تانيه لانكم انتوا الاتنين تعبتوا والبعد وجعكوا وتستاهلوا فرصه تانيه تكملوا بيها حياتكم مع بعض خلص كلامه و سابهم ومشى بعد كده بدون أى كلمه فضل عوف واقف ومش عارف رد فعل حفصه ايه ياترا هتسامحه ولا هتعمل معاه ايه حفصه ممكن تقعدى ونتكلم قاعدت حفصه وهو قعد فى الكرسى اللى قدامها عوف حفصه انا بحب ومنستكيش ولا لحظه واحده وجعى منك ومحاولتى انى انت قم منك ده عشان انا منستكيش ومكنتش عارف انساكى انا كنت موجوع اوى كنت بفضل افكر واسال نفسى ليه عملتى معايا كده بعد كل الحب اللى حبتهولك معرفتش اخرجك من قلبى ولا من عقلى حبك مستحوذ على كل خلية من جسمى حفصه ليه ماقولتليش ومواجهتنيش عوف مكنتش هقولك غير لما اجبلك حقك واجيب حقى من اللى ظل.مونا جاسم انا وقعتله شغله وخسرته كذا صفقه لان دى اكتر حاجه في الوقت الحالي ممكن تدايقه شهد برضو مش هسيبها وهاخد حقك وحقى منها وهدوقها نفس الو جع اللى انا دقته انت مش هقدر اقولك سامحيني لانى مش مسامح نفسى بس ارجوكى يا حفصه ارجوكى ادينى فرصة اعوضك انتى والاولاد حفصه قاعده ساكته ومش عارفه تقول ايه بعد ما عرفت الحقيقة وانها مش لوحدها اللى كانت بتعانى من الفراق بالعكس طول الفترة اللى فاتت ولادها كانوا معاها مهونين عليها تعب الفراق بس قلبها لسه ۏجعها منه بس ترجع تقول لنفسها ان لو كان عوف فى وعيه كان مستحيل ياذيها حفصه بصت لعوف بس انت ماوثقتش فيا بالشكل الكافي يا عوف اتهمتنى انى كنت بغير من شهد فاكر ومره تانيه شكيت انى… عوف ابدا والله أبدا انا كنت هتجنن ازاى تعملى كده وكنت عمال احطلك اعذار ويوم مانزلت وشوفتك بتتجوزى وقتها كنت ھمو.ت ممنش فيا عقل اصلا رغم اللى الدكتوره قالتهولى إلا انى كنت عايز اسمع منك وكنت هصدق اى حاجه هتقوليها حتى لو كانت كدب لكن جوازك حطمنى من جوايا يا حفصه حفصه بص يا عوف انا محتاجه وقت اقدر انسى اللى حصل ومش عايزة ابعدك عن ولادك لانهم محتاجين ليك عوف وانتى يا حفصه مش عايزانى فى حياتك خلاص بطلتى تحبينى حفصه مش عارفه يا عوف مش عارفه صعب انى انسى اللى حصلى كله وارجع اتعامل معاك تانى انا من جوايا حاجه مكسوره مش عارفه ازاى ممكن تتصلح في يوم مافيش حاجه اتك.سرت ممكن ترجع تانى زى الأول عوف لا يا حفصه اوقات الحاجه لما بتتصلح بترجع اقوى وامتن من الاول واوقات شكلها بيبقى احلى كمان سبيلى نفسك انتى والولاد يا حفصه انا قادر انسيكم كل الۏجع اللى شفتوه في غيابى سبينى اداوى نفسى واداويكى معايا انا مش عايزك تعملى اى حاجه مش عايز غير انك تسمحينى وتدينى فرصه تانيه واوعدك مش هخذلك مره تانيه حفصه حاضر يا عوف هديلك فرصه مره تانيه بس المره دى انا مش هقدر اقدم حاجه لأن ماعنديش اى حاجه ممكن اقدمهالك عوف وانا مش عايزك تدى انا عايزك تشوفى حقك وهو بيرجع جاسم اخدت منه كذا صفقه مهمه ولسه مش هسيبه وشهد هتشوفى بعينك ادينى اسبوعين بس اكون نقلت الولاد باسمى بس كل اللى مطلوب منك اننا نكتب الكتاب بتاريخ قديم عشان اقدر انقل الولاد باسمى وانا جهزت ورق عند محامى وكل حاجه جاهزه على امضتك بس حفصه بسرعه كده يا عوف عايزنا نتجوز عوف حفصه فين السرعه دى احنا متاخرين جدا بس وعد منى هعملك حفله وفيها مفاجأة كبيرة عمرك ما.تخيلتيها ولا هتتخيلها انا عايزك تثقى فيا صدقينى عوف الطيب بتاع زمان اللى كان بيثق فى كل الناس مبقاش موجود اللى موجود دلوقتي عوف اللى مش عايز حاجه من الدنيا غيرك انتى وولاده بصى دلوقتي هنطلع الشقه بتاعتك وجيب حاجتك انتى والأولاد وانقلكم شقه تانيه لحد مايجى الوقت المناسب وانقل الاولاد باسمى ووقتها هنرجع نعيش في الفيلا حفصه بس أنا مش عايزه اسيب العماره دى على الاقل دلوقتي عوف خلاص هشوفلك شقه فيها تقعدى فيها واجبلك واحده تساعدك في شغل البيت حفصه حاضر يا عوف خلينا رواك لما نشوف اخرتها عوف مسك ايديها وبا.