زهره الربيع

وافراح بقى كانت اتعودت على وجوده جمبها قدر يملا الفراغ اللي ساكن قلبها وبقت تستنى رجوعه على البيت بالعافيه وتنسى تلدنيا كلها معاه

بس طبعا كانت حاسه بندم رهيب لانها كلمت الظابط وعرفته كل حاجه عن معاد التسليم وخايفه ما تقول حاجه لبدر وفي نفس الوقت مش قادره تتحمل طيبته وحنيته اللي بتحسسها بانها ظلمته

وبعد شهر في يوم التسليم كانت قاعده في الاوضه ومتوتره جدا ورايحه جايه برعب انهارده الظابط هيداهم المخازن وهيه لسه مقدرتش تقول لبدر حاجه اخدت نفس عميق وعزمت امرها تقوله اول ما يجي

قطع شرودها لما دخل وفي ايده شنط كتير وقال بحماس ….بصي جبت ايه وياي مش هتصدقي

افراح قالت بحزن…. ما انا عندي كل حاجه يا بدر لزمته ايه تاني

بدر قال بسرعه…. بس ده مش ليكي ده لعمدتنا الصغير وطلع ملابس اطفال جميله جدا

جريت عليهم مسكتهم بفرحه وقالت

…الله بجد ايه ده عسل يا خرابي

بدر قال بابتسامه ….لسه هيبقو عسل لما يلبسهم شوفي ده بحب الون الازرق قوي …جبت ولادي وبناتي علشان اللي يرزق بيه ربنا

افراح ضحكت وقالت ..طب مش لسه بدري ده انا مكملتش التالت

بدرابتسم وقربها ليه وقال…يادوبك نجهز كل حاجه وكلمت نجار هياجي يعمله اوضه زينه و

افراح قاطعتو وقالت بسرعه اوضه ليه انا عيزاه جمبي ميسبنيش غي حض….ني

بدر قربها ليه قوي وسند جبينه على جبينها وقال….. لاه مهو حض…نك مفاضيش..هيبقى فيه ولدك الكبير

افراح ابتسمت وقالت ..الكبير خلاص كبر ينام بعيد

بدر قال بحب….مهما كبر ميكبرش على قربك….مبقاش على البعد يقدر …عشق حلاكي يابت البندر

في مكان تاني عند المخازن. كانو رجالة بدر بينزلو البضاعه بسرعه بس اتصدمو بمداهمة ظباط الشرطه للمكان ونزل الضابط احمد وقال…كلو يرفع ايده…خلصت اللعبه كده

عند افراح ابتسمت بسعاده من كلامو الرقيق وهو قال بابتسامه…مهتقوليش اي كلمه تبلي بيها ريقي…بقولك عشقان ولهان تعبان …يا بت الحقيني قبل ما ابقى زهقان

ضحكت بخفه وقالت….لا متزهقش..انا كمان..

بدر قال بحماس … ها انتي كمان ايه

افراح قالت …انا كمان …ب

قال باستعجال…. ب ايه قولي يا مسهل

افراح قالت بسرعه….انا كمان بحب اللون الازرق بجد تحفه معاك حق

بدر اختفت ابتسامتو وقال…. الازرق اه…صح هو حلو..حلو قوي ثواني بس هخليه احلى

وراح جاب مقص من الدرج واتقدم على الشنطه عايز يقص الطقم وهو متنرفز جدا