خفقات قلبي يأبى النسيان ج 5 الاخير
خفقات قلبي يأبى النسيان ج 5 الاخير
فلهيب عشقهما يدفئهم ولكنة يعمل ايضا عن ابعاد
اى مكروة يقترب اليهم
تحدث فارس بخفوت وهو يتجول برفقتها على ضفاف النهر………
حبيبتى تعرفى انا جبتك باريس لية رغم ان المرة الوحيدة
اللى جيت فيها اتعذبت وانا بدور عليكى
ارخت يارا رأسها على كتفة وقالت…….لية ياحبيبى
انا كنت عايزة اسألك بس اترددت
فارس بنبرة دافئة…..لانى لما شفتك هنا وانتى بتتمشى قدام النهر
وانا خارج م المطعم اتمنيت انى اكون معاكى واضمك بين ايدية
ونتمشى سوا ونفتكر ايام سعيدة قضناها مع بعض
ترقرقت الدموع بعين يارا وهى تتذكر ما مضى وقالت………
انا كمان اتعذبت يافارس ,, تعرف انا كمان وانا هنا بـ باريس
اتمنيتك تكون معايا كنت محتاجالك جدا انك تكون جمبى,,
ويوم ما شفتك و شفتنى وانت خارج من المطعم
اتمنيت اجرى واترمى فـ حضنك وانسى كل اللى حصل
لكن كبريائى وكرامتى منعونى وقررت انى ابعد
رفع فارس رأسها لتلتقى عيناة الذهبية بعيناها الزيتونية كـ كرستالتان براقتان
يكاد بريقهما يخطف الأنفاس ويأسر القلوب
انة بريق الحب والرومانسية الهائم بقلوبهم المتيمة
فتحدث اليها قائلا……..مش هسمحلك انك تقررى قرارات زى دى تانى
مش ممكن تبعدى عنى امو.ت من غيرك
وضعت يارا اناملها على شفتية وقالت بلهفة……
بعد الشر عليك ياحبيبى متقلش كدا تانى يافارس
لثم فارس باطن يدها وقال….ربنا ما يحرمنى منك ياقلب وعقل وروح فارس
ومن ثم اردف مبتسماً……..تحبى تروحى فين دلوقت
صمتت يارا تفكر ولكنها سرعان ما تحدثت بلهفة طفولية قائلة……
ملاهى عايزة اروح الملاهى يافارس وحياتى
تمعنت النظر الية فوجدتة قاطب جبينة فقالت بأستياء طفولى………
اية هتقول علية عاملة بنت صغيرة وهتتريق علية
ضمها فارس وهو يضحك على نبرتها الطفولية وقال……
لاء مش هقول كدا هقول اللى حبيبتى تؤمر بية انا انفذهولها
انفرجت اساريرها وقالت وهى بين احضانة…….حبيبى انت يارب ما اتحرم منك
واقدر اسعدك زى ما دائما بتسعدنى بحبك لية
واردفت بجدية وهى تنظر الية……….هاة نطلب مامى ونخليها
تحضر خالد وتلبسة علشان ناخده معانا
فارس مبتسماً……..وهى اصلا هترضى تسيبة
دى مبتبعدش عنة حتى وهو نايم
ولما جينا نسافر وناخدة معانا زعلت
ضحكت يارا وهى تتذكر ما حدث وقالت…….متفكرنيش
دى لما عرفت اننا مسافرين شهر لـ باريس زعلت وعيطت