سها اخرها خير يا حبيبتي خير ولم الشمل مره تانيه اخد عوف حفصه وراحوا عند محامى وكتبوا عقد جواز بتاريخ قديم وراحوا بعد كده لماذون تبع المحامى عشان يقدروا يوثقوا تاريخ الجواز بتاريخ قديم والمحامى قاله انه هيقدر يخلص نقل الاولاد باسمه ف اقرب وقت وصل عوف وحفصه العمارة وطلعوا شقه جلال وفتحلهم الباب واستقبلهم حفصه استاذ جلال حضرتك عارف انى بعتبرك والدى صح جلال عارف يا حفصه ومش بتمنالك غير كل خير عوف انا وحفصه رجعنا لبعض وحكاله كل اللى تم جلال الحمد لله إن الحقيقة كلها ظهرت ليكوا عشان تقدروا ترجعوا حياتكم تانى وتعيشوا اللى ضاع منكم عوف بس انا كنت عايز ااجر شقه لحفصه فى العماره بشكل مؤقت لان م هينفع اسيبها اكتر من كده فوق السطه في الرطوبة جلال تفتكر لو كان فى شقه هنا فى العمارة فاضيه كنت سبت حفصه بولادها فوق عوف وهى رافضه تسيب الشقه فوق يبقى ايه العمل جلال بص لحفصه اسمعى كلام جوزك يا حفصه وانا هكلمك كل يوم واطمن عليكى حفصه طيب والشغل جلال انا هعرف اتصرف ما.تشغليش بالك انتى انا عايزك تفكرى فى حاجة واحدة بس هى حفصه عايزك تفكرى ازاى تسعديها وتريحيها انتى تستحقى كده خلصوا قاعدتهم مع جلال وطلعوا اخدوا الحاجات الضرورية ووعدت حفصه مريم انها هترجعلها تانى عشان تتكلم معاها وصل عوف حفصه البيت الجديد وكلم البواب عشان مراته تطلع كل يوم تساعد حفصه وتجبلها اى حاجه هتحتاجها وكانت الشقه مفروشه وجاهزه من كل شئ وكانت مساحتها كبيره اخد عوف اولاده وحض.نهم ودخلهم غرفه الالعاب بتاعتهم وفضل يلعب معاهم وكلم باباه وخلاه يكلمهم فديو كول وبعت جبلهم اكل جاهز وحلويات واى حاجه يطلبوها كان بيجبهالهم فضل قاعد معاهم لوقت متاخر عوف حفصه انا كان نفسي ابات بس للاسف انا لازم امشى عشان عندى حاجات محتاج اجهزها وهعدى عليكى بكره باذن الله تصبحى على خير وسابها ومشى خرج عوف من عند حفصه وراح على الفيلا كانت شهد ومنى وباباه قاعدين مستنيينه دخل وهو مبسوط وكان بيغنى منى خير يا حبيبى ربنا يبسطك دايما عوف مساء الخير يا عمتو عاملين ايه شهد مساء النور يا حبيبي عديت عليك فى الشغل انهارده عشان نروح سوا ملاقتكش وتليفونك كان مقفول عوف اه كنت بمضى عقد ثفقه جديده والحمد لله كسبتها وبالمناسبة الحلوه دى انا حددت معاد فرحنا كمان اسبوعين شهد ايه ده بجد يا عوف عوف أيوه طبعا ومعاكى كمان ميزانيه مفتوحة بس بشرط هيتعمل هنا فى الفيلا والكروت انا اللى هطبعها بنفسى بس انتى حضريلى لسته بكل المدعوين انا واثق يا شهد فى زوقك انتى وعمتو أنكم هتحضروا احلى واغلى حاجه شهد طيب وولادك غمزلتها منى فى ايديها وجميل وعوف اخدوا بالهم بس عملوا نفسهم مش شايفين عوف بصراحه يا شوشو انا قررت اأجل الموضوع ده شويه خلينى اعيش حياتي الاول وبعدين افكر ارجعهم تانى ويمكن انتى تجبيلى عيال ينسيهوملى منى عين الحق يا حبيبي إن شاء الله شوشو تملالك البيت اطفال جميل عندك حق يا منى بكره عوف يملا البيت عياله إن شاء الله بصراحه يا منى مش عارف إزاى مكنتش واخد بالى من حبك لابنى وليا طول السنين اللى فاتت منى عيب يا جميل ده ابنى ما.