كرامـ,,ــات بدرية بقلم احمد محمود شرقاوي

وسافرت، ومن الوهلة الأولى شوفت استقبال سيء جدا جدا من حمـ,,ــاتي وبناتها، وفهمت إنها كانت شايفاني بعين بعض أهل الصعيد، البنت الاسكندرانية اللي ماشية على حل شعرها ومينفعش تناسب عيلة محافظة من عائلات الصعيد، قولت اتحمل وأحاول أغير فكرتها بس الست كانت بتتغير للأسوأ والأسوأ، شوفت شهر معاهم غريب، مطلوب مني أنضف وأطبخ وأغسل وأساعدهم في شغل المواشي وفوق كل ده مش عاجب، وكانت مستقصداني أنا دونا عن بناتها أو مرات ابنها التاني.

ولما بدأت أشتكي بس أو يظهر مني بعض الضيق بقت بتشـ,ـتم وتمد إيديها ووصلنا مع بعض لنقطة سودة، وابنها وفجأة وبدون أسباب اتحول تماما، وبقا اللي تقول عليه أمه يعمله، مرة يضر*بني، مرة يشت,مني قدامهم، مرة طردني برة البيت طول اليوم، عشت مُهانة بطريقة مشوفتهاش طول عمري.

وفوق كل ده بقيت بشوف كوابيس غريبة عبارة عن راجل ماسك ماية ن*ار وبيحاول يرميها عليا وانا نايمة، وكنت بقوم أصرخ واستغيث بالليل عشان أي حد ينجدني، وحمـ,,ــاتي ما صدقت وطلعت عليا سُمعة إني مجنونة، ببساطة كانت عاوزاه يطل,قني، ويمكن دي الحاجة الوحيدة اللي مكنش بيسمع كلامها فيها.

لحد ما في مرة وانا معاها في المطبخ خبطت طاسة الزيت المغلي وقعتها على رجلي، كانت مقصودة وواضحة أوي، وقتها وعن كمية الألـ,ـم اللي حسيت بيه واللي كان لا يُوصف، جرينا على المستشفى وهي عمالة تقول من غير ما أقصد من غير ما اقصد، بس كانت تقصد عشان تشوهني ويطلقني، رجعت معاهم يومها حاسة بكمية قهر غير طبيعي وفضلت صاحية لحد الفجر، وبعد آذان الفجر كنت حاسة بضيق غير طبيعي، شوفت شكل الجبل البعيد وبدون وعي خرجت ومشيت في البلد وطلعت الجبل وعديته.

قعدت على الرملة أبكي بحرـ,,ــــقة وانا شايفة رجلي متشوهة وملفوفة بالشكل ده، ووسط حرـ,,ــــقتي دي لقيت حد بيطبطب عليا، بصيت بفزع لقيتها واحدة ست لابسة اسود ومغطية وشها، بصتلها بحذر لقتها قال جملة واحدة

(اللي يساعد الناس ما يخاف، واحنا هنساعدك)

بصيت عليها تاني لقتها اتبخرت ولا كأنها كانت موجودة، حسيت برعب غير طبيعي ورجعت بسرعة، وعلى بالليل جه الدكتور يغير على الجـ,ـرح لقاه مش موجود من الأساس، كأني متحرـ,,ــــقتش، كلهم بصوا بذهول وحمـ,,ــاتي قالت (شوفت انها كانت بتمثل علينا)