نور عصام ٤

سناء والله يا بنتي امك كانت اخت غاليه عندي قوي وكنا نحب بعض بصدق وعمري ما نسيتها ولا لحظه وكتير حكيت لولادي عنها وعن طيبة قلبها

ياسمين فعلا يا نور واحنا كمان حبينا طنط من غير ما نشوفها وكنا دايما نتخيلها من كلام ماما وشوفنا صور كتير ليها بس اتخيلناها ف المواقف اللي ماما حكت عنها

نور اتنهدت وبعدين قالت كل سنه وانتي طيبه يا ياسمين

ياسمين قامت وقعدت علي الارض علشان تكون ف وسط امها ونور ومسكت ايدها وقالت وانتي طيبه يا احلي واجمل اخت ف الدنيا كلها بقلمي نور عصام وطبعا هتيجي

نور حبيبتي لكون صريحه معك اعذريني مش هقدر اجي

ياسمين ليه يانور انا عوزاكي جنبي ومش انا بس كلنا أكيد

نور علشان خاطري لو فعلا بتحبيني خليني علي راحتي

سناء ليه يا نور احنا كلنا بنحبك وعوزينك جنبنا عوزينك تعيشي وسط اهلك وعيلتك دا غير بقا الواد يوسف

نور راحت حضــ,,ـن سناء تاني وبعدين قالت بحبك بس خليني هنا انا حسه اني مكسوره وكل شئ راح مني

سناء ماهو علشان كدا انتي لازم تيجي تعيشي معانا مينفعش تقعدي لوحدك كدا وسط احزانك وطبطبت عليها وقالت حبيبتي قعدتك لوحدك مش حلوه علشان صحتك وكمان احنا مش هنقدر نعيش من غيرك بعد كدا احنا ماصدقنا اتقابلنا كفايانا فراق بقا وكفايه اللي راح

ياسمين كفايه يانور علشان خاطري

نور بحزن قالت طيب بس كام يوم بالله عليكم

سناء ماشي يانور انا مش هضغط عليكي انا اتمني تيجي معايا دلوقتي ومتفارقنيش ابدا بس هسيبك علي راحتك لكن مش كتير بس كام يوم وهاجي اخدك ومش عاوزه اي اعذرار

نور باستها من خدها وقالت ربنا يخليكي ليا حبيبتي وميحرمني منك ابدا

سناء ويخليكي ليا ياقمر

ياسمين خلاص هأجل عيد ميلادي لوقت تيجي

نور لا يا سو اعملي واكيد الايام جايه كتير

ياسمين والله ما هيحصل غير ف وجودك دا حتي الواد يوسف هيفرح قوي

نور خلاص مش جايه

ياسمين قالت يوسف مين هو احنا عندنا حد اسمه يوسف

نور ابتسمت

ياسمين ايوا كدا دا انتي لو عوزاني ا.ه هعملها علشان خاطرك يا قمر انتي هو احنا عندنا كام نور اما يوسف مش مهم في ياسين بداله

نور بعفويه قالت ويهون عليكي

ياسمين فرحت وبعدين قالت بصراحه لأ دا كفايه انو توأمي

نور ربنا يخليكم لبعض

ياسمين ويخليكي لينا وكدا يبقي عدل احنا اتنين وهما اتنين

سناء ربنا يخليكم ليا كلهم ويهديكم ويصلح حالكم ويوفقكم