تقولش كده جميل عندك حق صحيح يا عوف طالما انت خلاص قررت تتجوزها يفضل الفترة دى تشوف مكان تانى تقعد فيه ماينفعش تفضل معاها فى نفس البيت وانت مش معتبرها اختك منى ايه الكلام ده يا جميل ماهم طول عمرهم عايشين مع بعض جميل عايشين مع بعض زى الاخوات ودلوقتي هما مش بيتعاملوا على الاساس ده فبالتالى عوف يشوف مكان تانى الاسبوعين دول يقعد فيهم عوف بصله وفهم قصده انه بيديله مساحة عشان يروح يقعد مع ولاده عوف كلامك طبعا صح يا بابا انا هشوف فندق اقعد فيه الفترة دى وهما اسبوعين مش كتير تانى يوم وصل عوف الشركه وقابل هادى وتجاهله خالص بس عرف من شهد ان فرحهم كمان اسبوعين حاول كتير انه يتصل بحفصه وأخيرا ردت عليه هادى صباح الخير يا مدام حفصه حفصه صباح النور مين حضرتك هادى انا هادى شريك عوف فى شغله حفصه اه أهلا يا استاذ هادى هادى حس بحرج انه اتصل بيها بس قرر يكمل هادى أبدا كنت حابب اطمن عليكي محتاجه حاجه اننى او الاولاد حفصه لأ شكرا لحضرتك جدا بس باباهم موجود ويجيبلهم اللى محتاجينه هادى قصدك على مين حفصه باباهم عوف هادى عوف الفتره الجايه هيكون مشغول على فرحه من شهد بنت عمته اكيد طبعا مقلكيش حفصه بشك هو اللى قالك كده بنفسه هادى لأ شهد ماشيه تعزم الشركة كلها انتى ما.تعرفيش انها شغاله معانا دلوقتي حفصه وانا هعرف منين عموما انا متشكره لسؤالك وانا مش محتاجه حاجه عن ازنك وقفلت التليفون بقى كده يا عوف بتكدب عليا وهتتجوزها ماشى انا اللى غلطانه انى سمعت كلامك وفضلت تفكر تعمل ايه معاه بعد شويه لقت الباب بيخبط فتحت الباب واتفاجئت قدامها ب جميل والد عوف جميل مساء الخير يا حفصه يا بنتى اقدر ادخل حفصه اه طبعا طبعا اتفضل حضرتك مش غريب جميل ممكن اشوف احفادى بصراحه من ساعه ما عوف حكالى وانا نفسى اشوفهم اوى ومش بشوفهم غير فى الصور ومكالمه فديو انما الحقيقة نفسى اقعد والعب معاهم حفصه بس كده حاضر ودخلت جابتله الاولاد وفضل يلعب معاهم عدى وقت طويل وكان جميل مقضيه مع احفاده ومش حاسس بالوقت وكانت حفصه بتحضر ليهم غدا وكانت واقفه فى المطبخ وبتفكر ياترى عوف ناوى على ايه ولو كان ناوى يتجوز شعد وېغدر بيها تانى اكيد مكنش حكى لباباه حاجه اكيد عوف بيدبر حاجه عشان ياخد بيها حقه بعد فتره وصل عوف واتفاجئ بوالده وهو بيلعب مع اولاده وانبسط اوى ودخل على حفصه المطبخ و حضڼ ها من ضهرها وهى اتخضت حفصه بسم الله الرحمن الرحيم مش تكح تعمل صوت عوف انا اسف بس حبيت افاجئك وحشتينى اوى حفصه انت جعان عوف اهربى اهربى بس ايه ريحه الاكل التحفه دى وليه هانم مش هنا عشان تساعدك حفصه لا هى بصراحه اشترتلى كل اللى قولتلها عليه وانا حبيت انى اقف فى المطبخ براحتى واعمل كل الاكل اللى نفسى فيه بنفسى عوف انا مش عايزك تتعبى حفصه مافيش تعب ولا حاجه والمطبخ كده كده فى كل الادوات الحديثه يعنى الموضوع سهل مش صعب وباباك واخد باله من الاولاد فقلت استغل الوقت بقى وبعدين انت واقف هنا وسايبه لواحده يقول علينا ايه عوف يقول عريس جديد بيسلم على حبيبته حفصه عوف وبعدين بقى عوف مانتى وحشتينى اوى واعملى حسابك هفضل معاكى هنا اسبوعين لحد ما.تزهقى منى وبعد كده هنسافر شهر عسل حفصه الأسبوعين دول اللى بتجهز فيهم لفرحك من شهد عوف وشه قلب وشد حفصه من دراعها جبتى الكلام ده منين حفصه أبدا صحبك المخلص اللى كان بينفذلك كلامك اتصل وقالى عوف وهو متعود بقى يكلمك ولا ايه حفصه لأ دى اول مره عوف . ابن ال …… حفصه عيب لم لسانك ده شويه مايصحش كده عوف ال… تعمليله بلوك ولا اقولك انا هغيرلك التليفون بالخط ده أصلا ولحد ما اغيره اعمليله بلوم انا مش فاهم بيسعى لايه بالظبط حفصه وانت مش هتتجوزها عوف عايزك تثقى فيا يا حفصه وتسيبينى اخدلك حقك عشان استحق فعلا انك تسمحينى حفصه هزت راسها بحاضر طيب يلا بقى عشان اغرف روح خد شاور وغير هدومك على ما اجهز السفره عوف حاضر وسابها وراح يلبس ويستعد غرفت حفصه الاكل وقاعدوا يتغدوا وسط جو مليئ بالحب والالفه بعد الغدا مشى جميل وراح الفيلا عشان محدش يشك فيه وعوف خد حفصه والاولاد وفسحهم وجاب لحفصه تليفون جديد بخط جديد ونقلت عليه كل الارقام المهمه واتصلت بمريم واديتها عنوانها الجديد وطلبت منها تجيلها بكره الصبح عشان تقعد معاها شويه وصلوا البيت ودخل عوف غير هدومه وساعد الاولاد وغيرلهم لبسهم ونام معاهم من التعب ودخلت حفصه غرفتها ونامت على طول لاول مره من غير تفكير او تكون شايله هم بكره تانى يوم الصبح راح عوف الشركه وقابل هادى بس تجاله ومقالوش اى حاجه بخصوص مكالمته مع حفصه عشان مايوصلش لشهد اى حاجه شهد دخلت على عوف المكتب وبدأت تفرجه تجهيزات الحفل والجنينه وهو حط التعديلات اللى عايزها شهد مرتاح فى الفندق اللى انت قاعد فيه عوف اه يعنى اهو وضع مؤقت وكمان هبعت حد يغير السويت بتاعى فى الفيلا وصحيح مش عايزك تدخليه لحد مايخلص عشان عملهولك مفاجأة شهد طيب مش تاخد رأيى عوف وانتى شاكه في زوقى شهد لأ طبعا بس عوف يبقى مافيش بس واسمعى الكلام يا شوشو وما.تتكلميش مع المهندس فى أى حاجة انتى عارفه انى بغير شهد دخل عليها كلام عوف ووافقت على كلامه هادى كان عمال يتصل بحفصه لكن لقاها عملاله بلوك وقرر انه يروح عند بيتها اللى ساكنه فيه وفضل مستنيها عشان تنزل على معاد شغلها لكن للأسف منزلتش قرر انه يغامر ويطلعلها لكن لقى البيت فاضى اتعصب جدا وحس إن عوف ورا اختفائهم وقرر انه يسأل مريم او جلال على مكانها اكيد هما يعرفوا عند مريم كانت قاعده مع حفصه وحفصه حكتلها كل اللى حصل مريم يا يا ابله حفصه ده شكله بيحبك بجد وعلى فكره بقى انا شايفه ان هو كمان مظلوم زيك وهما لعبوها صح عليكوا حفصه انا بحاول انسى عشان اعرف اعيش وكمان عشان اربى ولادى فى مستوى كويس مريم وعشان لسه بتحبيه رغم اللى عمله معاكى حفصه عيب بقى قوليلى عملتى ايه فى موضوع العريس مريم جه هو وامه واتفقوا نتجوز بعد سنه ونص نكون جهزنا نفسنا وهقعد معاها فى الشقه عشان هى عايشه معاه لوحدهم ومالهاش حد غيره بقولك يا ابله حفصه ينفع يعنى لو ينفع استاذ عوف يشوفلى شغلانه عنده فى الشركه حفصه بس كده من عنيا يا مريم ، اعتبريه حصل بس بقولك صحيح عارفه هادى اللى كان صاحب عوف مريم أه فكراه حفصه لو شوفتيه او كلمك اوعى تقوليله اى حاجه عنى ولا انى رجعت لعوف ولا حتى تخليه يعرف مكانى مريم بس كده حاضر يا ابله حفصه استأذن انا بقى عشان متاخرش حفصه خليكى شويه كمان مريم ماينفعش انتى عارفه ابويا بېخاف عليا إزاى حفصه خلاص براحتك وانا لما يجيى عوف هكلمه واكلمك تانى تانى يوم وصل عوف الشركه وقابل هادى اللى كان متعصب وعمال يتخانق مع الموظفين شافوا عوف وفهم سبب عصبيته إنه مش قادر يوصل لحفصه وانها عملتله بلوك وغيرت رقمها بصله بنظره شما.ته عشان هو بص للى مش ليه وسابه ومشى وقرر إن يفض الشراكة اللى بينهم دخل مكتبه وطلب من السكرتيرة تبعت لهادى رفض هادى إنه يروح لعوف قام عوف وراح المكتب عند هادى ودخل يكلمه عوف ايه يا هادى مالك شايفك مش فى المود يعنى هادى عادى يا عوف مالى والا المفروض اقوم ار.قص احنا في شركة مش حاجه تانيه عوف بقولك ايه يا هادى انت مش عايز تستقل بشركة ليك لواحدك هادى انا فعلا فكرت اننا نفض الشړاكه دى وكل واحد ياخد نصيبه عوف خلاص شوف نصيبك كام وانا اديهولك هادى طيب ما.تشوف نصيبك انت كام وانا اديهولك عوف بص يا هادى احنا لما كنا مسافرين انت مكنش عندك اى نيه خالص انك تفتح اى مشاريع في مصر وجيت عشان انا الحيت عليك ايه رايك تاخد نصيبك وبالارباح كمان وتسافر تانى وغير كده انا اللى ليه النسبه الاكبر فكر يا هادى ورد عليا واه صحيح انا عزمك كمان اسبوعين على فرحى هادى مبروك شهد لايقه عليك صراحه بس صحيح حفصه ودتها فين عوف خليك في اللى يخصك وافتكر إن حفصه من البداية تخصنى انا فى منتصف اليوم اتصلت حفصه على عوف عشان تكلمه على مريم عوف الو حفصه السلام عليكم عوف وعليكم السلام عامله ايه يا روحى حفصه الحمد لله عوف انا مش مصدق إنك أخيرا حنيتى واتصلتى بيا حفصه لأ انا مكلماك عشان عايزه منك طلب عوف بس كده اأمرى واللى عايزاه اعتبريه اتنفذ وكفايه انك لما عزتى حاجه كلمتينى حفصه اتحرجت من اسوبه معاها ووشها احمر بقولك يا عوف فاكر مريم بنت منصور البواب اللى كانت بتساعدنى وبتقعد مع الاولاد وانا فى الشغل عوف اه مالها حفصه عايزاك تشفلها شغلانه كويسه بمرتب حلو هى اتخطبت ومحتاجة شغل عشان تجهز نفسها عوف بس كده اعتبريها اتوظفت بس هى مؤهلها ايه حفصه دبلوم تجاره عوف خلاص يا روحى هنزلها فى الفرع القديم بتاعنا فى قسم السكرتاريه حفصه شكرا اوى اخليها تيجى امته عوف تروح بكره وانا هسيبلهم خبر يشغولها على طول بس تاخد ورقها معاها حفصه حاضر عوف بقولك ايه ما.تعمليش غدا انا هجيب غدا جاهز وانا جاى حفصه حاضر توصل بالسلامه قفلت حفصه مع عوف وفضلت قاعده مع نفسها وتراجع مواقف عوف معاها وازاى بيحاول دايما يرضيها وقررت انها تديله فرصه تانيه لانها حطت نفسها مكانه واكيد كان الشك هيدخل قلبها من ناحيته لو سمعت نفس الكلام هنا الاتنين اتلعب عليهم والحمدلله ان ربنا كشف المستور عدا اسبوع وكانت التحضيرات بتاعت الفرح ماشيه على قدم وساق عوف وهادي قرروا انهم يفضوا الشړاكه بينهم وعوف ادى هادى تمن نصيبه بالارباح خلال الأسبوع ده كان هادى بيدور على حفصه ومش قادر يوصلها وقرر انه يراقب مريم لانه عارف انها اكيد عارفه مكان حفصه خصوصا بعد ماعرف انها اشتغل في شركه من شركات عوف خلال الفترة دى كان جاسم مراقب هادى لانه حس بغدر من ناحيته وقرر انه مايعرفش عوف اى حاجه وانه هيتصرف بنفسه طبع عوف الكروت وكانت عبارة عن دعوى محتواها أنه قرر أخيرا يعرف الاعلام على مراته واولاده وأجل توزيع الدعوات ليوم الفرح واللى داخل فقط واسمه مكتوب فى القائمة هو اللى هيستلم الدعوه بعت عوف اشترى فستان ابيض كان نازل ساده مش منفوش وعليه حرملك بطول الفسان عشان يعطيها شكل ملكه واشترى لنفسه بدله ولاولاده عملهم نفس التصميم لكن قرر انه مش هيوريهم الحاجه دى غير يوم الفرح قدر هادى يعرف مكان حفصه بس مقدرش يوصلها لكنه قرر انه يتخلص من عوف خالص لانه السبب انه يرجع مصر ويشوف حفصه ويتعلق بيها وبعد كده قدر يرجعها تانى واستغرب ازاى حفصه سمحته عدى اسبوع تانى كان عوف خلص تجهيزات الجناح بتاعه وعمل غرفه تانيه داخل جناحه لاولاده وملاها لبس ولعب واكد على مهندس الديكور انه يقفل الجناح كويس ومافيش اى حد غيره يشوف ايه اللى بيتم داخل الجناح وخلال الأسبوع الاخير كانت شهد عزمت كل الصحفيين والإعلاميين ورجال الاعمال وكبار رجال البلد وظبطت كل شيء على أكمل وجه جه يوم الفرح وشهد بعتت جابت ميكب ارتيست وجهزت فستان فرح ليها واتصلت على عوف وبلغها انها تفضل فى غرفتها ومتنزلش غير لما يقولها لانه محضرلها مفاجأة كبيرة طبعا شهد ماشكتش فى أى حاجة ولا مامتها لكن منى وشهد استغلوا الميزانية واشتروا اغلى حاجه وافخم حاجه عشان يتباهوا قدام الناس وصل عوف عند حفصه وكان معاه ميكب ارتيست والفستان و.فاجئ حفصه وقالها معاها تلات ساعات تستعد فيها واخد الولاد وخرج وراحوا صالون حلاقه رجالى عمل هو والأولاد نفس التسريحه وبعد كده وصل البيت اخد شازر هو والأولاد ولبس ولبسهم وكان شكلهم ياخد العقل عدى الثلاث ساعات وخرجت حفصه وهى لابسه الفستان وعامله ميكب هادى ورقيق اول ما شافها عوف وقف تنح من جمالها والاولاد جريوا عليها وحض.نوها وقالولها ايه يا ماما الجمال ده حفصه بصت لعوف انا مش فاهمه حاجه ممكن اعرف انت بتعمل ايه بالظبط عوف ما.تستعجليش عايزك بس تثقى فيا وتسمعى كلامى حفصه يا عوف انا بخاف من المفاجآت عوف اوعدك كل المفاجأت الجايه هتحبيها بس اسمعى كلامى خرج عوف من البيت ومن الجهه الاخرى ماسك اولاده ركبهم العربيه فى الكرسى الخلفى وهو وحفصه ركبوا قدام وبعت رساله لشهد انها تنزل نزلت شهد الفرح وكانت لابسه الفستان والناس بيبصولها ومستغربين هى عامله فى نفسها كده ليه لآن الدعوه مش مذكور فيها خالص أن شهد العروسه مذكور فيها انه هيعرفهم على زوجته وأولاده اللى كان متجوزها قبل مايسافر وكان عايز يديهم المساحه انهم يتحركوا بحرية فكان مخبيهم عن الإعلام وصل عوف الفيلا وكان مسك اولاده واول ما دخل الفيلا ابوه راح عنده واخد الاولاد عشان يعرفهم بنفسه على المدعويين هنا بصت شهد پصدمه لعوف وحفصه والدموع بقت فى عنيها ومامتها جريت عليه منى مين جاب البتاعه دى هنا في يوم زى ده عوف تجاهل عمته نهائى وشد حفصه من وسطها وطلع بيها الاستيدج عوف مساء الخير جميعا طبعا انا عازمكم انهارده عشان اعرفكم على اغلى ناس فى حياتى واقرب ناس لقلبى، حفصه مراتى واللى مع بابا دول اولادى، طبعا مش حابب حد يصور عشان نديهم الخصوصيه فى حياتهم انهم يصاحبوا الناس بدون حساسية من هما مين او اولاد مين ويعيشوا طفولتهم وده سبب انى مخبيهم عن الإعلام والصحافة، خلال الفترة اللى فاتت كنت مسافر زى ماكنتوا عرفين لانى كنت بفتح فروع لشركاتنا انا وبابا خارج البلد وداخلها وللاسف الموضوع ده خلانى ااجل نشر خبر زواجى من البنت الوحيده اللى حبتها وام ولادى حاليا ومسك ايديها وبا.سها قدام الكل واعترف اد ايه هو بيحبها والمعزومين كلهم فضلوا يسقفوا جاسم دخل الحفله وهو عمال يدور على هادى وعايز يعرف طريقه عشان هو عرف ان هادى هيحضر الحفله وهو ناوى على شر بص على الاستيدج لقى عوف واقف الاتجاه الامامى للاستيدج لقى هادى واقف ومصوبه على عوف طبعا كان حاسم أسرع ووقف قصاد عوف واخدت الط.لقة مكانه عوف وحفصه والكل وقف واتخضوا من اللى حصل جاسم بصوت واطى قبل مايفقد الوعى الحق هادى يا عوف انا خليتهم مايخرجوش حد قبل انا ماخرج سبنى وروح هاته مش ناويلك على خير لو م ت ابقى سامحنى على اللى عملته اعتقد انك كده اخدت حقك وغمض عينيه حفصه مسكت التليفون وطلبت الاسعاف وزقت عوف تفوقه من الصدمه قام عوف وجرى ورا هادى لقاه بيحاول يهرب وحرس جاسم ماسكي.نه مسكه عوف وضر.به ليه عملت كده ليه هادى انت انانى يا عوف وعايز كل حاجه ليك لواحدك الشركه بعد ما دخلت معاك فيها وكبرناها وبقى ليها اسم خرجتنى منها عشان انت كان نصيبك اكبر وعارف ومتأكد انى مش هعرف اشترى نصيبك البنت اللى انا حبيتها فضلت وراها لحد ما أخدتها بعد ما كنت عايش مرتاح فضلت تزن عليا عشان نرجع هنا وبسببك صفيت كل شغلى بره وجاى تقولى عملت كده ليه عوف البنت دى مراتى مراتى وان اولادى وانا عرفتها وحبيتها قبلك وشركتك اصلا يا هادى كانت واقعه وكده كده كنت هتفلس بس انا مرضيتش احرجك واعرفك انى عارف عشان ما.تحسش انك قليل قدامى بس دى نتيجه انى اد حد اكبر من حجه للأسف نفختك زى البلونه لحد ما فرقعت في وشى بص عوف لحرس جاسم اوعوا تسيبوا غير لما الشرطة تيجى وتاخده وجرى على جاسم كانت الاسعاف وصلت واخدوه وراح معاه هو وحفصه لحد ما دخل غرفه العمليات عند شهد طلعت غرفتها واڼهارت من العياط وبقت ماشيه تكلم نفسها فى الاوضه ومامتها دخلت عليها شهد ليه يا ماما ليه يعمل معايا كده لما هو مش عايزنى ورجع لحفصه ليه سابنى ابنى امال واحلام منى اهدى بس واما يجيى نتكلم معاه ونفهم عمل كده ليه شهد نتكلم فى ايه ده كل الناس عارفين حتى اخوكى ماشفتيش راح ازاى واخد الولاد فى حض.نه وعرفهم على الناس وانا الناس واصحابى بقوا يبصولى بشما.ته وبيتريقوا على لبسى وبيقولولى انا بطلى غيره لبسه فستان فرح ليه انتى مش عارفه ان دى مناسبة مايتلبس فيها لبس زى ده لما تبقى تتجوزى ابقى البسيه بقى انا ابطل غيره ويتقالى كده كأنى واحده عمرها ماحضرت حفلات منى اهدى اهدى بس لحد ما يجيى وانا هيكون ليا كلام معاه يا حبيبتي فى المستشفى فضلوا قاعدين حوالى اربع ساعات لحد ما الدكتور خرج من الغرفه عوف طمنى يا دكتور حاله جاسم ايه الدكتور الحمد لله عدى مرحلة الخطر وهيفضل فى العناية لحد ما يفوق وننقله غرفه عاديه تقدروا تمشوا وتيجوا بكره عوف انا هوصل المدام وهاجى مره تانيه الدكتور صدقنى مالوش داعى هو عدى مرحلة الخط روحوا ولو حصل حاجه انا هكلمك هو دلوقتي تحت تأثير البنج ومش هيفوق غير الصبح واحنا كلنا معاه دكتور جاسم مش بس صاحب المستشفى لأ دى جمايله مغرقانا كلنا اطمن مشى عوف وحفصه ووصلوا الفيلا قابل قدامه عمتو وشهد كانوا قاعدين مستنيينه عوف بابا فين منى نايم فوق مع ولاد الهانم عوف قصدك ولادى يا عمتو ولادى واحفاده منى انت مصدق نفسك دول عيال حرام عوف بعصبيه مفرطه منى اوعى اسمعك تقولى كده مره تانيه ولا بينك وبين نفسك دول ولادى انا وحفصه فاهمه نزل جميل على صوت عوف وهو بيزعق منى انت فاكرنى عب.يطه انت ناسى انا جبتها من جمبك كان شكلها عامل ازاى والله اعلم اللى عملته معاك يمكن تكون عملته مع غيرك جميل احترمى نفسك يا منى واتكلمى عدل التمثيليه الخايبه اللى عملتوها مع جاسر احنا عرفناها كلنا شهد انا معملتش حاجه وما.تفقتش مع حد على حاجه هان عليك هان عليك تعشمنى وتخلينى اطير لسابع سما وانزل بعد كده لسابع ارض ليه يا عوف د أنا حبيتك عوف كدابه كدابه يا شهد انتى طول الوقت كان نفسك تفرقينا بس انا اللى كنت غلطان لما اعتبرتك اختى وكنت باجى على حفصه عشانك وعمرى ماعتبرتك غير اخت بس فعلا انت ما.تستحقيش شهد وانا استحاله هقعد معاها فى نفس المكان مشيها عوف لا يا شوشو مش هى اللى هتمشى انتى اللى هتمشى من هنا احنا كلمنا ابوكى وحكينا له كل حاجه وهو زمانه جاى هياخدك ويسافر تانى الصعيد يعلموكى الادب والخشا عشان انت نقصاهم وانتى بقى يا هههه يا عمتو ياللى بتحبينى هنوديكى فين قول انت يا بابا جميل هتروحى تعيشى في بيتنا القديم اللى فى الحاره وترجعى تانى للحياه اللى كنا فيها وإكراما منى هبعتلك مصروف يكفيكى اكل وشرب ومافيش اى حاجه جبتيها من فلوسى هتاخديها معاكى لأنك لو عملتى كده صدقينى هبلغ عنك واسج.نك ومش هراعى الډم اللى بينا اتفضلي اطلعى وهاتى صندوق المجوهرات والمفاتيح بتاعت العربيه وانتى يا شهد مش مطلوب منك حاجه لان ابوكى هياخدك باللى عليكى كده شهد لأ يا خالو حرام عليك انا أسفه انا غلطانه بس بلاش اروح مع بابا عشان خاطري وصدقنى مش هتحس بوجودى خالص او اروح اعيش مع ماما مكان ماهتعيش بس بلاش بابا ارجوك اثناء حديثها دخل والدها صادق صادق وابوكى لأ ليه حد قالك عليا باكل بنأدمين شهد بقت واقفه متوتره ومش عارفه ترد طلعت شهد وهى مڼهارة من العياط لانها عارفه ان باباها شديد في التعامل ومامتها مقدرتش تستحمل تحكما.ته عشان كده اطل.قت ولجأت لاخوها دخلت غيرت هدومها ولبست لبس محتشم ومشيت مع باباها اما منى طلعت لمت هدومها واخدت الحاجه المهمه والفلوس اللى كانت شايلاها فى الدولاب ونزلت لقت جميل مجهزلها العربيه اللى هتوصلها الحاره وشغل ناس عشان تراقبها طلع عوف وحفصه الجناح بتاعهم دخلت حفصه تطمن على الاولاد ملاقتهمش حفصه عوف الولاد فين عوف سيبك بقى من الاولاد ومن أى حاجة حصلت وخلينا مع بعض شويه وما.تقلقيش الولاد نايمين فى اوضه بابا الجناح ده انا مجهزه لين. حفصه بتوتر طيب انا هدخل اغير عشان انام تصبح على خير عوف شدها من ايديها ما احڼا هنصبح على خير انا وانتى بس مش دلوقتي احنا بس نتعشى ونقعد ما بعض شويه عايزك تنسى أى حاجة حصلت وتسبيلى نفسك خالص الليله دى بتاعتنا انا وانتي وبس انا كنت عامل حسابى على شهر عسل بس للاسف هيتاجل لحد ماطمن على جاسم حفصه لسه هتتكلمو عوف حفصه انا مش عايز اى عتاب ارجوكى يا حبيبتي ومش عايز أى كلام في القديم ولا نفتحه تانى احنا ولاد اللحظه دى اللى جاى كله ملكك اى حاجه تزعلك توجهينى وانا أعمل زيك بلاش نخبى على بعض اى حاجه لان الحاجه الصغيره للاسف بتكبر موافقه يا حبيبتي نبدأ مع بعض من جديد حفصه هزت راسها بموافقة تانى يوم الصبح صحيت حفصه على صوت عالى وهيصه صحت عوف ولبست ونزلت لقت اهلها ابوها وامها واخوها ابوها اول ما شافها أهلا أهلا باللى ماشيه على حل شعرها وكان مالهاش اهل تستاذنهم انها هتتجوز رايحه تتجوزى وتط.لقى بمزاجك عوف اخدها ورا ضهره من انهارده كلامكم معايا احنا متجوزين والناس كلها عارفه لا عملنا حاجه عيب ولا حرام اخو حفصه ويا ترى بقى متجوزها وهى متجوزه علشان تنسب عيال مش ليك ليك عوف لأ العيال دى ولادى وحسام ابن خالتها عارف كده حكلهم عوف المؤامرة اللى حصلت وبعض التفاصيل وطلع حفصه ضحيه عشان محدش يفكر يلومها عوف لما هى بقى اط.لقت من ابن خالتها الوحيد اللى وقف جمبها ولجئتلكم عملتوا فيها ايه ها روحتوا رميتوها وطردتوها فى الشارع ودلوقتي بس افتكرتوها حتى مسالتوش عايشه ولا لأ انما دلوقتي بعد ما مستواها اتغير طبعا كلكم عايزين تجروا عليها بأى شكل عشان ينولكم من الحب جانب بس انسوا انسوا انكم تعرفوها أصلا ابوها وامها حسوا انهم فعلا غلطوا في حقها وراحوا اتاسفولها ومشيوا عوف عنده حق لو مكنتش ظهرت وعرفوا مستواها الجديد مكنوش هيسالوا عليها أصلا طلع عوف وحفصه غرفتهم وكانوا بيغيروا عشان يزوروا جاسم بس حفصه كان باين عليها الزعل عوف انتى زعلتى من كلامى حفصه مهما حصل دول اهلى عوف مش همنعك من زيارتهم يا حفصه ووقت ما.تحسى انهم اتغيروا وقتها تقدرى تعملى اللى انتى عايزاه وتساعديهم زى ما.تحبى فهمانى حفصه انت عندك حق انا كنت محتجاهم جمبى بس صحيح معزمتش ليه جلال ومريم زمانهم زعلوا عوف لا يا ستى جلال فى عمره هيرجع الاسبوع الجاى ومريم كانت معزومه عند حما.تها واهل خطيبها بس ليهم عندى عزومه بعد رجوع جلال بيه من العمره بالسلامه ويلا بقى عشان نلحق نطمن على جاسم وصلوا المستشفى وكان جاسم فاق واتنقل غرفه عاديه دخل عوف وحفصه واطمنوا عليه عوف جاسم كان لازم تشوفني م.يت عشان تسامحنى عوف حقك عليا يا جاسم انت اخويا مش بس صاحبى تعالى ننسى اللى فات ونبدأ تانى انا غلط لما خبيت عندك حقيقة هاجر كان المفروض اقولك ما.تصرفش من دماغى وانت اللى تاخد القرار جاسم خلاص يا عوف مش عايزين عتاب احنا اخوات واللى بينا كتير يخلينا نعدى أى حاجة خلاص كده اهم حاجه انكم رجعتوا لبعض عوف أه يا سيدى أخيرا عقبال ما.تلاقى نصك التانى اللى ياخد قلبك جاسم لا حب تانى لأ انا كده احسن يوم ما.تجوز اتجوز اللى انا وهى تفكيرنا زى بعض إنما الحب والكلام ده خليهولك اثناء حديثهم دخلت عليهم رحيل وكان باين عليها الخضه والخۏف عوف وحفصه بصوا لبعض وابتسموا حفصه واضح كده اننا هنتفرج على مسلسل تركى قريب بس حصرى عوف عندك حق جاسم اصله دماغه شغل وبس مابيحسش باللى بيحبوا عوف بص لرحيل مش تعرفنا يا جاسم من الجميل ده جاسم قلب وشه اسمها رحيل انسه رحيل يا عوف مراتك جمبك ها عوف ضحك حاضر يا سيدى نسيبك ترتاح بقى ادينا اطمنا عليك ندى فرصه لغيرنا كمان يطمن عليك. وسابوه ومشيوا خرج عوف وحفصه وراحوا القسم ادوا اقوالهم وجاسم كمان كان الظابط حقق معاه وهادى اخد جزاءه واتعرض على مصحه نفسيه لانه سبب تعلقه بحفصه لانها شبهه حبيبته اللى ماټت تمت بحمدلله
